Maˬkuˆ 7:26 - Akha

²⁶ Zaˬ miˬ zaˬ kʼoeˇ gʼaˬ-aˬ, Suˇliˆ miˇ kʼahˬ Piˇniˇshaˆ meuˬ-ahˇ dehꞈ le-euˬ Heˬlaˬsaˇ tsawˇ jeuˬ lawˇ ciꞈ zaˬ pyeuꞈ-eu meh. Aˬ yawꞈ-euˬ aˬ buˇ laꞈ kʼoeˇ uˇ-eu nehꞈ-ahˇ teh doˆ nehˬ-eu gʼaˇ duˬ, Yeˬsuˇ-ahˇ aˬ yawꞈ shaˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁶ Aqma khoerghaq-aq, Surliv Pirniv mirkhanq-anr daefle-euq Heqlaqsarma mae. Aqyawf, ‘Ngaqbur-euq lafkhoer ur-eu naef-anr taedov naeqlaf-awq’ laer, Yeqsur-anr shar duidui-eu mae.

Maˬkuˆ 7:26 ပူးပေါင်းရင်းမြစ်များ

Iˇsaˬyaˇ 49:12

Gaˇ mahˇ kaˬ gaˇ jawˇ-eu ngaˬ-euˬ tsawˇ haˬ deuˬ oe tehꞈ-a. Laꞈ taˆ paw pyawˬ hawˇ-eu nahˇ ma ga kʼehˬ paw neh maˬ ehˇ, laꞈ oˆ paw Aˬsaˬgʼawˬ meuˬ-ahˇ neh maˬ ehˇ, aˬ yawꞈ maꞈ gʼoꞈ laˇ tehꞈ-a.”

Maꞈtehˬ 15:22

Miˇ kʼahˬ kʼoeˇ kʼahˬ-ahˇ jawˇ-eu Kaˬnaˬ tsawˇ jeuˬ zaˬ miˬ zaˬ tiˬ gʼaˬ aˬ yawꞈ jawˇ gaˇ laˇ-awˇ, “Daˬbiˇ-euˬ Zaˬmaˇ-oˇ, ngaˬ-ahˇ gʼawˬ shaˬ gaˬ nehˬ laꞈ sheˇ. Ngaˬ buˇ-ahˇ nehꞈ uˇ leˇ taˬ-awˇ, uˇ gawˇ laˇ paˬ-ehˇ shaˬ dui dui luꞈ meh” lehˇ guˇ-awˇ ehˇ-eu meh.

Maꞈtehˬ 4:24

Yeˬsuˇ-euˬ gaˇ kawˆ Suˇliˆ miˇ kʼahˬ kʼahˬ lah ni gaˬ doe-iˇ-awˇ, pyaˬ-eu tsawˇ haˬ deuˬ, naˇ gawˇ gʼawˬ mya jeˬ pi luꞈ-eu tsawˇ haˬ deuˬ, nehꞈ uˇ-eu tsawˇ haˬ deuˬ, mawˇ bawˬ seu-eu tsawˇ haˬ deuˬ hawˇ-eu, kuiˇ shiˇ laꞈ shiˇ shiˇ-eu tsawˇ haˬ deuˬ-ahˇ aˬ yawꞈ jawˇ gaˇ sheuˬ uiˬ laꞈ-awˇ, aˬ yawꞈ laˆ taˬ-euˬ meh.

Maˬkuˆ 7:25

Nehꞈ yaw jawꞈ uˇ-eu aˬ buˇ tiˬ buˇ-euˬ aˬ ma tiˬ ma, Yeˬsuˇ kʼoeˇ gaˇ jawˇ-eu gaˇ kawˆ ya gaˬ ngeh, tiˬ poˆ tehꞈ-ehˇ oe-awˇ, aˬ yawꞈ-euˬ aˬ kuiˇ dawˬ peh awˆ byaˆ-euˬ meh.

Maˬkuˆ 7:27

Ehˇ kʼawꞈ, Yeˬsuˇ aˬ yawꞈ-ahˇ ehˇ nehˬ-eu, “Zaˬ deuˬ-ahˇ tiˬ dehˆ jeˬ huˬ bi dzaˬ kaˇ-euˇ. Zaˬ dzaˬ-eu dzaˇ yuˇ-awˇ aˬ kuiˬ-ahˇ dzeh nehˬ-eu maˬ tsaˬ-aˇ.”

Gaˬlaˬtiˆ 3:28

Kʼoeˇ miˇ neh, Yuˇdaˆ tsawˇ haˬ hawˇ-eu Yuˇdaˆ tsawˇ haˬ maˬ ngeuˇ-eu deuˬ maˬ ehˇ, zaˬ kʼaˆ hawˇ-eu buˬ-iˇ-euˬ tsawˇ haˬ maˬ ehˇ, kʼaˬ dzeˇ zaˬ hawˇ-eu zaˬ miˬ zaˬ maˬ ehˇ, tiˬ pawꞈ-iˬ maˬ paˇ beu meh. Aˬ jeˬ miˇ neh ehˇ naˇ, Yeˬsuˇ Ka li laꞈ kʼoeˇ, naw maꞈ dawˬ tawˆ luꞈ tiˬ kawˆ meh.

Gawˇlawˇsehˇ 3:11

Kʼoeˇ miˇ neh, Yuˇdaˆ tsawˇ haˬ maˬ ngeuˇ-eu deuˬ hawˇ-eu Yuˇdaˆ tsawˇ haˬ yaw kaˬ maˬ ehˇ, baˆ kʼoˆ mehˬ dzaˬ yehˬ-euˬ deuˬ hawˇ-eu maˬ yehˬ-euˬ deuˬ yaw kaˬ maˬ ehˇ, yawˬ kʼahˬ yaw miˇ yawˬ-ahˇ-euˬ tsawˇ haˬ deuˬ maˬ ehˇ, zahˇ sahˇ kʼoꞈ maˬ baw-eu tsawˇ haˬ deuˬ maˬ ehˇ, zaˬ kʼaˆ maˬ ehˇ, zaˬ kʼaˆ maˬ ngeuˇ-eu deuˬ maˬ ehˇ, beu gaˇ duˬ tiˬ pawꞈ-iˬ maˬ paˇ jaˆ meh. Dawˬ tawˆ luꞈ Ka li-ahˇ uˬ duˬ duˬ leˇ-awˇ, dawˬ tawˆ luꞈ Ka li laꞈ kʼoeˇ jawˇ-eu meh.