Maˬkuˆ 7:24 - Akha

²⁴ Kʼoeˇ naˇ, Yeˬsuˇ kʼoeˇ gaˇ neh doˆ-iˇ-awˇ, Duˇlu meuˬ dawˬ peh jaˆ-eu miˇ kʼahˬ-ahˇ iˇ gʼeh-euˬ meh. Aˬ yawꞈ nymˇ tiˬ nymˇ-ahˇ uˇ-iˇ-awˇ, aˬ yawꞈ kʼoeˇ gaˇ jawˇ-eu gaˇ kawˆ tsawˇ haˬ tiˬ gʼaˬ-iˬ maˬ bi siˬ mawꞈ-a. Ehˇ kʼawꞈ, aˬ yawꞈ maˬ jawˇ zaꞈ nya-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Khoernar-aq, Yeqsur tur-awr khoergar nae dov-ir-awr, Durlu mirkhanq hawr-eu Sirdoq mirkhanq paw ir-euq mae. Aqyawf, nymr tiq nymr-anr ur-ir-awr, aqyawf khoergar jawr-eu garkawv aqcawq-anr maqbi siqnya mawf-a. Aerkhawf, aqyawf maq jawrzaf nya-a.

Maˬkuˆ 7:24 ပူးပေါင်းရင်းမြစ်များ

Aˇ dahˬ 10:15

Kaˬnaˬ-euˬ aˬ li aˬ yuiꞈ yuiꞈ saˬ gʼaˬ pyeuꞈ-eu Siˇdoˬ hawˇ-eu Heˬtaˆ aˬ nyaꞈ nmˇ-aˬ, aˬ yawꞈ nyaꞈ-euˬ tsawˇ myahˇ kʼaˇ pi luꞈ-eu tsawˇ jeuˬ deuˬ-euˬ aˬ da yaw dzahˇ pyeuꞈ-eu meh.

Aˇ dahˬ 10:19

Kaˬnaˬ tsawˇ jeuˬ heu deuˬ-aˬ, Siˇdoˬ meuˬ-ahˇ neh laꞈ oˆ paw Gaˬzaˬ meuˬ dawˬ peh jaˆ-eu Geˬlawˬ meuˬ-ahˇ keuˆ ni maˬ ehˇ, nahˇ ma doˆ kʼehˬ paw, Sawˇdoˬ meuˬ, Gawˇmawˇlaˆ meuˬ, Aˬdaˬmaˬ meuˬ heu deuˬ hawˇ-eu, Laˬshaˬ meuˬ dawˬ peh jaˆ-eu Zeˬbaiˬ meuˬ-ahˇ keuˆ ni maˬ ehˇ, jawˇ byah jiˇ-euˬ meh.

Aˇ dahˬ 49:13

Zeˬbuˬloˬ-aˬ, iˬ ma laˆ shaˆ dawˬ peh jawˇ tehꞈ-a. Aˬ yawꞈ-euˬ iˬ ma laˆ shaˆ lawˇ deh-aˬ, saˇ baoˬ naˬ duˬ pyeuꞈ laˇ tehꞈ-a. Aˬ yawꞈ jawˇ-eu miˇ kʼahˬ Siˇdoˬ meuˬ-ahˇ keuˆ ni jeˇ laˇ tehꞈ-a.

Iˇsaˬyaˇ 23:12

Siˇdoˬ meuˬ-oˇ, nawˇ laˬ kʼaˬ cehˇ-eu aˇ yamˬ jiˇ le-awˇ, nawˬ-euˬ tsawˇ haˬ deuˬ-ahˇ aˬ cawˬ kʼehˬ tehꞈ-a. Guˇbaˬluˇ iˇ jaw lahˇ-ahˇ cehˆ-iˇ kʼawꞈ, cehˆ dzeuˇ kʼaˇ maˬ za-a.

Iˇsaˬyaˇ 42:2

Aˬ yawꞈ teˇ saˇ yaw kʼaˆ-ehˇ maˬ guˇ ni, gaˇ ma kʼoeˇ taˆ aˬ yawꞈ-euˬ dawˬ maˬ ya gaˬ-a.

Yeˬsaˬgeˬlaˇ 28:2

“Tsawˇ haˬ zaˬ-oˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ, Duˇlu meuˬ-ahˇ uˆ lahˇ luꞈ-eu gʼaˬ-ahˇ ehˇ nehˬ-awˬ. “Nui ma huiˬ-eu mahˇ-eu laꞈ kʼoeˇ, ngaˇ miˬ yehˇ ma lehˇ nawˇ ehˇ-awˇ, Iˬ ma laˆ shaˆ gʼahˇ ceh jaˆ-eu, miˬ yehˇ nuiˇ mahˬ nuiˇ-eu ma lehˇ, nawˇ ehˇ taˬ-euˬ dawˬ jaˆ-eu meh. Miˬ yehˇ loꞈ-ehˇ gahˇ ma duˇ kʼawꞈ, miˬ yehˇ maˬ ngeuˇ-a, tsawˇ haˬ meh.

Maꞈtehˬ 11:21

“Kawˇlaˬseˬ meuˬ-oˇ, nawˇ ya noeˬ shaˬ dui dui tehꞈ-a. Behˬdzeˇdaˬ meuˬ-oˇ, nawˇ jiˇ ya noeˬ shaˬ dui dui tehꞈ-a. Naw nyaꞈ-ahˇ mˇ mehˬ nehˬ-euˬ zahˬ dui dui leˇ paˬ-ehˇ gʼeh-eu gaˇ kʼoeˇ deuˬ, Duˇlu meuˬ hawˇ-eu Siˇdoˬ meuˬ-ahˇ mˇ mehˬ nehˬ-euˬ law nmˇ-aˬ, aˬ yawꞈ maꞈ aˬ myah ba neh iˬ baˇ noeˬ poˆ-awˇ, guˬ daˇ pehˇ zeuˇ mehˬ tsoeˬ dm-awˇ, uˬ duˬ-ahˇ kʼaˬ lehˇ tawˆ daˆ tawˆ daˆ-ehˇ jawˇ-euˬ maˬ siˬ.

Maꞈtehˬ 9:28

Yeˬsuˇ iˇ kahˇ laꞈ kʼoeˇ uˇ leˇ ngeh, myaˆ behꞈ kʼoeˇ nyiˬ gʼaˬ aˬ yawꞈ jawˇ gaˇ laˇ-euˬ meh. “Naw nyaꞈ-ahˇ ngaˇ laˆ taˬ nehˬ nya meh lehˇ naw nyaꞈ jah ma loˇ” lehˇ Yeˬsuˇ naˇ haˬ ngeh, “Sahˬ paˬ-oˇ, nga nyaꞈ jah ma” lehˇ ehˇ-eu meh.

Maˬkuˆ 2:1

Heu myaˆ nah byah laˇ ngeh, Gaˬbeˬneˬoˬ meuˬ-ahˇ Yeˬsuˇ paˇ gʼoꞈ-iˇ-awˇ, aˬ yawꞈ iˇ kahˇ-ahˇ jawˇ luꞈ-eu gaˇ kawˆ gaˬ byah-iˇ-euˬ meh.

Maˬkuˆ 7:23

Maˬ muiˬ maˬ jaˬ-eu heu deuˬ dawˬ tawˆ luꞈ, tsawˇ haˬ-euˬ laꞈ kʼoeˇ neh doˆ laˇ-euˬ jeˬ pyeuꞈ-awˇ, tsawˇ haˬ-ahˇ maˬ muiˬ maˬ shawˇ ni bi pyeuꞈ-iˇ-eu meh.

Maˬkuˆ 7:25

Nehꞈ yaw jawꞈ uˇ-eu aˬ buˇ tiˬ buˇ-euˬ aˬ ma tiˬ ma, Yeˬsuˇ kʼoeˇ gaˇ jawˇ-eu gaˇ kawˆ ya gaˬ ngeh, tiˬ poˆ tehꞈ-ehˇ oe-awˇ, aˬ yawꞈ-euˬ aˬ kuiˇ dawˬ peh awˆ byaˆ-euˬ meh.

Maˬkuˆ 7:31

Kʼoeˇ naˇ, Duˇlu gahˬ kaˬ-ahˇ neh Yeˬsuˇ doˆ-iˇ-awˇ, Siˇdoˬ meuˬ-ahˇ neh Meuˬ tseˇ meuˬ miˇ kʼahˬ lehˇ kuˇ-eu paw iˇ gʼeh-awˇ, Gaˬliˬlehˇ lah-ahˇ iˇ doˆ-euˬ meh.

1 Tiˆmoˇseˬ 5:25

Ehˇ kʼawꞈ, tiˬ paˆ na deuˬ-euˬ iˬ baˇ-aˬ, aˇ nah ba hawˇ-eu siˬ laˇ mawˇ laˇ-eu meh. Kʼoeˇ gaˇ duˇ ni, yaw muiˬ jeˬ mˇ-eu-aˬ, aˬ cawˬ-ahˇ bya cehˆ ni siˬ leˇ mawˇ leˇ-eu meh. Aˬ cawˬ-ahˇ maˬ siˬ maˬ mawˇ leˇ dah-euˬ deuˬ kʼawꞈ, gʼawˬ myahˇ ni maˬ dehˬ kaˬ zaꞈ nya-a.