Maˬkuˆ 7:22 - Akha

²² aˬ cawˬ-euˬ miˬ zaˬ yo zaˬ-ahˇ bahˬ-eu, aˬ cawˬ-euˬ myawˬ-ahˇ mehˇ juiˇ juiˇ-eu, yaw haiˬ jeˬ mˇ-eu, jaˬ myawꞈ myawꞈ-eu, smˇ kʼaˆ kʼaˆ-eu, myaˆ naˆ-eu, ja bu ja doeˇ-eu, nui ma huiˬ-eu mahˇ-eu, aˬ dzawˬ aˇ gah gah-eu, heu loꞈ-ehˇ gʼeh-eu deuˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² smrkhoeq khoeq-eu, aqcawq-euq myawq-anr maerjuir juir-eu, yawcawv jeq mr-eu, jaqmyawf myawf-eu, jawflafni daef-eu, myavnav nav-eu, yaeqbawq saerlu-aer aer-eu, nuima huiq-eu, aqdzawq argan gan-eu,

Maˬkuˆ 7:22 ပူးပေါင်းရင်းမြစ်များ

2 Laˬsaˬbaˬ 32:31

Baˬbuˇloˬ sahˬ paˬ neh tsawˇ haˬ pyehˬ gʼeh leꞈ-awˇ, Yuˇdaˆ miˇ kʼahˬ laꞈ kʼoeˇ tiˬ jawˇ-iˬ maˬ pyeuꞈ laˇ haw-euˬ zahˬ leˇ paˬ-ehˇ gʼeh-eu jeˬ pyeuꞈ laˇ taˬ-euˬ gaˇ bi pyehˆ tseˇ haw le ngeh kʼawꞈ, aˬ yawꞈ-euˬ nui noeˬ bi mˇ-awˇ, aˬ yawꞈ-euˬ nui ma-ahˇ Miˬyehˇ lawˬ haw-euˬ meh.

Jaceuq 10:4

Yaw haiˬdeuˬSahˬpaˬMiˬyehˇ-ahˇ, maˬhaw cawˬni jahˇgʼeh haw-awˇ, Miˬyehˇgaˇdahˇmaˬtsoeˬ-a lehˇ, nui ma laꞈkʼoeˇnoeˬluꞈ-eu meh.

Jaceuq 119:36

Pyuˇ shuiˇ myawˬ gahˬ-ahˇ mehˇ juiˇ juiˇ-eu naˆ maˬ tseˇ, nawˬ-euˬ zahˇ dawˬ kʼoꞈ dawˬ-ahˇ mehˇ juiˇ juiˇ ni, ngaˬ-ahˇ ngehˬ gʼeh nehˬ laꞈ.

Dawqdaq 12:23

Yaw gahˇ deuˬ tsawˇ gahˇ ciˬ zaꞈ-awˇ, dawˇ ga deuˬ lawˇ behˇ baꞈ doˆ-eu meh.

Dawqdaq 22:15

Zaˬ laꞈ kʼoeˇ aˬ dzawˬ aˇ gah nui ma ahˇ-awˇ, daˇ cuiˇ neh mehˬ-awˇ ya teh doˆ-eu meh.

Dawqdaq 23:6

Tsawˇ tsiˇ-euˬ hawˬ jeh-ahˇ hawˬ jawˬ taˬ jawˬ leˇ. Aˬ yawꞈ neh shaˇ dahˇ taˬ-euˬ dzaˇ yaw kuiˇ-ahˇ nui kʼahˇ taˬ jaˆ.

Dawqdaq 24:9

Tsawˇ uˬ-euˬ bawˬ toˆ iˬ baˇ gaˇ kawˆ meh. Aˬ cawˬ-ahˇ maˬ coeˬ maˬ ciˆ ni maˬ dehꞈ nya-eu tsawˇ haˬ-ahˇ tiˬ gʼaˬ-iˬ maˬ haw nahˇ-a. -24-

Dawqdaq 27:22

Aˬ dzawˬ aˇ gah-ahˇ shiˇ taw tehˬ ni diˬ kʼawꞈ, aˬ dzawˬ aˇ gah gah-eu jeˬ maˬ diˬ byoˆ nya-a.

Dawqdaq 28:22

Nui kʼahˇ huiˬ-eu tsawˇ haˬ smˇ muiˬ muiˬ laˇ ni leh jeh dui dui-awˇ, yawˬ ha shaˬ le zahˬ le-eu gaˇ kawˆ-ahˇ maˬ noeˬ mawˇ nya-a.

Dawˬ tsoˆ 7:25

Ehˇ kʼawꞈ, zaˬ siˬ tsawˇ gahˇ poˆ-awˇ dzaw geuꞈ-eu gʼaˇ duˬ, ngaˇ noeˬ tsehˆ taˬ-euˬ ma. Ngaˬ-euˬ nui ma laꞈ kʼoeˇ maˬ noeˬ shaw-euˬ jeˬ shaw laˇ jiˇ-awˇ, aˬ dzawˬ dzawˬ-awˇ aˇ gah gah-eu jeˬ aˇ naˆ ni doeˇ-eu gaˇ kawˆ ciˇ tahˬ teh li nya ni, zaˬ siˬ tsawˇ gahˇ poˆ ma lehˇ ngaˇ noeˬ duˬ taˬ-euˬ ma.

Iˇsaˬyaˇ 59:13

Nawˬ-ahˇ nga maꞈ puiˬ-awˇ byehˇ dzeh yaꞈ-euˬ laꞈ kʼoeˇ, nawˬ-euˬ mehˬ nah maˬ caw teh ni dehꞈ laꞈ-euˬ ma. Aˬ cawˬ-ahˇ nga maꞈ nawˬ dzaˬ kʼaˆ dzaˬ-awˇ, nawˬ-ahˇ nga maꞈ byehˇ dzeh-euˬ ma. Nga maꞈ nui noeˬ noeˬ-euˬ bahˬ-awˇ, nga maꞈ-euˬ dawˬ jaˬ myawꞈ mehˇ shuiˇ tehꞈ ma.

Iˇsaˬyaˇ 59:7

Aˬ myah luꞈ yaw haiˬ jeˬ-ahˇ naw maꞈ shaˇ noeˬ-awˇ, yaw doeˇ maˬ mˇ-ehˇ yawˬ jawˇ maˬ saˇ-a. Tsawˇ muiˬ-ahˇ sehꞈ-eu maˬ nyi naˬ coeˇ-ehˇ, naw maꞈ kʼaˇ iˇ gaˇ yaw cawˆ jeˬ doˆ laˇ-eu meh.

Yeˬlaˬmiˇ 17:9

Tsawˇ haˬ zaˬ-euˬ nui ma aˬ suˇ gʼaˬ siˬ nya ta. Nui ma loꞈ-ehˇ laꞈ gʼoꞈ baw-eu tiˬ jeˬ-iˬ maˬ jaˆ-a. Yaw cawˆ myaˬ-eu miˇ neh maˬ laˆ muiˬ geuꞈ nya-a.

Maꞈtehˬ 20:15

Ngaˬ-euˬ pyuˇ ngaˇ noeˬ-euˬ loꞈ-ehˇ maˬ biꞈ kʼmˬ ta loˇ. Ngaˇ aˬ cawˬ-ahˇ gʼawˬ mya ni biꞈ mawꞈ-eu nui ma ahˇ gaˇ naw maꞈ myaˆ naˆ-eu nya loˇ’ lehˇ ehˇ nehˬ-euˬ meh.

Maꞈtehˬ 6:23

Ehˇ kʼawꞈ, nawˬ-euˬ myaˆ nuiˆ maˬ muiˬ naˇ, nawˬ-euˬ gʼawˇ mawˇ mawˇ lah-ehˇ zahˇ tsui ni jaˆ tehꞈ-a. Kʼoeˇ miˇ neh, nawˬ-euˬ laꞈ kʼoeˇ ahˇ-eu yaw shehꞈ kʼoeˇ zahˇ tsui ni gʼeh naˇ, yaw zahˇ kʼoeˇ aˇ naˆ ni doeˇ nmˇ.

Maˬkuˆ 7:21

Aˬ jeˬ miˇ neh ehˇ naˇ, nui ma laꞈ kʼoeˇ neh doˆ le-euˬ jeˬ-aˬ, maˬ muiˬ maˬ jaˬ-eu jeˬ pyeuꞈ-eu, tahˇ joe joe-eu, tsawˇ haˬ sehꞈ-eu,

Maˬkuˆ 7:23

Maˬ muiˬ maˬ jaˬ-eu heu deuˬ dawˬ tawˆ luꞈ, tsawˇ haˬ-euˬ laꞈ kʼoeˇ neh doˆ laˇ-euˬ jeˬ pyeuꞈ-awˇ, tsawˇ haˬ-ahˇ maˬ muiˬ maˬ shawˇ ni bi pyeuꞈ-iˇ-eu meh.

2 Gawˇliˬtu 10:5

Miˬyehˇ-ahˇ siˬ nya-eu jeˬ-ahˇ kʼaˇ laˆ tsoeˬ-eu nui ma huiˬ-eu mahˇ-eu jeˬ-ahˇ nga maꞈ gʼeu ka-eu ma. Nui noeˬ yawˬ hmˬ na luꞈ-ahˇ nga maꞈ paꞈ cuꞈ-awˇ, Ka li-euˬ ehˇ dawˬ bi naˇ haˬ-eu ma.

Dawˬmehˬ 15:9

Dziˇ dzoˆ ya byehˇ-eu aˇ kʼoꞈ pyeuꞈ-eu shiꞈ kʼoꞈ tiˬ kʼoꞈ keuˆ le-eu dawˬ peh peh laˇ-euˬ miˇ neh, aˬ yawꞈ-ahˇ tiˬ jeˬ paˬ maˬ ngaˬ maˬ paˇ nehˬ mawꞈ-eu nui ma taˬ bi jaˆ. Kʼoeˇ loꞈ-ehˇ gʼeh-eu maˬ tsaˬ maˬ dawˇ-eu nui noeˬ naw maꞈ laꞈ kʼoeˇ taˬ bi ahˇ. Naw maꞈ maˬ ngaˬ maˬ paˇ nehˬ ni jawˇ naˇ, naw maꞈ-euˬ gaˇ kawˆ Sahˬpaˬ Miˬyehˇ-ahˇ aˬ yawꞈ ngoeˇ haw nehˬ-awˇ, naw maꞈ kʼoeˇ taˆ iˬ baˇ jaˆ laˇ tehꞈ-a.

Dawˬmehˬ 28:54

Naw maꞈ laꞈ kʼoeˇ aˬ cawˬ naˆ maˬ tseˇ ya dzaˬ ya dawˇ-awˇ, nahˇ tsaˇ maˬ lawꞈ ni shaˬ jiˇ nahˬ yu ni jawˇ-eu tsawˇ haˬ deuˬ kʼawꞈ, muiˇ-eu deuˬ neh meuˬ-ahˇ jawˬ lahˇ taˬ-euˬ miˇ neh, dzaˬ-eu maˬ jaˆ-ehˇ li laˇ taˬ-awˇ, yawˬ ha-euˬ zaˬ deuˬ-euˬ shaˬ jiˇ ya dzaˬ gaˇ keuˆ tehꞈ-a. Aˬ yawꞈ kʼoeˇ loꞈ-ehˇ dzaˬ ngeh, aˬ yawꞈ-euˬ mehˇ nmˇ-ahˇ maˬ ehˇ, aˬ yawꞈ gaˬ-eu aˬ yawꞈ-euˬ miˬ zaˬ-ahˇ maˬ ehˇ, dzeˇ luꞈ-eu aˬ yawꞈ-euˬ zaˬ deuˬ-ahˇ maˬ ehˇ, maˬ bi dzaˬ mawꞈ gaˇ keuˆ ni tsawˇ tsiˇ tsiˇ tehꞈ-a.

Dawˬmehˬ 28:56

Smˇ muiˬ muiˬ dui dui-eu miˇ neh, tsawˬ dahˬ laꞈ nyiˇ maˬ doˆ-iˇ ni nahˬ jawˆ ni dehꞈ-euˬ zaˬ miˬ zaˬ kʼawꞈ, kʼoeˇ loꞈ-ehˇ ya dzaˬ ya dawˇ gaˇ keuˆ tehꞈ-a. Aˬ yawꞈ jawˇ-eu meuˬ-ahˇ muiˇ-eu deuˬ neh bi jawˬ lahˇ taˬ ngeh, dzaˬ-eu maˬ jaˆ-ehˇ li laˇ-awˇ, dehꞈ le-euˬ tiˬ dehˬ pyeuꞈ-euˬ aˬ yawꞈ-euˬ zaˬ nahˬ hawˇ-eu zaˬ jawˇ cawˬ deuˬ-ahˇ, ciˬ cuˇ ni ya dzaˬ kʼoeˬ gaˇ keuˆ tehꞈ-a. Aˬ yawꞈ gaˬ-eu aˬ yawꞈ-euˬ kʼaˬ dzeˇ zaˬ-ahˇ maˬ ehˇ, aˬ yawꞈ-euˬ zaˬ deuˬ-ahˇ maˬ ehˇ, biꞈ-awˇ maˬ bi dzaˬ peuˬ ni tsawˇ tsiˇ tsiˇ tehꞈ-a.

1 Beˬtuˆluˆ 2:15

Aˬ jeˬ miˇ neh ehˇ naˇ, naw maꞈ neh mˇ-euˬ yaw muiˬ jeˬ baˬ da neh, aˬ dzawˬ aˇ gah deuˬ maˬ siˬ nya-ehˇ ngehˬ luꞈ-eu gaˇ dahˇ maˬ tsoeˬ-eu dawˬ deuˬ ciˬ cuˇ ni bi pyeuꞈ-iˇ-eu gʼaˇ duˬ, Miˬyehˇ mawꞈ-eu meh.

1 Beˬtuˆluˆ 5:5

Kʼoeˇ loꞈ-ehˇ duˇ ni, zaˬ guˬ deuˬ gʼeh tsawˇ mawˬ deuˬ-euˬ ehˇ dawˬ naˇ haˬ-awˬ. Naw maꞈ dawˬ tawˆ luꞈ nui nahˬ nui yu ahˇ-eu laꞈ kʼoeˇ tiˬ gʼaˬ tiˇ gʼaˬ caw ba-awˬ. A jeˬ miˇ neh ehˇ naˇ, “Nui ma huiˬ-eu mahˇ-eu deuˬ-ahˇ Miˬyehˇ muiˇ-awˇ, nui nahˬ nui yu ahˇ-eu deuˬ-ahˇ gʼawˬ shaˬ gaˬ nehˬ-eu meh” lehˇ, Jaˇliꞈ laꞈ kʼoeˇ ehˇ taˬ-euˬ meh.