Maˬkuˆ 7:21 - Akha

²¹ Aˬ jeˬ miˇ neh ehˇ naˇ, nui ma laꞈ kʼoeˇ neh doˆ le-euˬ jeˬ-aˬ, maˬ muiˬ maˬ jaˬ-eu jeˬ pyeuꞈ-eu, tahˇ joe joe-eu, tsawˇ haˬ sehꞈ-eu,

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Aqjeq mirnae aernar-aq, tsawrhaq-euq nuima-euq lafkhoer nae heudeuq dovlar-eu mae, Nuinoeq yawdoer, banq-awr joe-eu, banq-awr muv-eu, tsawrhaq-anr saef-eu,

Maˬkuˆ 7:21 ပူးပေါင်းရင်းမြစ်များ

Aˇ dahˬ 6:5

Miˇ tsaˬ kʼoeˇ taˆ jawˇ-eu tsawˇ haˬ zaˬ yawˬ gʼaˬ na luꞈ, maˬ tsaˬ maˬ dawˇ-eu jeˬ tehꞈ-ehˇ mˇ-awˇ, aˬ myah luꞈ maˬ muiˬ maˬ jaˬ-eu gaˇ kawˆ tehꞈ-ehˇ shaˇ noeˬ luꞈ gaˇ Sahˬpaˬ Miˬyehˇ ya mawˇ-euˬ meh.

Aˇ dahˬ 8:21

Aˬ yawꞈ neh lawˇ nehˬ-euˬ yaw saꞈ kʼoeˇ Sahˬpaˬ Miˬyehˇ-ahˇ saw leˇ ngeh, Sahˬpaˬ Miˬyehˇ nui kʼahˇ shiˇ-awˇ, yawˬ haˇ yawˬ ha heu loꞈ-ehˇ ehˇ-eu meh. “Aˬ kaˇ naˇ, tsawˇ haˬ zaˬ yaw lehˬ jeˬ mˇ-eu baˬ da neh, miˇ tsaˬ-ahˇ yaˬ kʼehˇ yaˬ-awˇ tiˬ jawˇ-iˬ maˬ paˇ kʼehˬ nehˬ ma. Tsawˇ haˬ zaˬ-euˬ nui noeˬ-aˬ, yaw nyiˇ gʼeh ngeh neh maˬ tsaˬ maˬ dawˇ-a lehˇ ngaˇ siˬ nya ma. Heu poˆ loꞈ-ehˇ, kʼaˇ dehꞈ kʼaˇ jawˇ-eu jeˬ-ahˇ ngaˇ tiˬ jawˇ-iˬ maˬ paˇ laˆ cawˆ nehˬ ma.

Yawˇbaˆ 14:4

Tsawˇ haˬ zaˬ loꞈ-ehˇ gʼeh-eu maˬ muiˬ maˬ shawˇ-eu jeˬ laꞈ kʼoeˇ, muiˬ-eu shawˇ-eu jeˬ maˬ doˆ laˇ nya-a.

Yawˇbaˆ 25:4

Miˬyehˇ mehˬ shi yaw tsaˬ yaw dawˇ aˬ geu gʼaˬ jawˇ ta.

Jaceuq 119:36

Pyuˇ shuiˇ myawˬ gahˬ-ahˇ mehˇ juiˇ juiˇ-eu naˆ maˬ tseˇ, nawˬ-euˬ zahˇ dawˬ kʼoꞈ dawˬ-ahˇ mehˇ juiˇ juiˇ ni, ngaˬ-ahˇ ngehˬ gʼeh nehˬ laꞈ.

Jaceuq 14:1

Aˬdzawˬaˇgah nui ma laꞈkʼoeˇ, “Miˬyehˇmaˬjawˇ” lehˇehˇ-eu meh. Aˬyawꞈmaꞈneh dehꞈcawˆjiˇ-awˇ, guˆlaˇpaˬ-ehˇ mˇluꞈ-eu meh. Yaw muiˬtiˬgʼaˬ-iˬ maˬmˇ-a.

Jaceuq 14:3

Dawˬtawˆluꞈ gaˇma bahˬjiˇ-awˇ, tiˬkawˆnaˆni dehꞈcawˆjiˇ-awˇ, yaw muiˬmˇ-eu gʼaˬmaˬjawˇ-a. Tiˬgʼaˬtehꞈ-ehˇkʼawꞈmaˬjawˇ-a.

Jaceuq 53:1

Aˬ dzawˬ deuˬ-euˬ nui ma laꞈ kʼoeˇ, “Miˬyehˇ maˬ jawˇ-a” lehˇ ehˇ luꞈ meh. Aˬ yawꞈ maꞈ dehꞈ bahˬ jiˇ-awˇ, guˆ dui dui paˬ-ehˇ gʼeh-eu jeˬ mˇ luꞈ meh. Yaw tsaˬ yaw dawˇ jeˬ mˇ-eu tiˬ gʼaˬ-iˬ maˬ jawˇ-a.

Jaceuq 53:3

Aˬ yawꞈ maꞈ dawˬ tawˆ luꞈ gaˇ mahˇ dehꞈ kaˬ-awˇ, tiˬ kawˆ loꞈ-ehˇ dehꞈ doeˇ taˬ-euˬ meh. Yaw tsaˬ yaw dawˇ jeˬ mˇ-eu tsawˇ haˬ maˬ jawˇ-a. Tiˬ gʼaˬ-iˬ maˬ jawˇ-a.

Dawqdaq 15:25

Nui ma huiˬ-eu gʼaˬ-euˬ nymˇ-ahˇ Sahˬpaˬ Miˬyehˇ deh pyaˆ kʼawꞈ, miˬ coeˬ miˬ ma-euˬ kʼmˇ cehˇ maˬ laˆ nyi nehˬ-a.

Dawqdaq 4:23

Dehꞈ jeˬ dehꞈ kawˆ nui ma-ahˇ doˆ le-euˬ miˇ neh, nui ma-ahˇ noeˬ-awˇ yaw dehꞈ dehꞈ-awˬ.

Iˇsaˬyaˇ 59:13

Nawˬ-ahˇ nga maꞈ puiˬ-awˇ byehˇ dzeh yaꞈ-euˬ laꞈ kʼoeˇ, nawˬ-euˬ mehˬ nah maˬ caw teh ni dehꞈ laꞈ-euˬ ma. Aˬ cawˬ-ahˇ nga maꞈ nawˬ dzaˬ kʼaˆ dzaˬ-awˇ, nawˬ-ahˇ nga maꞈ byehˇ dzeh-euˬ ma. Nga maꞈ nui noeˬ noeˬ-euˬ bahˬ-awˇ, nga maꞈ-euˬ dawˬ jaˬ myawꞈ mehˇ shuiˇ tehꞈ ma.

Iˇsaˬyaˇ 59:7

Aˬ myah luꞈ yaw haiˬ jeˬ-ahˇ naw maꞈ shaˇ noeˬ-awˇ, yaw doeˇ maˬ mˇ-ehˇ yawˬ jawˇ maˬ saˇ-a. Tsawˇ muiˬ-ahˇ sehꞈ-eu maˬ nyi naˬ coeˇ-ehˇ, naw maꞈ kʼaˇ iˇ gaˇ yaw cawˆ jeˬ doˆ laˇ-eu meh.

Yeˬlaˬmiˇ 16:12

Ehˇ kʼawꞈ, naw maꞈ-aˬ, naw maꞈ-euˬ aˬ poeˬ aˬ bawˇ kʼoeˇ deuˬ naˆ maˬ tseˇ dehꞈ doeˇ-euˬ meh. Naw maꞈ dawˬ tawˆ luꞈ nui ma gʼahˇ dui dui-awˇ, yaw haiˬ jeˬ mˇ-eu laꞈ kʼoeˇ, ngaˬ-euˬ ehˇ dawˬ maˬ naˇ haˬ geuꞈ-a.

Yeˬlaˬmiˇ 17:9

Tsawˇ haˬ zaˬ-euˬ nui ma aˬ suˇ gʼaˬ siˬ nya ta. Nui ma loꞈ-ehˇ laꞈ gʼoꞈ baw-eu tiˬ jeˬ-iˬ maˬ jaˆ-a. Yaw cawˆ myaˬ-eu miˇ neh maˬ laˆ muiˬ geuꞈ nya-a.

Yeˬlaˬmiˇ 4:14

Yeˬluˇsaˬlehˬ meuˬ-oˇ, nawˇ buˬ-iˇ law-iˇ ni, nawˬ-euˬ nui ma laꞈ kʼoeˇ yaw haiˬ jeˬ tsiˬ shawˇ-awˬ. Aˬ myah keuˆ ni yaw haiˬ jeˬ shaˇ noeˬ-eu gʼeh te.

Yeˬsaˬgeˬlaˇ 38:10

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ Gawˇgaˆ-ahˇ heu loꞈ-ehˇ ehˇ-eu meh. “Aˇ nah aˇ yamˬ kʼoeˇ keuˆ le ngeh, yaw haiˬ jeˬ mˇ-eu gʼaˇ duˬ nawˇ shaˇ noeˬ tehꞈ-a.

Maꞈtehˬ 15:19

Aˬ jeˬ miˇ neh ehˇ naˇ, nui ma laꞈ kʼoeˇ neh doˆ laˇ-euˬ jeˬ-aˬ, aˬ cawˬ-ahˇ sehꞈ-eu, aˬ cawˬ-euˬ miˬ zaˬ yo zaˬ-ahˇ bahˬ-eu, heu loꞈ-ehˇ gʼeh-eu maˬ muiˬ maˬ jaˬ-eu nui noeˬ deuˬ hawˇ-eu, tahˇ joe joe-eu, jaˬ myawꞈ myawꞈ-eu, aˬ cawˬ-ahˇ maˬ ngeuˇ-eu jeˬ dehˬ lehꞈ-eu, heu loꞈ-ehˇ gʼeh-eu maˬ tsaˬ maˬ dawˇ-eu nui noeˬ nui loˆ deuˬ meh.

Maꞈtehˬ 9:4

Ehˇ kʼawꞈ, aˬ yawꞈ maꞈ-euˬ nui ma laꞈ kʼoeˇ noeˬ luꞈ-eu jeˬ-ahˇ Yeˬsuˇ siˬ nya-awˇ, heu loꞈ-ehˇ ehˇ nehˬ-euˬ meh. “Aˬ jeˬ miˇ neh naw maꞈ-euˬ nui ma laꞈ kʼoeˇ maˬ muiˬ-eu jeˬ shaˇ noeˬ luꞈ te.

Maˬkuˆ 7:20

Aˬ yawꞈ paˇ ehˇ-eu, “Tsawˇ haˬ laꞈ kʼoeˇ neh doˆ laˇ-euˬ jeˬ-aˬ, tsawˇ haˬ-ahˇ maˬ muiˬ maˬ shawˇ ni bi pyeuꞈ-iˇ nya-eu meh.

Maˬkuˆ 7:22

aˬ cawˬ-euˬ miˬ zaˬ yo zaˬ-ahˇ bahˬ-eu, aˬ cawˬ-euˬ myawˬ-ahˇ mehˇ juiˇ juiˇ-eu, yaw haiˬ jeˬ mˇ-eu, jaˬ myawꞈ myawꞈ-eu, smˇ kʼaˆ kʼaˆ-eu, myaˆ naˆ-eu, ja bu ja doeˇ-eu, nui ma huiˬ-eu mahˇ-eu, aˬ dzawˬ aˇ gah gah-eu, heu loꞈ-ehˇ gʼeh-eu deuˬ meh.

Luˇkaꞈ 16:15

Yeˬsuˇ aˬ yawꞈ maꞈ-ahˇ ehˇ nehˬ-eu, “Naw maꞈ-aˬ, tsawˇ haˬ zaˬ-euˬ mehˬ shi yaw tsaˬ yaw dawˇ jahˇ geuꞈ-eu meh. Ehˇ kʼawꞈ, naw maꞈ-euˬ nui ma-ahˇ Miˬyehˇ siˬ nya meh. Aˬ jeˬ miˇ neh ehˇ naˇ, tsawˇ haˬ zaˬ neh ciˬ poeˬ-euˬ jeˬ-ahˇ Miˬyehˇ nui daˆ daˆ-eu meh.

Gʼaˬkʼehˇ 5:4

Myawˬ gahˬ kʼoeˇ maˬ ahˬ mi naˆ-ehˇ, nawˬ-euˬ maˬ ngeuˇ loˇ. Ahˬ gʼaˬ-awˇ za-euˬ pyuˇ kʼoeˇ kʼawꞈ nawˬ-euˬ maˬ ngeuˇ loˇ. Toˆ-ehˇ ngeuˇ naˇ, teu loꞈ-ehˇ jahˇ-eu gʼaˇ duˬ aˬ joˆ-ehˇ noeˬ doˆ kʼmˬ-eu nya. Nawˇ tsawˇ haˬ zaˬ-ahˇ jaˬ myawꞈ myawꞈ-euˬ maˬ ngeuˇ-a. Miˬyehˇ-ahˇ jaˬ myawꞈ myawꞈ-euˬ meh.”

Gʼaˬkʼehˇ 8:22

Haiˬ dui dui-eu nawˬ-euˬ nui noeˬ teu hmˬ noeˬ paˇ-awˬ. Kʼoeˇ loꞈ-ehˇ noeˬ-eu jeˬ-ahˇ iˬ baˇ pyehˬ nehˬ laꞈ ni, SahˬpaˬMiˬyehˇ-ahˇ guiˬ lahˬ shaˇ-awˬ.

Lormav 7:5

Aˬ jeˬ miˇ neh ehˇ naˇ, aˬ dui shiˬ shaˬ jiˇ-euˬ nui noeˬ dehꞈ luꞈ ngeh, Zahˇ dawˬ kʼoꞈ dawˬ baˬ da neh iˬ baˇ mˇ mawꞈ-eu nui kʼahˇ aˬ duiˬ-euˬ gʼawˇ mawˇ laꞈ kʼoeˇ gaˇ mˇ luꞈ-awˇ, aˬ dui kʼaˇ mˇ kʼaˇ shaˇ-euˬ yawˬ jeˬ na luꞈ shiˇ-eu jeˬ-ahˇ aˇ saˬ saˬ leˇ-eu meh.

Lormav 7:8

Ehˇ kʼawꞈ, zahˇ dawˬ kʼoꞈ dawˬ kʼoeˇ dawˬ jaˆ-eu baˬ da neh, ngaˬ-euˬ nui ma laꞈ kʼoeˇ mehˇ juiˇ juiˇ-eu gʼawˬ mya jeˬ pyeuꞈ doˆ laˇ ni iˬ baˇ ngaˬ-ahˇ kawˆ noeˬ nehˬ laꞈ nya-eu meh.

Gawˇlawˇsehˇ 3:5

Naw maꞈ laꞈ kʼoeˇ gaˇ mˇ luꞈ-eu jeˬ pyeuꞈ-eu, miˇ tsaˬ shiˬ shaˬ jiˇ-ahˇ nui kʼahˇ jaˆ-eu laꞈ kʼoeˇ jawꞈ dui dui-eu kʼaˬ miˬ sheu-eu gʼawˬ mya jeˬ mˇ-eu, yaw haiˬ jeˬ mˇ-eu, nui kʼahˇ huiˬ-eu, heu deuˬ-ahˇ naw maꞈ ya laˆ sehꞈ jiˇ meh. (Nui kʼahˇ huiˬ-eu jeˬ-aˬ, tahˬ pahˬ aˬ ma mawˇ kawˇ-ahˇ uˬ duˬ tahˬ gaˇ duˇ-eu meh.)

Tiˇtuˆ 3:3

Aˬ jeˬ miˇ neh ehˇ naˇ, aˬ dui kʼawꞈ dzeuˇ laˇ ngeh aˬ dzawˬ aˇ gah gah-awˇ, ehˇ dawˬ maˬ naˇ haˬ-euˬ uˬ taꞈ, yaw lehˬ yaw ca jeˬ-ahˇ mˇ-euˬ ma. Shiˬ shaˬ jiˇ-euˬ nui noeˬ nui loˆ hawˇ-eu byawˬ gʼa mo gʼa-eu gʼawˬ mya jeˬ-euˬ zaˬ kʼaˆ geuꞈ dzeuˇ yaꞈ-euˬ ma. Aˬ cawˬ-ahˇ myaˆ naˆ-euˬ uˬ taꞈ, coeˬ-eu ciˆ-eu jeˬ mˇ dzeuˇ yaꞈ-euˬ tsawˇ haˬ deuˬ pyeuꞈ-eu ma. Aˬ cawˬ aˬ dui-ahˇ bye-awˇ, aˬ dui kʼawꞈ aˬ cawˬ-ahˇ bye-euˬ ma.

Yaˬkoˆ 2:4

Kʼoeˇ-aˬ, naw maꞈ yaw kaˬ myaˆ pyawˬ huiˬ nyiˇ tseˇ-awˇ, nui ma maˬ sui maˬ dawˇ-eu laꞈ kʼoeˇ aˬ cawˬ-ahˇ noeˬ doeˇ-eu jeˬ pyeuꞈ-eu meh.