Maˬkuˆ 7:10 - Akha

¹⁰ Moˇseˬ-euˬ zahˇ dawˬ kʼoꞈ dawˬ laꞈ kʼoeˇ, ‘Nawˬ da nawˬ ma-ahˇ yaw zeu ya baw meh’ lehˇ hawˇ-eu, ‘Yawˬ ha-euˬ aˬ da hawˇ-eu aˬ ma-ahˇ yaˬ kʼehˇ yaˬ-eu tsawˇ haˬ-aˬ, sehꞈ gaˇ ya daˬ tehꞈ-a’ lehˇ ehˇ taˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Morseq heulof-aer aertaq-euq mae, ‘Nawqma nawqda-anr yawzeu baw-awq.’ (Di 20:12; Dm 5:16) ‘Yawqha-euq aqma aqda-anr yaqkhaer yaq-eu tsawrhaq-aq, yabi diqsaef-eu mae.’ (Di 21:17; Lb 20:9; Dd 20:20)

Maˬkuˆ 7:10 ပူးပေါင်းရင်းမြစ်များ

Doˆ-iˇ 20:12

“Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ neh nawˬ-ahˇ biꞈ-euˬ miˇ tsaˬ kʼoeˇ taˆ, nawˇ ziˇ baw ni, nawˬ-euˬ aˬ da aˬ ma-ahˇ nawˇ yaw zeu ya baw meh.

Doˆ-iˇ 21:17

“Yawˬ ha-euˬ aˬ ma aˬ da-ahˇ yaˬ kʼehˇ yaˬ-eu tsawˇ haˬ aˬ geu gʼaˬ maˬ kaˬ, sehꞈ nehˬ gaˇ ya daˬ tehꞈ-a.

Dawqdaq 20:20

Aˬ ma aˬ da-ahˇ yaˬ kʼehˇ yaˬ-eu tsawˇ haˬ, zahˇ tsui ni gʼeh ngeh tsiˇ kʼmˬ miˆ-iˇ tehꞈ-a.

Dawqdaq 30:17

Yawˬ ha aˬ da-ahˇ cehꞈ lehꞈ ka niˇ gʼa-awˇ, aˬ ma ma mawˬ-ahˇ maˬ haw nahˇ-eu tsawˇ haˬ-aˬ, jeˬ shiˇ kʼaˬ dzeˇ neh bi dzaˬ-awˇ, dzeˇ ngawˇ neh myaˆ nuiˆ bi keuꞈ doˆ-eu tsaˬ meh.

Uˬ duˬ 20:9

Zahˇ sahˇ kʼoꞈ heu deuˬ-aˬ, Sahˬpaˬ Miˬyehˇ neh biꞈ-euˬ zahˇ sahˇ kʼoꞈ pyeuꞈ-eu meh. Yawˬ ha-euˬ aˬ ma aˬ da-ahˇ yaˬ kʼehˇ yaˬ-eu tsawˇ haˬ-aˬ, sehꞈ nehˬ gaˇ ya daˬ tehꞈ-a. Aˬ yawꞈ-aˬ, yawˬ haˇ yawˬ ha ya shiˇ ni mˇ-eu meh.

Maꞈtehˬ 15:4

‘Nawˬ da nawˬ ma-ahˇ yaw zeu ya baw meh’ lehˇ hawˇ-eu, ‘Yawˬ ha-euˬ aˬ da aˬ ma-ahˇ yaˬ kʼehˇ yaˬ-eu tsawˇ haˬ, sehꞈ gaˇ ya daˬ tehꞈ-a’ lehˇ, Miˬyehˇ neh ehˇ taˬ-euˬ jaˆ-eu meh.

Maˬkuˆ 10:19

Zahˇ dawˬ kʼoꞈ dawˬ heu deuˬ-ahˇ nawˇ siˬ nya meh. ‘Tsawˇ haˬ taˬ sehꞈ. Aˬ cawˬ-euˬ miˬ zaˬ yo zaˬ-ahˇ taˬ bahˬ taˬ muˆ. Smˇ kʼoeˬ taˬ kʼoeˬ. Aˬ cawˬ gaˇ kawˆ maˬ ngeuˇ gaˇ keuˆ ni saˇ kiˇ taˬ kamˬ. Jaˬ myawꞈ taˬ myawꞈ. Yawˬ ha-euˬ aˬ da aˬ ma-ahˇ yaw zeu baw-awˬ’ lehˇ ehˇ taˬ-euˬ meh.”

Dawˬmehˬ 27:16

“ ‘Yawˬ ha-euˬ aˬ da aˬ ma-ahˇ yaw zeu maˬ baw-eu tsawˇ haˬ kʼoeˇ taˆ Miˬyehˇ-euˬ yaˬ kʼehˇ yaˬ-eu jeˬ keuˆ le luꞈ-uˇ’ lehˇ, Leˬbiˇ tsawˇ haˬ deuˬ ya ehˇ meh. “Kʼoeˇ ngeh, tsawˇ haˬ dawˬ tawˆ luꞈ, ‘Aˬ meˬ’ lehˇ ya ehˇ kʼoꞈ meh.

Dawˬmehˬ 5:16

“Nawˇ yaw muiˬ paˬ-ehˇ ya dehꞈ ya jawˇ daˆ leꞈ-eu gʼaˇ duˬ maˬ ehˇ, ngaˇ nawˬ-ahˇ biꞈ-euˬ miˇ kʼahˬ laꞈ kʼoeˇ nawˇ ziˇ baw ni maˬ ehˇ, nawˬ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ nawˬ-ahˇ dawˬ biꞈ taˬ-euˬ loꞈ-ehˇ, nawˬ-euˬ aˬ da aˬ ma-ahˇ nawˇ yaw zeu ya baw meh.