Maˬkuˆ 6:56 - Akha

⁵⁶ Pu doe ni, meuˬ doe ni, yaˇ kʼahˬ yaˇ lahˬ doe ni, Yeˬsuˇ kʼaˇ iˇ kʼaˇ laˇ doˆ gaˇ, lehˆ lehˆ tsmˇ tsawˇ haˬ uiˬ leˇ duˬ-ahˇ, naˇ-eu tsawˇ haˬ baꞈ taˬ-awˇ, Yeˬsuˇ-euˬ pehˇ kʼahˬ pehˇ dahˬ-ahˇ tehꞈ-ehˇ kʼawꞈ bi toeˬ ciˆ laꞈ-eu gʼaˇ duˬ, aˬ yawꞈ maꞈ shaˇ-euˬ meh. Kʼaˇ toeˬ ciˆ-euˬ deuˬ naˇ gawˇ taˬ leˇ jiˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵⁶ Yeqsur khar irkeuv-euq pudeuq-anr, meuqdeuq-anr, yarkhanq yarlawq deuq-anr, aqcawq uiqlar duq-anr, nar-awr gawr-eu tsawrhaq-anr baftaq lar-awr, nar-awr gawr-eu heudeuq, nawq-euq paerkhanq paerdanq-anr taef-aer khawf bi toeqciv-awq laer Yeqsur-anr tanqshar-eu mae. Khoernar-aq, aqyawf-anr khar toeqciv-euq tsawrhaq dawqtawvluf taqler-euq mae.

Maˬkuˆ 6:56 ပူးပေါင်းရင်းမြစ်များ

2 Sahˬpaˬ 13:21

Tiˬ poˆ-aˬ, tsawˇ haˬ baꞈ pahˬ luꞈ ngeh, aˇ muˇ kʼoeˇ tiˬ muˇ laˇ luꞈ gaˇ ya mawˇ-awˇ, tsawˇ shiˇ-ahˇ Eˇliˇshehˇ-euˬ lmˬ bymˇ laꞈ kʼoeˇ baꞈ ahˇ yaꞈ-awˇ, cehˆ jiˇ-euˬ meh. Tsawˇ shiˇ kʼoeˇ Eˇliˇshehˇ-euˬ shaˬ yoeˬ-ahˇ ga tuˆ-euˬ nehˬ-ehˇ, tiˬ poˆ tehꞈ-ehˇ gʼoꞈ dehꞈ laˇ-awˇ, gawˬ yawꞈ yawꞈ laˇ-euˬ meh.

Bawˇtsahˬ 15:37

Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

Maꞈtehˬ 14:36

Aˬ yawꞈ-euˬ pehˇ kʼahˬ pehˇ dahˬ-ahˇ tehꞈ-ehˇ kʼawꞈ bi toeˬ ciˆ laꞈ lehˇ aˬ yawꞈ maꞈ shaˇ-awˇ, kʼaˇ ya toeˬ ciˆ-euˬ deuˬ naˇ gawˇ taˬ leˇ jiˇ-euˬ meh.

Maꞈtehˬ 9:20

Kʼoeˇ ngeh, tseˇ nyiꞈ kʼoꞈ keuˆ ni shiˬ doˆ-eu naˇ gawˇ-ahˇ maˬ tsehˆ leˇ ni ya daˬ luꞈ-eu zaˬ miˬ zaˬ tiˬ gʼaˬ, Yeˬsuˇ-euˬ mehˬ nah miˇ ni caw teh le-awˇ, Yeˬsuˇ-euˬ pehˇ kʼahˬ pehˇ dahˬ-ahˇ toeˬ ciˆ-euˬ meh.

Maˬkuˆ 3:10

Aˬ jeˬ miˇ neh ehˇ naˇ, tsawˇ haˬ gʼawˬ mya ni-ahˇ aˬ yawꞈ naˇ gawˇ laˆ taˬ nehˬ haw-euˬ miˇ neh, naˇ-eu tsawˇ haˬ dawˬ tawˆ luꞈ, aˬ yawꞈ-ahˇ toeˬ ciˆ-eu lehˇ tahˬ tahˬ-ehˇ oe luꞈ-eu meh.

Maˬkuˆ 6:55

Aˬ yawꞈ maꞈ miˇ kʼahˬ kʼoeˇ kʼahˬ coeˬ doe-awˇ, naˇ-eu tsawˇ haˬ deuˬ-ahˇ seuˆ yoꞈ kʼoeˇ taˆ bi yuꞈ-awˇ, Yeˬsuˇ jawˇ meh lehˇ kʼaˇ ya gaˬ gaˇ baꞈ ha laˇ-euˬ meh.

Luˇkaꞈ 22:51

Ehˇ kʼawꞈ, “Gʼaˬ-aˇ. Taˬ paˇ jahˇ” lehˇ Yeˬsuˇ ehˇ-awˇ, na paꞈ-ahˇ toeˬ ciˆ-awˇ laˆ taˬ nehˬ-euˬ meh.

Luˇkaꞈ 6:19

Tsawˇ haˬ aˇ maꞈ dawˬ tawˆ luꞈ, aˬ yawꞈ-ahˇ ya toeˬ tuˆ ni leh jeh-eu meh. Aˬ jeˬ miˇ neh ehˇ naˇ, aˬ yawꞈ-euˬ laꞈ kʼoeˇ baoˬ doˆ le-awˇ, aˬ yawꞈ maꞈ dawˬ tawˆ luꞈ-ahˇ naˇ gawˇ bi taˬ leˇ-eu meh.

Luˇkaꞈ 8:44

Aˬ yawꞈ Yeˬsuˇ-euˬ mehˬ nah miˇ ni caw teh leˇ-awˇ, Yeˬsuˇ-euˬ pehˇ kʼahˬ pehˇ dahˬ-ahˇ toeˬ ciˆ ngeh, aˬ yawꞈ shiˬ doˆ-eu tiˬ poˆ tehꞈ-ehˇ tsiˇ leˇ-euˬ meh.

Gʼaˬkʼehˇ 4:12

Aˬ yawꞈ maˬ ngeuˇ naˇ, aˬ dui-ahˇ ka kʼoꞈ nya-eu tiˬ gʼaˬ-iˬ maˬ jawˇ-a. Aˬ jeˬ miˇ neh ehˇ naˇ, mˬ heu siˬ-euˬ uˬ moˆ aˬ yawꞈ-euˬ tsawˇ myahˇ maˬ ngeuˇ naˇ, aˬ dui-ahˇ ka kʼoꞈ nya ni tsawˇ myahˇ yawˬ myahˇ yawˬ biꞈ taˬ-euˬ maˬ jaˆ-a.”

Gʼaˬkʼehˇ 4:9

aˬ kuiˇ yaw cawˆ heu gʼaˬ-ahˇ mˇ nehˬ-euˬ muiˬ-eu gaˇ hawˇ-eu, aˬ yawꞈ aˬ joˆ-ehˇ taˬ leˇ-euˬ gaˇ kawˆ nga nyaꞈ-ahˇ naˇ haˬ te lehˇ ngeuˇ naˇ,

Gʼaˬkʼehˇ 5:15

Gʼaˬ kʼehˇ deuˬ-euˬ mˇ myawˬ shaˇ kawˆ-ahˇ aˬ cawˬ ya mawˇ ngeh, naˇ-eu gawˇ-eu tsawˇ haˬ deuˬ-ahˇ gaˇ ma-ahˇ baꞈ doˆ leꞈ-awˇ, gawˬ pu hawˇ-eu yuꞈ zaˇ kʼoeˇ taˆ bi jawˇ-awˇ, Beˬtuˆluˆ oe tsehˆ ngeh, aˬ yawꞈ-euˬ gʼawˇ mawˇ-euˬ naˇ shmˇ bi zaw le-eu gʼaˇ duˬ loꞈ luꞈ-eu meh.

Dawˬmehˬ 22:12

“Nawˬ-euˬ mehˬ tsoeˬ-euˬ mehˬ dzaˬ laꞈ coeˇ oeˬ coeˇ luꞈ-ahˇ, dawˬ sheuˇ ya guꞈ tsoꞈ meh.