Maˬkuˆ 6:41 - Akha

⁴¹ Kʼoeˇ naˇ, kaˬ muˇ kʼoeˇ ngaˬ siˬ hawˇ-eu ngaˬ shaˬ kʼoeˇ nyiˬ mawˇ-ahˇ Yeˬsuˇ yuˇ-awˇ, mˬ paw gʼawˇ leuˇ-awˇ Miˬyehˇ-euˬ guiˬ lahˬ-ahˇ ja ceuˬ-euˬ meh. Aˬ yawꞈ kaˬ muˇ ngawˬ pyehˬ-awˇ, gʼaˬ kʼehˇ deuˬ-ahˇ biꞈ nehˬ-awˇ, tsawˇ haˬ aˇ maꞈ-ahˇ bi biˇ nehˬ-euˬ meh. Ngaˬ shaˬ kʼoeˇ nyiˬ mawˇ kʼawꞈ, tsawˇ haˬ dawˬ tawˆ luꞈ-ahˇ aˬ yawꞈ bi biˇ oꞈ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴¹ Yeqsur, kaqmur khoer ngaq siq hawr-eu ngaqshaq khoer nyiq mawr yur-awr, mq paw haw-awr, Miqyaer-euq guiqlanq-anr jaceuq-euq mae. Khoernar-aq, kaqmur ngawqpyaeq-awr, zaqlanr deuq-anr ciqnaeq-awr nae, tsawrhaq armaf mafma deuq-euq maeqshi bi ciqtaq-euq mae. Ngaqshaq khoer nyiq mawr khawf tsawrhaq dawqtawv luf-anr birnaeq-euq mae.

Maˬkuˆ 6:41 ပူးပေါင်းရင်းမြစ်များ

Maꞈtehˬ 14:19

Tsawˇ haˬ aˇ maꞈ-ahˇ, daˬ zawˬ deh kʼoeˇ taˆ nuiˇ-eu gʼaˇ duˬ, Yeˬsuˇ dawˬ biꞈ-euˬ meh. Kʼoeˇ naˇ, kaˬ muˇ kʼoeˇ ngaˬ yaˆ hawˇ-eu ngaˬ shaˬ kʼoeˇ nyiˬ mawˇ aˬ yawꞈ yuˇ-awˇ, mˬ paw gʼawˇ leuˇ-awˇ, Miˬyehˇ-euˬ guiˬ lahˬ-ahˇ ja ceuˬ-euˬ meh. Kʼoeˇ naˇ, kaˬ muˇ kʼoeˇ deuˬ aˬ yawꞈ ngawˬ pyehˬ-awˇ, zaˬ lahˇ deuˬ-ahˇ biꞈ nehˬ-awˇ, tsawˇ haˬ aˇ maꞈ-ahˇ bi biˇ nehˬ-euˬ meh.

Maꞈtehˬ 15:36

Kʼoeˇ naˇ, kaˬ muˇ kʼoeˇ shiꞈ yaˆ hawˇ-eu ngaˬ shaˬ kʼoeˇ deuˬ aˬ yawꞈ yuˇ-awˇ, Miˬyehˇ-euˬ guiˬ lahˬ-ahˇ ja ceuˬ gʼaˬ miˇ tsa, ngawˬ pyehˬ-awˇ, zaˬ lahˇ deuˬ-ahˇ biꞈ-awˇ, tsawˇ haˬ aˇ maꞈ-ahˇ bi biˇ nehˬ-euˬ meh.

Maꞈtehˬ 26:26

Aˬ yawꞈ maꞈ ciꞈ hawˬ dzaˬ luꞈ ngeh, Yeˬsuˇ kaˬ muˇ yuˇ-awˇ, Miˬyehˇ-euˬ guiˬ lahˬ-ahˇ ja ceuˬ-euˬ meh. Kʼoeˇ naˇ, kaˬ muˇ kʼoeˇ ngawˬ pyehˬ-awˇ, “Heu-aˬ, ngaˬ-euˬ gʼawˇ mawˇ ma. Yuˇ-awˇ dzaˬ-awˬ” lehˇ ehˇ-awˇ biˇ nehˬ-euˬ meh.

Maˬkuˆ 14:22

Aˬ yawꞈ maꞈ ciꞈ hawˬ dzaˬ luꞈ ngeh, Yeˬsuˇ kaˬ muˇ yuˇ-awˇ, Miˬyehˇ-euˬ guiˬ lahˬ-ahˇ ja ceuˬ-euˬ meh. Kʼoeˇ naˇ, kaˬ muˇ kʼoeˇ ngawˬ pyehˬ-awˇ, zaˬ lahˇ deuˬ-ahˇ biˇ nehˬ-awˇ ehˇ-eu, “Yuˇ dzaˬ-awˬ. Heu-aˬ, ngaˬ-euˬ gʼawˇ mawˇ ma.”

Maˬkuˆ 6:40

Kʼoeˇ ngeh, tsawˇ haˬ kʼoeˇ deuˬ tiˬ yaˇ gʼaˬ aˇ muˇ, ngaˬ tseˇ gʼaˬ aˇ muˇ lehˇ muˇ muˇ-ehˇ nuiˇ-euˬ meh.

Maˬkuˆ 6:42

Tsawˇ haˬ yawˬ gʼaˬ na luꞈ tiˬ dehˆ ya dzaˬ-euˬ meh.

Maˬkuˆ 7:34

Kʼoeˇ naˇ, Yeˬsuˇ mˬ-ahˇ gʼawˇ leuˇ-awˇ, saꞈ saꞈ ma gʼawˇ ka-eu laꞈ kʼoeˇ, “Iˇ paˬ daˬ” lehˇ ehˇ-eu meh. Dawˬ tsuiꞈ-aˬ, “Pah laˇ-awˬ” lehˇ ehˇ mawꞈ-eu meh.

Maˬkuˆ 8:19

Ngaˇ kaˬ muˇ ngaˬ yaˆ ngawˬ pyehˬ-awˇ tsawˇ haˬ ngaˬ heˇ gʼaˬ-ahˇ bi dzaˬ ngeh, maˬ dzaˬ jiˇ coeˇ-ehˇ dzeˇ laˇ-euˬ deuˬ naw maꞈ gʼoˆ uiˬ-euˬ kʼoeˇ, kʼaˆ puˬ aˇ myaˆ puˬ byah laˇ taˬ.” Aˬ yawꞈ maꞈ ehˇ-eu, “Tseˇ nyiꞈ puꞈ byah laˇ-euˬ meh.”

Luˇkaꞈ 24:30

Aˬ yawꞈ nyaꞈ nehˬ-ehˇ hawˬ jawˬ jawˬ leˇ ngeh, aˬ yawꞈ kaˬ muˇ yuˇ-awˇ dawˬ ngehˬ gʼeh nehˬ-euˬ meh. Kʼoeˇ naˇ, ngawˬ pyehˬ-awˇ aˬ yawꞈ nyaꞈ-ahˇ biˇ nehˬ-euˬ meh.

Luˇkaꞈ 9:16

Kaˬ muˇ kʼoeˇ ngaˬ siˬ hawˇ-eu ngaˬ shaˬ kʼoeˇ nyiˬ mawˇ-ahˇ Yeˬsuˇ yuˇ-awˇ, mˬ paw gʼawˇ leuˇ-awˇ, Miˬyehˇ-euˬ guiˬ lahˬ-ahˇ ja ceuˬ-euˬ meh. Kʼoeˇ naˇ, ngawˬ pyehˬ-awˇ, zaˬ lahˇ deuˬ-ahˇ biꞈ-awˇ, tsawˇ haˬ aˇ maꞈ-ahˇ bi biˇ nehˬ-euˬ meh.

Yoˇhaˬ 11:41

Kʼoeˇ ngeh, aˬ yawꞈ maꞈ kʼaˬ lo ngawˬ dzeh-euˬ meh. Yeˬsuˇ mˬ paw gʼawˇ leuˇ-awˇ ehˇ-eu, “Aˬda-oˇ, ngaˬ-euˬ shaˇ dawˬ-ahˇ nawˇ naˇ haˬ nehˬ laꞈ-eu miˇ neh nawˬ-euˬ guiˬ lahˬ-ahˇ ja ceuˬ-eu ma.

Yoˇhaˬ 17:1

Yeˬsuˇ kʼoeˇ loꞈ-ehˇ ngehˬ gʼaˬ tmˇ gʼaˬ ngeh, mˬ paw gʼawˇ leuˇ-awˇ heu loꞈ-ehˇ ehˇ-eu meh. “Aˬda-oˇ, aˇ yamˬ keuˆ le-euˬ meh. Zaˬ maˇ baˬ da neh nawˬ-euˬ yaw shehꞈ kʼahˬ sehˇ-ahˇ aˬ cawˬ mawˇ nya ni, nawˬ-euˬ Zaˬmaˇ-ahˇ yaw shehꞈ kʼahˬ sehˇ biꞈ laꞈ-awˬ.

Yoˇhaˬ 6:11

Yeˬsuˇ kaˬ muˇ kʼoeˇ yuˇ-awˇ, Miˬyehˇ-euˬ guiˬ lahˬ-ahˇ ja ceuˬ-awˇ, kʼoeˇ gaˇ nuiˇ luꞈ-eu tsawˇ haˬ kʼoeˇ deuˬ-ahˇ bi biˇ nehˬ-euˬ meh. Ngaˬ shaˬ kʼoeˇ kʼawꞈ, kʼoeˇ loꞈ-ehˇ bi biˇ nehˬ-euˬ meh. Tsawˇ haˬ dawˬ tawˆ luꞈ tiˬ dehˆ dzaˬ-euˬ meh.

Yoˇhaˬ 6:23

Ehˇ kʼawꞈ, Sahˬpaˬ Yeˬsuˇ neh Miˬyehˇ-euˬ guiˬ lahˬ-ahˇ ja ceuˬ-awˇ aˬ yawꞈ maꞈ kaˬ muˇ dzaˬ-euˬ jawˇ duˬ kʼoeˇ tsahˇ-euˬ dawˬ peh, Deˬbeˬliˇ meuˬ-ahˇ neh lawˬ tiˬ deuˬ oe-euˬ meh.

Gʼaˬkʼehˇ 27:35

Kʼoeˇ loꞈ-ehˇ ehˇ gʼaˬ naˇ, Pawˇluˆ kaˬ muˇ yuˇ-awˇ, aˬ yawꞈ maꞈ dawˬ tawˆ luꞈ-euˬ mehˬ shi Miˬyehˇ guiˬ lahˬ-ahˇ ja ceuˬ-awˇ, ngawˬ pyehˬ-awˇ dzaˬ-euˬ meh.

Lormav 14:6

Aˇ nah tiˬ nah na-ahˇ lah-eu daw-eu tsawˇ haˬ-aˬ, Sahˬpaˬ Miˬyehˇ-ahˇ taˬ huiˬ-eu laꞈ kʼoeˇ lah-eu daw-eu meh. Yawˬ jeˬ na luꞈ dzaˬ-eu tsawˇ haˬ kʼawꞈ, Sahˬpaˬ Miˬyehˇ-ahˇ taˬ huiˬ-eu laꞈ kʼoeˇ dzaˬ-eu meh. Aˬ jeˬ miˇ neh ehˇ naˇ, aˬ yawꞈ Sahˬpaˬ Miˬyehˇ-euˬ guiˬ lahˬ-ahˇ ja ceuˬ-awˇ dzaˬ-eu meh. Yawˬ jeˬ na luꞈ maˬ dzaˬ-eu tsawˇ haˬ kʼawꞈ, Sahˬpaˬ Miˬyehˇ-ahˇ taˬ huiˬ-eu miˇ neh maˬ dzaˬ-eu meh. Kʼoeˇ-euˬ gʼaˇ duˬ Sahˬpaˬ miˬyehˇ-euˬ guiˬ lahˬ-ahˇ aˬ yawꞈ ja ceuˬ-eu meh.

1 Gawˇliˬtu 10:31

Kʼoeˇ miˇ neh, dzaˬ-eu maˬ ehˇ, dawˇ-eu maˬ ehˇ, kʼaˇ mˇ kʼaˇ shaˇ-eu yawˬ jeˬ na luꞈ Miˬyehˇ-euˬ yaw shehꞈ kʼahˬ sehˇ doˆ laˇ ni mˇ-awˬ.

Dawˬmehˬ 8:10

Naw maꞈ kʼaˇ dzaˬ mawꞈ-eu jeˬ ya dzaˬ dehˆ-awˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh biꞈ laꞈ-euˬ miˇ kʼahˬ kʼoeˇ kʼahˬ ba da neh, aˬ yawꞈ-euˬ guiˬ lahˬ-ahˇ naw maꞈ ja ceuˬ ja ceuˬ-ehˇ jawˇ tehꞈ-a.

Gawˇlawˇsehˇ 3:17

Naw maꞈ kʼaˇ mˇ kʼaˇ shaˇ kʼaˇ ngehˬ kʼaˇ tmˇ-eu jeˬ laꞈ kʼoeˇ, Sahˬ paˬ Yeˬsuˇ-euˬ tsawˇ myahˇ uˬ moˆ Aˬ da Miˬyehˇ-euˬ guiˬ lahˬ-ahˇ ja ceuˬ ja ceuˬ-ehˇ mˇ-awˬ.

1 Saˬmeuˬlaˆ 9:13

Naw nyaꞈ meuˬ-ahˇ le uˇ ngeh, gawˬ duˇ-ahˇ laˆ dawˆ taˬ-euˬ dzaˬ byawˇ dzaˬ leˇ-eu lehˇ aˬ yawꞈ maˬ le mi naˆ-ehˇ, aˬ yawꞈ-ahˇ ya mawˇ tehꞈ-a. Aˬ yawꞈ maˬ le keuˆ kʼoeˇ keuˆ ni, tiˬ gʼaˬ-iˬ maˬ dzaˬ maˬ dawˇ ni dawˬ luꞈ tehꞈ-a. Aˬ jeˬ miˇ neh ehˇ naˇ, lawˇ-eu shehˇ-eu jeˬ-ahˇ aˬ yawꞈ dawˬ ngehˬ ya gʼeh nehˬ-eu meh. Kʼoeˇ sawˇ miˇ tsa hawˇ-eu, kuˇ taˬ-euˬ tsawˇ haˬ deuˬ dzaˬ dahˬ dawˇ dahˬ beh-eu meh. Nymˬ-mˇ yaw kawˇ-ehˇ le gʼeh leꞈ-awˬ. Naw nyaꞈ aˬ yawꞈ-ahˇ ja pyuˬ ni ya tahˬ puˬ tehꞈ-a.”