Maˬkuˆ 6:34 - Akha

³⁴ Yeˬsuˇ lawˬ laꞈ nyiˇ doˆ le-awˇ, tsawˇ haˬ aˇ maꞈ maꞈ ma-ahˇ ya mawˇ ngeh, gʼawˬ shaˬ haw gaˬ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ-aˬ, yawˇ bo-eu gʼaˬ maˬ jawˇ-eu yawˇ yawˇ maꞈ-ahˇ duˇ-eu meh. Kʼoeˇ ngeh, aˬ yawꞈ maꞈ-ahˇ gʼawˬ mya jeˬ mehˬ nehˬ tsoˆ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁴ Yeqsur, lawq-anr nae dovle ngae, tsawrhaq armaf mafma-anr ya’mawr-awr aqyawf maf-anr ghawqshaq gaq-eu mae. Aqjeq mirnae aernar-aq, aqyawf maf-aq, bo-eu ghaq maqjawr-eu yawr lof-aer dur-eu mae. Khoermirnae, Yeqsur, danqbae-awr aqyawf maf-anr garkawv ghawqmya jeq maeqnaeq tsovnaeq-euq mae.

Maˬkuˆ 6:34 ပူးပေါင်းရင်းမြစ်များ

1 Sahˬpaˬ 22:17

Miˇkaˬyaˇ ehˇ-eu, “Yawˇ bo-eu yaw sahˇ maˬ baw-eu yawˇ yawˇ maꞈ loꞈ-ehˇ, Iˇsaˬleˬlaˆ yehˇ deuˬ gawˬ jawˬ gawˬ duˇ doe ni cehˆ byaˆ taˬ-euˬ ngaˬ-ahˇ mawˇ laˇ miˇ-a. Kʼoeˇ ngeh jawˇ, ‘Tsawˇ haˬ heu deuˬ-ahˇ aˬ yuiꞈ geuꞈ-awˇ sheuˬ gʼeh nehˬ-eu gʼaˬ maˬ jawˇ-a. Aˬ yawꞈ maꞈ-ahˇ ciˬ cuˇ ni bi gʼoꞈ-iˇ-awˬ’ lehˇ Sahˬpaˬ Miˬyehˇ ehˇ-eu meh.”

2 Laˬsaˬbaˬ 18:16

Miˇkaˬyaˇ ehˇ-eu, “Yawˇ bo-eu yaw sahˇ maˬ baw-eu yawˇ deuˬ loꞈ-ehˇ, Iˇsaˬleˬlaˆ yehˇ deuˬ gawˬ jawˬ gawˬ duˇ doe ni cehˆ byaˆ taˬ-euˬ ngaˬ-ahˇ mawˇ le-euˬ meh. Kʼoeˇ ngeh, Sahˬpaˬ Miˬyehˇ ehˇ-eu, ‘Tsawˇ haˬ heu deuˬ-aˬ, aˬ yuiꞈ geuꞈ-awˇ sheuˬ gʼeh nehˬ-euˬ gʼaˬ, maˬ jawˇ-a. Aˬ yawꞈ maꞈ-ahˇ coꞈ ngehˇ ni bi gʼoꞈ-iˇ-awˬ’ lehˇ ehˇ-eu meh.”

Iˇsaˬyaˇ 13:14

“Baˬbuˇloˬ miˇ kʼahˬ-ahˇ jawˇ-eu aˬ cawˬ tsawˇ jeuˬ deuˬ, ciˇ haˬ beuˆ lehˬ-awˇ bi cehˆ-euˬ loꞈ-ehˇ, bo-eu gʼaˬ maˬ jawˇ-ehˇ cehˆ-eu yawˇ maꞈ loꞈ-ehˇ, yawˬ ha miˇ kʼahˬ kʼaˇ jaˆ-eu paw cehˆ gʼoꞈ tehꞈ-a.

Yeˬlaˬmiˇ 50:6

“Ngaˬ-euˬ tsawˇ haˬ deuˬ-aˬ, yawˇ bo-eu deuˬ neh gawˬ jawˬ gawˬ duˇ doe ni bi byoˆ-iˇ-euˬ yawˇ deuˬ-ahˇ duˇ-eu meh. Gawˬ jawˬ tiˬ jawˬ saˇ-iˬ ti jawˬ iˇ kaˬ gʼeh-awˇ, iˇ kahˇ-ahˇ maˬ gʼoꞈ doˆ laˇ nya-a.

Yeˬsaˬgeˬlaˇ 34:5

Yawˇ bo-eu yaw sahˇ maˬ jawˇ-eu miˇ neh, tiˬ paw tiˬ mawˇ iˇ byoˆ-awˇ, bawˇ tsahˬ jeˬ zaˬ neh bi kawꞈ sehꞈ dzaˬ-euˬ meh.

Zaˬkaˬliˇ 10:2

Tahˬ pahˬ, shaˆ ma, nyiˇ paˬ deuˬ-ahˇ, tsawˇ haˬ zaˬ jah-awˇ gʼoe-euˬ kʼawꞈ, kʼaˇ ehˇ kʼaˇ jeˬ yaw lehˬ tehꞈ meh. Yuꞈmaˆ dawˬ tsuiꞈ yuˇ doˆ-eu deuˬ, jaˬ myawꞈ myawꞈ-euˬ loꞈ-ehˇ pyeuꞈ-awˇ, tiˬ jeˬ-iˬ gaˇ dahˇ maˬ tsoeˬ-a. Kʼoeˇ miˇ neh miˇ kʼahˬ zaˬ kʼoeˇ deuˬ, byoˆ-iˇ-euˬ yawˇ yawˇ maꞈ loꞈ-ehˇ, sheuˬ gʼeh nehˬ-eu gʼaˬ maˬ jawˇ ni, cah cah-ehˇ shaˬ gaˇ duˇ-eu meh.

Bawˇtsahˬ 27:17

Nawˬ-euˬ tsawˇ haˬ aˇ maꞈ aˇ muˇ deuˬ, yawˇ bo-eu yaw sahˇ maˬ baw-eu yawˇ yawˇ maꞈ loꞈ-ehˇ maˬ ya pyeuꞈ-iˇ-eu gʼaˇ duˬ, guiˇ deuˆ ngeh aˬ yawꞈ maꞈ-ahˇ dawˬ biꞈ nya-eu tsawˇ haˬ-ahˇ tseˇ-awˬ.”

Maꞈtehˬ 14:14

Yeˬsuˇ lawˬ laꞈ kʼoeˇ neh doˆ laˇ-awˇ, tsawˇ haˬ aˇ maꞈ maꞈ ma-ahˇ ya mawˇ ngeh, aˬ yawꞈ maꞈ-ahˇ gʼawˬ shaˬ haw gaˬ dui dui-awˇ, naˇ-eu tsawˇ haˬ deuˬ-ahˇ laˆ taˬ nehˬ-euˬ meh.

Maꞈtehˬ 15:32

Yeˬsuˇ aˬ yawꞈ-euˬ zaˬ lahˇ deuˬ-ahˇ kuˇ uiˬ-awˇ, heu loꞈ-ehˇ ehˇ nehˬ-euˬ meh. “Tsawˇ haˬ heu deuˬ-ahˇ ngaˇ gʼawˬ shaˬ gaˬ miˇ-a. Aˬ yawꞈ maꞈ ngaˬ nehˬ-ehˇ jawˇ luꞈ-eu smˬ nah byah laˇ-awˇ, aˬ yawꞈ maꞈ dzaˬ-eu tiˬ jeˬ-iˬ maˬ paˇ jaˆ meh. Aˬ yawꞈ maꞈ-ahˇ tiˬ jeˬ-iˬ maˬ dzaˬ-ehˇ maˬ bi gʼoꞈ-iˇ mawꞈ nya. Gaˇ pehˇ-ahˇ gʼaˬ juˬ dui dui-iˇ gaˇ kʼahˬ laˇ nya.”

Maꞈtehˬ 9:36

Tsawˇ haˬ aˇ maꞈ-ahˇ aˬ yawꞈ ya mawˇ ngeh, gʼawˬ shaˬ haw gaˬ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ-aˬ, yawˇ bo-eu yaw sahˇ maˬ baw-eu yawˇ deuˬ loꞈ-ehˇ, guˆ-awˇ gʼaˬ baˬ luꞈ-eu meh.

Maˬkuˆ 6:33

Aˬ yawꞈ maꞈ doˇ-iˇ luꞈ gaˇ tsawˇ haˬ gʼawˬ mya ni mawˇ-awˇ, aˬ yawꞈ maꞈ-ahˇ haw siˬ-euˬ meh. Kʼoeˇ miˇ neh, meuˬ yawˬ meuˬ na luꞈ-ahˇ jawˇ-eu tsawˇ haˬ deuˬ, aˬ yawꞈ maꞈ-euˬ mehˬ hu dahˇ taˆ paw neh cehˆ-awˇ, Yeˬsuˇ hawˇ-eu gʼaˬ kʼehˇ deuˬ-euˬ jeˬ hu cehˆ keuˆ-awˇ jawˇ-eu meh.

Maˬkuˆ 6:35

Uˬ ciꞈ uˬ taw taw le ngeh, gʼaˬ kʼehˇ deuˬ aˬ yawꞈ jawˇ gaˇ laˇ-awˇ ehˇ-eu, “Uˬ ciꞈ ciꞈ le shaw-iˬ ngaˇ. Kʼoeˇ uˬ taꞈ, jawˇ duˬ heu tsahˇ-aˬ, pu-ahˇ gaˇ mahˇ kaˬ-eu jawˇ duˬ tiˬ tsahˇ meh.

Maˬkuˆ 8:1

Aˇ nah aˇ yamˬ yaw kʼaˆ-ehˇ maˬ myahˇ laˇ mi naˆ-ehˇ, tsawˇ haˬ aˇ maꞈ tiˬ maꞈ paˇ uiˬ laˇ-euˬ meh. Tsawˇ haˬ koeˇ deuˬ dzaˬ-eu tiˬ jeˬ-iˬ maˬ jaˆ-ehˇ pyeuꞈ laˇ ngeh, Yeˬsuˇ zaˬ lahˇ deuˬ-ahˇ kuˇ-awˇ, heu loꞈ-ehˇ ehˇ nehˬ-euˬ meh.

Maˬkuˆ 8:2

“Tsawˇ haˬ heu deuˬ-ahˇ ngaˇ gʼawˬ shaˬ gaˬ dui dui nya. Aˬ yawꞈ maꞈ ngaˬ nehˬ-ehˇ jawˇ luꞈ-eu smˬ nah byah laˇ-awˇ, dzaˬ-euˬ tiˬ jeˬ-iˬ ma paˇ jaˆ meh.

Luˇkaꞈ 9:11

Gaˇ kawˆ kʼoeˇ tsawˇ haˬ aˇ maꞈ maꞈ ma ya siˬ ngeh, aˬ yawꞈ-euˬ mehˬ nah caw teh gʼeh-euˬ meh. Tsawˇ haˬ aˇ maꞈ maꞈ ma-ahˇ aˬ yawꞈ ha geuꞈ-awˇ, Miˬyehˇ Miˇkʼahˬ gaˇ kawˆ ja mehˬ-awˇ, naˇ gawˇ laˆ taˬ nehˬ paˬ-ehˇ gʼeh-eu tsawˇ haˬ deuˬ-ahˇ laˆ taˬ nehˬ-euˬ meh.

HeˬByehˇ 2:17

Ehˇ mawꞈ-eu dawˬ tsuiꞈ-aˬ, tsawˇ haˬ zaˬ-ahˇ Miˬyehˇ iˬ baˇ pyehˬ nehˬ nya ni, saˇ jaˇ ziꞈ-awˇ gʼawˬ shaˬ gaˬ-eu nui ma ahˇ-eu Miˬyehˇ-euˬ gaˇ mˇ-eu Piˇma Yaw huiˬ gʼaˬ geuꞈ-eu gʼaˇ duˬ, yawˬ jeˬ na luꞈ laꞈ kʼoeˇ aˬ yawꞈ-euˬ mehˇ nmˇ pyeuꞈ-eu tsawˇ haˬ zaˬ deuˬ loꞈ-ehˇ maˇ maˇ ni tsawˇ haˬ zaˬ ya pyeuꞈ tsehˆ-euˬ meh.

HeˬByehˇ 4:15

Aˬ dui-euˬ Piˇma Yaw huiˬ gʼaˬ-aˬ, aˬ dui-euˬ gʼaˬ baˬ duˬ-ahˇ gʼawˬ shaˬ gaˬ-eu maˬ siˬ nya-eu gʼaˬ maˬ ngeuˇ-a. Aˬ dui loꞈ-ehˇ muˇ juˇ juˇ-eu yawˬ jeˬ na luꞈ-ahˇ ya daˬ haw-euˬ Piˇma Yaw huiˬ tiˬ gʼaˬ aˬ dui jawˇ-eu ma. Ehˇ kʼawꞈ, aˬ yawꞈ iˬ baˇ maˬ mˇ haw-aˬ.