Maˬkuˆ 6:30 - Akha

³⁰ Gʼaˬ kʼehˇ deuˬ Yeˬsuˇ jawˇ gaˇ paˇ gʼoꞈ laˇ-awˇ, aˬ yawꞈ maꞈ neh mˇ yaꞈ shaˇ yaꞈ-euˬ gaˇ kawˆ hawˇ-eu, mehˬ yaꞈ tsoˆ yaꞈ-euˬ gaˇ kawˆ dawˬ tawˆ luꞈ, aˬ yawꞈ-ahˇ dzawˇ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁰ Khoerngae, ghaqkhaer deuq, Yeqsur jawr-eu gar ghofuiq lar-awr, aqyawfmaf nae mr-awr shar-euq, maeq-awr tsov-euq jeq dawqtawvluf, aqyawf-anr dzawrnaeq lar-euq mae.

Maˬkuˆ 6:30 ပူးပေါင်းရင်းမြစ်များ

Aˇ dahˬ 24:66

Zaˬ kʼaˆ kʼoeˇ gʼaˬ-aˬ, aˬ yawꞈ neh kʼaˇ mˇ yaꞈ-euˬ jeˬ dawˬ tawˆ luꞈ Iˇtsaˆ-ahˇ dzawˇ nehˬ-euˬ meh.

Maꞈtehˬ 10:2

Gʼaˬ kʼehˇ tseˇ nyiꞈ gʼaˬ-euˬ tsawˇ myahˇ-aˬ, heu loꞈ-ehˇ meh. Beˬtuˆluˆ lehˇ kuˇ-eu Siˇmoˬ hawˇ-eu Aˬdehˬlehˬ aˬ nyaꞈ mehˇ nmˇ, Zeˬbeˬdehˇ-euˬ aˬ li Yaˬkoˆ hawˇ-eu Yoˇhaˬ aˬ nyaꞈ mehˇ nmˇ,

Maˬkuˆ 3:14

Aˬ yawꞈ nehˬ-ehˇ bi jawˇ-eu gʼaˇ duˬ hawˇ-eu, dawˬ mehˬ bi mehˬ-iˇ-eu gʼaˇ duˬ, tsawˇ haˬ tseˇ nyiꞈ gʼaˬ-ahˇ aˬ yawꞈ tseˇ doˆ-awˇ, gʼaˬ kʼehˇ lehˇ myahˇ nehˬ-euˬ meh.

Maˬkuˆ 6:29

Yoˇhaˬ-euˬ zaˬ lahˇ deuˬ gaˇ kawˆ kʼoeˇ ya gaˬ ngeh, aˬ yawꞈ-euˬ gʼawˇ mawˇ baꞈ kʼoꞈ laˬ le-awˇ, lmˬ bymˇ-ahˇ baꞈ pahˬ nehˬ-euˬ meh.

Luˇkaꞈ 10:17

Zaˬ lahˇ shiꞈ tseˇ nyiꞈ gʼaˬ laˬ kʼaˬ tiˬ cehˇ gʼoꞈ keuˆ laˇ-awˇ ehˇ-eu, “Sahˬpaˬ-oˇ, nga maꞈ nawˬ-euˬ tsawˇ myahˇ-ahˇ gʼoe-awˇ dawˬ biꞈ nehˬ naˇ, nehꞈ deuˬ kʼawꞈ naˇ haˬ-eu meh.”

Luˇkaꞈ 17:5

“Nga maꞈ jah-eu jeˬ bi myaˬ laˇ nehˬ laꞈ” lehˇ, gʼaˬ kʼehˇ deuˬ Sahˬpaˬ Yeˬsuˇ-ahˇ shaˇ-eu meh.

Luˇkaꞈ 22:14

Baˬsaˬkaˬ dzaˬ byawˇ dzaˬ-eu aˇ yamˬ keuˆ laˇ ngeh, Yeˬsuˇ hawˬ jeh-ahˇ jawˬ leˇ-euˬ meh. Gʼaˬ kʼehˇ deuˬ kʼawꞈ, aˬ yawꞈ nehˬ-ehˇ jawˬ leˇ-euˬ meh.

Luˇkaꞈ 24:10

Zaˬ miˬ zaˬ kʼoeˇ deuˬ-aˬ, Maˬliˇ Maˬgaˬdaˬlaˇ, Yoˇaˬnaˆ, Yaˬkoˆ-euˬ aˬ ma Maˬliˇ aˬ ha maꞈ meh. Aˬ yawꞈ maꞈ hawˇ-eu aˬ yawꞈ maꞈ nehˬ-ehˇ jawˇ-eu zaˬ miˬ zaˬ nui deuˬ neh, Gʼaˬ kʼehˇ deuˬ-ahˇ gaˇ kawˆ kʼoeˇ deuˬ dzawˇ nehˬ-euˬ meh.

Luˇkaꞈ 6:13

Uˬ bya bya laˇ ngeh, aˬ yawꞈ-euˬ zaˬ lahˇ deuˬ-ahˇ kuˇ-awˇ, tseˇ nyiꞈ gʼaˬ tseˇ doˆ-awˇ, gʼaˬ kʼehˇ lehˇ myahˇ nehˬ-euˬ meh.

Luˇkaꞈ 9:10

Gʼaˬ kʼehˇ deuˬ gʼoꞈ laˇ-awˇ, aˬ yawꞈ maꞈ neh mˇ yaꞈ shaˇ yaꞈ-euˬ gaˇ kawˆ Yeˬsuˇ-ahˇ dzawˇ nehˬ laˇ-euˬ meh. Aˬ yawꞈ maꞈ-ahˇ aˬ yawꞈ sheuˬ ceuˆ doˆ-awˇ, Behˬdzeˇdaˬ meuˬ-ahˇ sheuˬ gʼeh-euˬ meh.

Gʼaˬkʼehˇ 1:26

Kʼoeˇ naˇ, aˬ yawꞈ nyaꞈ-euˬ tsawˇ myahˇ boꞈ ahˇ-awˇ, maˬ haw ni beuˬ ngeh, Maˬtiˇ-ahˇ zaˬ leˇ-euˬ meh. Kʼoeˇ miˇ neh, Maˬtiˇ-ahˇ gʼaˬ kʼehˇ tseˇ tiꞈ gʼaˬ nehˬ-ehˇ bi gawꞈ leˇ-euˬ meh.