Maˬkuˆ 6:28 - Akha

²⁸ Kʼoeˇ naˇ, kʼmˬ maˬ sehˇ byehˇ-ahˇ dawˆ ahˇ-awˇ, aˬ buˇ kʼoeˇ buˇ-ahˇ ciˬ nehˬ laˇ-awˇ, aˬ buˇ kʼoeˇ neh aˬ ma gʼaˬ-ahˇ paˇ ciˬ ha nehˬ-iˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁸ Khoernar-aq, uqduq khoersiq saerbyaer-anr bafanr-awr, aqbur khoerghaq-anr ciqnaeq lar-euq mae. Aqbur khoerghaq khawf, aqyawf-euq aqma-anr ciqnaeq-ir-euq mae.

Maˬkuˆ 6:28 ပူးပေါင်းရင်းမြစ်များ

2 Saˬmeuˬlaˆ 4:7

Laꞈ kʼoeˇ uˇ keuˆ leˇ-eu nehˬ-ehˇ, Iˇshaˬbawˇshehˆ yuꞈ luꞈ-eu lawˆ-ahˇ uˇ leˇ-awˇ, yuꞈ kʼaˆ taˬ-euˬ Iˇshaˬbawˇshehˆ-ahˇ sehꞈ-awˇ, uˬ duˬ toˆ tsehˆ-euˬ meh. Kʼoeˇ naˇ, uˬ duˬ kʼoeˇ siˬ yuˇ-awˇ, uˬ ciꞈ miˇ lah-ehˇ Yawˇdaˬ lawˇ baˬ deh kʼawꞈ iˇ tsehˆ-euˬ meh.

2 Sahˬpaˬ 10:8

Aˬhaˆ-euˬ zaˬ deuˬ uˆ deuˬ-euˬ uˬ duˬ deuˬ yuˇ keuˆ laꞈ-euˬ gaˇ kawˆ Yeˬhuˇ-ahˇ ehˇ gaˬ nehˬ ngeh, “Meuˬ lahˇ kʼehˬ dawˬ peh nyiˬ bymˇ gʼoˆ bymˇ-awˇ, uˬ bya bi jaˆ bya-awˬ” lehˇ dawˬ biꞈ-euˬ meh.

Maꞈtehˬ 14:8

Aˬ ma gʼaˬ neh mehˬ gahˇ nehˬ-euˬ loꞈ-ehˇ, “Iˇ cuꞈ shawˇ-eu Yoˇhaˬ-euˬ uˬ duˬ, kʼmˬ maˬ sehˇ byehˇ-ahˇ dawˆ ahˇ-awˇ, nymˬ-mˇ heu gaˇ bi ciˬ ha laˇ-awˬ” lehˇ, aˬ buˇ kʼoeˇ buˇ shaˇ-eu meh.

Maˬkuˆ 6:27

Kʼoeˇ miˇ neh, kʼoeˇ gaˇ loꞈ luꞈ-eu yehˇ tiˬ gʼaˬ-ahˇ yaw kawˇ-ehˇ kʼehˇ gʼeh-awˇ, Yoˇhaˬ-euˬ uˬ duˬ yuˇ laꞈ-eu gʼaˇ duˬ dawˬ biꞈ-euˬ meh. Yehˇ kʼoeˇ gʼaˬ tawˬ-ahˇ iˇ-awˇ, Yoˇhaˬ-euˬ uˬ duˬ coeˇ tsehˆ-euˬ meh.

Maˬkuˆ 6:29

Yoˇhaˬ-euˬ zaˬ lahˇ deuˬ gaˇ kawˆ kʼoeˇ ya gaˬ ngeh, aˬ yawꞈ-euˬ gʼawˇ mawˇ baꞈ kʼoꞈ laˬ le-awˇ, lmˬ bymˇ-ahˇ baꞈ pahˬ nehˬ-euˬ meh.