Maˬkuˆ 6:20 - Akha

²⁰ Heˬloˆ-aˬ, Yoˇhaˬ-ahˇ guˆ-eu meh. Aˬ jeˬ miˇ neh ehˇ naˇ, Yoˇhaˬ-aˬ, muiˬ-eu shawˇ-eu yaw tsaˬ yaw dawˇ tsawˇ haˬ tiˬ gʼaˬ pyeuꞈ-eu meh lehˇ, aˬ yawꞈ siˬ nya-eu meh. Kʼoeˇ miˇ neh, maˬ bi ca laˇ ni haw piˇ nehˬ luꞈ-eu meh. Yoˇhaˬ-euˬ dawˬ kʼaˇ ya gaˬ ngeh aˬ yawꞈ nui ma maˬ saˇ kʼawꞈ, Yoˇhaˬ mehˬ-euˬ dawˬ-ahˇ aˬ yawꞈ naˇ haˬ mawꞈ-eu nui ma ahˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Aqjeq mirnae aernar-aq, Yorhaq-aq, dawr-awr tsaq-eu uqtaf shawr-eu tsawrhaq tiq ghaq mae laer Heqlor siqnya-eu mirnae, aqyawf-anr guv-eu lafkhoer hawpir luf-eu mae. Heqlor-aq, Yorhaq maeq-eu dawq yagaq ngae, nuima tiqpawf-iq maqsar-eu khawf, aqyawf maeq-eu gar narhaqmawf duidui-eu mae.

Maˬkuˆ 6:20 ပူးပေါင်းရင်းမြစ်များ

1 Sahˬpaˬ 21:20

Eˇliˇyaˆ-ahˇ Aˬhaˆ mawˇ ngeh, “Ngaˬ-ahˇ muiˇ-eu gʼaˬ-oˇ, nawˇ ngaˬ-ahˇ poˆ mawˇ le-euˬ nga laˬ” lehˇ ehˇ nehˬ-euˬ meh. Eˇliˇyaˆ ehˇ-eu, “Ngeuˇ ma. Ngaˇ nawˬ-ahˇ poˆ mawˇ le-euˬ ma. Sahˬpaˬ Miˬyehˇ mehˬ shi yaw lehˬ jeˬ mˇ-eu gʼaˇ duˬ nawˇ maˇ maˇ ni noeˬ tsehˆ taˬ-euˬ meh.

2 Sahˬpaˬ 13:14

Eˇliˇshehˇ naˇ dui dui-awˇ, ziˇ jiˇ-eu dawˬ peh peh laˇ ngeh, Iˇsaˬleˬlaˆ sahˬ paˬ Yeˬhawˇshaˆ aˬ yawꞈ jawˇ gaˇ iˇ-awˇ ngoeˇ-eu laꞈ kʼoeˇ, “Ngaˬ da-oˇ, ngaˬ da-oˇ, nawˇ-aˬ, Iˇsaˬleˬlaˆ tsawˇ jeuˬ-ahˇ haw piˇ-euˬ gʼaˬ meh” lehˇ ehˇ-eu meh.

2 Sahˬpaˬ 6:21

Suˇliˆ tsawˇ haˬ deuˬ-ahˇ Iˇsaˬleˬlaˆ sahˬ paˬ ya mawˇ ngeh, “Aˬ yawꞈ maꞈ-ahˇ sehꞈ-awˬ loˇ. Aˬ yawꞈ maꞈ-ahˇ sehꞈ-awˬ loˇ” lehˇ, Eˇliˇshehˇ-ahˇ naˇ haˬ-euˬ meh.

2 Laˬsaˬbaˬ 24:2

Piˇ ma Yeˬhawˇyaˬdaˬ kʼaˇ dehꞈ kʼoeˇ keuˆ ni, Sahˬpaˬ Miˬyehˇ nui ma tsaˬ-eu jeˬ tehꞈ-ehˇ aˬ yawꞈ mˇ-euˬ meh.

2 Laˬsaˬbaˬ 26:5

Guiˬ lahˬ saꞈ laˇ paw taꞈ leˇ-awˇ, aˬ yawꞈ-ahˇ nui noeˬ nui duˇ biꞈ-eu gʼaˬ pyeuꞈ-eu Zaˬkaˬliˇ kʼaˇ dehꞈ kʼoeˇ keuˆ ni, Sahˬpaˬ Miˬyehˇ-ahˇ aˬ yawꞈ saˇ jaˇ ziꞈ-awˇ, Miˬyehˇ aˬ yawꞈ-ahˇ guiˬ lahˬ biꞈ nehˬ-euˬ meh.

Doˆ-iˇ 11:3

Iˇsaˬleˬlaˆ tsawˇ haˬ deuˬ-ahˇ Iˇjiˇtuˆ tsawˇ haˬ deuˬ yaw zeu baw ni, Sahˬpaˬ Miˬyehˇ jahˇ-euˬ meh. Maˇ maˇ ni, Iˇjiˇtuˆ sahˬ paˬ-euˬ gaˇ mˇ-eu yaw huiˬ yaw mahˇ deuˬ hawˇ-eu, Iˇjiˇtuˆ tsawˇ haˬ deuˬ-euˬ mehˬ shi, Moˇ seˬ-aˬ, Iˇjiˇtuˆ miˇ kʼahˬ laꞈ kʼoeˇ huiˬ dui dui-eu tsawˇ haˬ tiˬ gʼaˬ loꞈ -ehˇ pyeuꞈ-eu meh.

Yeˬsaˬgeˬlaˇ 33:32

Nawˇ-aˬ, aˬ yawꞈ maꞈ mehˬ shi deuˇ-mˬ diˬ-awˇ miˬ daꞈ zaˬ daꞈ caˇ dawˬ caˇ-eu tsawˇ haˬ naˆ ni poeˬ-eu tehꞈ meh. Nawˬ-euˬ dawˬ yawˬ dawˬ na luꞈ-ahˇ aˬ yawꞈ maꞈ naˇ haˬ-eu meh.

Daˬyeˬlaˇ 4:18

“Heu-aˬ, sahˬ paˬ Neˬbuˬkaˬneˬzaˬ pyeuꞈ-eu ngaˇ maˆ mawˇ-euˬ yuꞈ maˆ ma. Nymˬ-mˇ poˆ jawˇ-aˬ, Beˬteˬshaˬzaˬ nawˇ yuꞈ maˆ heu hmˬ-euˬ dawˬ tsuiꞈ yuˇ doˆ nehˬ laꞈ sheˇ. Ngaˬ-ahˇ nui noeˬ nui duˇ biꞈ-eu deuˬ, yuꞈ maˆ heu hmˬ-euˬ dawˬ tsuiꞈ tiˬ gʼaˬ-iˬ maˬ yuˇ doˆ nya-a. Ehˇ kʼawꞈ, muiˬ-eu shawˇ-eu Miˬyehˇ-euˬ yaw sahˇ nawˬ-euˬ laꞈ kʼoeˇ jawˇ-eu miˇ neh, nawˇ yuˇ doˆ nya meh.”

Daˬyeˬlaˇ 4:27

Kʼoeˇ miˇ neh sahˬ paˬ-oˇ, ngaˬ-euˬ ehˇ dawˬ geuꞈ nehˬ laꞈ. Iˬ baˇ maˬ mˇ ni byehˇ-awˇ, yaw tsaˬ yaw dawˇ jeˬ mˇ-eu laꞈ kʼoeˇ, shaˬ zaˬ zahˬ zaˬ deuˬ-ahˇ gʼawˬ shaˬ gaˬ nehˬ-awˬ. Kʼoeˇ loꞈ-ehˇ jahˇ naˇ, nawˬ-euˬ gʼaˇ duˬ nui saˇ oꞈ-eu jeˬ maˬ byoˆ-iˇ-aˇ.”

Daˬyeˬlaˇ 5:17

Daˬyeˬlaˇ ehˇ-eu, “Sahˬ paˬ-oˇ, nawˇ ngaˬ-ahˇ biꞈ ma lehˇ ehˇ-eu laꞈ sawˬ teu deuˬ ngaˬ-ahˇ maˬ biꞈ laꞈ ni, nawˬ nehˬ-ehˇ bi jaˆ-awˬ. Maˬ ngeuˇ naˇ, aˬ cawˬ-ahˇ biꞈ-awˬ. Boꞈ taˬ-euˬ gaˇ kawˆ heu nawˬ-ahˇ ngaˇ gui mehˬ-awˇ, dawˬ tsuiꞈ yuˇ doˆ nehˬ ma.

Maꞈtehˬ 14:5

Yoˇhaˬ-ahˇ Heˬloˆ sehꞈ mawꞈ-eu meh. Ehˇ kʼawꞈ, Yuˇdaˆ tsawˇ haˬ deuˬ-ahˇ aˬ yawꞈ yahˇ-eu meh. Aˬ jeˬ miˇ neh ehˇ naˇ, Yuˇdaˆ tsawˇ haˬ kʼoeˇ deuˬ Yoˇhaˬ-ahˇ Miˬyehˇ gʼaˇ duˬ ngehˬ dah-eu tsawˇ haˬ lehˇ sawˇ taˬ-euˬ meh.

Maꞈtehˬ 21:26

‘Tsawˇ haˬ neh bi shawˇ-euˬ meh’ lehˇ paˇ ehˇ lawˬ naˇ kʼawꞈ, tsawˇ haˬ aˇ maꞈ kʼoeˇ deuˬ-ahˇ aˬ dui guˆ paˬ-ehˇ paˇ gʼeh-eu meh. Aˬ jeˬ miˇ neh ehˇ naˇ, Yoˇhaˬ-aˬ, Miˬyehˇ gʼaˇ duˬ ngehˬ dah-eu tsawˇ haˬ meh lehˇ aˬ yawꞈ maꞈ jah duˬ taˬ-euˬ meh.”

Maˬkuˆ 11:18

Piˇ ma aˬ yuiꞈ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ dawˬ kʼoeˇ dawˬ ya gaˬ ngeh, aˬ yawꞈ-ahˇ sehꞈ-eu gaˇ ma poˆ-euˬ meh. Aˬ jeˬ miˇ neh ehˇ naˇ, tsawˇ haˬ aˇ maꞈ dawˬ tawˆ luꞈ, aˬ yawꞈ neh mehˬ nehˬ tsoˆ nehˬ-euˬ gaˇ zahˬ dui dui leˇ-euˬ meh.

Maˬkuˆ 4:16

Tsawˇ haˬ tiˬ paˆ na deuˬ-aˬ, kʼaˬ lo lo yaˇ-ahˇ ga-iˇ-euˬ siˬ yoeˬ-ahˇ duˇ-eu meh. Miˬyehˇ dawˬ kawˬ-ahˇ aˬ yawꞈ maꞈ ya gaˬ-euˬ nehˬ-ehˇ, tiˬ poˆ tehꞈ-ehˇ laˬ kʼaˬ tiˬ cehˇ ha geuꞈ-euˬ meh.

Yoˇhaˬ 5:35

Yoˇhaˬ neh ehˇ-euˬ dawˬ-aˬ, bya cehˆ ni doꞈ luꞈ-eu tsiˇ kʼmˬ-ahˇ duˇ-awˇ, naw maꞈ-ahˇ laˬ kʼaˬ bi cehˇ-eu meh. Naw maꞈ-ahˇ laˬ kʼaˬ bi cehˇ-eu yaw shehꞈ-ahˇ duˇ-eu aˬ yawꞈ-euˬ dawˬ kʼoeˇ-ahˇ, naw maꞈ tiˬ kʼehˬ tiˬ yamˬ ha geuꞈ-euˬ meh.

Gʼaˬkʼehˇ 2:12

Aˬ yawꞈ maꞈ noeˬ maˬ doˆ-ehˇ zahˬ leˇ tsoˆ leˇ jiˇ-awˇ, “Aˬ joˆ-ehˇ maˇ diˇ gʼeh-eu nga teu” lehˇ, tiˬ gʼaˬ tiˇ gʼaˬ ehˇ-eu meh.

Gʼaˬkʼehˇ 5:24

Piˇ ma aˬ yuiꞈ deuˬ hawˇ-eu, Uˬ duˬ tahˬ nymˇ nymˇ ma-ahˇ loꞈ piˇ-eu deuˬ kʼoeˇ taˆ uˆ lahˇ-eu yaw huiˬ yaw mahˇ gʼaˬ gaˇ kawˆ kʼoeˇ ya gaˬ ngeh, gʼaˬ kʼehˇ deuˬ aˬ joˆ-ehˇ jahˇ-euˬ gaˇ kawˆ noeˬ maˬ doˆ-ehˇ pyeuꞈ-iˇ-euˬ meh.