Maˬkuˆ 5:7 - Akha

⁷ Kʼoeˇ naˇ, yaw kʼaˆ-ehˇ guˇ-awˇ ehˇ-eu, “Dawˬ tawˆ kʼoeˇ taˆ Huiˬ dui dui-eu Miˬyehˇ-euˬ Zaˬmaˇ-oˇ. Nawˇ ngaˬ-ahˇ aˬ jeˬ taꞈ te. Ngaˬ-ahˇ taˬ kʼehˬ nehˬ laꞈ lehˇ, Miˬyehˇ mehˬ shi nawˬ-ahˇ ngaˇ shaˇ-eu ma.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Khoernar-aq, aqyawf tersar yawkhav-aer gur-eu, “Gor duidui-eu Miqyaer-euq Zaqyo Yeqsur-or! Ngar, nawq naeq-aer aqjeq taf-eu la? Ngaq-anr taq khaeqnaeqlaf laer ngar, Miqyaer-anr ghoe-awr nawq-anr shar-eu ma.”

Maˬkuˆ 5:7 ပူးပေါင်းရင်းမြစ်များ

Aˇ dahˬ 3:15

Nawˇ hawˇ-eu zaˬ miˬ zaˬ naw nyaꞈ yaw kaˬ, tiˬ gʼaˬ tiˇ gʼaˬ muiˇ ni ngaˇ jahˇ ma. Aˬ yawꞈ-euˬ zaˬ deuˬ hawˇ-eu nawˬ-euˬ zaˬ deuˬ, aˬ myah luꞈ tiˬ gʼaˬ tiˇ gʼaˬ muiˇ tehꞈ-a. Aˬ yawꞈ-euˬ zaˬ deuˬ nawˬ-euˬ uˬ duˬ nawˬ pyehˆ-awˇ, aˬ yawꞈ maꞈ-euˬ aˬ kuiˇ kuiˇ nuiꞈ-ahˇ nawˇ toˆ tehꞈ-a” lehˇ ehˇ nehˬ-euˬ meh.

1 Sahˬpaˬ 22:16

Ehˇ kʼawꞈ, Aˬhaˆ ehˇ-eu, “Sahˬpaˬ Miˬyehˇ-euˬ tsawˇ myahˇ uˬ moˆ nawˇ ngaˬ-ahˇ dawˬ ngehˬ cawˬ ngeh, dawˇ coe ni ngehˬ-awˬ tmˇ-awˬ lehˇ ngaˇ nawˬ-ahˇ aˇ myaˆ poˆ ya ehˇ nehˬ nmˇ.”

Hawˇseˬ 14:8

Iˇsaˬleˬlaˆ tsawˇ haˬ deuˬ-aˬ, tahˬ pahˬ aˬ ma mawˇ kawˇ deuˬ-ahˇ, tiˬ pawꞈ-iˬ maˬ paˇ taꞈ leˇ-ehˇ, aˬ yawꞈ maꞈ-euˬ guiˬ lahˬ shaˇ dawˬ, ngaˇ naˇ haˬ-awˇ ngehˬ gʼeh nehˬ ma. Aˇ paꞈ tiˬ jawˇ-iˬ maˬ ga-eu, naˇ shmˇ muiˬ-eu aˇ bawˇ loꞈ-ehˇ, ngaˬ-euˬ naˇ shmˇ-ahˇ bi awˆ ma. Aˬ yawꞈ maꞈ-ahˇ guiˬ lahˬ shehˬ-eu, guiˬ lahˬ gawˆ mehˇ ngaˇ pyeuꞈ-eu ma.”

Maꞈtehˬ 16:16

Siˇmoˬ Beˬtuˆluˆ ehˇ-eu, “Nawˇ-aˬ, Dehꞈ luꞈ-eu Miˬyehˇ-euˬ Zaˬmaˇ pyeuꞈ-eu Meˬsiˇya meh.”

Maꞈtehˬ 26:63

Ehˇ kʼawꞈ, Yeˬsuˇ dawˬ maˬ ngehˬ ni ciˬ cuˇ ni jawˇ-eu meh. Piˇ ma Yaw huiˬ gʼaˬ dawˬ tiˬ poˆ paˇ ehˇ-eu, “Dehꞈ luꞈ-eu Miˬyehˇ-euˬ tsawˇ myahˇ uˬ moˆ, ngaˇ nawˬ-ahˇ heu loꞈ-ehˇ bi kamˬ-eu ma. Nawˇ, Ka li lehˇ ehˇ-eu Miˬyehˇ-euˬ Zaˬmaˇ ngeuˇ ma loˇ.”

Maꞈtehˬ 4:3

Kʼoeˇ ngeh, Nehꞈ sahˬ paˬ aˬ yawꞈ jawˇ gaˇ oe-awˇ ehˇ-eu, “Nawˇ Miˬyehˇ-euˬ Zaˬ maˇ pyeuꞈ-eu ngeuˇ naˇ, kʼaˬ lo heu deuˬ-ahˇ kaˬ muˇ pyeuꞈ laˇ-awˬ lehˇ dawˬ biꞈ-awˬ tawˇ.”

Maꞈtehˬ 8:29

Aˬ yawꞈ nyaꞈ Yeˬsuˇ-ahˇ ya mawˇ-eu nehˬ-ehˇ, “Miˬyehˇ-euˬ Zaˬmaˇ-oˇ, nawˇ nga nyaꞈ-ahˇ a jeˬ taꞈ te. Aˇ yamˬ maˬ keuˆ laˇ mi naˆ-ehˇ nga nyaꞈ-ahˇ kʼehˬ nehˬ kʼaˆ nehˬ le-eu lehˇ oe teˬ loˇ” lehˇ, guˇ guˇ-ehˇ ehˇ-eu meh.

Maˬkuˆ 1:24

guˇ guˇ-ehˇ ehˇ-eu, “Naˬzaˬlehˇ tsawˇ haˬ Yeˬsuˇ-oˇ, nawˇ nga maꞈ-ahˇ aˬ jeˬ taꞈ te. Nga maꞈ-ahˇ laˆ cawˆ-eu lehˇ oe teˬ loˇ. Nawˬ-ahˇ ngaˇ siˬ nya ma. Nawˇ-aˬ, Miˬyehˇ-euˬ muiˬ-eu shawˇ-eu gʼaˬ kʼehˇ meh.”

Maˬkuˆ 14:61

Ehˇ kʼawꞈ, Yeˬsuˇ dawˬ maˬ tmˇ-ehˇ ciˬ cuˇ ni jawˇ-euˬ meh. Piˇ ma Yaw huiˬ gʼaˬ Yeˬsuˇ-ahˇ tiˬ poˆ paˇ naˇ haˬ-eu, “Guiˬ lahˬ huiˬ-eu Miˬyehˇ-euˬ Zaˬmaˇ pyeuꞈ-eu Ka li lehˇ ehˇ-eu kʼoeˇ gʼaˬ nawˇ ma loˇ.”

Maˬkuˆ 3:11

Nehꞈ yaw jawꞈ uˇ-eu tsawˇ haˬ deuˬ aˬ yawꞈ-ahˇ kʼaˇ mawˇ le ngeh, aˬ yawꞈ-euˬ mehˬ shi ga byaˆ-awˇ, “Nawˇ-aˬ, Miˬyehˇ-euˬ Zaˬmaˇ meh” lehˇ guˇ-eu meh.

Maˬkuˆ 5:6

Aˬ yawꞈ ui cuiˆ gaˇ mahˇ kaˬ gaˇ neh Yeˬsuˇ-ahˇ haw mawˇ-awˇ, Yeˬsuˇ mehˬ shi cehˆ gʼeh-awˇ pawˬ tsuiꞈ pawˬ dmˬ dmˬ-euˬ meh.

Maˬkuˆ 5:8

Aˬ jeˬ miˇ neh ehˇ naˇ, “Nehꞈ yaw jawꞈ-oˇ, tsawˇ haˬ heu gʼaˬ-euˬ laꞈ kʼoeˇ neh doˆ le-awˬ” lehˇ, aˬ yawꞈ-ahˇ Yeˬsuˇ ehˇ nehˬ-euˬ meh.

Luˇkaꞈ 1:32

Aˬ yawꞈ huiˬ dui mahˇ dui dui-awˇ, huiˬ-eu mahˇ-eu Miˬyehˇ-euˬ Zaˬmaˇ lehˇ aˬ cawˬ kuˇ tehꞈ-a. SahˬpaˬMiˬyehˇ pyeuꞈ-eu Miˬyehˇ, aˬ yawꞈ-euˬ aˬ poeˬ Daˬbiˇ-euˬ dzoeˬ dzaˬ nuiˇ mahˬ aˬ yawꞈ-ahˇ biꞈ tehꞈ-a.

Luˇkaꞈ 4:34

“Aˬ huˇ. Naˬzaˬlehˇ meuˬ-ahˇ jawˇ-eu Yeˬsuˇ-oˇ, nawˇ nga maꞈ-ahˇ aˬ jeˬ taꞈ te. Nga maꞈ-ahˇ laˆ cawˆ le-eu lehˇ heu gaˇ oe teˬ loˇ. Nawˬ-ahˇ ngaˇ siˬ nya ma. Nawˇ-aˬ, Miˬyehˇ-euˬ muiˬ-eu shawˇ-eu gʼaˬ meh.”

Luˇkaꞈ 6:35

Ehˇ kʼawꞈ, naw maꞈ-ahˇ muiˇ-eu deuˬ-ahˇ gaˬ-awˬ. Yaw muiˬ jeˬ mˇ-awˬ. Biꞈ kʼoꞈ nehˬ laꞈ gaˇ maˬ noeˬ tmˬ ni ngaˬ nehˬ paˇ nehˬ-awˬ. Kʼoeˇ loꞈ-ehˇ jahˇ naˇ, naw maꞈ gʼaˇ duˬ laꞈ sawˬ huiˬ dui dui-awˇ, Huiˬ dui Mahˇ dui dui-eu Gʼaˬ-euˬ zaˬ naw maꞈ pyeuꞈ laˇ tehꞈ-a. Aˬ jeˬ miˇ neh ehˇ naˇ, guiˬ lahˬ-ahˇ maˬ noeˬ mawˇ nya-eu tsawˇ haˬ hawˇ-eu haiˬ-eu tsawˇ haˬ deuˬ-ahˇ, aˬ yawꞈ gʼawˬ shaˬ gaˬ-eu meh.

Luˇkaꞈ 8:28

Tsawˇ haˬ kʼoeˇ gʼaˬ Yeˬsuˇ-ahˇ ya mawˇ ngeh, guˇ guˇ-ehˇ Yeˬsuˇ-euˬ mehˬ shi ga byaˆ-awˇ, “Huiˬ dui Mahˇ dui dui-eu Miˬyehˇ-euˬ Zaˬmaˇ pyeuꞈ-eu Yeˬsuˇ-oˇ, nawˇ ngaˬ-ahˇ aˬ jeˬ taꞈ te. Ngaˬ-ahˇ taˬ kʼehˬ taˬ kʼaˆ nehˬ laꞈ lehˇ nawˬ-ahˇ shaˇ-eu ma” lehˇ, guˇ guˇ-ehˇ ehˇ-eu meh.

Yoˇhaˬ 20:31

Ehˇ kʼawꞈ, heu gaˇ kʼaˇ boꞈ taˬ-euˬ heu deuˬ-aˬ, Yeˬsuˇ-aˬ Meˬsiˇya hawˇ-eu Miˬyehˇ-euˬ Zaˬmaˇ pyeuꞈ-eu naw maꞈ jah laˇ ni maˬ ehˇ, naw maꞈ aˬ yawꞈ-ahˇ jah-eu laꞈ kʼoeˇ dehꞈ-eu jeˬ za nya ni maˬ ehˇ, boꞈ taˬ-euˬ jeˬ pyeuꞈ-eu ma.

Gʼaˬkʼehˇ 16:17

Aˬ buˇ kʼoeˇ gʼaˬ Pawˇluˆ nga maꞈ-euˬ mehˬ nah caw teh-awˇ, “Tsawˇ haˬ heu deuˬ-aˬ, Huiˬ dui mahˇ dui dui-eu Miˬyehˇ-euˬ zaˬ kʼaˆ pyeuꞈ-awˇ, naw maꞈ ka kʼoꞈ-eu jeˬ za nya-eu gaˇ ma mehˬ le-euˬ meh” lehˇ guˇ guˇ-ehˇ cah-eu meh.

Gʼaˬkʼehˇ 19:13

Doe doe-ehˇ nehꞈ teh doˆ teh doˆ-ehˇ cah-eu Yuˇdaˆ tsawˇ haˬ tiˬ paˆ na deuˬ kʼawꞈ, Sahˬpaˬ Yeˬsuˇ-euˬ tsawˇ myahˇ-ahˇ gʼoe-awˇ teh doˆ-eu meh. “Pawˇluˆ dawˬ mehˬ mehˬ-eu Yeˬsuˇ kʼoeˇ gʼaˬ-euˬ tsawˇ myahˇ uˬ moˆ ngaˇ nawˬ-ahˇ dawˬ biꞈ-eu ma” lehˇ, nehꞈ yaw haiˬ deuˬ-ahˇ aˬ yawꞈ maꞈ ehˇ nehˬ-eu meh.

Gʼaˬkʼehˇ 8:36

Aˬ yawꞈ nyaꞈ gaˇ ma kahˇ li iˇ gʼeh-awˇ, iˇ cuꞈ jaˆ-eu jawˇ duˬ tiˬ tsahˇ-ahˇ iˇ keuˆ ngeh, yaw huiˬ yaw mahˇ kʼoeˇ gʼaˬ ehˇ-eu, “Heu gaˇ iˇ cuꞈ jaˆ ngaˇ. Ngaˇ iˇ cuꞈ shawˇ gaˇ aˬ jeˬ laˆ tsoeˬ-eu jaˆ ta.”

Lormav 16:20

Aˬ dui nui saˇ oꞈ duˬ pyeuꞈ-eu Miˬyehˇ-aˬ, gʼawˬ myahˇ maˬ gʼeh-ehˇ nehꞈ Saˬdaˬ-ahˇ laˆ cawˆ-awˇ naw maꞈ-euˬ aˬ kuiˇ pehˬ zaˬ uˬ moˆ bi jawˇ tehꞈ-a. Aˬ dui-euˬ Sahˬpaˬ Yeˬsuˇ-euˬ guiˬ lahˬ yaw dzahˇ naw maꞈ kʼoeˇ taˆ jaˆ luꞈ-uˇ.

HeˬByehˇ 2:14

Aˬ yawꞈ neh aˬ yawꞈ-euˬ zaˬ deuˬ lehˇ kuˇ-euˬ kʼoeˇ deuˬ-aˬ, shiˬ shaˬ jiˇ pi luꞈ-eu tsawˇ haˬ pyeuꞈ-eu loꞈ-ehˇ, Yeˬsuˇ kʼawꞈ aˬ yawꞈ maꞈ-ahˇ duˇ leˇ-awˇ, aˬ yawꞈ maꞈ loꞈ-ehˇ shiˬ shaˬ jiˇ pi luꞈ-eu tsawˇ haˬ pyeuꞈ-eu meh. Aˬ yawꞈ kamˇ shiˇ-eu laꞈ kʼoeˇ, tsawˇ haˬ zaˬ-ahˇ bi shiˇ nya-eu baoˬ jaˆ-eu Nehꞈ sahˬ paˬ-ahˇ laˆ luꞈ laˆ seˇ-eu gʼaˇ duˬ, aˬ yawꞈ kʼoeˇ loꞈ-ehˇ pyeuꞈ le-euˬ meh.

HeˬByehˇ 7:1

Maˬlaˬkiˇsaˬdehˇ kʼoeˇ gʼaˬ-aˬ, Saˬleˬ meuˬ-euˬ sahˬ paˬ pyeuꞈ-awˇ, Huiˬ dui Mahˇ dui dui-eu Miˬyehˇ-euˬ piˇ ma pyeuꞈ-eu meh. Sahˬ paˬ oeˬ gʼaˬ-ahˇ Aˬbyaˬhaˬ guiˇ deuˆ gʼaˬ-awˇ gʼoꞈ laˇ ngeh, Maˬlaˬkiˇsaˬdehˇ aˬ yawꞈ-ahˇ tahˬ puˬ le-awˇ, dawˬ ngehˬ gʼeh nehˬ-euˬ meh.

Yaˬkoˆ 2:19

Miˬyehˇ tiˬ gʼaˬ tehꞈ-ehˇ jawˇ-eu meh lehˇ nawˇ jah-eu miˇ neh maˬ gaˇ dzehˬ ma lehˇ noeˬ te loˇ. Nehꞈ deuˬ kʼawꞈ kʼoeˇ loꞈ-ehˇ jah-awˇ, guˆ guˆ-ehˇ yaw dzuˬ dzuˬ luꞈ meh.

2 Beˬtuˆluˆ 2:4

Aˬ jeˬ miˇ neh ehˇ naˇ, iˬ baˇ mˇ-eu mˬ taˆ gʼaˬ kʼehˇ deuˬ-ahˇ keuˆ ni Miˬyehˇ maˬ taˬ nehˬ-ehˇ shiˬ buiˇ lah ma-ahˇ biˬ ahˇ-awˇ, Yaˇ kʼaˬ daˇ-eu Aˇ nah-ahˇ dawˬ luꞈ-eu meh.

1 Yoˇhaˬ 3:8

Iˬ baˇ kʼaˇ mˇ daˆ leꞈ-eu tsawˇ haˬ-aˬ, Nehꞈ sahˬ paˬ-ahˇ taꞈ-eu tsawˇ haˬ meh. Aˬ jeˬ miˇ neh ehˇ naˇ, Nehꞈ sahˬ paˬ-aˬ, aˇ dahˬ beh ngeh neh iˬ baˇ mˇ daˆ laꞈ-euˬ meh. Kʼoeˇ baˬ da neh, Miˬyehˇ-euˬ Zaˬmaˇ oe-euˬ meh. Nehꞈ saˬ paˬ neh mˇ taˬ-euˬ jeˬ-ahˇ laˆ cawˆ-eu gʼaˇ duˬ oe-euˬ jeˬ pyeuꞈ-eu meh.

Yuˇdaˆ 1:6

Yawˬ ha-ahˇ biꞈ taˬ-euˬ baoˬ laꞈ kʼoeˇ maˬ jawˇ-ehˇ, yawˬ ha-ahˇ bi jawˇ-euˬ jawˇ duˬ-ahˇ byehˇ dzeh-euˬ mˬ taˆ gʼaˬ kʼehˇ kʼoeˇ deuˬ-euˬ gaˇ kawˆ shaˇ noeˬ haw sheˇ. Miˇ oˆ yaw zahˇ laꞈ kʼoeˇ aˬ yawꞈ maꞈ-ahˇ mˬ maˬ maˬ byaˆ zaˇ ziˇ shmˇ caˆ neh paꞈ tawꞈ taˬ-awˇ, aˬ yawꞈ maꞈ-ahˇ yaˇ kʼaˬ daˇ nehˬ-eu Aˇ nah nah huiˬ kʼoeˇ Nah-ahˇ bi dawˬ-euˬ meh.

Panmaeq 12:12

Kʼoeˇ miˇ neh, mˬ hawˇ-eu mˬ kʼoeˇ taˆ kʼaˇ jawˇ kʼaˇ deuˬ laˬ kʼaˬ cehˇ-awˬ. Ehˇ kʼawꞈ, miˇ tsaˬ hawˇ-eu iˬ ma laˆ shaˆ naw nyaꞈ aˇ naˆ ni noeˬ shaˬ paˬ-ehˇ gʼeh-eu nga. Aˬ jeˬ miˇ neh ehˇ naˇ, Nehꞈ sahˬ paˬ naw nyaꞈ jawˇ gaˇ zaꞈ ka keuˆ le-awˇ, aˬ yawꞈ gʼaˇ duˬ aˇ yamˬ ui cuiˆ maˬ ngeuˇ naˇ maˬ paˇ jaˆ meh lehˇ siˬ nya-eu miˇ neh, nui ma pehˇ dui dui-eu meh.