Maˬkuˆ 5:24 - Akha

²⁴ Kʼoeˇ ngeh, Yaˬiˇluˆ-euˬ mehˬ nah Yeˬsuˇ caw teh gʼeh-euˬ meh. Yeˬsuˇ-euˬ mehˬ nah caw teh luꞈ-eu tsawˇ haˬ aˇ maꞈ myaˬ dui dui-eu miˇ neh, aˬ yawꞈ-euˬ tiˬ jawˬ tsawˇ haˬ maˬ tahˬ paˆ coeˇ ni cah luꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Khoermirnae, Yeqsur, aqyawf naeq-aer ir-euq mae. Tsawrhaq armaf mafma, aqyawf-euq maeqnan tanqsuf tanqsuf-aer cantae luf-eu mae.

Maˬkuˆ 5:24 ပူးပေါင်းရင်းမြစ်များ

Maˬkuˆ 3:20

Kʼoeˇ naˇ, Yeˬsuˇ iˇ kahˇ-ahˇ gʼoꞈ-iˇ-euˬ meh. Tsawˇ haˬ aˇ maꞈ maꞈ ma paˇ uiˬ laˇ-euˬ miˇ neh, Yeˬsuˇ hawˇ-eu aˬ yawꞈ-euˬ zaˬ lahˇ deuˬ hawˬ dzaˬ-eu maˬ dah-a.

Maˬkuˆ 5:23

Yeˬsuˇ-ahˇ aˬ yawꞈ shaˇ dui dui-awˇ ehˇ-eu, “Ngaˬ buˇ shiˇ taw tehˬ ni naˇ luꞈ-eu meh. Aˬ yawꞈ jawˇ saˇ doˆ laˇ-awˇ yaw dehꞈ ya dehꞈ ni, aˬ yawꞈ koeˇ taˆ nawˬ-euˬ aˬ laꞈ tiˬ poˆ baꞈ daˆ nehˬ laˇ-awˬ.”

Maˬkuˆ 5:25

Tseˇ nyiꞈ kʼoꞈ keuˆ ni shiˬ doˆ-eu naˇ gawˇ-ahˇ maˬ tsehˆ leˇ ni ya daˬ luꞈ-eu zaˬ miˬ zaˬ tiˬ gʼaˬ jawˇ-eu meh.

Maˬkuˆ 5:31

Zaˬ lahˇ deuˬ aˬ yawꞈ-ahˇ ehˇ-eu, “Tsawˇ haˬ teu myaˆ myaˆ-ehˇ nawˇ jawˇ gaˇ tah uˇ laˇ luꞈ-eu nawˇ mawˇ luꞈ kʼawꞈ, nawˬ-euˬ pehˇ kʼahˬ-ahˇ toeˬ ciˆ-euˬ aˬ suˇ gʼaˬ-a lehˇ, aˬ joˆ-ehˇ paˇ naˇ haˬ te.”

Luˇkaꞈ 11:29

Yeˬsuˇ dawˬ peh uiˬ laˇ luꞈ-eu tsawˇ haˬ aˇ maꞈ myaˬ laˇ tehˇ tehˬ luꞈ ngeh, Yeˬsuˇ heu loꞈ-ehˇ ehˇ-eu meh. “Heu ziˇ-ahˇ dehꞈ luꞈ-eu tsawˇ haˬ heu deuˬ aˇ naˆ ni haiˬ-eu nga. Kʼaˆ jeˬ-ehˇ gʼeh-eu jeˬ mˇ mehˬ laꞈ lehˇ aˬ yawꞈ maꞈ ehˇ-eu meh. Yawˇnaˆ gaˇ kawˆ kʼaˆ jeˬ-ehˇ gʼeh-eu kʼoeˇ maˬ ngeuˇ naˇ, nui jeˬ maˬ mehˬ nehˬ.

Luˇkaꞈ 12:1

Tsawˇ haˬ aˇ heˇ aˇ muiˇ gʼaˬ uiˬ laˇ-awˇ, tiˬ gʼaˬ tiˇ gʼaˬ nawˬ tehˬ nawˬ tehˬ-ehˇ shaˬ luꞈ ngeh, Yeˬsuˇ aˬ yawꞈ-euˬ zaˬ lahˇ deuˬ-ahˇ heu loꞈ-ehˇ ehˇ nehˬ-euˬ meh. “Paˬliˬsehˇ deuˬ-euˬ dehˬ tseˬ-ahˇ yahˇ-awˬ. Kʼoeˇ-aˬ, awꞈ-aꞈ tahˬ kʼoˬ -ahˇ duˇ-eu meh.

Luˇkaꞈ 19:3

Aˬ yawꞈ Yeˬsuˇ-ahˇ mawˇ haw mawꞈ-eu meh. Ehˇ kʼawꞈ, tsawˇ haˬ myaˬ dui dui-eu uˬ taꞈ, aˬ yawꞈ-euˬ gʼawˇ mawˇ yaw awˆ miˇ neh, maˬ haw mawˇ nya-a.

Luˇkaꞈ 7:6

Kʼoeˇ ngeh, aˬ yawꞈ maꞈ nehˬ-ehˇ Yeˬsuˇ iˇ nehˬ-euˬ meh. Yaw huiˬ yaw mahˇ kʼoeˇ gʼaˬ-euˬ nymˇ-ahˇ maˬ kaˬ maˬ kaˇ-ehˇ iˇ keuˆ ngeh, yaw huiˬ yaw mahˇ kʼoeˇ gʼaˬ aˬ yawꞈ-euˬ cawˬ deuˬ-ahˇ Yeˬsuˇ jawˇ gaˇ kʼehˇ gʼeh leꞈ-awˇ, heu loꞈ-ehˇ bi ehˇ le-euˬ meh.“Sahˬpaˬ-oˇ, nawˇ ngaˬ-euˬ nymˇ-ahˇ oe-eu lehˇ gaˇ ma maˬ bi cah coeˬ mawꞈ nya. Aˬ jeˬ miˇ neh ehˇ naˇ, ngaˬ-euˬ nymˇ-ahˇ nawˇ bi uˇ laˇ paˬ-ehˇ, ngaˇ tiˬ pawꞈ-iˬ maˬ geuˇ nya.

Luˇkaꞈ 8:42

Aˬ jeˬ miˇ neh ehˇ naˇ, tseˇ nyiꞈ kʼoꞈ kʼawˆ laˇ-euˬ aˬ yawꞈ-euˬ aˬ buˇ shiˇ leˇ luꞈ-eu meh. Aˬ yawꞈ-aˬ, aˬ buˇ kʼoeˇ buˇ jawˇ-eu tehꞈ meh. Yeˬsuˇ kʼoeˇ gaˇ iˇ luꞈ ngeh, tsawˇ haˬ aˇ maꞈ aˬ yawꞈ jawˇ gaˇ tah uˇ laˇ luꞈ-eu meh.

Luˇkaꞈ 8:45

Kʼoeˇ ngeh, “Ngaˬ-ahˇ toeˬ ciˆ-euˬ aˬ suˇ gʼaˬ-a” lehˇ Yeˬsuˇ ehˇ-eu meh. Tsawˇ haˬ tiˬ gʼaˬ-iˬ Yeˬsuˇ-ahˇ toeˬ ciˆ-euˬ ma lehˇ maˬ ehˇ-a. Beˬtuˆluˆ ehˇ-eu, “Sahˬpaˬ-oˇ, nawˬ-euˬ tiˬ jawˬ tsawˇ haˬ tiˬ teuˇ jawˇ-awˇ, nawˇ jawˇ gaˇ tah uˇ laˇ luꞈ nga tawˇ.”

Gʼaˬkʼehˇ 10:38

Naˬzaˬlehˇ tsawˇ haˬ Yeˬsuˇ gaˇ kawˆ maˬ ehˇ, aˬ yawꞈ-euˬ kʼoeˇ taˆ Miˬyehˇ neh Muiˬ-eu shawˇ-eu Yaw sahˇ Miˬyehˇ hawˇ-eu baoˬ aˬ joˆ-ehˇ shehˆ daˆ nehˬ-euˬ gaˇ kawˆ maˬ ehˇ, naw maꞈ siˬ luꞈ meh. Miˬyehˇ aˬ yawꞈ nehˬ-ehˇ jawˇ-eu miˇ neh, aˬ yawꞈ yawˬ gaˇ na luꞈ iˇ doe-awˇ, yaw muiˬ jeˬ mˇ mˇ-ehˇ, Nehꞈ-euˬ baoˬ uˬ moˆ shaˬ luꞈ-eu tsawˇ haˬ deuˬ-ahˇ naˇ gawˇ laˆ taˬ nehˬ-euˬ meh.