Maˬkuˆ 5:23 - Akha

²³ Yeˬsuˇ-ahˇ aˬ yawꞈ shaˇ dui dui-awˇ ehˇ-eu, “Ngaˬ buˇ shiˇ taw tehˬ ni naˇ luꞈ-eu meh. Aˬ yawꞈ jawˇ saˇ doˆ laˇ-awˇ yaw dehꞈ ya dehꞈ ni, aˬ yawꞈ koeˇ taˆ nawˬ-euˬ aˬ laꞈ tiˬ poˆ baꞈ daˆ nehˬ laˇ-awˬ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ aqyawf-anr shar duidui-eu, “Ngaq-euq aqburzaq shir shaw-iq mae. Aqyawf taqler-awr, yawdaef yadaefni, nawr, aqyawf-euq khoertav aqlaf bafdav naeqle sher-eq.”

Maˬkuˆ 5:23 ပူးပေါင်းရင်းမြစ်များ

2 Sahˬpaˬ 5:11

Ehˇ kʼawꞈ, Neˬmaˬ nui ma pehˇ-eu laꞈ kʼoeˇ doˆ-iˇ-awˇ, heu loꞈ-ehˇ ehˇ-eu meh. “Aˬ yawꞈ-euˬ gʼawˇ mawˇ ngaˇ jawˇ gaˇ oe doˆ-awˇ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ-eu laꞈ kʼoeˇ, ngaˬ-euˬ maˇ naˇ kʼoeˇ taˆ aˬ laꞈ cawˬ ja-awˇ, laˆ taˬ nehˬ laꞈ-eu tsaˬ tehꞈ-a.

Jaceuq 107:19

Aˬ yawꞈ maꞈ noeˬ dui-awˇ Sahˬpaˬ Miˬyehˇ-ahˇ kuˇ ngeh, shaˬ zahˬ laꞈ kʼoeˇ aˬ yawꞈ ka kʼoꞈ doˆ nehˬ-euˬ meh.

Jaceuq 50:15

Shaˬ-eu zahˬ-eu jeˬ keuˆ le ngeh ngaˬ-ahˇ kuˇ-awˬ. Ngaˇ naw maꞈ-ahˇ ka kʼoꞈ nehˬ-awˇ, naw maꞈ ngaˬ-ahˇ ja ceuˬ tehꞈ-a.”

Maꞈtehˬ 8:3

Yeˬsuˇ aˬ laꞈ cawˬ ja-awˇ, tsawˇ haˬ kʼoeˇ gʼaˬ-ahˇ toeˬ ciˆ-awˇ, “Ngaˇ mˇ mawꞈ ma. Muiˬ laˇ shawˇ laˇ-awˬ” lehˇ ehˇ ngeh, tsawˇ haˬ kʼoeˇ gʼaˬ-euˬ coiˬ doi naˇ gawˇ tiˬ poˆ tehꞈ-ehˇ taˬ tsehˆ leˇ-euˬ meh.

Maˬkuˆ 16:18

Aˬ yawꞈ maꞈ aˇ lawˇ-ahˇ nyehꞈ-eu maˬ kaˬ, dzaˇ doꞈ dzaˬ-eu maˬ kaˬ, tiˬ jeˬ-iˬ maˬ gʼeh-aˇ. Aˬ yawꞈ maꞈ naˇ-eu tsawˇ haˬ deuˬ kʼoeˇ taˆ aˬ laꞈ baꞈ daˆ nehˬ ngeh, naˇ-eu taˬ leˇ tehꞈ-a.”

Maˬkuˆ 5:24

Kʼoeˇ ngeh, Yaˬiˇluˆ-euˬ mehˬ nah Yeˬsuˇ caw teh gʼeh-euˬ meh. Yeˬsuˇ-euˬ mehˬ nah caw teh luꞈ-eu tsawˇ haˬ aˇ maꞈ myaˬ dui dui-eu miˇ neh, aˬ yawꞈ-euˬ tiˬ jawˬ tsawˇ haˬ maˬ tahˬ paˆ coeˇ ni cah luꞈ-eu meh.

Maˬkuˆ 6:13

Aˬ yawꞈ maꞈ nehꞈ gʼawˬ mya ni teh doˆ-awˇ, naˇ-eu tsawˇ haˬ gʼawˬ mya ni-ahˇ tsiˇ lehꞈ-awˇ laˆ taˬ nehˬ-euˬ meh.

Maˬkuˆ 7:32

Kʼoeˇ ngeh, naˬ bawˬ bawˬ-awˇ dawˬ maˬ ngehˬ lawˆ nya-eu tsawˇ haˬ tiˬ gʼaˬ-ahˇ Yeˬsuˇ jawˇ gaˇ aˬ cawˬ sheuˬ laꞈ-awˇ, Yeˬsuˇ neh aˬ laꞈ bi baꞈ daˆ-eu gʼaˇ duˬ shaˇ-euˬ meh.

Maˬkuˆ 8:23

Myaˆ behꞈ kʼoeˇ gʼaˬ-euˬ aˬ laꞈ-ahˇ Yeˬsuˇ tsahˇ-awˇ, pu pu dzeˇ sheuˬ doˆ gʼeh-euˬ meh. Myaˆ nuiˆ-ahˇ duˬ kʼaˬ kʼa shehˬ nehˬ-awˇ, uˬ duˬ-ahˇ aˬ laꞈ baꞈ daˆ-awˇ, “Tiˬ jeˬ paˬ maˬ mawˇ laˇ nya loˇ” lehˇ naˇ haˬ-euˬ meh.

Luˇkaꞈ 13:13

Zaˬ miˬ zaˬ kʼoeˇ gʼaˬ kʼoeˇ taˆ aˬ yawꞈ aˬ laꞈ cawˬ daˆ nehˬ ngeh, tiˬ poˆ tehꞈ-ehˇ daˇ tsuiꞈ paˇ dawˇ kʼoꞈ laˇ-awˇ, zaˬ miˬ zaˬ kʼoeˇ gʼaˬ Miˬyehˇ-ahˇ ja ceuˬ-euˬ meh.

Luˇkaꞈ 4:38

Yeˬsuˇ uˬ duˬ tahˬ nymˇ-ahˇ neh doˆ-iˇ-awˇ, Siˇmoˬ-euˬ nymˇ-ahˇ iˇ-euˬ meh. Siˇmoˬ-euˬ tsawˇ mawˬ zaˬ miˬ zaˬ gʼaˬ pyaˬ dui dui-eu meh.Aˬ yawꞈ-ahˇ tiˬ poˆ haw nehˬ-eu gʼaˇ duˬ, aˬ yawꞈ maꞈ Yeˬsuˇ-ahˇ shaˇ-eu meh.

Luˇkaꞈ 4:40

Nahˇ ma ga ahˇ gʼaˬ ngeh, naˇ gawˇ gʼawˬ mya jeˬ naˇ-eu tsawˇ haˬ gʼawˬ mya ni-ahˇ, Yeˬsuˇ jawˇ gaˇ sheuˬ ha laˇ-euˬ meh. Yawˬ gʼaˬ na luꞈ kʼoeˇ taˆ aˬ yawꞈ aˬ laꞈ baꞈ daˆ nehˬ-awˇ, dawˬ tawˆ luꞈ-ahˇ laˆ taˬ nehˬ-euˬ meh.

Luˇkaꞈ 7:12

Meuˬ-euˬ lahˇ kʼehˬ dawˬ peh aˬ yawꞈ le keuˆ ngeh, tsawˇ shiˇ baꞈ pahˬ-iˇ-eu lehˇ doˆ le luꞈ gaˇ ya mawˇ-euˬ meh. Miˬ coeˬ miˬ ma ti gʼaˬ aˬ li tiˬ li tehꞈ-ehˇ jawˇ-eu bi shiˇ-euˬ meh. Meuˬ-ahˇ jawˇ-eu tsawˇ haˬ gʼawˬ mya ni, miˬ coeˬ miˬ ma kʼoeˇ gʼaˬ nehˬ-ehˇ doˆ le luꞈ-eu meh.

Yoˇhaˬ 11:3

“Sahˬpaˬ-oˇ, nawˇ gʼoeˇ dui dui-eu gʼaˬ naˇ luꞈ meh” lehˇ, Maˬliˇ hawˇ-eu Maˬta aˬ nyaꞈ nmˇ neh Yeˬsuˇ jawˇ gaˇ bi tsaꞈ gaˬ leˇ-euˬ meh.

Gʼaˬkʼehˇ 28:8

Buˬbaˬliˇ-euˬ aˬ da-aˬ, pyaˬ-awˇ uˬ maˆ uˬ neˇ iˇ iˇ-ehˇ yuꞈ zaˇ kʼoeˇ taˆ ga-eu meh. Pawˇluˆ-aˬ, aˬ yawꞈ yuꞈ-eu kuˆ lawˆ-ahˇ uˇ leˇ-awˇ, guiˬ lahˬ shaˇ nehˬ-eu laꞈ kʼoeˇ, aˬ yawꞈ-euˬ kʼoeˇ taˆ aˬ laꞈ baꞈ daˆ-awˇ naˇ gawˇ laˆ taˬ nehˬ-euˬ meh.

Gʼaˬkʼehˇ 6:6

Aˇ muˇ neh aˬ yawꞈ maꞈ-ahˇ gʼaˬ kʼehˇ deuˬ jawˇ gaˇ sheuˬ gʼeh-awˇ, gʼaˬ kʼehˇ deuˬ guiˬ lahˬ shaˇ-awˇ, aˬ yawꞈ maꞈ kʼoeˇ taˆ aˬ laꞈ baꞈ daˆ nehˬ-euˬ meh.

Gʼaˬkʼehˇ 8:17

Beˬtuˆluˆ hawˇ-eu Yoˇhaˬ aˬ nyaꞈ aˬ yawꞈ maꞈ kʼoeˇ taˆ aˬ laꞈ baꞈ daˆ ngeh, aˬ yawꞈ maꞈ Muiˬ-eu shawˇ-eu Yaw sahˇ Miˬyehˇ za-euˬ meh.

Gʼaˬkʼehˇ 9:12

Aˬnaˬniˇ lehˇ myahˇ-euˬ tsawˇ haˬ tiˬ gʼaˬ uˇ le-awˇ, aˬ yawꞈ kʼoeˇ taˆ aˬ laꞈ baꞈ daˆ-awˇ, aˬ yawꞈ-euˬ myaˆ nuiˆ mawˇ laˇ nya ni guiˬ lahˬ shaˇ nehˬ le-euˬ gaˇ, yaw sahˇ laꞈ kʼoeˇ aˬ yawꞈ ya mawˇ-euˬ meh.”

Gʼaˬkʼehˇ 9:17

Kʼoeˇ naˇ, Aˬnaˬniˇ iˇ-awˇ, nymˇ kʼoeˇ nymˇ-ahˇ uˇ-iˇ-awˇ, Sawˇluˆ kʼoeˇ taˆ aˬ laꞈ baꞈ daˆ-awˇ, heu loꞈ-ehˇ ehˇ nehˬ-euˬ meh. “Aˬ nyiˇ Sawˇluˆ-oˇ, nawˇ heu gaˇ laˇ luꞈ ngeh gaˇ pehˇ-ahˇ nawˬ-ahˇ bi mawˇ le-euˬ Sahˬpaˬ Yeˬsuˇ kʼoeˇ gʼaˬ ngaˬ-ahˇ nawˇ jawˇ gaˇ kʼehˇ gʼeh leꞈ-euˬ meh. Nawˇ myaˆ nuiˆ paˇ mawˇ laˇ-awˇ, Muiˬ-eu shawˇ-eu Yaw sahˇ Miˬyehˇ za nya ni, aˬ yawꞈ ngaˬ-ahˇ kʼehˇ gʼeh leꞈ-euˬ meh.”