Maˬkuˆ 5:20 - Akha

²⁰ Kʼoeˇ naˇ, tsawˇ haˬ kʼoeˇ gʼaˬ Meuˬ tseˇ meuˬ miˇ kʼahˬ lehˇ kuˇ-eu miˇ kʼahˬ doe ni iˇ-awˇ, aˬ yawꞈ gʼaˇ duˬ Yeˬsuˇ aˇ naˆ ni mˇ nehˬ-euˬ gaˇ kawˆ ja mehˬ-iˇ-euˬ meh. Gaˇ kawˆ kʼoeˇ kʼaˇ yaˬ gaˬ-euˬ tsawˇ haˬ dawˬ tawˆ luꞈ zahˬ dui dui leˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Khoernar-aq, aqyawf ghof-ir-awr, Yeqsur, aqyawf-anr arnavni cawba naeqlaf-euq garkawv, Deqgaqborlir mirkhanq doeni dzawrnaeq-euq mirnae, tsawrhaq dawqtawvluf zanqler-euq mae.

Maˬkuˆ 5:20 ပူးပေါင်းရင်းမြစ်များ

Jaceuq 66:16

Miˬyehˇ-ahˇ taˬ huiˬ-eu tsawˇ haˬ dawˬ tawˆ luꞈ naˇ haˬ laˇ-awˬ. Aˬ yawꞈ neh ngaˬ-euˬ gʼaˇ duˬ mˇ nehˬ laꞈ-eu jeˬ naw maꞈ-ahˇ ngaˇ ja mehˬ ma.

Maꞈtehˬ 4:25

Gaˬliˬlehˇ miˇ kʼahˬ, Meuˬ tseˇ meuˬ-euˬ miˇ kʼahˬ, Yeˬluˇsaˬlehˬ meuˬ, Yuˇdaˆ miˇ kʼahˬ, Yawˇdaˬ lawˇ baˬ nui baˬ paw jaˆ-eu miˇ kʼahˬ, heu deuˬ laꞈ kʼoeˇ jawˇ-eu tsawˇ haˬ deuˬ aˬ yawꞈ mehˬ nah caw teh-euˬ meh. Aˬ yawꞈ mehˬ nah caw teh-eu tsawˇ haˬ aˇ maꞈ kʼoeˇ maꞈ myaˬ dui dui-eu meh.

Maꞈtehˬ 8:10

Yaw huiˬ yaw mahˇ kʼoeˇ gʼaˬ kʼoeˇ loꞈ-ehˇ ehˇ gaˇ Yeˬsuˇ ya gaˬ ngeh, zahˬ leˇ-awˇ, aˬ yawꞈ-euˬ mehˬ nah caw teh luꞈ-eu tsawˇ haˬ deuˬ-ahˇ heu loꞈ-ehˇ ehˇ nehˬ-euˬ meh. “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Iˇsaˬleˬlaˆ tsawˇ haˬ deuˬ laꞈ kʼoeˇ kʼawꞈ, heu naˆ naˆ-ehˇ jah-eu tsawˇ haˬ ngaˇ maˬ mawˇ haw-aˬ.

Maˬkuˆ 7:31

Kʼoeˇ naˇ, Duˇlu gahˬ kaˬ-ahˇ neh Yeˬsuˇ doˆ-iˇ-awˇ, Siˇdoˬ meuˬ-ahˇ neh Meuˬ tseˇ meuˬ miˇ kʼahˬ lehˇ kuˇ-eu paw iˇ gʼeh-awˇ, Gaˬliˬlehˇ lah-ahˇ iˇ doˆ-euˬ meh.