Maˬkuˆ 5:14 - Akha

¹⁴ Aˬ zaꞈ bo luꞈ-eu tsawˇ haˬ deuˬ cehˆ kʼoꞈ gʼeh-awˇ, meuˬ doe ni pu doe ni, gaˇ kawˆ kʼoeˇ ja byah-iˇ-euˬ meh. Kʼoeˇ naˇ, pyeuꞈ laˇ-euˬ gaˇ kawˆ kʼoeˇ-ahˇ haw duˬ-eu lehˇ, tsawˇ haˬ gʼawˬ mya ni laˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Aqzaf bo-eu deuq caevghof ghae-awr, garkawv khoer meuq hawr-eu pudeuq-anr dzawrnaeq-ir-euq mae. Garkawv khoer aqjox-aer pyeuflar-euq nga laer yasiqni tsawrhaq tiqdeuq hawlar-euq mae.

Maˬkuˆ 5:14 ပူးပေါင်းရင်းမြစ်များ

Maꞈtehˬ 7:6

“Aˬ kuiˬ-ahˇ yaw muiˬ yaw shawˇ jeˬ taˬ biꞈ. Aˬ kuiˬ kʼoeˇ naw maꞈ-ahˇ kawꞈ laˇ tehꞈ-a. Aˬ zaꞈ-ahˇ aˇ caˇ caˇ kʼawꞈ sehˇ taˬ dzeh nehˬ. Aˬ zaꞈ kʼoeˇ aˇ caˇ caˇ kʼawꞈ sehˇ-ahˇ nawˬ pahˬ tehꞈ-a.

Maꞈtehˬ 8:33

Aˬ zaꞈ bo luꞈ-eu tsawˇ haˬ deuˬ meuˬ-ahˇ cehˆ coeˬ coeˬ kʼoꞈ gʼeh-awˇ, kʼaˇ pyeuꞈ laˇ-euˬ yawˬ jeˬ naˬ luꞈ hawˇ-eu, nehꞈ uˇ-eu tsawˇ haˬ kʼoeˇ nyiˬ gʼaˬ-ahˇ aˬ joˆ-ehˇ jahˇ nehˬ-euˬ gaˇ kawˆ deuˬ dzawˇ mehˬ nehˬ leˇ-euˬ meh.

Maˬkuˆ 5:13

Nehꞈ yaw jawꞈ kʼoeˇ deuˬ-ahˇ Yeˬsuˇ pyehˬ doˆ nehˬ ngeh, aˬ yawꞈ maꞈ doˆ-iˇ-awˇ, aˬ zaꞈ kʼoeˇ deuˬ-ahˇ uˇ-iˇ-euˬ meh. Kʼoeˇ ngeh jawˇ, nyiˬ heˇ mawˇ ehˇ gʼaˬ ni byah-eu aˬ zaꞈ zaꞈ maꞈ kʼoeˇ maꞈ, gawˬ jawˬ baˬ gʼa yaw shaˬ-ahˇ sehˇ ka gʼeh-awˇ, lah-ahˇ ga puꞈ sehꞈ jiˇ-euˬ meh.

Maˬkuˆ 5:15

Aˬ yawꞈ maꞈ Yeˬsuˇ jawˇ gaˇ laˇ keuˆ ngeh, yaw beh nehꞈ yaw jawꞈ uˇ-euˬ tsawˇ haˬ kʼoeˇ gʼaˬ paˇ muiˬ kʼoꞈ laˇ-awˇ, mehˬ tsoeˬ yaw muiˬ-ehˇ dm-awˇ nuiˇ luꞈ gaˇ ya mawˇ-awˇ, guˆ dui dui-iˇ-euˬ meh.

Luˇkaꞈ 8:34

Aˬ zaꞈ bo luꞈ-eu tsawˇ haˬ deuˬ kʼoeˇ gaˇ mawˇ ngeh, cehˆ coeˬ coeˬ kʼoꞈ gʼeh-awˇ, meuˬ doe pu doe ni gaˇ kawˆ kʼoeˇ ja byah-iˇ-euˬ meh.