Maˬkuˆ 4:27 - Akha

²⁷ Ciꞈ le naˇ yuꞈ, bya laˇ naˇ tuˇ tuˇ-ehˇ jawˇ luꞈ ngeh, siˬ yoeˬ kʼoeˇ aˇ ji ji laˇ-awˇ huiˬ laˇ luꞈ-eu meh. Ehˇ kʼawꞈ, aˬ joˆ-ehˇ ji laˇ-awˇ huiˬ laˇ luꞈ-eu gaˇ kawˆ aˬ yawꞈ maˬ siˬ nya-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ Cifle nar-aq yuf, byalar nar-aq tur laer jawrluf ngae, siqyoeq khoer arji jilar-awr, huiqlar luf-eu mae. Aerkhawf, aqjox-aer jilar-awr huiqlar luf-eu garkawv, khoerghaq maq siqnya-a.

Maˬkuˆ 4:27 ပူးပေါင်းရင်းမြစ်များ

Dawˬ tsoˆ 11:5

Shaˬ yoeˬ shaˬ laꞈ laꞈ kʼoeˇ saꞈ laˇ aˬ joˆ-ehˇ bymˬ doˆ laˇ-euˬ gaˇ kawˆ hawˇ-eu, uˬ maˆ laꞈ kʼoeˇ zaˬ aˬ joˆ-ehˇ pyeuꞈ doˆ laˇ nya-euˬ gaˇ kawˆ nawˇ maˬ siˬ nya-eu-aˬ, yawˬ jeˬ na luꞈ-ahˇ beh-euˬ gʼaˬ pyeuꞈ-eu Miˬyehˇ neh mˇ-euˬ gaˇ-ahˇ aˬ joˆ-ehˇ siˬ nya nmˇ.

Dawˬ tsoˆ 8:17

Miˬyehˇ mˇ luꞈ-eu gaˇ-ahˇ nawˇ maˬ haw siˬ nya-aˇ. Nawˇ aˇ naˆ ni leh jeh-awˇ poˆ tseˇ haw kʼawꞈ, maˬ poˆ tseˇ duˬ nya-aˇ. Zaˬ siˬ tsawˇ gahˇ ahˇ-eu tsawˇ haˬ deuˬ yawˬ haˇ yawˬ ha aˇ naˆ ni nya ma lehˇ noeˬ kʼawꞈ, Miˬyehˇ neh mˇ-euˬ gaˇ-ahˇ maˬ siˬ duˬ nya-a.

Maˬkuˆ 4:26

Yeˬsuˇ heu loꞈ-ehˇ paˇ ehˇ-eu meh. “Miˬyehˇ Miˇkʼahˬ-aˬ, heu gaˇ duˇ-eu meh. Tsawˇ haˬ tiˬ gʼaˬ deh yaˇ-ahˇ siˬ yoeˬ sehˬ-euˬ meh.

Maˬkuˆ 4:28

Miˇ tsaˬ neh aˇ bawˬ bi mehˇ laˇ-awˇ, cehˇ nmˇ bi nmˇ le-eu meh.Yaw beh gʼo doˆ doˆ laˇ-awˇ, cehˇ nmˇ nmˇ le gʼaˬ ngeh, cehˇ iˬ maˇ le-awˇ, ga gʼm-iˇ-eu meh.

2 Teˇsaˬloˇni 1:3

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ gʼaˇ duˬ nga maꞈ Miˬyehˇ guiˬ lahˬ-ahˇ maˬ ja ceuˬ-ehˇ tiˬ kʼehˬ-iˬ maˬ jawˇ coeˇ nya. Naw maꞈ-euˬ jah-eu jeˬ huiˬ laˇ tehˇ tehˬ-awˇ, naw maꞈ yaw kaˬ tiˬ gʼaˬ tiˇ gʼaˬ gʼoeˇ-eu gaˬ-eu jeˬ myaˬ laˇ luꞈ-eu miˇ neh, nga maꞈ Miˬyehˇ-euˬ guiˬ lahˬ-ahˇ ja ceuˬ paˬ-ehˇ gʼeh-eu meh.

2 Beˬtuˆluˆ 3:18

Ehˇ kʼawꞈ, ka kʼoꞈ-eu gʼaˬ pyeuꞈ-eu aˬ dui-euˬ Sahˬpaˬ Yeˬsuˇ Ka li-euˬ guiˬ lahˬ yaw dzahˇ laꞈ kʼoeˇ hawˇ-eu aˬ yawꞈ-ahˇ siˬ nya-eu jeˬ laꞈ kʼoeˇ huiˬ laˇ mahˇ laˇ luꞈ-eu jeˬ taˬ bi tsehˆ-iˇ. Nymˬ-mˇ hawˇ-eu mˬ maˬ maˬ byaˆ zaˇ ziˇ aˬ yawꞈ yaw shehꞈ kʼahˬ sehˇ huiˬ luꞈ-uˇ. Aˬ miˬ