Maˬkuˆ 4:24 - Akha

²⁴ Aˬ yawꞈ maꞈ-ahˇ aˬ yawꞈ heu loꞈ-ehˇ paˇ ehˇ nehˬ-euˬ meh. “Kʼaˇ ya gaˬ-euˬ yawˬ jeˬ na luꞈ-ahˇ yaw muiˬ paˬ-ehˇ noeˬ gahˇ-awˇ naˇ haˬ geuꞈ-awˬ. Naw maꞈ neh aˬ cawˬ-ahˇ kʼaˇ jahˇ nehˬ-euˬ loꞈ-ehˇ, naw maꞈ-ahˇ Miˬyehˇ jahˇ kʼoꞈ nehˬ laꞈ tehꞈ-a. Kʼoeˇ naˆ maˬ tseˇ kʼawꞈ, naw maꞈ-ahˇ paˇ jahˇ kʼoꞈ nehˬ laꞈ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Khoernar-aq, Yeqsur, aqyawf maf-anr heulof-aer par aernaeq-euq mae, “Nawmaf nae kharya gaq-euq jeq-anr yanr-awq. Nawmaf, aqcawq-anr paeqnaeq savnaeq-euq lof-aer, aqcawq khawf, nawmaf-anr paeqkhof savkhof naeqlaf-eu uqtaf, nawmaf narhaq geuf-eu deuq-anr uqdzaeq biflanq naeqlaf taef-a.

Maˬkuˆ 4:24 ပူးပေါင်းရင်းမြစ်များ

Dawqdaq 19:27

Dawˬ mehˬ dawˬ tsoˆ maˬ naˇ haˬ ni byehˇ-eu aˬ li, za-euˬ tsawˇ gahˇ byoˆ jiˇ tehꞈ-a.

Iˇsaˬyaˇ 55:3

“Naˬ bawˇ ciˬ kʼmˇ-awˇ ngaˇ jawˇ gaˇ laˇ-awˬ. Dehꞈ-eu saꞈ laˇ za ni naˇ haˬ laˇ-awˬ. Mˬ maˬ maˬ byaˆ zaˇ ziˇ ziꞈ-eu dawˬ ma saˇ jaˇ, naw maꞈ nehˬ-ehˇ ngaˇ dzaˬ-eu ma. Daˬbiˇ-ahˇ saˇ jaˇ biꞈ taˬ-euˬ guiˬ lahˬ, naw maꞈ-ahˇ ngaˇ biꞈ ma.

Yeˬlaˬmiˇ 17:21

Aˬ yawꞈ maꞈ maˬ shiˇ-ehˇ dehꞈ mawꞈ naˇ, jawˇ nah ngeh nah-ahˇ myawˬ ma ya baꞈ maˬ ya pi-a lehˇ ehˇ nehˬ-awˬ. Jawˇ nah ngeh nah-ahˇ Yeˬluˇsaˬlehˬ meuˬ-euˬ lahˇ kʼehˬ deuˬ-ahˇ neh myawˬ maˬ ya sha ahˇ-a.

Maꞈtehˬ 7:2

Aˬ jeˬ miˇ neh ehˇ naˇ, aˬ cawˬ-ahˇ naw maꞈ yaw lehˬ poˆ-eu loꞈ-ehˇ, naw maꞈ-ahˇ kʼawꞈ Miˬyehˇ yaw lehˬ poˆ tehꞈ-a. Naw maꞈ aˬ cawˬ-ahˇ kʼaˇ haw doeˇ-euˬ naˆ ni, naw maꞈ-ahˇ Miˬyehˇ haw doeˇ tehꞈ-a.

Maˬkuˆ 9:7

Kʼoeˇ ngeh, aˬ yawꞈ maꞈ-ahˇ mˬ dmˇ dehˬ kaˬ le-awˇ, mˬ dmˇ laꞈ kʼoeˇ heu loꞈ-ehˇ dawˬ ngehˬ doˆ laꞈ-euˬ meh. “Heu-aˬ, ngaˇ gaˬ dui dui-eu ngaˬ-euˬ Zaˬmaˇ ma. Aˬ yawꞈ-euˬ dawˬ-ahˇ naˇ haˬ geuꞈ-awˬ.”

Luˇkaꞈ 8:18

“Naw maꞈ ya gaˬ-euˬ gaˇ kawˆ heu-ahˇ yaw muiˬ paˬ-ehˇ noeˬ gahˇ-awˬ. Aˬ jeˬ miˇ neh ehˇ naˇ, jaˆ-eu tsawˇ haˬ-ahˇ paˇ biꞈ lahˬ nehˬ-awˇ, maˬ jaˆ-eu tsawˇ haˬ-ahˇ-aˬ, yawˬ ha neh jaˆ ma lehˇ kʼaˇ noeˬ taˬ-euˬ dawˬ tawˆ luꞈ yuˇ jiˇ nehˬ tehꞈ-a.”

Yoˇhaˬ 10:16

Yawˇ yawˇ kuˆ heu kuˆ-ahˇ maˬ uˇ-eu ngaˬ-euˬ yawˇ deuˬ jawˇ te siˬ. Yawˇ kʼoeˇ deuˬ-ahˇ kʼawꞈ ngaˇ ya sheuˬ uˇ laꞈ-a siˬ. Aˬ yawꞈ maꞈ ngaˬ-euˬ dawˬ-ahˇ naˇ haˬ tehꞈ-a. Kʼoeˇ ngeh jawˇ, yawˇ dawˬ tawˆ luꞈ yawˇ yawˇ maꞈ tiꞈ maꞈ tehꞈ-ehˇ pyeuꞈ laˇ-awˇ, yawˇ bo-eu yaw sahˇ tiˬ sahˇ tehꞈ-ehˇ bo tehꞈ-a.

Yoˇhaˬ 10:27

Ngaˬ-euˬ yawˇ deuˬ ngaˬ-euˬ dawˬ naˇ haˬ-eu meh. Aˬ yawꞈ maꞈ-ahˇ ngaˇ siˬ nya-awˇ, aˬ yawꞈ maꞈ ngaˬ-euˬ mehˬ nah caw teh-eu meh.

Yoˇhaˬ 5:25

Shiˇ taˬ-euˬ loꞈ-ehˇ duˇ-eu tsawˇ haˬ deuˬ, Miˬyehˇ Zaˬmaˇ-euˬ dawˬ ya gaˬ-eu aˇ nah keuˆ le luꞈ-awˇ, aˇ nah kʼoeˇ nah heu gaˇ keuˆ le taˬ-euˬ meh. Aˬ yawꞈ-euˬ dawˬ-ahˇ naˇ haˬ geuꞈ-eu tsawˇ haˬ deuˬ yaw dehꞈ ya dehꞈ tehꞈ-a.

Gʼaˬkʼehˇ 17:11

Kʼoeˇ gaˇ jawˇ-eu tsawˇ haˬ deuˬ-aˬ, Teˇsaˬloˇni meuˬ-ahˇ jawˇ-eu tsawˇ haˬ deuˬ naˆ maˬ tseˇ nui ma laˇ gʼoˆ pah taˬ-awˇ, guiˬ lahˬ dawˬ-ahˇ nui ma keuˆ-eu laꞈ kʼoeˇ naˇ haˬ-awˇ, Pawˇluˆ neh ehˇ-euˬ kʼoeˇ tsaˬ-eu maˬ tsaˬ-eu siˬ duˬ laˇ ni yawˬ nah na luꞈ Jaˇliꞈ-ahˇ gui haw luꞈ-eu meh.

2 Gawˇliˬtu 9:6

Ngaˇ ehˇ mawꞈ-eu-aˬ, heu loꞈ-ehˇ ma. Ui cuiˆ tehꞈ-ehˇ sehˬ-euˬ tsawˇ haˬ-aˬ, ui cuiˆ tehꞈ-ehˇ ya yehˬ tehꞈ-a. Gʼawˬ mya ni sehˬ-euˬ tsawˇ haˬ-aˬ, gʼawˬ mya ni ya yehˬ tehꞈ-a.

HeˬByehˇ 2:1

Kʼoeˇ miˇ neh, aˬ dui-ahˇ yawˬ paw yawˬ maˬ bi tsahˇ jiˆ gʼeh-eu gʼaˇ duˬ, aˬ dui ya gaˬ taˬ-euˬ yaw tsaˬ yaw dawˇ jeˬ-ahˇ heu naˆ maˬ tseˇ ziꞈ dah ni ya tuˆ tehˬ taˬ meh.

1 Beˬtuˆluˆ 2:2

Zaˬ nahˬ aˬ coeˇ mehꞈ-eu loꞈ-ehˇ, aˬ myah luꞈ maˇ jawˆ ni gʼeh-eu saꞈ laˇ aˬ coeˇ mehꞈ-awˬ. Aˬ coeˇ kʼoeˇ dawˇ-eu ba da neh naw maꞈ saꞈ laˇ paw huiˬ laˇ mahˇ laˇ-awˇ, ka kʼoꞈ-eu jeˬ za tehꞈ-a.

1 Yoˇhaˬ 4:1

Ngaˇ gaˬ dui dui-eu cawˬ deuˬ-oˇ, Yaw sahˇ Miˬyehˇ za-euˬ tsawˇ haˬ ma lehˇ kʼaˇ ehˇ laˇ gaˇ naw maꞈ maˬ jah ni, aˬ yawꞈ maꞈ za-euˬ yaw sahˇ kʼoeˇ Miˬyehˇ jawˇ gaˇ neh oe-euˬ nga loˇ lehˇ jeˬ huˬ lawˬ haw-awˬ. Aˬ jeˬ miˇ neh ehˇ naˇ, Miˬyehˇ gʼaˇ duˬ ngehˬ dah-eu maˬ ngeuˇ-eu tsawˇ haˬ deuˬ miˇ tsaˬ doe ni iˇ byah taˬ-euˬ meh.