Maˬkuˆ 4:19 - Akha

¹⁹ Ehˇ kʼawꞈ, yaw dehꞈ dehꞈ-eu gaˇ kawˆ kʼahˬ lahˇ-eu jeˬ, pyuˇ shuiˇ myawˬ gahˬ-ahˇ gaˬ-eu jeˬ hawˇ-eu, miˇ tsaˬ kʼoeˇ taˆ nui kʼahˇ kʼaˇ jaˆ-eu jeˬ dawˬ tawˆ luꞈ keuˆ le teuˇ le ngeh, Miˬyehˇ-euˬ dawˬ kawˬ-ahˇ uˆ tehˬ-awˇ, aˇ siˬ maˬ siˬ le nya-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ mirtsaq-euq khoertav jawr ngae khanqlanr-eu jeq, pyurshuir myawqganq-euq jaqmyawf maershuir hawr-eu kharngeur-eu jeq-anr maerjuir juir-eu jeq nae, Yaerdawq khoer-anr uvtaeq taq-euq mirnae, arsiq maq siqle nya-eu gar aer-eu mae.

Maˬkuˆ 4:19 ပူးပေါင်းရင်းမြစ်များ

Dawqdaq 23:4

Smˇ muiˬ muiˬ laˇ ni tehꞈ-ehˇ maˬ leh jeh ni noeˬ gahˇ-awˬ.

Dawqdaq 23:5

Nawˬ-euˬ pyuˇ shuiˇ myawˬ gahˬ myaˆ tiˬ miˆ laꞈ kʼoeˇ tehꞈ-ehˇ byoˆ jiˇ nya meh. Kʼaˬ dzeˇ loꞈ-ehˇ aˬ dahˇ tsoꞈ laˇ-awˇ zaw byoˆ gʼeh nya-eu meh. -8-

Dawˬ tsoˆ 4:8

Yawˬ ha tiˬ gʼaˬ tehꞈ-ehˇ dahˬ dzaˬ-eu tsawˇ haˬ tiˬ gʼaˬ jawˇ-eu meh. Aˬ yawꞈ aˬ yuiꞈ aˬ nyiˇ maˬ baw, zaˬ maˬjawˇ kʼawꞈ, aˬ yawꞈ-euˬ pyuˇ shuiˇ myawˬ gahˬ-ahˇ nui kʼahˇ maˬ shiˇ-ehˇ, maˬ naˬ leˇ ni mˇ dui dui-eu meh. Yawˬ ha-euˬ gʼawˇ mawˇ yaw saˇ maˬ oꞈ ni aˬ suˇ gʼaˬ gʼaˇ duˬ aˬ yawꞈ mˇ luꞈ-eu gaˇ kawˆ, aˬ yawꞈ maˬ shaˇ noeˬ-a. Heu kʼawꞈ, tiˬ jeˬ-iˬ gaˇ dahˇ maˬ tsoeˬ-a. Maˬ mˇ paˬ-ehˇ gʼeh-eu gaˇ meh.

Iˇsaˬyaˇ 5:2

Aˬ yawꞈ yaˇ kmˇ duˬ ngeh kʼaˬ lo gʼoˆ dzeh jiˇ-awˇ, muiˬ dui dui-eu aˬ gaꞈ ciˇ ni deuˬ ka-euˬ meh. Aˬ gaꞈ yaˇ kmˇ-ahˇ loꞈ-eu yaˇ cmˇ cmˇ goˇ tsoˆ-awˇ, aˬ gaꞈ dzaˇ uiˇ lehˬ duˬ jahˇ gʼaˬ taˬ-awˇ, Aˬ gaꞈ aˇ siˬ awꞈ laˇ jiˇ ngeh keuˆ ni loꞈ keuˆ-euˬ meh. Ehˇ kʼawꞈ, aˬ gaꞈ aˇ siˬ dawˬ tawˆ luꞈ yaw cehˇ meh.

Iˇsaˬyaˇ 5:4

Aˬ gaꞈ yaˇ kmˇ laꞈ kʼoeˇ mˇ paˬ-ehˇ gʼeh-eu jeˬ, ngaˇ maˬ mˇ ni byehˇ-euˬ aˬ jeˬ jaˆ ta. Aˬ gaꞈ aˇ siˬ yaw muiˬ bi siˬ le-eu lehˇ bo saˆ ngeh, aˬ jeˬ miˇ neh yaw cehˇ tehꞈ-ehˇ siˬ le ta.

Maꞈtehˬ 13:22

Aˬ gah gah yaˇ-ahˇ ga-iˇ-euˬ siˬ yoeˬ lehˇ ehˇ-eu-aˬ, dawˬ kʼoeˇ deuˬ-ahˇ ya gaˬ-euˬ kʼawꞈ, shiˬ shaˬ jiˇ gaˇ kawˆ kʼahˬ lahˇ-eu jeˬ hawˇ-eu, pyuˇ shuiˇ myawˬ gahˬ-ahˇ gaˬ-eu nui ma neh bi uˆ tehˬ-awˇ, aˇ siˬ maˬ siˬ le nya-eu tsawˇ haˬ deuˬ-ahˇ ehˇ mawꞈ-eu meh.

Maꞈtehˬ 19:23

Kʼoeˇ ngeh, zaˬ lahˇ deuˬ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Ngaˇ naw maꞈ-ahˇ maˇ jawˆ ni ehˇ-eu ma. Smˇ muiˬ smˇ baw deuˬ Mˬtaˆ Miˇkʼahˬ-ahˇ uˇ leˇ-eu shaˬ dui dui meh.

Maꞈtehˬ 3:10

Aˇ bawˇ duˬ ciˇ-ahˇ tuˆ ni tuˇ coˬ-eu gʼaˇ duˬ, deuˆ haˬ lehˬ hmˬ taˬ-euˬ meh. Aˇ siˬ yaw muiˬ paˬ-ehˇ maˬ siˬ le-eu aˇ bawˇ deuˬ bi tuˇ dzeh-awˇ, miˬ dzaˬ-ahˇ bi baꞈ puiˆ tehꞈ-a.

Maˬkuˆ 4:18

Tsawˇ haˬ tiˬ paˆ na deuˬ-aˬ, aˬ gah gah yaˇ-ahˇ ga-iˇ-euˬ siˬ yoeˬ-ahˇ duˇ-eu meh. Aˬ yawꞈ maꞈ-aˬ, Miˬyehˇ dawˬ kawˬ-ahˇ ya gaˬ-euˬ tsawˇ haˬ deuˬ meh.

Luˇkaꞈ 10:41

Ehˇ kʼawꞈ, Yeˬsuˇ ehˇ-eu, “Maˬta-oˇ, Maˬta-oˇ. Nawˇ-aˬ, gʼawˬ mya jeˬ tehˬ gʼa-awˇ kʼahˬ lahˇ luꞈ-eu nga.

Luˇkaꞈ 21:34

“Naw maꞈ yaw beuˇ beuˇ-ehˇ jawˇ-awˬ. Maˬ ngeuˇ naˇ, dzaˬ boˆ dawˇ boˆ boˆ-eu jeˬ, dzaˬ yehꞈ dawˇ yehꞈ-eu jeˬ hawˇ-eu, yaw dehꞈ dehꞈ-eu gaˇ kawˆ kʼahˬ lahˇ-eu jeˬ naw maꞈ-euˬ nui ma-ahˇ ciˬ tehˬ taˬ-awˇ maˬ noeˬ maˬ duˇ-ehˇ jawˇ luꞈ ngeh, lahˇ ju-ahˇ paꞈ leˇ-eu loꞈ-ehˇ, aˇ nah kʼoeˇ nah naw maꞈ kʼoeˇ taˆ ja pyuˬ ni bi keuˆ le nmˬ-mˇ.

Yoˇhaˬ 15:2

Aˇ siˬ maˬ siˬ le-eu ngaˬ-euˬ uˬ laꞈ deuˬ-ahˇ aˬ yawꞈ deuˆ cuˬ dzeh jiˇ-eu meh. Ehˇ kʼawꞈ, aˇ siˬ siˬ le-eu uˬ laꞈ deuˬ-ahˇ-aˬ, bi siˬ dzehˬ le-eu gʼaˇ duˬ, uˬ pyaˬ daw nehˬ-eu meh.

Lormav 12:2

Miˇ tsaˬ zaˬ deuˬ dehꞈ-eu loꞈ-ehˇ maˬ dehꞈ ni, naw maꞈ-euˬ nui ma poˆ laˆ laˆ doˆ-awˇ, naw maꞈ-euˬ laꞈ kʼoeˇ paw Miˬyehˇ neh yaw shuiꞈ bi jahˇ paˇ-awˬ. Kʼoeˇ loꞈ-ehˇ jahˇ naˇ, Miˬyehˇ-euˬ nui kʼahˇ-ahˇ naw maꞈ siˬ nya laˇ tehꞈ-a. Muiˬ-eu jeˬ, aˬ yawꞈ nui ma tsaˬ-eu jeˬ hawˇ-eu, byah dui dui-eu jeˬ-ahˇ naw maꞈ siˬ nya laˇ tehꞈ-a.

Eˇpeˇsu 2:2

Kʼoeˇ ngeh, miˇ tsaˬ heu-ahˇ taꞈ-eu maˬ muiˬ maˬ jaˬ-eu jeˬ mehˬ nah naw maꞈ caw teh-awˇ, mˬ hawˇ-eu miˇ yaw kaˬ-ahˇ uˆ lahˇ-eu yaw sahˇ-euˬ mehˬ nah caw teh-euˬ meh. Yaw sahˇ kʼoeˇ-aˬ, nymˬ-mˇ Miˬyehˇ-euˬ dawˬ-ahˇ maˬ naˇ haˬ-eu deuˬ-ahˇ uˆ lahˇ luꞈ-eu meh.

Eˇpeˇsu 6:12

Aˬ jeˬ miˇ neh ehˇ naˇ, tsawˇ haˬ zaˬ-ahˇ aˬ dui deuˆ ceh ceh luꞈ-eu maˬ ngeuˇ. Maˬ mawˇ nya-eu haiˬ dui dui-eu mˬ taˆ-euˬ yaw sahˇ pyeuꞈ-eu uˆ lahˇ-eu deuˬ-ahˇ maˬ ehˇ, baoˬ deuˬ-ahˇ maˬ ehˇ, zahˇ tsui ni gʼeh-eu ziˇ heu ziˇ-ahˇ dzoeˬ luꞈ-eu mˬ hawˇ-eu miˇ yaw kaˬ-ahˇ jawˇ-eu deuˬ-ahˇ maˬ ehˇ, aˬ dui deuˆ ceh ceh luꞈ-eu ma.

Piˇliˇpiˆ 4:6

Tiˬ jeˬ-ahˇ-iˬ kʼahˬ taˬ lahˇ. Ehˇ kʼawꞈ, naw maꞈ guiˬ lahˬ kʼaˇ shaˇ ngeh, naw maꞈ loˬ-eu jeˬ Miˬyehˇ-ahˇ shaˇ-awˬ. Aˬ myah luꞈ aˬ yawꞈ-ahˇ guiˬ lahˬ huiˬ-eu nui ma ahˇ-eu laꞈ kʼoeˇ shaˇ-awˬ.

1 Tiˆmoˇseˬ 6:17

Miˇ tsaˬ heu kʼoeˇ taˆ dehꞈ ngeh smˇ muiˬ muiˬ-eu tsawˇ haˬ deuˬ-ahˇ nui ma taˬ huiˬ lehˇ ehˇ nehˬ-awˬ. Yaw duˬ maˬ baw-eu pyuˇ shuiˇ myawˬ gahˬ deuˬ-ahˇ maˬ noeˬ tmˬ-ehˇ, aˬ dui laˬ kʼaˬ ya cehˇ ni yawˬ jeˬ na luꞈ tiˬ byah tiˬ loꞈ biꞈ laˬ-eu gʼaˬ pyeuꞈ-eu Miˬyehˇ-ahˇ noeˬ tmˬ-awˬ lehˇ mehˬ nehˬ-awˬ.

2 Tiˆmoˇseˬ 4:10

Deˬmaˆ-aˬ, heu ziˇ-ahˇ taꞈ-eu miˇ tsaˬ heu-ahˇ gaˬ-eu miˇ neh, ngaˬ-ahˇ byehˇ dzeh yaꞈ-awˇ Teˇsaˬloˇni meuˬ-ahˇ iˇ-euˬ meh. Gaˬleˬgeˬ gʼaˬ-aˬ, Gaˬlaˬtiˆ miˇ kʼahˬ-ahˇ iˇ-awˇ, Tiˇtuˆ gʼaˬ-aˬ, Daˬlaˬmaˬdiˇ miˇ kʼahˬ-ahˇ iˇ-euˬ meh.

2 Beˬtuˆluˆ 1:8

Heu deuˬ-aˬ, naw maꞈ loˬ dui dui-eu jeˬ pyeuꞈ-eu meh. Naw maꞈ heu deuˬ tiˬ byah tiˬ loꞈ ahˇ naˇ, gaˇ dahˇ tsoeˬ-eu tsawˇ haˬ pyeuꞈ laˇ-awˇ, aˬ dui-euˬ Sahˬpaˬ Yeˬsuˇ Ka li-ahˇ naw maꞈ siˬ nya-eu jeˬ byah dzehˬ laˇ tehꞈ-a.

Yuˇdaˆ 1:12

Aˬ yawꞈ maꞈ yawˬ ha uˬ maˆ dehˆ ni tehꞈ-ehˇ shaˇ sawˇ-awˇ, shaꞈ dawˇ-eu maˬ baw ni dzaˬ-eu dawˇ-eu aˇ dzehˬ-ehˇ gʼeh-eu kʼoeˇ-aˬ, naw maꞈ gʼoeˇ-eu gaˬ-eu laꞈ kʼoeˇ dzaˬ taꞈ dawˇ taꞈ-eu hawˬ byawˇ-ahˇ laˆ jawꞈ gaˇ duˇ-eu meh. Aˬ yawꞈ maꞈ-aˬ, jaˬ lehˇ neh bi baw ha gʼeh-euˬ uˬ yehˇ maˬ ahˇ-eu mˬ dmˇ-ahˇ duˇ-eu meh. Aˇ siˬ siˬ yamˬ-ahˇ maˬ siˬ le-eu miˇ neh puˇ ngawˬ ciˇ lehˆ-ehˇ bi gʼawˇ dzeh-awˇ nyiˬ poˆ shiˇ-euˬ aˇ siˬ aˇ bawˇ-ahˇ duˇ-eu meh.