Maˬkuˆ 4:14 - Akha

¹⁴ Siˬ yoeˬ sehˬ-eu gʼaˬ Miˬyehˇ dawˬ kawˬ sehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Siqyoeq saeq-eu ghaq-aq, Yaerdawq saeq-eu mae.

Maˬkuˆ 4:14 ပူးပေါင်းရင်းမြစ်များ

Iˇsaˬyaˇ 32:20

lawˇ gawˆ dawˬ peh ya ka dzaˬ ya ka dawˇ-awˇ, mawˇ neˇ hawˇ-eu mahˬ tahˬ laˆ pyehˬ taˬ-euˬ naw maꞈ, laˬ kʼaˬ cehˇ duˬ aˇ naˆ ni huiˬ-eu nga.

Maꞈtehˬ 13:19

Gaˇ ma-ahˇ ga-iˇ-euˬ siˬ yoeˬ lehˇ ehˇ-eu-aˬ, Miˬyehˇ Miˇkʼahˬ gaˇ kawˆ mehˬ gaˇ ya gaˬ-euˬ kʼawꞈ, maˬ gʼoˆ shaw nya-eu tsawˇ haˬ deuˬ-ahˇ ehˇ mawꞈ-eu meh. Haiˬ-eu yaw sahˇ laˇ-awˇ, aˬ yawꞈ maꞈ-euˬ nui ma laꞈ kʼoeˇ sehˬ ahˇ taˬ-euˬ jeˬ-ahˇ ja tawˆ ni yuˇ byoˆ gʼeh-eu meh.

Maꞈtehˬ 13:3

Aˬ yawꞈ yaw jeˬ ma jeˬ ja ja-ehˇ, gʼawˬ mya jeˬ mehˬ nehˬ tsoˆ nehˬ-euˬ meh. “Siˬ yoeˬ sehˬ-eu tsawˇ haˬ tiˬ gʼaˬ siˬ yoeˬ sehˬ-iˇ-euˬ meh.

Maꞈtehˬ 13:37

Yeˬsuˇ ehˇ-eu, “Siˬ yoeˬ yaw muiˬ sehˬ-eu gʼaˬ lehˇ ehˇ-eu-aˬ, Tsawˇhaˬ-euˬ Zaˬmaˇ-ahˇ ehˇ-eu meh.

Maˬkuˆ 2:2

Tsawˇ haˬ gʼawˬ mya ni uiˬ laˇ-euˬ miˇ neh, nymˇ laꞈ kʼoeˇ maˬ deˇ leˇ-eu uˬ taꞈ, laꞈ nyiˇ paw kʼawꞈ jawˇ kʼaˇ maˬ za-a. Tsawˇ haˬ kʼoeˇ deuˬ-ahˇ Yeˬsuˇ dawˬ mehˬ mehˬ nehˬ luꞈ-eu meh.

Maˬkuˆ 4:13

Kʼoeˇ naˇ, aˬ yawꞈ maꞈ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Yaw jeˬ ma jeˬ heu hmˬ naw maꞈ-ahˇ maˬ gʼoˆ shaw laˇ nya loˇ. Toˆ-ehˇ ngeuˇ naˇ, yaw jeˬ ma jeˬ kʼaˇ ja mehˬ-euˬ dawˬ tawˆ luꞈ-ahˇ naw maꞈ aˬ joˆ-ehˇ gʼoˆ shaw nya nmˇ.

Maˬkuˆ 4:15

Tsawˇ haˬ tiˬ paˆ na deuˬ-aˬ, gaˇ ma-ahˇ ga-iˇ-euˬ siˬ yoeˬ-ahˇ duˇ-eu meh. Aˬ yawꞈ maꞈ Miˬyehˇ dawˬ kawˬ-ahˇ ya gaˬ-euˬ nehˬ-ehˇ, nehꞈ Saˬdaˬ oe-awˇ gʼoˆ dzeh-euˬ meh.

Maˬkuˆ 4:3

“Naˇ haˬ sheˇ. Tsawˇ haˬ tiˬ gʼaˬ siˬ yoeˬ sehˬ-iˇ-euˬ meh.

Luˇkaꞈ 1:2

Gaˇ kawˆ kʼoeˇ deuˬ-ahˇ aˇ dahˬ beh ngeh neh ya mawˇ-euˬ deuˬ hawˇ-eu, guiˬ lahˬ dawˬ mehˬ-eu deuˬ neh kʼaˇ dzawˇ mehˬ-euˬ loꞈ-ehˇ aˬ yawꞈ maꞈ boꞈ-euˬ meh.

Luˇkaꞈ 8:11

“Yaw jeˬ ma jeˬ heu hmˬ-euˬ dawˬ tsuiꞈ-aˬ, heu loꞈ-ehˇ meh. Siˬ yoeˬ-aˬ, Miˬyehˇ-euˬ dawˬ meh.

Gʼaˬkʼehˇ 8:4

Cehˆ byaˆ taˬ-euˬ jah-eu tsawˇ haˬ kʼoeˇ deuˬ, yawˬ gaˇ na luꞈ guiˬ lahˬ dawˬ mehˬ mehˬ-ehˇ cah-euˬ meh.