Maˬkuˆ 3:9 - Akha

⁹ Tsawˇ haˬ aˇ maꞈ kʼoeˇ myaˬ dui dui-eu miˇ neh, aˬ yawꞈ-ahˇ tahˬ tehˬ laˇ gaˇ guˆ-awˇ, aˬ yawꞈ-euˬ gʼaˇ duˬ lawˬ tiˬ laˇ lehˬ hmˬ taˬ-awˬ lehˇ, zaˬ lahˇ deuˬ-ahˇ aˬ yawꞈ ehˇ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Khoermirnae, tsawrhaq armaf mafma, aqyawf-anr maqya tanqsuf larni, aqyawf-euq gharduq lawq lawqzaq tiq lawq laeqhmq sher-eq laer Yeqsur, zaqlanr deuq-anr khaer-euq mae.

Maˬkuˆ 3:9 ပူးပေါင်းရင်းမြစ်များ

Maꞈtehˬ 15:39

Kʼoeˇ naˇ, tsawˇ haˬ aˇ maꞈ kʼoeˇ deuˬ-ahˇ bi gʼoꞈ-iˇ-awˇ, aˬ yawꞈ-aˬ lawˬ dziˬ-awˇ, Maˬgaˬdaˬ miˇ kʼahˬ-ahˇ iˇ gʼeh-euˬ meh.

Maˬkuˆ 4:1

Lah lah dzeˇ, Yeˬsuˇ tiˬ poˆ paˇ mehˬ paˇ tsoˆ-euˬ meh. Aˬ yawꞈ jawˇ gaˇ uiˬ le-euˬ tsawˇ haˬ aˇ maꞈ myaˬ dui dui-eu miˇ neh, aˬ yawꞈ lawˬ laꞈ kʼoeˇ uˇ-iˇ-awˇ nuiˇ-euˬ meh. Lawˬ kʼoeˇ laˇ lah kʼoeˇ taˆ jaˆ-awˇ, tsawˇ haˬ aˇ maꞈ lah lah dzeˇ yawꞈ luꞈ-eu meh.

Maˬkuˆ 4:36

Kʼoeˇ naˇ, aˬ yawꞈ maꞈ tsawˇ haˬ aˇ maꞈ maꞈ ma-ahˇ gʼawˬ-iˇ-awˇ, yeˬsuˇ nuiˇ luꞈ-eu lawˬ kʼoeˇ laˇ laꞈ kʼoeˇ zaˬ lahˇ deuˬ uˇ-i-awˇ, Yeˬsuˇ-ahˇ sheuˬ-awˇ doˆ-iˇ-euˬ meh. Lawˬ nui deuˬ kʼawꞈ, aˬ yawꞈ maꞈ nehˬ-ehˇ iˇ-euˬ meh.

Maˬkuˆ 5:2

Yeˬsuˇ lawˬ-euˬ laꞈ nyiˇ doˆ le-euˬ nehˬ-ehˇ, lmˬ bymˇ lo kʼahˬ-ahˇ jawˇ-eu doˆ le-euˬ nehꞈ uˇ-eu tsawˇ haˬ tiˬ gʼaˬ-ahˇ tahˬ puˬ-euˬ meh.

Maˬkuˆ 5:30

Yeˬsuˇ-aˬ, aˬ yawꞈ-euˬ laꞈ kʼoeˇ ahˇ-eu naˇ gawˇ bi taˬ leˇ-eu baoˬ doˆ-iˇ-euˬ aˬ yawꞈ-ahˇ siˬ leˇ-awˇ, tsawˇ haˬ aˇ maꞈ maꞈ ma gʼahˇ ceh naˇ kʼah paw zeuˆ pyawˇ-awˇ ehˇ-eu, “Ngaˬ-euˬpehˇ kʼahˬ-ahˇ toeˬ ciˆ-euˬ aˬ suˇ gʼaˬ-a.”

Maˬkuˆ 6:32

Kʼoeˇ ngeh, aˬ yawꞈ maꞈ tehꞈ-ehˇ lawˬ dziˬ-awˇ, ciˬ cuˇ ni gʼeh-eu jawˇ duˬ-ahˇ doˆ-iˇ-euˬ meh.

Luˇkaꞈ 5:1

Tiˬ nah-aˬ, Geˬneˬsaˬlehˇ lah lah dzeˇ Yeˬsuˇ yawꞈ luꞈ ngeh, Miˬyehˇ-euˬ dawˬ kawˬ naˇ haˬ-eu gʼaˇ duˬ, tsawˇ haˬ aˇ maꞈ maꞈ ma aˬ yawꞈ jawˇ gaˇ tah uˇ le luꞈ-eu meh.

Luˇkaꞈ 5:3

Lawˬ kʼoeˇ tiˬ laˇ-aˬ, Siˇmoˬ-euˬ lawˬ pyeuꞈ-eu meh. Siˇmoˬ-euˬ lawˬ-ahˇ Yeˬsuˇ uˇ-iˇ-awˇ, lawˬ kʼoeˇ laˇ-ahˇ lah laꞈ kʼoeˇ paw ui cuiˆ dehˬ uˇ gʼeh-eu gʼaˇ duˬ, Siˇmoˬ-ahˇ aˬ yawꞈ kʼehˇ-euˬ meh. Yeˬsuˇ lawˬ laꞈ kʼoeˇ nuiˇ-awˇ, tsawˇ haˬ aˇ maꞈ-ahˇ mehˬ nehˬ tsoˆ nehˬ-euˬ meh.

Yoˇhaˬ 6:15

Aˬ yawꞈ maꞈ aˬ yawꞈ-ahˇ nyehꞈ-awˇ, sahˬ paˬ maˬ geuꞈ-ehˇ maˬ juˬ ni jahˇ tehꞈ-a lehˇ Yeˬsuˇ siˬ duˬ taˬ-euˬ miˇ neh, gawˬ duˇ paw paˇ le daˆ leꞈ-euˬ meh.