Maˬkuˆ 3:7 - Akha

⁷ Yeˬsuˇ hawˇ-eu aˬ yawꞈ-euˬ zaˬ lahˇ deuˬ Gaˬliˬlehˇ lah-ahˇ iˇ-euˬ meh. Gaˬliˬlehˇ miˇ kʼahˬ hawˇ-eu Yuˇdaˆ miˇ kʼahˬ-ahˇ jawˇ-eu tsawˇ haˬ deuˬ, baˬ maꞈ puˇ jeˬ-ahˇ aˬ yawꞈ maꞈ-euˬ mehˬ nah caw teh-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Yeqsur, aqyawf-euq zaqlanr deuq naeq-aer lan jav-eu paw ir ngae, Gaqliqlaer mirkhanq hawr-eu Yurdav mirkhanq-anr jawr-eu tsawrhaq ghawqmya’ni aqyawf-euq maeqnan cantae ghae-euq mae.

Maˬkuˆ 3:7 ပူးပေါင်းရင်းမြစ်များ

Maꞈtehˬ 10:23

Meuˬ tiˬ meuˬ laꞈ kʼoeˇ, aˬ caw naw maꞈ-ahˇ kʼehˬ laˇ naˇ, yawˬ meuˬ yawˬ-ahˇ cehˆ-awˬ. Iˇsaˬleˬlaˆ miˇ kʼahˬ laꞈ kʼoeˇ jaˆ-eu meuˬ yawˬ meuˬ na luꞈ-ahˇ naw maꞈ gaˇ maˬ mˇ jiˇ mi naˆ-ehˇ, Tsawˇhaˬ-euˬ Zaˬmaˇ oe keuˆ tehꞈ-a lehˇ, ngaˇ naw maꞈ-ahˇ maˇ jawˆ ni ehˇ-eu ma.

Maꞈtehˬ 12:15

Aˬ cawˬ aˬ yawꞈ-ahˇ sehꞈ-eu lehˇ bawˬ kʼoeˬ luꞈ-eu gaˇ kawˆ Yeˬsuˇ ya siˬ ngeh, jawˇ duˬ kʼoeˇ tsahˇ-ahˇ neh yahˇ doˆ-euˬ meh. Tsawˇ haˬ gʼawˬ mya ni aˬ yawꞈ-euˬ mehˬ nah caw teh-awˇ, naˇ-eu tsawˇ haˬ dawˬ tawˆ luꞈ-ahˇ aˬ yawꞈ laˆ taˬ nehˬ-euˬ meh.

Maꞈtehˬ 12:16

Aˬ yawꞈ-euˬ gaˇ kawˆ aˬ cawˬ-ahˇ maˬ ja nehˬ ni yahˇ-eu gʼaˇ duˬ, aˬ yawꞈ maꞈ-ahˇ aˬ yawꞈ dawˬ biꞈ nehˬ-euˬ meh.

Maꞈtehˬ 4:25

Gaˬliˬlehˇ miˇ kʼahˬ, Meuˬ tseˇ meuˬ-euˬ miˇ kʼahˬ, Yeˬluˇsaˬlehˬ meuˬ, Yuˇdaˆ miˇ kʼahˬ, Yawˇdaˬ lawˇ baˬ nui baˬ paw jaˆ-eu miˇ kʼahˬ, heu deuˬ laꞈ kʼoeˇ jawˇ-eu tsawˇ haˬ deuˬ aˬ yawꞈ mehˬ nah caw teh-euˬ meh. Aˬ yawꞈ mehˬ nah caw teh-eu tsawˇ haˬ aˇ maꞈ kʼoeˇ maꞈ myaˬ dui dui-eu meh.

Maˬkuˆ 1:39

Kʼoeˇ naˇ, Gaˬliˬlehˇ miˇ kʼahˬ doe ni aˬ yawꞈ iˇ-awˇ, uˬ duˬ tahˬ nymˇ laꞈ kʼoeˇ dawˬ mehˬ mehˬ mehˬ-ehˇ cah-awˇ, nehꞈ uˇ-eu tsawˇ haˬ deuˬ-ahˇ nehꞈ teh doˆ nehˬ-euˬ meh.

Maˬkuˆ 1:45

Ehˇ kʼawꞈ, tsawˇ haˬ kʼoeˇ gʼaˬ gʼoꞈ-iˇ-awˇ, gaˇ kawˆ kʼoeˇ yawˬ gaˇ na luꞈ ja doe-iˇ-euˬ meh. Aˬ yawꞈ neh aˇ dzehˬ ja byah dzeuˇ-euˬ miˇ neh, Yeˬsuˇ aˬ cawˬ mawˇ mawˇ-ehˇ meuˬ laꞈ kʼoeˇ maˬ iˇ nya ni pyeuꞈ-iˇ-euˬ meh. Meuˬ-euˬ laꞈ nyiˇ paw ciˬ cuˇ ni gʼeh gaˇ tehꞈ-ehˇ aˬ yawꞈ jawˇ-awˇ, yawˬ paw na luꞈ jawˇ-eu tsawˇ haˬ deuˬ aˬ yawꞈ jawˇ gaˇ laˇ-euˬ meh.

Maˬkuˆ 3:20

Kʼoeˇ naˇ, Yeˬsuˇ iˇ kahˇ-ahˇ gʼoꞈ-iˇ-euˬ meh. Tsawˇ haˬ aˇ maꞈ maꞈ ma paˇ uiˬ laˇ-euˬ miˇ neh, Yeˬsuˇ hawˇ-eu aˬ yawꞈ-euˬ zaˬ lahˇ deuˬ hawˬ dzaˬ-eu maˬ dah-a.

Maˬkuˆ 4:1

Lah lah dzeˇ, Yeˬsuˇ tiˬ poˆ paˇ mehˬ paˇ tsoˆ-euˬ meh. Aˬ yawꞈ jawˇ gaˇ uiˬ le-euˬ tsawˇ haˬ aˇ maꞈ myaˬ dui dui-eu miˇ neh, aˬ yawꞈ lawˬ laꞈ kʼoeˇ uˇ-iˇ-awˇ nuiˇ-euˬ meh. Lawˬ kʼoeˇ laˇ lah kʼoeˇ taˆ jaˆ-awˇ, tsawˇ haˬ aˇ maꞈ lah lah dzeˇ yawꞈ luꞈ-eu meh.

Luˇkaꞈ 23:5

Ehˇ kʼawꞈ, Yeˬsuˇ-ahˇ yaw lehˬ poˆ-eu tsawˇ haˬ kʼoeˇ deuˬ yaw kʼaˆ-ehˇ paˇ leh jeh laˇ-awˇ ehˇ-eu, “Yuˇdaˆ miˇ kʼahˬ kʼahˬ lah ni miˇ kʼahˬ zaˬ deuˬ luiˬ gʼa laˇ ni aˬ yawꞈ mehˬ luꞈ tsoˆ luꞈ-eu meh. Gaˬliˬlehˇ miˇ kʼahˬ-ahˇ mehˬ dahˬ beh-awˇ, nymˬ-mˇ heu gaˇ mehˬ keuˆ laˇ-euˬ meh.”

Luˇkaꞈ 6:12

Aˇ nah aˇ yamˬ kʼoeˇ laꞈ kʼoeˇ, Yeˬsuˇ gawˬ jawˬ-ahˇ daˆ leˇ-awˇ guiˬ lahˬ shaˇ-euˬ meh. Uˬ ciꞈ miˇ lah-ehˇ Miˬyehˇ-ahˇ guiˬ lahˬ shaˇ bya-euˬ meh.

Luˇkaꞈ 6:17

Yeˬsuˇ aˬ yawꞈ-euˬ gʼaˬ kʼehˇ deuˬ nehˬ-ehˇ gawˬ jawˬ-ahˇ neh zaꞈ ka le-awˇ, myaˬ dui dui-eu zaˬ lahˇ deuˬ nehˬ-ehˇ deh ga-ahˇ yawꞈ luꞈ-eu meh. Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ, iˬ ma laˆ shaˆ lawˇ deh-ahˇ jaˆ-eu Duˇlu meuˬ hawˇ-eu Siˇdoˬ meuˬ-ahˇ jawˇ-eu tsawˇ haˬ deuˬ uˬ taꞈ, Yuˇdaˆ miˇ kʼahˬ kʼahˬ lah ni jawˇ-eu tsawˇ haˬ deuˬ uiˬ laˇ-awˇ, tsawˇ haˬ myaˬ dui dui-eu meh. Aˬ yawꞈ mehˬ nehˬ tsoˆ nehˬ gaˇ naˇ haˬ-eu gʼaˇ duˬ hawˇ-eu, aˬ yawꞈ neh naˇ gawˇ bi laˆ taˬ-eu gʼaˇ duˬ, aˬ yawꞈ maꞈ uiˬ laˇ taˬ-euˬ meh.

Yoˇhaˬ 7:41

Yawˬ deuˬ yawˬ ehˇ-eu, “Aˬ yawꞈ Meˬsiˇya ngaˇ.” Ehˇ kʼawꞈ, tiˬ deuˬ paˇ ehˇ-eu, “Meˬsiˇya Gaˬliˬlehˇ miˇ kʼahˬ-ahˇ neh maˬ oe-aˇ.

Yoˇhaˬ 7:52

Aˬ yawꞈ maꞈ aˬ yawꞈ-ahˇ ehˇ-eu, “Nawˇ gʼeh Gaˬliˬlehˇ miˇ kʼahˬ-ahˇ neh oe-euˬ tsawˇ haˬ te loˇ. Jaˇliꞈ-ahˇ gui duˬ haw sheˇ. Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ-iˬ Gaˬliˬlehˇ miˇ kʼahˬ-ahˇ neh maˬ doˆ le haw-euˬ nawˇ ya siˬ duˬ tehꞈ-a.”

Gʼaˬkʼehˇ 17:10

Uˬ ciꞈ ciꞈ le-eu nehˬ-ehˇ, jah-eu tsawˇ haˬ deuˬ Pawˇluˆ hawˇ-eu Siˬlaˆ-ahˇ Beˬliˇ meuˬ-ahˇ tiˬ poˆ tehꞈ-ehˇ bi iˇ-euˬ meh. Aˬ yawꞈ nyaꞈ kʼoeˇ gaˇ iˇ keuˆ ngeh, uˬ duˬ tahˬ nymˇ-ahˇ le-euˬ meh.

Gʼaˬkʼehˇ 17:14

Kʼoeˇ ngeh, jah-eu tsawˇ haˬ deuˬ neh Pawˇluˆ-ahˇ iˬ ma laˆ shaˆ lawˇ deh paw bi iˇ doˆ-euˬ meh. Ehˇ kʼawꞈ, Siˬlaˆ hawˇ-eu Tiˆmoˇseˬ aˬ nyaꞈ-aˬ, Beˬliˇ meuˬ-ahˇ jawˇ yaꞈ-euˬ meh.

Yawˇshuˆ 20:7

Kʼoeˇ naˇ, Yawˇdaˬ lawˇ baˬ nahˇ ma ga kʼehˬ paw, Naˬtaˬliˇ miˇ kʼahˬ gawˬ jawˬ gawˬ duˇ paw Gaˬliˬlehˇ gahˬ kaˬ-ahˇ jaˆ-eu Geˬdeˬshaˆ meuˬ, Eˇpaˬleˬ miˇ kʼahˬ gawˬ jawˬ gawˬ duˇ paw jaˆ-eu Sheˬkmˬ meuˬ, Yuˇdaˆ miˇ kʼahˬ gawˬ jawˬ gawˬ duˇ paw jaˆ-eu Heˬbyoˬ meuˬ heu deuˬ aˬ yawꞈ maꞈ tseˇ doˆ-euˬ meh.

Yawˇshuˆ 21:32

Naˬtaˬliˇ miˇ kʼahˬ laꞈ kʼoeˇ, aˬ yawꞈ maꞈ-ahˇ meuˬ smˇ meuˬ biˇ oꞈ nehˬ-euˬ meh. Meuˬ kʼoeˇ smˇ meuˬ-aˬ, Gaˬliˬlehˇ gahˬ kaˬ-ahˇ jaˆ-eu buˬ-iˇ law-iˇ-eu meuˬ tiˬ meuˬ pyeuꞈ-eu Geˬdeˬshaˆ meuˬ, Haˬmoˆdawˇlaˆ meuˬ hawˇ-eu, Kaˬtaˬ meuˬ meh. Meuˬ heu deuˬ-euˬ jeˬ zaˬ gaˆ kʼahˬ deuˬ kʼawꞈ, aˬ yawꞈ maꞈ-ahˇ biꞈ-euˬ meh.