Maˬkuˆ 3:3 - Akha

³ Aˬ laꞈ tiˬ pyawˬ shiˇ-euˬ tsawˇ haˬ kʼoeˇ gʼaˬ-ahˇ, “Mehˬ shi paw doˆ laˇ-awˬ” lehˇ, Yeˬsuˇ ehˇ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Khoerngae, aqlaf tiq pyawq shir-euq khoerghaq-anr Yeqsur aernaeq-eu, “Heugar maeqhu paw yawflar-awq.”

Maˬkuˆ 3:3 ပူးပေါင်းရင်းမြစ်များ

Iˇsaˬyaˇ 42:4

Noeˬ tmˬ-eu jeˬ hawˇ-eu nui ma kʼaˬ duˬ ni taˬ-euˬ jeˬ, byoˆ-iˇ ni aˬ yawꞈ maˬ mˇ-ehˇ, miˇ tsaˬ kʼoeˇ taˆ yaw tsaˬ yaw dawˇ jeˬ-ahˇ aˬ yawꞈ laˆ ziꞈ tehꞈ-a. Gaˇ mahˇ kaˬ gaˇ jawˇ-eu miˇ kʼahˬ tsawˇ jeuˬ, aˬ yawꞈ-euˬ zahˇ dawˬ kʼoꞈ dawˬ-ahˇ noeˬ tmˬ tehꞈ-a.”

Daˬyeˬlaˇ 6:10

Zahˇ sahˇ kʼoꞈ kʼoeˇ hmˬ-ahˇ laꞈ ma dehˬ gʼaˬ-euˬ gaˇ kawˆ Daˬyeˬlaˇ ya siˬ ngeh, iˇ kahˇ gʼoꞈ-iˇ-euˬ meh. Aˬ yawꞈ-euˬ nymˇ kʼoeˇ taˆ tiˆ-ahˇ, Yeˬluˇsaˬlehˬ meuˬ paw pyawˇ-eu laˇ gʼoˆ zaˬ dahˇ-eu meh. Aˬ myah luꞈ aˬ yawꞈ kʼaˇ mˇ haw-euˬ loꞈ-ehˇ, laˇ gʼoˆ zaˬ pah taˬ-euˬ mehˬ shi pawˬ tsuiꞈ pawˬ dmˬ dmˬ-awˇ, tiˬ nah smˬ poˆ Miˬyehˇ-ahˇ uˬ duˬ tahˬ-euˬ meh.

Maꞈtehˬ 12:10

Aˬ laꞈ tiˬ pyawˬ shiˇ-euˬ tsawˇ haˬ tiˬ gʼaˬ kʼoeˇ gaˇ jawˇ-eu meh. Yeˬsuˇ-ahˇ yaw lehˬ poˆ mawꞈ-eu tsawˇ haˬ deuˬ Yeˬsuˇ-ahˇ ehˇ-eu, “Jawˇ nah-ahˇ naˇ gawˇ laˆ taˬ nehˬ-eu Zahˇ dawˬ kʼoꞈ dawˬ-ahˇ maˬ bahˬ-a loˇ.”

Maˬkuˆ 3:2

Jawˇ nah ngeh nah tsawˇ haˬ kʼoeˇ gʼaˬ-ahˇ Yeˬsuˇ laˆ taˬ nehˬ nga loˇ lehˇ haw duˬ-awˇ, Yeˬsuˇ-euˬ yaw lehˬ poˆ-eu lehˇ noeˬ gahˇ taˬ-euˬ tsawˇ haˬ tiˬ deuˬ kʼawꞈ, kʼoeˇ gaˇ jawˇ-eu meh.

Maˬkuˆ 3:4

Kʼoeˇ naˇ, tsawˇ haˬ kʼoeˇ deuˬ-ahˇ aˬ yawꞈ naˇ haˬ-eu, “Jawˇ nah ngeh nah Zahˇ dawˬ kʼoꞈ dawˬ aˬ dui-ahˇ aˬ geu jeˬ bi mˇ laꞈ taˬ. Yaw muiˬ jeˬ bi mˇ laꞈ taˬ loˇ. Maˬ muiˬ-eu jeˬ bi maˇ laꞈ taˬ loˇ. Aˬ cawˬ-euˬ saꞈ laˇ-ahˇ ka kʼoꞈ-eu jeˬ bi mˇ laꞈ taˬ loˇ. Aˬ cawˬ-ahˇ sehꞈ-eu jeˬ bi mˇ laꞈ taˬ loˇ.” Ehˇ kʼawꞈ, tsawˇ haˬ kʼoeˇ deuˬ dawˬ maˬ tmˇ-a.

Luˇkaꞈ 6:8

Yeˬsuˇ aˬ yawꞈ maꞈ-euˬ nui noeˬ haw mawˇ-awˇ, aˬ laꞈ tiˬ pyawˬ shiˇ-euˬ tsawˇ haˬ kʼoeˇ gʼaˬ-ahˇ “Heu gaˇ yawꞈ laˇ-awˬ” lehˇ ehˇ nehˬ ngeh, tsawˇ haˬ kʼoeˇ gʼaˬ kʼoeˇ gaˇ yawꞈ leˇ-euˬ meh.

Yoˇhaˬ 9:4

Uˬ ciꞈ maˬ ciꞈ le kʼoeˇ keuˆ ni, ngaˬ-ahˇ kʼehˇ gʼeh leꞈ-euˬ gʼaˬ-euˬ gaˇ-ahˇ aˬ dui ya mˇ meh. Tsawˇ haˬ tiˬ gʼaˬ-iˬ gaˇ maˬ mˇ nya-eu uˬ ciꞈ aˇ yamˬ keuˆ le luꞈ meh.

1 Gawˇliˬtu 15:58

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, gʼaˬ byehˆ maˬ byehˆ-ehˇ ziꞈ dah ni yawꞈ tehˬ taˬ-eu laꞈ kʼoeˇ, Sahˬpaˬ Yeˬsuˇ-euˬ gaˇ mˇ-eu yawꞈ ngehꞈ maˬ ngeuˇ-a lehˇ siˬ nya-awˇ, Sahˬpaˬ Yeˬsuˇ-euˬ gaˇ mˇ-eu leh jeh dui dui-awˬ.

Gaˬlaˬtiˆ 6:9

Kʼoeˇ miˇ neh, gʼaˬ byehˆ maˬ byehˆ ni yaw muiˬ jeˬ mˇ kaˇ-euˇ. Aˬ dui nui ma maˬ cawˆ naˇ, aˇ yamˬ keuˆ laˇ ngeh ya yehˬ tehꞈ-a.

Piˇliˇpiˆ 1:14

Ngaˇ tawˬ-ahˇ uˇ-eu baˬ da neh aˬ yuiꞈ aˬ nyiˇ Ka li zaˬ deuˬ myaˬ tiˬ paˆ Sahˬpaˬ Yeˬsuˇ laꞈ kʼoeˇ nui ma ziꞈ dzehˬ laˇ-awˇ, guˆ-eu nui ma tiˬ jawˇ-iˬ maˬ ahˇ ni Miˬyehˇ dawˬ kawˬ mehˬ-eu gʼaˇ duˬ nui ma kʼaˬ dzehˬ laˇ-euˬ meh.

1 Beˬtuˆluˆ 4:1

Ka li-euˬ shiˬ shaˬ jiˇ gʼawˇ mawˇ kʼehˬ-eu kʼaˆ-eu jeˬ-ahˇ ya daˬ-euˬ-aˬ, naw maꞈ kʼawꞈ aˬ yawꞈ noeˬ-eu loꞈ-ehˇ noeˬ nya ni lehˬ hmˬ taˬ-awˬ. Aˬ jeˬ miˇ neh ehˇ naˇ, shiˬ shaˬ jiˇ gʼawˇ mawˇ kʼehˬ-eu kʼaˆ-eu jeˬ-ahˇ ya daˬ-euˬ tsawˇ haˬ-aˬ, iˬ baˇ-ahˇ ziˇ tsehˆ-euˬ meh.