Maˬkuˆ 3:28 - Akha

²⁸ “Ngaˇ naw maꞈ-ahˇ maˇ maˇ ni ehˇ nehˬ nyaˇ. Tsawˇ haˬ zaˬ neh mˇ-euˬ iˬ baˇ dawˬ tawˆ luꞈ hawˇ-eu, yehˬ bawˬ sehˇ lu-ehˇ kʼaˇ ehˇ-euˬ yawˬ jeˬ na luꞈ-ahˇ Miˬ yehˇ iˬ baˇ pyehˬ nehˬ nya tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁸ “Ngar, nawmaf-anr aqdirma-aer aernaeq nyar, tsawrhaqzaq nae mrbanq-euq yawqjeq navluf hawr-eu yaeqbawq saerlu-aer aer-euq yawqjeq navluf-euq iqbax-anr pyaeqnaeqnya taef-a.

Maˬkuˆ 3:28 ပူးပေါင်းရင်းမြစ်များ

Uˬ duˬ 24:16

Kʼoeˇ loꞈ-ehˇ gʼeh-eu tsawˇ haˬ-aˬ, sehꞈ nehˬ gaˇ ya daˬ tehꞈ-a. Iˇsaˬleˬlaˆ tsawˇ haˬ maˬ kaˬ, Iˇsaˬleˬlaˆ tsawˇ haˬ deuˬ nehˬ-ehˇ jawˇ luꞈ-eu boeˇ miˬ siˬ kʼaˬ deuˬ maˬ kaˬ, Sahˬpaˬ Miˬyehˇ-ahˇ yaˬ kʼehˇ yaˬ naˇ, tsawˇ haˬ aˇ maꞈ dawˬ tawˆ luꞈ uiˬ leˇ-awˇ, kʼaˬ lo biˬ sehꞈ gaˇ ya daˬ tehꞈ-a.

Maꞈtehˬ 9:3

Kʼoeˇ ngeh, Zahˇ dawˬ kʼoꞈ dawˬ mehˬ-eu saˬ laˬ tiˬ paˆ na deuˬ-aˬ, “Tsawˇ haˬ heu gʼaˬ Miˬyehˇ-euˬ tsawˇ myahˇ ahˬ dzaˬ-eu ngaˇ” lehˇ, nui ma laꞈ kʼoeˇ noeˬ kʼoeˬ-euˬ meh.

Luˇkaꞈ 12:10

“Tsawˇhaˬ-euˬ Zaˬmaˇ-ahˇ ngehˬ bahˬ tmˇ bahˬ-euˬ tsawˇ haˬ-ahˇ, Miˬ yehˇ iˬ baˇ pyehˬ nehˬ nya tehꞈ-a. Ehˇ kʼawꞈ, Muiˬ-eu shawˇ-eu Yaw sahˇ Miˬyehˇ-ahˇ yehˬ bawˬ sehˇ lu-ehˇ ehˇ-eu tsawˇ haˬ-ahˇ, iˬ baˇ maˬ pyehˬ nehˬ nya-a.

1 Yoˇhaˬ 5:16

Yawˬ ha-euˬ cawˬ Ka li zaˬ tiˬ gʼaˬ na shiˇ gaˇ maˬ keuˆ-eu iˬ baˇ mˇ-euˬ ya mawˇ naˇ, Miˬyehˇ-ahˇ guiˬ lahˬ shaˇ-eu tsaˬ meh. Miˬyehˇ aˬ yawꞈ-ahˇ dehꞈ-eu saꞈ laˇ biꞈ nehˬ tehꞈ-a. Heu-aˬ, shiˇ gaˇ maˬ keuˆ-eu iˬ baˇ mˇ-euˬ jeˬ-ahˇ ehˇ-eu ma. Shiˇ gaˇ keuˆ-eu iˬ baˇ mˇ-euˬ jeˬ kʼawꞈ jaˆ-eu meh. Kʼoeˇ-euˬ gʼaˇ duˬ naw maꞈ Miˬyehˇ-ahˇ guiˬ lahˬ shaˇ-awˬ lehˇ ngaˇ maˬ ehˇ.