Maˬkuˆ 3:20 - Akha

²⁰ Kʼoeˇ naˇ, Yeˬsuˇ iˇ kahˇ-ahˇ gʼoꞈ-iˇ-euˬ meh. Tsawˇ haˬ aˇ maꞈ maꞈ ma paˇ uiˬ laˇ-euˬ miˇ neh, Yeˬsuˇ hawˇ-eu aˬ yawꞈ-euˬ zaˬ lahˇ deuˬ hawˬ dzaˬ-eu maˬ dah-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Khoernar-aq, Yeqsur, irkanr-euq lafkhoer urler ngae, tsawrhaq armaf mafma par uiqlar-euq mirnae, aqyawfmaf hawqdzaq khawf maq dzaqnya-a.

Maˬkuˆ 3:20 ပူးပေါင်းရင်းမြစ်များ

Maˬkuˆ 1:45

Ehˇ kʼawꞈ, tsawˇ haˬ kʼoeˇ gʼaˬ gʼoꞈ-iˇ-awˇ, gaˇ kawˆ kʼoeˇ yawˬ gaˇ na luꞈ ja doe-iˇ-euˬ meh. Aˬ yawꞈ neh aˇ dzehˬ ja byah dzeuˇ-euˬ miˇ neh, Yeˬsuˇ aˬ cawˬ mawˇ mawˇ-ehˇ meuˬ laꞈ kʼoeˇ maˬ iˇ nya ni pyeuꞈ-iˇ-euˬ meh. Meuˬ-euˬ laꞈ nyiˇ paw ciˬ cuˇ ni gʼeh gaˇ tehꞈ-ehˇ aˬ yawꞈ jawˇ-awˇ, yawˬ paw na luꞈ jawˇ-eu tsawˇ haˬ deuˬ aˬ yawꞈ jawˇ gaˇ laˇ-euˬ meh.

Maˬkuˆ 2:1

Heu myaˆ nah byah laˇ ngeh, Gaˬbeˬneˬoˬ meuˬ-ahˇ Yeˬsuˇ paˇ gʼoꞈ-iˇ-awˇ, aˬ yawꞈ iˇ kahˇ-ahˇ jawˇ luꞈ-eu gaˇ kawˆ gaˬ byah-iˇ-euˬ meh.

Maˬkuˆ 3:19

aˇ nah Yeˬsuˇ-ahˇ ahˬ dzaˬ-euˬ gʼaˬ pyeuꞈ-eu Yuˇdaˆ Iˇsaˬgaˬliˬoˆ heu deuˬ meh.

Maˬkuˆ 3:7

Yeˬsuˇ hawˇ-eu aˬ yawꞈ-euˬ zaˬ lahˇ deuˬ Gaˬliˬlehˇ lah-ahˇ iˇ-euˬ meh. Gaˬliˬlehˇ miˇ kʼahˬ hawˇ-eu Yuˇdaˆ miˇ kʼahˬ-ahˇ jawˇ-eu tsawˇ haˬ deuˬ, baˬ maꞈ puˇ jeˬ-ahˇ aˬ yawꞈ maꞈ-euˬ mehˬ nah caw teh-eu meh.

Maˬkuˆ 3:9

Tsawˇ haˬ aˇ maꞈ kʼoeˇ myaˬ dui dui-eu miˇ neh, aˬ yawꞈ-ahˇ tahˬ tehˬ laˇ gaˇ guˆ-awˇ, aˬ yawꞈ-euˬ gʼaˇ duˬ lawˬ tiˬ laˇ lehˬ hmˬ taˬ-awˬ lehˇ, zaˬ lahˇ deuˬ-ahˇ aˬ yawꞈ ehˇ nehˬ-euˬ meh.

Maˬkuˆ 6:31

Tsawˇ haˬ laˇ-eu maˬ tsehˆ leˇ-eu miˇ neh, Yeˬsuˇ hawˇ-eu aˬ yawꞈ-euˬ gʼaˬ kʼehˇ deuˬ hawˬ dzaˬ-eu maˬ dah-a. Kʼoeˇ miˇ neh, gʼaˬ kʼehˇ deuˬ-ahˇ Yeˬsuˇ ehˇ nehˬ-eu, “Aˬ dui maꞈ tehꞈ-ehˇ ciˬ cuˇ ni gʼeh-eu jawˇ duˬ-ahˇ iˇ-awˇ, gʼaˬ naˬ naˬ-iˇ kaˇ-euˇ.”

Maˬkuˆ 7:17

Aˬ yawꞈ tsawˇ haˬ aˇ maꞈ-ahˇ gʼawˬ-iˇ-awˇ, iˇ kahˇ-ahˇ uˇ-iˇ ngeh, zaˬ lahˇ deuˬ aˬ yawꞈ-ahˇ dawˬ kʼoeˇ dawˬ gaˇ kawˆ naˇ haˬ-euˬ meh.

Maˬkuˆ 9:28

Yeˬsuˇ nymˇ laꞈ kʼoeˇ uˇ leˇ-awˇ jawˇ ngeh, zaˬ lahˇ deuˬ aˬ yawꞈ-ahˇ ciˬ cuˇ ni naˇ haˬ-eu, “Aˬ jeˬ miˇ neh nga maꞈ nehꞈ kʼoeˇ mawˇ-ahˇ maˬ teh doˆ nya ta.”

Luˇkaꞈ 6:17

Yeˬsuˇ aˬ yawꞈ-euˬ gʼaˬ kʼehˇ deuˬ nehˬ-ehˇ gawˬ jawˬ-ahˇ neh zaꞈ ka le-awˇ, myaˬ dui dui-eu zaˬ lahˇ deuˬ nehˬ-ehˇ deh ga-ahˇ yawꞈ luꞈ-eu meh. Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ, iˬ ma laˆ shaˆ lawˇ deh-ahˇ jaˆ-eu Duˇlu meuˬ hawˇ-eu Siˇdoˬ meuˬ-ahˇ jawˇ-eu tsawˇ haˬ deuˬ uˬ taꞈ, Yuˇdaˆ miˇ kʼahˬ kʼahˬ lah ni jawˇ-eu tsawˇ haˬ deuˬ uiˬ laˇ-awˇ, tsawˇ haˬ myaˬ dui dui-eu meh. Aˬ yawꞈ mehˬ nehˬ tsoˆ nehˬ gaˇ naˇ haˬ-eu gʼaˇ duˬ hawˇ-eu, aˬ yawꞈ neh naˇ gawˇ bi laˆ taˬ-eu gʼaˇ duˬ, aˬ yawꞈ maꞈ uiˬ laˇ taˬ-euˬ meh.