Maˬkuˆ 2:26 - Akha

²⁶ Miˬyehˇ-euˬ nymˇ laꞈ kʼoeˇ aˬ yawꞈ uˇ leˇ-awˇ, Miˬyehˇ-ahˇ lawˇ nehˬ taˬ-euˬ kaˬ muˇ dzaˬ-euˬ meh. Aˬbyaˬdaˬ Piˇ ma Yaw huiˬ gʼaˬ geuꞈ ngeh ziˇ-ahˇ, kʼoeˇ loꞈ-ehˇ pyeuꞈ yaꞈ-euˬ meh. Aˬ dui-euˬ Zahˇ dawˬ kʼoꞈ dawˬ laꞈ kʼoeˇ, piˇ ma deuˬ tehꞈ-ehˇ kʼoeˇ loꞈ-ehˇ gʼeh-eu dzaˇ deuˬ dzaˬ kʼmˬ-eu meh. Ehˇ kʼawꞈ, Daˬbiˇ aˬ yawꞈ dzaˬ-euˬ u taꞈ, aˬ yawꞈ-euˬ tsawˇ haˬ deuˬ-ahˇ kʼawꞈ biꞈ nehˬ-awˇ bi dzaˬ-euˬ meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁶ Aqbyaqtaq, pirma yawhuiq ghaq geufluf ngae, aqyawf, Miqyaer-euq nymr-euq lafkhoer urler-awr, pirma deuq maqngeur nar-aq maq dzaqkhmq-eu lawrdzar kaqmur dzaq-awr, aqyawf naeq-aer jawr-eu deuq-anr khawf bifnaeq-euq garkawv maq guihaw-aq laq?”

Maˬkuˆ 2:26 ပူးပေါင်းရင်းမြစ်များ

2 Saˬmeuˬlaˆ 15:24

Piˇ ma Zaˬdoˆ kʼawꞈ, kʼoeˇ gaˇ ahˇ-awˇ, aˬ yawꞈ nehˬ-ehˇ cah-eu Leˬbiˇ tsawˇ haˬ deuˬ Dawˬ ma saˇ jaˇ Bahˬ keuˆ baꞈ luꞈ-eu meh. Aˬ yawꞈ maꞈ Dawˬ ma saˇ jaˇ Bahˬ keuˆ kʼoeˇ baꞈ naˬ taˬ-awˇ, tsawˇ haˬ kʼoeˇ deuˬ meuˬ laꞈ kʼoeˇ neh maˬ doˆ-iˇ jiˇ kʼoeˇ keuˆ ni, maˬ baꞈ ni bi jaˆ-euˬ meh. Piˇ ma Aˬbyaˬdaˬ gʼaˬ kʼawꞈ kʼoeˇ gaˇ ahˇ-eu meh.

2 Saˬmeuˬlaˆ 15:29

Kʼoeˇ ngeh, Zaˬdoˆ hawˇ-eu Aˬbyaˬdaˬ aˬ nyaꞈ Yeˬluˇsaˬlehˬ meuˬ-ahˇ Dawˬ ma saˇ jaˇ Bahˬ keuˆ baꞈ kʼoꞈ gʼeh-awˇ, kʼoeˇ gaˇ jawˇ yaꞈ-euˬ meh.

2 Saˬmeuˬlaˆ 15:35

Piˇ ma Zaˬdoˆ hawˇ-eu piˇ ma Aˬbyaˬdaˬ aˬ yawꞈ nyaꞈ kʼawꞈ kʼoeˇ gaˇ jawˇ tehꞈ-a. Sahˬ paˬ-euˬ hawˇ nymˇ laꞈ kʼoeˇ pyeuꞈ laˇ luꞈ-eu gaˇ kawˆ-ahˇ, nawˬ neh kʼaˇ ya gaˬ-euˬ loꞈ-ehˇ aˬ yawꞈ nyaꞈ-ahˇ ehˇ nehˬ-awˬ.

2 Saˬmeuˬlaˆ 20:25

Sheˬbaˇ-aˬ, saˇ naˇ gaˇ mˇ-eu paw aˬ yuiꞈ geuꞈ-euˬ meh. Zaˬdoˆ hawˇ-eu Aˬbyaˬdaˬ aˬ nyaꞈ-aˬ, piˇ ma pyeuꞈ-eu meh.

2 Saˬmeuˬlaˆ 8:17

Aˬhiˇtuˆ-euˬ aˬ li Zaˬdoˆ hawˇ-eu Aˬbyaˬdaˬ-euˬ aˬ li Aˬhiˇmaˬlehˇ aˬ nyaꞈ-aˬ, piˇ ma geuꞈ-euˬ meh. Seˬlehˇyaˬ gʼaˬ-aˬ, saˇ naˇ-ahˇ gaˇ tuˆ tehˬ-eu gʼaˬ geuꞈ-euˬ meh.

1 Sahˬpaˬ 1:7

Sahˬ paˬ Daˬbiˇ-euˬ dmˇ ma Zeˬluˇyaˆ-euˬ aˬ li Yoˇbaˬ hawˇ-eu piˇ ma Aˬbyaˬdaˬ aˬ nyaꞈ-ahˇ aˬ yawꞈ mehˬ bawˬ mˇ haw ngeh, aˬ yawꞈ nyaꞈ kʼawꞈ aˬ yawꞈ jawˇ paw pyawˬ ma lehˇ ehˇ nehˬ-euˬ meh.

1 Sahˬpaˬ 2:22

Sahˬ paˬ Sawˇlaˬmoˬ ehˇ-eu, “Shuˇneˬ meuˬ-ahˇ jawˇ-eu Aˬbiˇshehˇ-ahˇ Aˬdawˇniˇyaˆ bi sheuˬ-awˬ lehˇ, aˬ jeˬ baˬ da neh nawˇ ngaˬ-ahˇ shaˇ te. Ngaˬ-euˬ miˇ kʼahˬ kʼawꞈ aˬ yawꞈ-ahˇ biꞈ-awˬ lehˇ shaˇ-awˬ tawˇ. Dawˬ tawˆ luꞈ ya ehˇ jiˇ naˇ, aˬ yawꞈ ngaˬ-euˬ aˇ doˆ pyeuꞈ-awˇ, piˇ ma Aˬbyaˬdaˬ hawˇ-eu Zeˬluˇyaˆ-euˬ aˬ li Yoˇbaˬ aˬ ha nyaꞈ kʼawꞈ, aˬ yawꞈ jawˇ paw pyawˬ-eu meh.”

1 Sahˬpaˬ 4:4

Yeˬhawˇyaˬdaˬ-euˬ aˬ li Baˬnaˇyaˬ-aˬ, guiˇ maꞈ kʼoeˇ taˆ uˆ lahˇ-eu gʼaˬ geuꞈ-euˬ meh. Zaˬdoˆ hawˇ-eu Aˬbyaˬdaˬ aˬ nyaꞈ-aˬ, piˇ ma meh.

1 Laˬsaˬbaˬ 24:6

Eˇlaˬzaˬ-euˬ zaˬ deuˬ uˆ deuˬ hawˇ-eu Iˇdaˬmaˬ-euˬ zaˬ deuˬ uˆ deuˬ, tiˬ gʼaˬ tiˬ poˆ shehˆ tsaˬ tsaˬ-awˇ, Leˬbiˇ tsawˇ haˬ jaˇ laˇ yuˇ-eu gʼaˬ pyeuꞈ-eu Neˬdaˬneˬlaˇ-euˬ aˬ li Sheˬmaˇyaˬ gʼaˬ-aˬ, aˬ yawꞈ maꞈ-euˬ tsawˇ myahˇ yuˇ-euˬ meh. Sahˬ paˬ maˬ ehˇ, aˬ yawꞈ-euˬ gaˇ mˇ-euˬ yaw huiˬ yaw mahˇ deuˬ maˬ ehˇ, piˇ ma Zaˬdoˆ maˬ ehˇ, Aˬbyaˬdaˬ-euˬ aˬ li Aˬhiˇmaˬlehˇ maˬ ehˇ, piˇ ma deuˬ-euˬ aˇ jeuˬ aˇ ca kʼoeˇ taˆ aˬ yuiꞈ geuꞈ-eu deuˬ hawˇ-eu Leˬbiˇ tsawˇ jeuˬ-euˬ aˇ jeuˬ aˇ ca deuˬ maˬ ehˇ, dawˬ tawˆ luꞈ jawˇ-eu mehˬ shi kʼoeˇ loꞈ-ehˇ mˇ-euˬ meh.

Maꞈtehˬ 12:4

Miˬyehˇ-euˬ nymˇ laꞈ kʼoeˇ aˬ yawꞈ uˇ leˇ-awˇ, aˬ yawꞈ-euˬ tsawˇ haˬ deuˬ nehˬ-ehˇ tiˬ kawˆ loꞈ-ehˇ, Miˬyehˇ-ahˇ lawˇ nehˬ taˬ-euˬ kaˬ muˇ dzaˬ-euˬ meh. Dzaˇ kʼoeˇ-aˬ, aˬ yawꞈ maꞈ dzaˬ kʼmˬ-eu dzaˇ maˬ ngeuˇ-a. Piˇ ma deuˬ tehꞈ-ehˇ dzaˬ kʼmˬ-eu jeˬ meh.

Maˬkuˆ 2:25

Yeˬsuˇ ehˇ-eu, “Daˬbiˇ hawˇ-eu aˬ yawꞈ-euˬ tsawˇ haˬ deuˬ hawˬ mehꞈ mehꞈ dui dui laˇ-awˇ, tiˬ jeˬ paˬ maˬ dzaˬ-ehˇ maˬ gʼeh nya ni pyeuꞈ laˇ ngeh, aˬ joˆ-ehˇ jahˇ-euˬ gaˇ kawˆ naw maꞈ maˬ ya gui haw-aˬ loˇ.

1 Saˬmeuˬlaˆ 21:1

Kʼoeˇ naˇ, Noˇbaˆ meuˬ-ahˇ Aˬhiˇmaˬlehˇ jawˇ gaˇ Daˬbiˇ iˇ-euˬ meh. Kʼoeˇ ngeh, Aˬhiˇmaˬlehˇ yaw dzuˬ dzuˬ dzuˬ-ehˇ doˆ le-awˇ, “Aˬ jeˬ miˇ neh cawˬ tiˬ gʼaˬ-iˬ maˬ ahˇ ni nawˇ tehꞈ-ehˇ heu gaˇ oe teˬ” lehˇ naˇ haˬ-eu meh.

1 Saˬmeuˬlaˆ 23:6

Aˬhiˇmaˬlehˇ-euˬ aˬ li Aˬbyaˬdaˬ cehˆ doˆ-awˇ, Kiˇlahˬ meuˬ-ahˇ Daˬbiˇ jawˇ gaˇ cehˆ uˇ-iˇ ngeh, piˇ ma dm-eu pehˇ kʼahˬ pehˇ nymˇ kʼawꞈ yuˇ gʼeh-euˬ meh.

1 Saˬmeuˬlaˆ 23:9

Sawˇluˆ guiˇ deuˆ le-eu lehˇ lehˬ hmˬ taˬ-euˬ gaˇ kawˆ Daˬbiˇ ya gaˬ ngeh, “Piˇ ma dm-eu pehˇ kʼahˬ pehˇ nymˇ yuˇ laꞈ sheˇ” lehˇ, piˇ ma Aˬbyaˬdaˬ-ahˇ aˬ yawꞈ ehˇ nehˬ-euˬ meh.