Maˬkuˆ 2:24 - Akha

²⁴ Paˬliˬsehˇ deuˬ Yeˬsuˇ-ahˇ ehˇ-eu, “Haw sheˇ. Aˬ jeˬ miˇ neh Jawˇ nah ngeh nah maˬ mˇ kʼmˬ-eu jeˬ aˬ yawꞈ maꞈ mˇ ta.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Khoerngae, Paqliqsaer deuq, Yeqsur-anr narhaq-eu, “Hawsher-eq, aqyawfmaf landaw jawrnan ngae nan maq janrkhmq-eu jeq aqjeq ghae-eu janr-eu nga?”

Maˬkuˆ 2:24 ပူးပေါင်းရင်းမြစ်များ

Doˆ-iˇ 20:10

Ehˇ kʼawꞈ, shiꞈ nah tiˬ nah-aˬ, ngaˬ-ahˇ damˬ nehˬ taˬ-eu gʼaˬ naˬ naˬ-eu aˇ nah pyeuꞈ-eu meh. Aˇ nah kʼoeˇ nah laꞈ kʼoeˇ, nawˇ maˬ-ehˇ, nawˬ-euˬ zaˬ deuˬ maˬ ehˇ, nawˬ-euˬ zaˬ kʼaˆ deuˬ maˬ ehˇ, nawˬ-euˬ jeˬ zaˬ deuˬ maˬ ehˇ, nawˬ-euˬ miˇ kʼahˬ laꞈ kʼoeˇ jawˇ luꞈ-eu boeˇ miˬ siˬ kʼaˬ deuˬ maˬ ehˇ, tiˬ gʼaˬ-iˬ gaˇ maˬ ya mˇ-a.

Doˆ-iˇ 31:15

Naw maꞈ yawˬ ha-euˬ gaˇ mˇ-eu gʼaˇ duˬ, aˇ nah koꞈ nah jaˆ-eu meh. Ehˇ kʼawꞈ, shiꞈ nah tiˬ nah-aˬ, ngaˬ-ahˇ a nehˬ taˬ-euˬ muiˬ-eu jaˬ-eu aˇ nah meh. Aˇ nah kʼoeˇ nah laꞈ kʼoeˇ gaˇ mˇ-eu tsawˇ haˬ aˬ geu gʼaˬ maˬ kaˬ, sehꞈ gaˇ ya daˬ tehꞈ-a.

Iˇsaˬyaˇ 56:2

Jawˇ nah-ahˇ maˬ laˆ jawꞈ ni lah daw-eu laꞈ kʼoeˇ, yaw haiˬ jeˬ maˬ mˇ-eu tsawˇ haˬ deuˬ guiˬ lahˬ huiˬ tehꞈ-a.”

Iˇsaˬyaˇ 56:4

Sahˬpaˬ Miˬyehˇ heu loꞈ-ehˇ ehˇ-eu meh. “Aˇ caˆ pyehˆ-euˬ tsawˇ haˬ pyeuꞈ kʼawꞈ, ngaˬ-euˬ nui kʼahˇ poˆ-awˇ, ngaˬ-euˬ dawˬ ma saˇ jaˇ-ahˇ ziꞈ luꞈ-eu, jawˇ nah tawˬ-eu tsawˇ haˬ deuˬ-ahˇ,

Iˇsaˬyaˇ 56:6

Boeˇ miˬ siˬ kʼaˬ deuˬ Sahˬpaˬ Miˬyehˇ-euˬ gaˇ mˇ-awˇ, aˬ yawꞈ-euˬ tsawˇ myahˇ-ahˇ gaˬ-eu laꞈ kʼoeˇ, aˬ yawꞈ-ahˇ uˬ duˬ tahˬ luꞈ-eu uˬ taꞈ, jawˇ nah-ahˇ maˬ laˆ jawꞈ ni lah daw-awˇ, Sahˬpaˬ Miˬyehˇ-euˬ dawˬ ma saˇ jaˇ-ahˇ ziꞈ-eu, Sahˬpaˬ Miˬyehˇ jawˇ paw pyawˬ-eu tsawˇ haˬ deuˬ-ahˇ,

Iˇsaˬyaˇ 58:13

Sahˬpaˬ Miˬyehˇ heu loꞈ-ehˇ ehˇ-eu meh. “Jawˇ nah muiˬ-eu shawˇ-eu meh lehˇ siˬ-awˇ, yawˬ ha-euˬ nui kʼahˇ maˬ poˆ ni jawˇ-eu uˬ taꞈ, ngaˬ-euˬ nah muiˬ nah shawˇ-ahˇ taˬ huiˬ-eu laꞈ kʼoeˇ, maˬ mˇ maˬ shaˇ maˬ iˇ maˬ laˇ tsehˆ ni jawˇ-awˇ, maˬ muiˬ dawˬ doeˇ maˬ ngehˬ maˬ tmˇ doˆ ni jawˇ naˇ,

Maꞈtehˬ 12:2

Paˬliˬsehˇ deuˬ kʼoeˇ gaˇ mawˇ ngeh, Yeˬsuˇ-ahˇ heu loꞈ-ehˇ ehˇ nehˬ-euˬ meh. “Haw sheˇ. Nawˬ-euˬ zaˬ lahˇ deuˬ Jawˇ nah-ahˇ maˬ mˇ kʼmˬ-eu jeˬ mˇ luꞈ ngaˇ.”

Maˬkuˆ 2:16

Aˬ caw neh iˬ baˇ zaˬ lehˇ myahˇ-awˇ bi sawˇ dzeh taˬ-euˬ tsawˇ haˬ deuˬ hawˇ-eu kawˬ taꞈ-eu tsawˇ haˬ deuˬ nehˬ-ehˇ Yeˬsuˇ hawˬ dzaˬ taꞈ gaˇ, Zahˇ dawˬ kʼoꞈ dawˬ mehˬ-eu saˬ laˬ deuˬ pyeuꞈ-eu Paˬliˬsehˇ deuˬ ya mawˇ ngeh, “Aˬ jeˬ miˇ neh kʼoeˇ loꞈ-ehˇ gʼeh-eu tsawˇ haˬ deuˬ nehˬ-ehˇ aˬ yawꞈ dzaˬ taꞈ dawˇ taꞈ ta” lehˇ, Yeˬsuˇ-euˬ zaˬ lahˇ deuˬ-ahˇ aˬ yawꞈ maꞈ naˇ haˬ-euˬ meh.

Maˬkuˆ 2:25

Yeˬsuˇ ehˇ-eu, “Daˬbiˇ hawˇ-eu aˬ yawꞈ-euˬ tsawˇ haˬ deuˬ hawˬ mehꞈ mehꞈ dui dui laˇ-awˇ, tiˬ jeˬ paˬ maˬ dzaˬ-ehˇ maˬ gʼeh nya ni pyeuꞈ laˇ ngeh, aˬ joˆ-ehˇ jahˇ-euˬ gaˇ kawˆ naw maꞈ maˬ ya gui haw-aˬ loˇ.

Maˬkuˆ 2:7

“Tsawˇ haˬ heu gʼaˬ aˬ joˆ-ehˇ teu loꞈ-ehˇ ehˇ peuˬ-eu nga. Teu-aˬ, Miˬyehˇ-ahˇ yehˬ bawˬ sehˇ lu-ehˇ ehˇ gaˇ duˇ-eu meh. Miˬyehˇ maˬ ngeuˇ naˇ, aˬ suˇ gʼaˬ iˬ baˇ pyehˬ nehˬ nya ta.”

HeˬByehˇ 12:3

Aˬ yawꞈ aˇ naˆ ni ya daˬ dzeuˇ yaꞈ-euˬ gaˇ shaˇ noeˬ haw sheˇ. Aˬ yawꞈ-ahˇ muiˇ-eu iˬ baˇ zaˬ deuˬ-euˬ laꞈ-ahˇ aˬ yawꞈ aˇ naˆ ni ya daˬ-euˬ nga. Kʼoeˇ miˇ neh, naw maꞈ nui ma baˬ-awˇ Miˬyehˇ-ahˇ jah-eu jeˬ-ahˇ taˬ byehˇ dzeh.