Maˬkuˆ 2:2 - Akha

² Tsawˇ haˬ gʼawˬ mya ni uiˬ laˇ-euˬ miˇ neh, nymˇ laꞈ kʼoeˇ maˬ deˇ leˇ-eu uˬ taꞈ, laꞈ nyiˇ paw kʼawꞈ jawˇ kʼaˇ maˬ za-a. Tsawˇ haˬ kʼoeˇ deuˬ-ahˇ Yeˬsuˇ dawˬ mehˬ mehˬ nehˬ luꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Tsawrhaq ghawqmya’ni uiqlar-euq mirnae, nymr-euq lafkhoer jawrbyan taq-euq uqtaf, nymr-euq larghov-euq lafnyir paw khawf jawrkhar maqza-a. Khoerngae, Yeqsur, aqyawf maf-anr dawqmaeq maeqnaeq luf-eu mae.

Maˬkuˆ 2:2 ပူးပေါင်းရင်းမြစ်များ

Jaceuq 40:9

SahˬpaˬMiˬyehˇ-oˇ, nawˬ-euˬtsawˇhaˬuiˬle-euˬgaˇ, yaw tsaˬyaw dawˇjeˬmehˬ-eu ma. Ngaˬ-euˬkʼaˬmeh maˬtsoeˬtaˬ-euˬ, nawˇsiˬjiˇmawˇjiˇluꞈ-eu meh.

Maꞈtehˬ 5:2

Kʼoeˇ ngeh, aˬ yawꞈ maꞈ-ahˇ heu loꞈ-ehˇ mehˬ nehˬ tsoˆ nehˬ-euˬ meh.

Maˬkuˆ 1:14

Yoˇhaˬ-ahˇ aˬ cawˬ neh tawˬ laꞈ kʼoeˇ bi nyehꞈ uˇ gʼaˬ ngeh, Gaˬliˬlehˇ miˇ kʼahˬ-ahˇ Yeˬsuˇ iˇ-awˇ, Miˬyehˇ-euˬ Laˬ kʼaˬ cehˇ-eu Guiˬ lahˬ dawˬ mehˬ-iˇ-euˬ meh.

Maˬkuˆ 1:33

Meuˬ kʼoeˇ meuˬ laꞈ kʼoeˇ jawˇ-eu tsawˇ haˬ dawˬ tawˆ luꞈ, nymˇ kʼoeˇ nymˇ mehˬ shi uiˬ laˇ jiˇ-euˬ meh.

Maˬkuˆ 1:37

Aˬ yawꞈ maꞈ aˬ yawꞈ-ahˇ mawˇ ngeh, “Tsawˇ haˬ yawˬ gʼaˬ na luꞈ nawˬ-ahˇ poˆ luꞈ meh” lehˇ ehˇ nehˬ-euˬ meh.

Maˬkuˆ 1:45

Ehˇ kʼawꞈ, tsawˇ haˬ kʼoeˇ gʼaˬ gʼoꞈ-iˇ-awˇ, gaˇ kawˆ kʼoeˇ yawˬ gaˇ na luꞈ ja doe-iˇ-euˬ meh. Aˬ yawꞈ neh aˇ dzehˬ ja byah dzeuˇ-euˬ miˇ neh, Yeˬsuˇ aˬ cawˬ mawˇ mawˇ-ehˇ meuˬ laꞈ kʼoeˇ maˬ iˇ nya ni pyeuꞈ-iˇ-euˬ meh. Meuˬ-euˬ laꞈ nyiˇ paw ciˬ cuˇ ni gʼeh gaˇ tehꞈ-ehˇ aˬ yawꞈ jawˇ-awˇ, yawˬ paw na luꞈ jawˇ-eu tsawˇ haˬ deuˬ aˬ yawꞈ jawˇ gaˇ laˇ-euˬ meh.

Maˬkuˆ 2:1

Heu myaˆ nah byah laˇ ngeh, Gaˬbeˬneˬoˬ meuˬ-ahˇ Yeˬsuˇ paˇ gʼoꞈ-iˇ-awˇ, aˬ yawꞈ iˇ kahˇ-ahˇ jawˇ luꞈ-eu gaˇ kawˆ gaˬ byah-iˇ-euˬ meh.

Maˬkuˆ 2:13

Gaˬliˬlehˇ lah lah dzeˇ Yeˬsuˇ tiˬ poˆ paˇ iˇ-euˬ meh. Tsawˇ haˬ aˇ maꞈ maꞈ ma aˬ yawꞈ jawˇ gaˇ uiˬ laˇ-awˇ, aˬ yawꞈ mehˬ nehˬ tsoˆ nehˬ-euˬ meh.

Maˬkuˆ 6:34

Yeˬsuˇ lawˬ laꞈ nyiˇ doˆ le-awˇ, tsawˇ haˬ aˇ maꞈ maꞈ ma-ahˇ ya mawˇ ngeh, gʼawˬ shaˬ haw gaˬ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ-aˬ, yawˇ bo-eu gʼaˬ maˬ jawˇ-eu yawˇ yawˇ maꞈ-ahˇ duˇ-eu meh. Kʼoeˇ ngeh, aˬ yawꞈ maꞈ-ahˇ gʼawˬ mya jeˬ mehˬ nehˬ tsoˆ nehˬ-euˬ meh.

Luˇkaꞈ 12:1

Tsawˇ haˬ aˇ heˇ aˇ muiˇ gʼaˬ uiˬ laˇ-awˇ, tiˬ gʼaˬ tiˇ gʼaˬ nawˬ tehˬ nawˬ tehˬ-ehˇ shaˬ luꞈ ngeh, Yeˬsuˇ aˬ yawꞈ-euˬ zaˬ lahˇ deuˬ-ahˇ heu loꞈ-ehˇ ehˇ nehˬ-euˬ meh. “Paˬliˬsehˇ deuˬ-euˬ dehˬ tseˬ-ahˇ yahˇ-awˬ. Kʼoeˇ-aˬ, awꞈ-aꞈ tahˬ kʼoˬ -ahˇ duˇ-eu meh.

Luˇkaꞈ 5:17

Tiˬ nah-aˬ, Yeˬsuˇ mehˬ nehˬ tsoˆ nehˬ luꞈ ngeh, Paˬliˬsehˇ tiˬ paˆ na deuˬ hawˇ-eu, Zahˇ dawˬ kʼoꞈ dawˬ mehˬ-eu saˬ laˬ tiˬ paˆ na deuˬ kʼawꞈ, nuiˇ luꞈ-eu meh. Aˬ yawꞈ maꞈ-aˬ, Gaˬliˬlehˇ miˇ kʼahˬ hawˇ-eu Yuˇdaˆ miˇ kʼahˬ-ahˇ jaˆ-eu meuˬ yawˬ meuˬ na luꞈ hawˇ-eu, Yeˬluˇsaˬlehˬ meuˬ-ahˇ jawˇ-eu oe-euˬ meh. Naˇ-eu gawˇ-eu tsawˇ haˬ deuˬ-ahˇ Yeˬsuˇ laˆ taˬ nehˬ nya ni, Sahˬpaˬ Miˬyehˇ-euˬ baoˬ aˬ yawꞈ nehˬ-ehˇ jawˇ luꞈ-eu meh.

Luˇkaꞈ 8:1

Kʼoeˇ naˇ, gʼawˬ myahˇ maˬ gʼeh-ehˇ, tiˬ meuˬ saˇ-iˬ tiˬ meuˬ, tiˬ pu saˇ-iˬ tiˬ pu, Yeˬsuˇ iˇ-awˇ, Miˬyehˇ Miˇkʼahˬ gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ mehˬ-ehˇ cah-euˬ meh. Zaˬ lahˇ tseˇ nyiꞈ gʼaˬ kʼawꞈ, aˬ yawꞈ nehˬ-ehˇ iˇ-euˬ meh.

Luˇkaꞈ 8:11

“Yaw jeˬ ma jeˬ heu hmˬ-euˬ dawˬ tsuiꞈ-aˬ, heu loꞈ-ehˇ meh. Siˬ yoeˬ-aˬ, Miˬyehˇ-euˬ dawˬ meh.

Gʼaˬkʼehˇ 11:19

Saˬteˬpaˬ-ahˇ sehꞈ ngeh poˆ kʼehˬ-eu kʼaˆ-eu jeˬ-ahˇ ya daˬ-awˇ cehˆ byaˆ-euˬ jah-eu tsawˇ haˬ tiˬ paˆ na deuˬ-aˬ, Piˇniˇshaˆ miˇ kʼahˬ, Guˇbaˬluˇ iˇ jaw lahˇ hawˇ-eu, Aˬdiˇawˬ meuˬ-ahˇ keuˆ ni cehˆ keuˆ-euˬ meh. Aˬ yawꞈ maꞈ-aˬ, Yuˇdaˆ tsawˇ haˬ deuˬ-ahˇ tehꞈ-ehˇ guiˬ lahˬ dawˬ mehˬ-euˬ meh.

Gʼaˬkʼehˇ 14:25

Beˬlaˬgeˬ meuˬ-ahˇ Miˬyehˇ dawˬ kawˬ mehˬ nehˬ yaꞈ-awˇ, Aˬdaˬliˇ meuˬ-ahˇ iˇ-euˬ meh.

Gʼaˬkʼehˇ 16:6

Aˬshaˆ miˇ kʼahˬ-ahˇ guiˬ lahˬ dawˬ maˬ ya mehˬ-iˇ ni, Muiˬ-eu shawˇ-eu Yaw sahˇ Miˬyehˇ aˬ yawꞈ maꞈ-ahˇ laˆ tsoeˬ-eu miˇ neh, Puˬgiˇ miˇ kʼahˬ hawˇ-eu Gaˬlaˬtiˆ miˇ kʼahˬ-ahˇ aˬ yawꞈ maꞈ le-euˬ meh.

Gʼaˬkʼehˇ 8:25

Beˬtuˆluˆ hawˇ-eu Yoˇhaˬ aˬ nyaꞈ-aˬ, saˇ kiˇ kamˬ-eu jeˬ mˇ gʼaˬ-awˇ, Sahˬpaˬ Miˬyehˇ-euˬ dawˬ mehˬ nehˬ gʼaˬ ngeh, Yeˬluˇsaˬlehˬ meuˬ-ahˇ gʼoꞈ-iˇ-euˬ meh. Gaˇ pehˇ gʼoꞈ-iˇ luꞈ ngeh, Saˬmaˬliˇ miˇ kʼahˬ laꞈ kʼoeˇ jaˆ-eu pu gʼawˬ mya pu-ahˇ, Laˬ kʼaˬ cehˇ-eu Guiˬ lahˬ dawˬ mehˬ nehˬ yaꞈ-euˬ meh.

Lormav 10:8

Ehˇ mawꞈ-eu dawˬ tsuiꞈ-aˬ, heu loꞈ-ehˇ meh. “Miˬyehˇ-euˬ dawˬ kawˬ-aˬ, naw maꞈ-euˬ dawˬ peh jaˆ-eu meh. Naw maꞈ-euˬ mehˬ luˬ kʼoeˇ taˆ jaˆ-awˇ, naw maꞈ-euˬ nui ma laꞈ kʼoeˇ ahˇ-eu meh.” Kʼoeˇ-aˬ, aˬ dui maꞈ dawˬ mehˬ mehˬ luꞈ-eu jah-eu gaˇ kawˆ kʼoeˇ meh.

2 Tiˆmoˇseˬ 4:2

Miˬyehˇ dawˬ kawˬ mehˬ-awˬ. Aˇ yamˬ tsaˬ ngeh maˬ ehˇ, maˬ tsaˬ ngeh maˬ ehˇ, leh jeh-awˇ mehˬ-awˬ. Yaw lehˬ-ahˇ toeˬ mehˬ-awˬ. Yaw kʼaˆ kʼaˆ-ehˇ mehˬ paˇ tsoˆ paˇ-awˬ. Gʼaˬ biꞈ-awˬ. Nui ma gʼawˬ mahˇ ni taˬ-awˇ mehˬ nehˬ tsoˆ nehˬ-awˬ.