Maˬkuˆ 2:1 - Akha

¹ Heu myaˆ nah byah laˇ ngeh, Gaˬbeˬneˬoˬ meuˬ-ahˇ Yeˬsuˇ paˇ gʼoꞈ-iˇ-awˇ, aˬ yawꞈ iˇ kahˇ-ahˇ jawˇ luꞈ-eu gaˇ kawˆ gaˬ byah-iˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Khoernar-aq, heumyav nan byanlar ngae, Yeqsur, Gaqbeqneqoq-anr tiq pov par urler-euq mae. Aqyawf irkanr jawrluf-eu garkawv, aqcawq yagaq-euq mae.

Maˬkuˆ 2:1 ပူးပေါင်းရင်းမြစ်များ

Maꞈtehˬ 4:13

Naˬzaˬlehˇ meuˬ-ahˇ maˬ paˇ jawˇ ni, Gaˬliˬlehˇ lah lah dzeˇ jaˆ-eu Gaˬbeˬneˬoˬ meuˬ-ahˇ aˬ yawꞈ jawˇ-iˇ-euˬ meh. Gaˬliˬlehˇ lah-aˬ, Zeˬbuˬloˬ hawˇ-eu Naˬtaˬliˇ miˇ kʼahˬ laꞈ kʼoeˇ jaˆ-eu meh.

Maꞈtehˬ 9:1

Kʼoeˇ naˇ, Yeˬsuˇ lawˬ kʼoeˇ laˇ-ahˇ paˇ dziˬ-awˇ, aˬ yawꞈ jawˇ-eu meuˬ-ahˇ gʼoꞈ tsehˆ-iˇ-euˬ meh.

Maˬkuˆ 1:45

Ehˇ kʼawꞈ, tsawˇ haˬ kʼoeˇ gʼaˬ gʼoꞈ-iˇ-awˇ, gaˇ kawˆ kʼoeˇ yawˬ gaˇ na luꞈ ja doe-iˇ-euˬ meh. Aˬ yawꞈ neh aˇ dzehˬ ja byah dzeuˇ-euˬ miˇ neh, Yeˬsuˇ aˬ cawˬ mawˇ mawˇ-ehˇ meuˬ laꞈ kʼoeˇ maˬ iˇ nya ni pyeuꞈ-iˇ-euˬ meh. Meuˬ-euˬ laꞈ nyiˇ paw ciˬ cuˇ ni gʼeh gaˇ tehꞈ-ehˇ aˬ yawꞈ jawˇ-awˇ, yawˬ paw na luꞈ jawˇ-eu tsawˇ haˬ deuˬ aˬ yawꞈ jawˇ gaˇ laˇ-euˬ meh.

Maˬkuˆ 2:2

Tsawˇ haˬ gʼawˬ mya ni uiˬ laˇ-euˬ miˇ neh, nymˇ laꞈ kʼoeˇ maˬ deˇ leˇ-eu uˬ taꞈ, laꞈ nyiˇ paw kʼawꞈ jawˇ kʼaˇ maˬ za-a. Tsawˇ haˬ kʼoeˇ deuˬ-ahˇ Yeˬsuˇ dawˬ mehˬ mehˬ nehˬ luꞈ-eu meh.

Maˬkuˆ 3:20

Kʼoeˇ naˇ, Yeˬsuˇ iˇ kahˇ-ahˇ gʼoꞈ-iˇ-euˬ meh. Tsawˇ haˬ aˇ maꞈ maꞈ ma paˇ uiˬ laˇ-euˬ miˇ neh, Yeˬsuˇ hawˇ-eu aˬ yawꞈ-euˬ zaˬ lahˇ deuˬ hawˬ dzaˬ-eu maˬ dah-a.

Maˬkuˆ 7:17

Aˬ yawꞈ tsawˇ haˬ aˇ maꞈ-ahˇ gʼawˬ-iˇ-awˇ, iˇ kahˇ-ahˇ uˇ-iˇ ngeh, zaˬ lahˇ deuˬ aˬ yawꞈ-ahˇ dawˬ kʼoeˇ dawˬ gaˇ kawˆ naˇ haˬ-euˬ meh.

Maˬkuˆ 7:24

Kʼoeˇ naˇ, Yeˬsuˇ kʼoeˇ gaˇ neh doˆ-iˇ-awˇ, Duˇlu meuˬ dawˬ peh jaˆ-eu miˇ kʼahˬ-ahˇ iˇ gʼeh-euˬ meh. Aˬ yawꞈ nymˇ tiˬ nymˇ-ahˇ uˇ-iˇ-awˇ, aˬ yawꞈ kʼoeˇ gaˇ jawˇ-eu gaˇ kawˆ tsawˇ haˬ tiˬ gʼaˬ-iˬ maˬ bi siˬ mawꞈ-a. Ehˇ kʼawꞈ, aˬ yawꞈ maˬ jawˇ zaꞈ nya-a.

Maˬkuˆ 9:28

Yeˬsuˇ nymˇ laꞈ kʼoeˇ uˇ leˇ-awˇ jawˇ ngeh, zaˬ lahˇ deuˬ aˬ yawꞈ-ahˇ ciˬ cuˇ ni naˇ haˬ-eu, “Aˬ jeˬ miˇ neh nga maꞈ nehꞈ kʼoeˇ mawˇ-ahˇ maˬ teh doˆ nya ta.”

Luˇkaꞈ 4:23

Kʼoeˇ naˇ, aˬ yawꞈ maꞈ-ahˇ Yeˬsuˇ heu loꞈ-ehˇ ehˇ nehˬ-euˬ meh. “‘Saˬ laˬ gʼoˬ-oˇ, yawˬ ha-euˬ naˇ gawˇ jeˬ huˬ laˆ taˬ-awˬ’ lehˇ ehˇ-eu dawˬ daˬ loꞈ-ehˇ, naw maꞈ ngaˬ-ahˇ ehˇ mawꞈ tehꞈ-a lehˇ ngaˇ siˬ nya ma. Gaˬbeˬneˬoˬ meuˬ-ahˇ ngaˬ neh mˇ mehˬ yaꞈ-euˬ jeˬ, heu gaˇ jiˇ mˇ mehˬ haw sheˇ lehˇ naw maꞈ ehˇ mawꞈ tehꞈ-a.

Luˇkaꞈ 5:18

Tsawˇ haˬ tiˬ maꞈ-aˬ, kuiˇ shiˇ laꞈ shiˇ shiˇ-euˬ tsawˇ ha tiˬ gʼaˬ-ahˇ, yuꞈ zaˇ kʼoeˇ taˆ bi yuꞈ-awˇ baꞈ laꞈ-euˬ meh. Tsawˇ haˬ kʼoeˇ gʼaˬ-ahˇ nymˇ laꞈ kʼoeˇ baꞈ ahˇ gʼeh-awˇ, Yeˬsuˇ-euˬ mehˬ shi baꞈ taˬ leˇ-eu lehˇ aˬ yawꞈ maꞈ leh jeh luꞈ-eu meh.

Yoˇhaˬ 4:47

Yeˬsuˇ Yuˇdaˆ miˇ kʼahˬ-ahˇ neh Gaˬliˬlehˇ miˇ kʼahˬ-ahˇ oe keuˆ-euˬ gaˇ kawˆ yaw huiˬ yaw mahˇ kʼoeˇ gʼaˬ ya gaˬ ngeh, Yeˬsuˇ jawˇ gaˇ le-awˇ, Yeˬsuˇ-ahˇ Gaˬbeˬneˬoˬ meuˬ-ahˇ oe-awˇ, shiˇ leˇ luꞈ-eu aˬ yawꞈ-euˬ aˬ li-ahˇ laˆ taˬ nehˬ laꞈ lehˇ shaˇ leˇ-euˬ meh.

Gʼaˬkʼehˇ 2:6

Teˇ saˇ kʼoeˇ ya gaˬ ngeh, tsawˇ haˬ kʼoeˇ deuˬ baˬ maꞈ puˇ jeˬ-ehˇ uiˬ le bymˇ le-euˬ meh. Jah-eu tsawˇ haˬ kʼoeˇ deuˬ ngehˬ luꞈ-eu dawˬ kʼoeˇ, aˬ yawꞈ maꞈ yawˬ gʼaˬ na luꞈ-ahˇ yawˬ ha tsawˇ jeuˬ-euˬ dawˬ loꞈ-ehˇ gaˬ le-eu miˇ neh, aˬ yawꞈ maꞈ zahˬ leˇ-euˬ meh.