Maˬkuˆ 16:17 - Akha

¹⁷ Jah-eu tsawˇ haˬ deuˬ-aˬ, zahˬ leˇ paˬ-ehˇ gʼeh-eu jeˬ mˇ nya-eu baoˬ za tehꞈ-a. Ngaˬ-euˬ tsawˇ myahˇ uˬ moˆ awˬ yawꞈ maꞈ nehꞈ teh doˆ tehꞈ-a. Maˬ gaˬ haw-euˬ dawˬ gʼawˬ mya jeˬ aˬ yawꞈ maꞈ ngehˬ nya tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Jan-eu tsawrhaq deuq-aq, bisiq bimawr-eu jeq heudeuq mrdovlaf taef-a. Aqyawfmaf, ngaq-euq tsawrmyanr-anr ghoe-awr naef-anr taedov taef-a. Aqyawfmaf dawqbav yawshuif deuq bav taef-a.

Maˬkuˆ 16:17 ပူးပေါင်းရင်းမြစ်များ

Maˬkuˆ 9:38

Yoˇhaˬ Yeˬsuˇ-ahˇ ehˇ-eu, “Saˬ laˬ-oˇ, tsawˇ haˬ tiˬ gʼaˬ nawˬ-euˬ tsawˇ myahˇ uˬ moˆ nehꞈ teh doˆ luꞈ gaˇ nga maꞈ ya mawˇ-awˇ, kʼoeˇ loꞈ-ehˇ maˬ bi jahˇ ni laˆ tsoeˬ nehˬ-euˬ ma. Aˬ jeˬ miˇ neh ehˇ naˇ, aˬ yawꞈ-aˬ, aˬ dui aˇ muˇ mehˬ nah caw teh-eu tsawˇ haˬ maˬ ngeuˇ-a.”

Luˇkaꞈ 10:17

Zaˬ lahˇ shiꞈ tseˇ nyiꞈ gʼaˬ laˬ kʼaˬ tiˬ cehˇ gʼoꞈ keuˆ laˇ-awˇ ehˇ-eu, “Sahˬpaˬ-oˇ, nga maꞈ nawˬ-euˬ tsawˇ myahˇ-ahˇ gʼoe-awˇ dawˬ biꞈ nehˬ naˇ, nehꞈ deuˬ kʼawꞈ naˇ haˬ-eu meh.”

Yoˇhaˬ 14:12

Ngaˇ naw maꞈ-ahˇ maˇ jawˆ ni ehˇ nehˬ nyaˇ. Ngaˬ-ahˇ kʼaˇ jah-eu tsawˇ haˬ-aˬ, ngaˬ neh mˇ-euˬ zahˬ leˇ paˬ-ehˇ gʼeh-eu gaˇ deuˬ mˇ tehꞈ-a. Ngaˬ neh mˇ-euˬ gaˇ deuˬ myaˆ maˬ tseˇ aˬ yawꞈ mˇ huiˬ gʼeh tehꞈ-a. Aˬ jeˬ miˇ neh ehˇ naˇ, ngaˇ-aˬ, Aˬda jawˇ gaˇ ya gʼoꞈ leˇ meh.

Gʼaˬkʼehˇ 10:46

Aˬ jeˬ miˇ neh ehˇ naˇ, tsawˇ haˬ kʼoeˇ deuˬ dawˬ gʼawˬ mya jeˬ ngehˬ-awˇ, Miˬyehˇ-ahˇ ciˬ huiˬ ciˬ mahˇ gaˇ aˬ yawꞈ maꞈ ya gaˬ-euˬ meh. Beˬtuˆluˆ ehˇ-eu,

Gʼaˬkʼehˇ 16:18

Aˬ yawꞈ kʼoeˇ loꞈ-ehˇ guˇ guˇ-ehˇ caw teh-eu gʼawˬ mya nah byah laˇ-euˬ miˇ neh, Pawˇluˆ maˬ oˇ oꞈ coeˇ laˇ-ehˇ, naˇ kʼah paw zeuˆ pyawˇ-awˇ, nehꞈ kʼoeˇ mawˇ-ahˇ “Aˬ yawꞈ-euˬ laꞈ kʼoeˇ neh doˆ-iˇ-awˬ lehˇ, Yeˬsuˇ Ka li-euˬ tsawˇ myahˇ uˬ moˆ ngaˇ nawˬ-ahˇ dawˬ biꞈ-eu ma” lehˇ ehˇ nehˬ ngeh, nehꞈ kʼoeˇ mawˇ aˬ buˇ kʼoeˇ buˇ-euˬ laꞈ kʼoeˇ neh tiˬ poˆ tehꞈ-ehˇ doˆ-iˇ-euˬ meh.

Gʼaˬkʼehˇ 19:6

Aˬ yawꞈ maꞈ-ahˇ Pawˇluˆ aˬ laꞈ baꞈ daˆ nehˬ ngeh, Muiˬ-eu shawˇ-eu Yaw sahˇ Miˬyehˇ aˬ yawꞈ maꞈ kʼoeˇ taˆ zaꞈ le-awˇ, aˬ yawꞈ maꞈ dawˬ gʼawˬ mya jeˬ ngehˬ-eu uˬ taꞈ, Miˬyehˇ gʼaˇ duˬ ngehˬ dah-eu dawˬ kʼawꞈ ngehˬ-euˬ meh.

Gʼaˬkʼehˇ 2:33

Aˬ yawꞈ-euˬ Aˬda pyeuꞈ-eu Miˬyehˇ-euˬ aˇ maˇ paw aˬ yawꞈ-ahˇ ciˬ huiˬ ciˬ mahˇ keuˆ nehˬ-awˇ, Miˬyehˇ neh saˇ jaˇ dzaˬ taˬ-euˬ jaˆ-eu loꞈ-ehˇ, Yaw sahˇ Miˬyehˇ za-euˬ meh. Nymˬ-mˇ naw maꞈ ya gaˬ ya mawˇ luꞈ-eu heu-aˬ, a yawꞈ neh Yaw sahˇ Miˬyehˇ shehˆ daˆ nehˬ laꞈ-euˬ jeˬ pyeuꞈ-eu meh.

Gʼaˬkʼehˇ 5:16

Yeˬluˇsaˬlehˬ meuˬ-euˬ tahˬ gʼoꞈ tahˬ jawˇ jaˆ-eu meuˬ deuˬ-ahˇ jawˇ-eu tsawˇ haˬ deuˬ neh naˇ-eu tsawˇ haˬ deuˬ hawˇ-eu nehꞈ yaw jawꞈ uˇ-eu tsawˇ haˬ deuˬ sheuˬ laꞈ-awˇ, baˬ maꞈ puˇ jeˬ-ehˇ laˇ-euˬ meh. Aˬ yawꞈ maꞈ dawˬ tawˆ luꞈ naˇ gawˇ taˬ leˇ jiˇ-euˬ meh.

Gʼaˬkʼehˇ 8:7

Tsawˇ haˬ gʼawˬ mya gʼaˬ laꞈ kʼoeˇ uˇ-eu nehꞈ yaw jawꞈ deuˬ guˇ guˇ-ehˇ doˆ-iˇ-awˇ, kuiˇ shiˇ laꞈ shiˇ shiˇ-eu tsawˇ haˬ gʼawˬ mya ni taˬ leˇ-euˬ meh.

1 Gawˇliˬtu 12:10

Tiˬ gʼaˬ-ahˇ zahˬ leˇ paˬ-ehˇ gʼeh-eu jeˬ mˇ nya-eu baoˬ biꞈ taˬ-awˇ, tiˬ gʼaˬ-ahˇ Miˬyehˇ dawˬ kawˬ mehˬ nya-eu laꞈ sawˬ biꞈ taˬ-euˬ meh. Tiˬ gʼaˬ-ahˇ Yaw sahˇ Miˬyehˇ neh biꞈ-euˬ laꞈ sawˬ ngeuˇ-eu maˬ ngeuˇ-eu tseˇ paˆ duˬ nya-eu nui gahˇ biꞈ taˬ-euˬ meh. Tiˬ gʼaˬ-ahˇ dawˬ gʼawˬ mya jeˬ ngehˬ nya-eu laꞈ sawˬ biꞈ taˬ-awˇ, tiˬ gʼaˬ-ahˇ dawˬ gʼawˬ mya jeˬ ngehˬ-eu kʼoeˇ-euˬ dawˬ tsuiꞈ yuˇ doˆ nya-eu laꞈ sawˬ biꞈ taˬ-euˬ meh.

1 Gawˇliˬtu 12:28

Ka li zaˬ aˇ muˇ laꞈ kʼoeˇ, Miˬyehˇ neh jawˇ duˬ biˇ tsaˬ taˬ-euˬ meh. Gʼaˬ kʼehˇ deuˬ-ahˇ jeˬ hu hu saˬ bi jawˇ-awˇ, kʼoeˇ-euˬ jeˬ nah Miˬyehˇ gʼaˇ duˬ ngeh dah-eu deuˬ-ahˇ bi jawˇ-euˬ meh. Kʼoeˇ-euˬ jeˬ nah mehˬ-eu tsoˆ-eu saˬ laˬ deuˬ-ahˇ bi jawˇ-euˬ meh. Kʼoeˇ naˇ, zahˬ leˇ paˬ-ehˇ gʼeh-eu jeˬ mˇ nya-eu baoˬ biꞈ taˬ-euˬ deuˬ, naˇ gawˇ laˆ taˬ nya-eu baoˬ biꞈ taˬ-euˬ deuˬ, aˬ cawˬ-ahˇ caw ba nehˬ nya-eu deuˬ, Ka li zaˬ aˇ muˇ-euˬ gaˇ-ahˇ haw-eu pyaˆ-eu deuˬ hawˇ-eu, dawˬ gʼawˬ mya jeˬ ngehˬ nya-eu deuˬ-ahˇ tiˬ tiˆ saˇ-iˬ tiˬ tiˆ bi jawˇ ka leꞈ-euˬ meh.

1 Gawˇliˬtu 12:30

Yawˬ gʼaˬ na luꞈ naˇ gawˇ laˆ saˆ taˬ nya-eu maˬ ngeuˇ-a. Yawˬ gʼaˬ na luꞈ dawˬ gʼawˬ mya jeˬ ngehˬ nya-eu maˬ ngeuˇ-a. Yawˬ gʼaˬ na luꞈ dawˬ gʼawˬ mya jeˬ ngehˬ-euˬ dawˬ tsuiꞈ yuˇ doˆ mehˬ nya-eu maˬ ngeuˇ-a.

1 Gawˇliˬtu 13:1

Ngaˇ-aˬ, tsawˇ haˬ zaˬ-euˬ dawˬ deuˬ hawˇ-eu mˬ taˆ gʼaˬ kʼehˇ-euˬ dawˬ-ahˇ keuˆ ni ngehˬ nya jiˇ-eu kʼawꞈ, gʼoeˇ-eu gaˬ-eu jeˬ maˬ ahˇ naˇ, boe loe diˬ-eu teˇ saˇ hawˇ-eu cehˇ lehˇ ciˆ-eu teˇ saˇ loꞈ-ehˇ tehꞈ meh.

1 Gawˇliˬtu 14:2

Dawˬ gʼawˬ mya jeˬ ngehˬ-eu kʼoeˇ-aˬ, tsawˇ haˬ zaˬ-ahˇ ngehˬ cawˬ-eu maˬ ngeuˇ-a. Miˬyehˇ-ahˇ ngehˬ cawˬ-eu meh. Aˬ jeˬ miˇ neh ehˇ naˇ, aˬ yawꞈ ngehˬ-eu dawˬ kʼoeˇ-ahˇ tiˬ gʼaˬ-iˬ maˬ gʼoˆ shaw nya-a. Yaw sahˇ Miˬyehˇ-euˬ baoˬ-ahˇ gʼoe-eu laꞈ kʼoeˇ zaꞈ taˬ-euˬ yaw tsaˬ yaw dawˇjeˬ aˬ yawꞈ ngehˬ-eu meh.