Maˬkuˆ 16:14 - Akha

¹⁴ Aˇ saˬ saˬ-eu poˆ, zaˬ lahˇ tseˇ tiꞈ gʼaˬ hawˬ dzaˬ dzaˬ luꞈ gaˇ Yeˬsuˇ gʼawˇ mawˇ bi mawˇ le-euˬ meh. Aˬ yawꞈ maꞈ maˬ jah ni nui ma gʼahˇ gaˇ aˬ yawꞈ dehˬ-euˬ meh. Aˬ jeˬ miˇ neh ehˇ naˇ, aˬ yawꞈ gʼoꞈ dehꞈ laˇ-awˇ jawˇ gaˇ ya mawˇ-euˬ deuˬ neh dzawˇ nehˬ-euˬ dawˬ-ahˇ aˬ yawꞈ maꞈ maˬ jah-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Khoernar-aq, ghaqkhaer 11 ghaq hawqjawq jawqluf ngae, Yeqsur, aqyawf maf-anr bimawr-euq mae. Aqyawfmaf maqjan-eu uqtaf, nuima ghanr-eu mirnae, Yeqsur, aqyawf maf-anr daeqnaeq-euq mae. Aqjeq mirnae aernar-aq, aqyawf ghofdaef lar-euq gar ya’mawr-euq tsawrhaq deuq-euq dawq-anr aqyawfmaf maqjan-a.

Maˬkuˆ 16:14 ပူးပေါင်းရင်းမြစ်များ

Bawˇtsahˬ 14:11

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Tsawˇ haˬ heu deuˬ aˇ myah keuˆ ni ngaˬ-ahˇ byehˇ dzeh-eu lehˇ gʼeh ta. Aˬ yawꞈ maꞈ-ahˇ zahˬ leˇ paˬ-ehˇ gʼeh-eu jeˬ gʼawˬ mya poˆ mˇ mehˬ gʼaˬ-euˬ kʼawꞈ, ngaˬ-ahˇ maˬ jah-ehˇ aˬ yawꞈ maꞈ aˬ myah keuˆ ni jawˇ-eu gʼeh ta.

Maꞈtehˬ 11:20

Yeˬsuˇ neh zahˬ leˇ paˬ-ehˇ gʼeh-eu gaˇ deuˬ aˬ cawˬ naˆ maˬ tseˇ mˇ mehˬ nehˬ-euˬ meuˬ deuˬ laꞈ kʼoeˇ jawˇ-eu tsawˇ haˬ deuˬ-aˬ, yawˬ ha-euˬ iˬ baˇ maˬ noeˬ poˆ-eu miˇ neh, meuˬ kʼoeˇ deuˬ-ahˇ Yeˬsuˇ heu loꞈ-ehˇ dehˬ-euˬ meh.

Maꞈtehˬ 17:20

Yeˬsuˇ ehˇ-eu, “Naw maꞈ jah-eu maˬ loꞈ-eu miˇ neh meh. Ngaˇ naw maꞈ-ahˇ maˇ jawˆ ni ehˇ nehˬ nyaˇ. Naw maꞈ jah-eu jeˬ gʼawˬ paꞈ aˇ nuiˆ hui ni ahˇ naˇ, gawˬ jawˬ heu jawˬ-ahˇ kʼoeˇ paw dzeˇ jiˆ-iˇ-awˬ lehˇ ehˇ nehˬ ngeh, jiˆ-iˇ tehꞈ-a. Naw maꞈ maˬ jahˇ nya-eu tiˬ jeˬ-iˬ maˬ baw-aˇ.”

Maꞈtehˬ 28:17

Aˬ yawꞈ maꞈ aˬ yawꞈ-ahˇ mawˇ ngeh, uˬ duˬ tahˬ-euˬ meh. Ehˇ kʼawꞈ, tiˬ paˆ na deuˬ yaw muiˬ-ehˇ maˬ jah-a.

Maˬkuˆ 7:18

Aˬ yawꞈ maꞈ-ahˇ aˬ yawꞈ ehˇ nehˬ-eu, “Naw maꞈ gʼeh maˬ gʼoˆ shaw nya te loˇ. Laꞈ nyiˇ paw neh tsawˇ haˬ-euˬ laꞈ kʼoeˇ kʼaˇ ahˇ-iˇ-euˬ jeˬ, aˬ yawꞈ-ahˇ maˬ muiˬ maˬ shawˇ-ehˇ bi pyeuꞈ-iˇ nya-eu tiˬ jeˬ-iˬ maˬ jaˆ-a.

Luˇkaꞈ 24:11

Ehˇ kʼawꞈ, maˬ ngeuˇ gaˇ ehˇ-eu nga lehˇ noeˬ-awˇ, Gʼaˬ kʼehˇdeuˬ maˬ jah-a.

Luˇkaꞈ 24:25

Kʼoeˇ ngeh jawˇ, aˬ yawꞈ nyaꞈ-ahˇ Yeˬsuˇ ehˇ nehˬ-eu, “Dawˇ ga-oˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ neh kʼaˇ ehˇ taˬ-euˬ dawˬ tawˆ luꞈ-ahˇ jah tuˆ leꞈ-eu gʼaˇ duˬ, aˇ naˆ naˆ-ehˇ ga-eu nya.

Yoˇhaˬ 20:25

Kʼoeˇ miˇ neh, “Nga maꞈ Sahˬpaˬ Yeˬsuˇ-ahˇ ya mawˇ-euˬ ma” lehˇ, zaˬ lahˇ deuˬ aˬ yawꞈ-ahˇ ehˇ nehˬ-euˬ meh. Aˬ yawꞈ maꞈ-ahˇ Toˇmaˆ ehˇ-eu, “Aˬ yawꞈ-euˬ aˬ laꞈ-ahˇ shmˇ sehˬ taꞈ-euˬ maˇ byawꞈ-ahˇ ngaˇ mawˇ duˬ-awˇ, ngaˬ-euˬ laꞈ noeˇ neh maˇ byawꞈ kʼoeˇ-ahˇ toeˬ haw gʼaˬ-awˇ, aˬ yawꞈ-euˬ byaˇ gʼaˇ-ahˇ ngaˬ-euˬ laꞈ zaˬ neh yaw muiˬ paˬ-ehˇ sawˆ duˬ haw gʼaˬ miˇ tsa maˬ ngeuˇ naˇ, ngaˇ maˬ jah.”

Yoˇhaˬ 20:26

Tiˬ jaw dzeuˇ-iˇ ngeh, zaˬ lahˇ deuˬ nymˇ tiˬ nymˇ laꞈ kʼoeˇ uiˬ leˇ-awˇ jawˇ-eu meh. Toˇmaˆ kʼawꞈ, aˬ yawꞈ maˬ nehˬ-ehˇ jawˇ-eu meh. Aˬ yawꞈ maꞈ laˇ gʼoˆ sehˬ sehˬ tehˬ taˬ-euˬ meh. Ehˇ kʼawꞈ, Yeˬsuˇ aˬ yawꞈ maꞈ jawˇ gaˇ yawꞈ le-awˇ, “Naw maꞈ nui saˇ oꞈ luꞈ-uˇ” lehˇ ehˇ-eu meh.

Yoˇhaˬ 20:27

Kʼoeˇ ngeh, Toˇmaˆ-ahˇ aˬ yawꞈ ehˇ nehˬ-eu, “Nawˬ-euˬ laꞈ noeˇ neh toeˬ haw-awˇ ngaˬ-euˬ aˬ laꞈ-ahˇ haw duˬ laˇ sheˇ. Kʼoeˇ naˇ, nawˬ-euˬ aˬ laꞈ cawˬ ja-awˇ, ngaˬ-euˬ byaˇ gʼaˇ-ahˇ sawˆ haw-awˇ, poˆ poˆ laˆ laˆ-ehˇ maˬ paˇ noeˬ ni jah-awˬ.”

Yoˇhaˬ 21:1

Kʼoeˇ naˇ, Deˬbeˬliˇ lah lah dzeˇ, zaˬ lahˇ deuˬ jawˇ gaˇ Yeˬsuˇ tiˬ poˆ paˇ doˆ le-euˬ meh. Gaˇ kawˆ kʼoeˇ-aˬ, heu loꞈ-ehˇ meh.

Yoˇhaˬ 21:14

Heu-aˬ, Yeˬsuˇ gʼoꞈ dehꞈ laˇ gʼaˬ miˇ tsa, zaˬ lahˇ deuˬ jawˇ gaˇ doˆ le-euˬ smˬ poˆ tiˬ poˆ pyeuꞈ-eu meh.

Gʼaˬkʼehˇ 1:3

Aˬ yawꞈ aˬ diˇ aˬ maˇ dehꞈ luꞈ-eu gaˇ kawˆ noeˬ bahˬ kʼaˇ maˬ bi za-eu gʼaˇ duˬ, aˬ yawꞈ shiˇ gʼaˬ naˇ kʼah, aˇ yamˬ oeˬ tseˇ nah laꞈ kʼoeˇ aˬ yawꞈ maꞈ jawˇ gaˇ gʼawˬ mya poˆ doˆ le-euˬ meh. Aˬ yawꞈ maꞈ aˬ yawꞈ-ahˇ mawˇ-awˇ, Miˬyehˇ Miˇkʼahˬ gaˇ kawˆ aˬ yawꞈ maꞈ-ahˇ aˬ yawꞈ ja mehˬ-euˬ meh.

1 Gawˇliˬtu 15:5

kʼoeˇ naˇ, Beˬtuˆluˆ hawˇ-eu zaˬ lahˇ tseˇ nyiꞈ gʼaˬ-ahˇ bi mawˇ le-euˬ gaˇ kawˆ meh.

Panmaeq 3:19

Ngaˇ gaˬ-eu tsawˇ haˬ deuˬ-ahˇ, ngaˇ dehˬ dehˬ-ehˇ zuiˆ-eu ma. Nui ma-ahˇ noeˬ-awˇ, iˬ baˇ noeˬ poˆ-awˬ.