Maˬkuˆ 16:1 - Akha

¹ Jawˇ nah dzeuˇ ngeh, Maˬliˇ Maˬgaˬdaˬlaˇ, Yaˬkoˆ-euˬ aˬ ma Maˬliˇ hawˇ-eu, Saˬloˬmeˬ aˬ ha smˇ gʼaˬ, Yeˬsuˇ-euˬ gʼawˇ mawˇ-ahˇ shehˆ daˆ nehˬ-iˇ-eu gʼaˇ duˬ, tsiˇ yaw saw gʼawˬ mya jeˬ zeuˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Landaw jawrnan dzeur-euq nar-aq, Maqliv Maqgaqdaqlar, Yaqkov-euq aqma Maqliv hawr-eu Saqloqmeq, Yeqsur-euq mawrdo-anr shaevdav naeq-ir-eu gharduq yawsaw deuq zeur-euq mae.

Maˬkuˆ 16:1 ပူးပေါင်းရင်းမြစ်များ

Aˇ dahˬ 50:2

Aˬ yawꞈ aˬ da-euˬ gʼawˇ mawˇ maˬ ya buꞈ-iˇ ni, jaˆ gʼaˬ gʼawˬ mya jeˬ lehꞈ-awˇ laˆ saˆ-eu gʼaˇ duˬ, Yoˇsehˆ dawˬ biꞈ-euˬ meh.

2 Laˬsaˬbaˬ 16:14

Kʼoeˇ ngeh, Daˬbiˇ-euˬ meuˬ laꞈ kʼoeˇ aˬ yawꞈ-ahˇ bi baꞈ pahˬ-eu gʼaˇ duˬ aˬ yawˇ yawꞈ taꞈ taˬ-euˬ lmˬ bymˇ laꞈ kʼoeˇ, aˬ yawꞈ-ahˇ baꞈ pahˬ-euˬ meh. Aˬ yawꞈ-euˬ gʼawˇ mawˇ-ahˇ laˆ saˆ-eu gʼaˇ duˬ saw dui dui-eu tsiˇ gʼawˬ nya jeˬ aˬ yawꞈ maꞈ zmˬ-awˇ, miˬ dzaˬ jeˆ bymˇ bymˇ ma bymˇ-awˇ, aˬ yawꞈ gʼaˇ duˬ tsawˇ ngoeˇ ngoeˇ-euˬ meh.

Maˬkuˆ 14:3

Beˬtaˬniˇ pu-ahˇ jawˇ-eu Siˇmoˬ lehˇ myahˇ-euˬ coiˬ doi tiˬ gʼaˬ-euˬ nymˇ-ahˇ Yeˬsuˇ jawˇ luꞈ-eu meh. Aˬ yawꞈ hawˬ dzaˬ luꞈ ngeh, zaˬ miˬ zaˬ tiˬ gʼaˬ aˇ poeˬ kʼaˆ dui dui-eu tsiˇ yaw saw jeˬ shehˆ ahˇ taˬ-euˬ lo pyuˇ maˇ tsaꞈ ciˬ laꞈ-awˇ, maˇ tsaꞈ deh paˆ-awˇ, Yeˬsuˇ-euˬ uˬ duˬ-ahˇ tsiˇ yaw saw jeˬ shehˆ daˆ nehˬ-euˬ meh.

Maˬkuˆ 14:8

Zaˬ miˬ zaˬ heu gʼaˬ aˬ yawꞈ kʼaˇ gʼeh nya-eu loꞈ-ehˇ mˇ-euˬ meh. Ngaˬ-ahˇ baꞈ pahˬ-eu aˇ yamˬ maˬ keuˆ laˇ mi naˆ-ehˇ, ngaˬ-euˬ gʼawˇ mawˇ-ahˇ tsiˇ yaw saw jeˬ shehˆ daˆ-awˇ, baꞈ pahˬ-eu gʼaˇ duˬ laˆ saˆ nehˬ laꞈ-euˬ meh.

Maˬkuˆ 15:40

Zaˬ miˬ zaˬ tiˬ deuˬ ui cuiˆ gaˇ mahˇ kaˬ gaˇ jawˇ-awˇ haw luꞈ-eu meh. Maˬliˇ Maˬgaˬdaˬlaˇ, Yaˬkoˆ yaw nyiˇ gʼaˬ hawˇ-eu Yoˇsehˆ aˬ nyaꞈ nmˇ-euˬ aˬ ma Maˬliˇ hawˇ-eu, Saˬloˬmeˬ aˬ ha smˇ gʼaˬ kʼawꞈ, kʼoeˇ gaˇ ahˇ-eu meh.

Maˬkuˆ 15:42

Kʼoeˇ ngeh nah-aˬ, Jawˇ nah-euˬ mehˬ hu ngeh nah pyeuꞈ-eu Lehˬhmˬ-eu aˇ nah meh. Kʼoeˇ miˇ neh, uˬ ciꞈ uˬ taw taw le ngeh,

Maˬkuˆ 15:47

Maˬliˇ Maˬgaˬdaˬlaˇ hawˇ-eu, Yoˇsehˆ-euˬ aˬ ma Maˬ liˇ aˬ ha nyaꞈ kʼawꞈ, kʼoeˇ gaˇ haw haw-ehˇ jawˇ-awˇ, Yeˬsuˇ-ahˇ aˬ geu tsahˇ-ahˇ baꞈ pahˬ-euˬ mawˇ duˬ yaꞈ-euˬ meh.

Maˬkuˆ 16:2

Tiˬ jaw laꞈ kʼoeˇ aˇ dahˬ beh ngeh nah ngeh nah uˬ shawˬ yaw naꞈ-ehˇ, nahˇ ma maˬ doˆ laˇ mi naˆ-ehˇ lmˬ bymˇ-ahˇ aˬ yawꞈ maꞈ iˇ luꞈ-eu meh.

Maˬkuˆ 16:8

Kʼoeˇ ngeh, aˬ yawꞈ maꞈ lmˬ bymˇ laꞈ nyiˇ doˆ-iˇ-awˇ, cehˆ coeˬ coeˬ kʼoꞈ gʼeh-euˬ meh. Aˬ yawꞈ maꞈ zahˬ dui dui leˇ-awˇ yaw dzuˬ dzuˬ-eu meh. Aˬ yawꞈ maꞈ guˆ-eu miˇ neh, tiˬ gʼaˬ-ahˇ-iˬ tiˬ jeˬ-iˬ maˬ ehˇ ni, ciˬ cuˇ ni jawˇ-euˬ meh.

Luˇkaꞈ 23:54

Kʼoeˇ ngeh nah-aˬ, Jawˇ nah gʼaˇ duˬ lehˬ hmˬ laˆ saˆ dah-eu aˇ nah pyeuꞈ-awˇ, Jawˇ nah keuˆ le shaw-iˬ-eu meh.

Luˇkaꞈ 23:56

Kʼoeˇ naˇ, aˬ yawꞈ maꞈ gʼoꞈ leˇ-awˇ, Yeˬsuˇ-euˬ gʼawˇ mawˇ-ahˇ laˆ saˆ-eu gʼaˇ duˬ tsiˇ yaw saw gʼawˬ mya jeˬ lehˬ hmˬ leˇ-euˬ meh. Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ, Jawˇ nah kʼoeˇ nah-ahˇ aˬ yawꞈ maꞈ gʼaˬ naˬ naˬ-euˬ meh.

Luˇkaꞈ 24:1

Tiˬ jaw laꞈ kʼoeˇ aˇ dahˬ beh-eu nah uˬ shawˬ yaw naꞈ-ehˇ, zaˬ miˬ zaˬ kʼoeˇ deuˬ aˬ yawꞈ maꞈ neh lehˬ hmˬ taˬ-euˬ tsiˇ yaw saw deuˬ yuˇ-awˇ, lmˬ bymˇ-ahˇ iˇ-euˬ meh.

Yoˇhaˬ 19:25

Yeˬsuˇ-euˬ laꞈ yaꞈ dawˬ peh tehˬ ni yawꞈ luꞈ-eu tsawˇ haˬ deuˬ-aˬ, Yeˬsuˇ-euˬ aˬ ma, Yeˬsuˇ-euˬ aˬ mui, Gaˬlawˇpaˇ-euˬ nymˇ dahˬ pyeuꞈ-eu Maˬliˇ hawˇ-eu, Maˬgaˬdaˬlaˇ meuˬ-ahˇ jawˇ-eu Maˬliˇ, aˬ ha oeˬ gʼaˬ meh.

Yoˇhaˬ 19:31

Kʼoeˇ naˇ, laꞈ yaꞈ kʼoeˇ taˆ bi taꞈ tehˬ-euˬ tsawˇ haˬ kʼoeˇ deuˬ-euˬ aˬ kuiˇ deh kʼehꞈ-awˇ, laꞈ yaꞈ kʼoeˇ taˆ neh baꞈ ka leꞈ-eu gʼaˇ duˬ, Yuˇdaˆ tsawˇ haˬ aˬ yuiꞈ aˬ tsu deuˬ sahˬ paˬ Piˇlaˆ-ahˇ shaˇ-euˬ meh. Kʼoeˇ ngeh nah-aˬ, Jawˇ nah gʼaˇ duˬ lehˬ hmˬ dah-eu aˇ nah pyeuꞈ-awˇ, shiˇ taˬ-euˬ gʼawˇ mawˇ kʼoeˇ deuˬ-ahˇ Jawˇ nah ngeh nah keuˆ ni laꞈ yaꞈ kʼoeˇ taˆ maˬ bi jaˆ mawꞈ-eu miˇ neh, aˬ yawꞈ maꞈ kʼoeˇ loꞈ-ehˇ shaˇ-eu meh. Kʼoeˇ uˬ taꞈ, jawˇ nah kʼoeˇ ngeh nah-aˬ, muiˬ dzehˬ shawˇ dzehˬ-eu Jawˇ nah tiˬ nah pyeuꞈ-eu miˇ neh meh.