Maˬkuˆ 15:21 - Akha

²¹ Aˬ yawꞈ maꞈ gaˇ pehˇ le luꞈ ngeh, pu paw neh meuˬ-ahˇ laˇ luꞈ-eu Siˇmoˬ lehˇ myahˇ-euˬ gʼaˬ-ahˇ mawˇ-awˇ, yehˇ deuˬ neh aˬ yawꞈ-ahˇ nyehꞈ-awˇ, Yeˬsuˇ-euˬ laꞈ yaꞈ bi baꞈ-euˬ meh. (Siˇmoˬ-aˬ, Kuˇleˬniˬ meuˬ-ahˇ jawˇ-eu meh. Aˬleˬsaˬduˇ hawˇ-eu Luˇpuˇ-euˬ aˬ da meh.)

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Khoerngae, Kurleqniq-anr jawr-eu Aqleqsaqdur hawr-eu Lurpur-euq aqda, Sirmoq laer kur-eu ghaq, pu paw nae cantsaevlaf luf-eu gar, guirzaq deuq, aqyawf-anr katir-awr Yeqsur-euq lafyaq bibaf-euq mae.

Maˬkuˆ 15:21 ပူးပေါင်းရင်းမြစ်များ

Maꞈtehˬ 27:32

Aˬ yawꞈ maꞈ doˆ-iˇ luꞈ ngeh, Kuˇleˬniˬ meuˬ-ahˇ jawˇ-eu Siˇmoˬ lehˇ myahˇ-euˬ tsawˇ haˬ tiˬ gʼaˬ-ahˇ aˬ yawꞈ maꞈ ya mawˇ-awˇ, yehˇ kʼoeˇ deuˬ neh aˬ yawꞈ-ahˇ nyehꞈ tehˬ-awˇ, Yeˬsuˇ-euˬ laꞈ yaꞈ bi baꞈ-euˬ meh.

Maꞈtehˬ 5:41

Tsawˇ haˬ tiˬ gʼaˬ na nawˬ-ahˇ kʼaˆ gʼaˬ-awˇ, tiˬ laˇ kaˬ gaˇ keuˆ ni bi caw teh le mawꞈ naˇ, nyiˬ laˇ kaˬ gaˇ keuˆ ni caw teh nehˬ-awˬ.

Maˬkuˆ 15:20

Aˬ yawꞈ maꞈ aˬ yawꞈ-ahˇ niˇ gʼa dehˆ gʼaˬ ngeh, neˇ naˆ naˆ-eu pehˇ kʼahˬ pehˇ mahˇ kʼoeˇ kahˇ nyehꞈ lehˆ-awˇ, aˬ yawꞈ-euˬ mehˬ tsoeˬ paˇ nyehꞈ dm nehˬ-euˬ meh. Kʼoeˇ naˇ, aˬ yawꞈ-ahˇ laꞈ yaꞈ kʼoeˇ taˆ taꞈ sehꞈ-eu lehˇ tsahˇ doˆ gʼeh-euˬ meh.

Luˇkaꞈ 14:27

Tsawˇ haˬ aˬ geu gʼaˬ maˬ kaˬ, yawˬ ha-euˬ laꞈ yaꞈ baꞈ-awˇ, ngaˬ-euˬ mehˬ nah maˬ caw teh laˇ naˇ, ngaˬ-euˬ zaˬ lahˇ maˬ geuꞈ nya-a.

Luˇkaꞈ 23:26

Aˬ yawꞈ maꞈ aˬ yawꞈ-ahˇ sheuˬ gʼeh luꞈ ngeh, pu paw neh meuˬ-ahˇ laˇ luꞈ-eu Kuˇleˬniˬ meuˬ-ahˇ jawˇ-eu Siˇmoˬ-ahˇ nyehꞈ-awˇ, laꞈ yaꞈ baꞈ daˆ nehˬ-awˇ, Yeˬsuˇ-euˬ mehˬ nah bi cah-euˬ meh.

Yoˇhaˬ 19:17

Aˬ yawꞈ-aˬ yawˬ ha-euˬ laꞈ yaꞈ baꞈ-awˇ Uˬ duˬ kʼmˬ lehˇ kuˇ-eu jawˇ duˬ-ahˇ le keuˆ-euˬ meh. Jawˇ duˬ kʼoeˇ tsahˇ-ahˇ, Heˬbyehˇ dawˬ Gawˇlaˬgawˇda lehˇ kuˇ-eu meh.

Gʼaˬkʼehˇ 11:20

Ehˇ kʼawꞈ, Guˇbaˬluˇ iˇ jaw lahˇ hawˇ-eu Kuˇleˬniˬ miˇ kʼahˬ-ahˇ jawˇ-eu jah-eu tsawˇ haˬ tiˬ deuˬ-aˬ, Aˬdiˇawˬ meuˬ-ahˇ le-awˇ, Yuˇdaˆ tawˇ haˬ maˬ ngeuˇ-eu deuˬ-ahˇ kʼawꞈ guiˬ lahˬ dawˬ mehˬ-awˇ, Sahˬpaˬ Yeˬsuˇ Ka li gaˇ kawˆ Laˬ kʼaˬ cehˇ-eu Guiˬ lahˬ dawˬ ja mehˬ-euˬ meh.

Gʼaˬkʼehˇ 13:1

Aˬdiˇawˬ Ka li zaˬ aˇ muˇ laꞈ kʼoeˇ, Miˬyehˇ gʼaˇ duˬ ngehˬ dah-eu deuˬ hawˇ-eu mehˬ-eu tsoˆ-eu saˬ laˬ deuˬ jawˇ-eu meh. Tsawˇ haˬ kʼoeˇ deuˬ-aˬ, Baˬnaˬbaˇ, Niˇgaˬ lehˇ kuˇ-eu Suˇmoˬ, Kuˇleˬniˬ miˇ kʼahˬ-ahˇ neh laˇ-euˬ Luˇgiˇ, sahˬ paˬ Heˬloˆ nehˬ-ehˇ tiˬ kawˆ loꞈ-ehˇ huiˬ laˇ-euˬ Maˬneˬ hawˇ-eu, Sawˇluˆ aˬ ha maꞈ meh.

Gʼaˬkʼehˇ 2:10

Puˬgiˇ miˇ kʼahˬ, Paˬbuˇliˇ miˇ kʼahˬ, Iˇjiˇtuˆ miˇ kʼahˬ, Kuˇleˬniˬ miˇ kʼahˬ dawˬ peh jaˆ-eu Liˆbyaˇ miˇ kʼahˬ, heu deuˬ doe ni tiˬ paw tiˬ gʼaˬ-ehˇ jawˇ-eu tsawˇ haˬ deuˬ ma. Aˬ dui tiˬ paˆ na deuˬ-aˬ, Loˇmaˆ meuˬ-ahˇ jawˇ-eu oe taˬ-euˬ meh.

Gʼaˬkʼehˇ 6:9

Kuˇleˬniˬ meuˬ hawˇ-eu Aˬleˬsaˬduˇ meuˬ-ahˇ jawˇ-eu Yuˇdaˆ tsawˇ haˬ deuˬ ahˇ leˇ taˬ-euˬ, Buˬ-iˇ-euˬ tsawˇ haˬ deuˬ -euˬ uˬ duˬ tahˬ nymˇ lehˇ ehˇ-eu aˇ muˇ kʼoeˇ muˇ-ahˇ taꞈ-eu tsawˇ haˬ deuˬ hawˇ-eu, Giˇliˇciˆ miˇ kʼahˬ hawˇ-eu Aˬshaˆ miˇ kʼahˬ-ahˇ jawˇ-eu Yuˇdaˆ tsawˇ haˬ tiˬ paˆ na deuˬ tuˇ laˇ-awˇ, Saˬteˬpaˬ-ahˇ tsawˇ pyehˇ pyehˇ-euˬ meh.

Lormav 16:13

Sahˬpaˬ Miˬyehˇ-euˬ gaˇ mˇ-eu ja ceuˬ dui dui paˬ-ehˇ gʼeh-eu Luˇpuˇ hawˇ-eu, aˬ myah luꞈ ngaˬ-ahˇ aˬ yawꞈ-euˬ aˬ li tiˬ gʼaˬ loꞈ-ehˇ caw ba nehˬ laꞈ-euˬ aˬ yawꞈ-euˬ aˬ ma-ahˇ kʼawꞈ noeˬ mawˇ luꞈ ma.