Maˬkuˆ 15:10 - Akha

¹⁰ Piˇ ma aˬ yuiꞈ deuˬ myaˆ naˆ-eu baˬ da neh, Yeˬsuˇ-ahˇ aˬ yawꞈ-euˬ aˬ laꞈ laꞈ kʼoeˇ a nehˬ laˇ-euˬ gaˇ kawˆ, sahˬ paˬ Piˇlaˆ yaw muiˬ paˬ-ehˇ siˬ duˬ taˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Pirma aqyuif deuq, Yeqsur-anr myavnav nav-eu mirnae, ngar jawr-eu gar sheuqha lar-euq nga laer Pirlav siqnya-eu mae.

Maˬkuˆ 15:10 ပူးပေါင်းရင်းမြစ်များ

Aˇ dahˬ 37:11

Aˬ yawꞈ-euˬ aˇ doˆ deuˬ aˬ yawꞈ-ahˇ myaˆ naˆ laˇ taˬ-euˬ meh. Ehˇ kʼawꞈ, aˬ yawꞈ-euˬ aˬ da-aˬ, aˬ yawꞈ neh yuꞈ maˆ maˆ-euˬ gaˇ kawˆ-ahˇ shaˇ noeˬ shaˇ noeˬ-ehˇ jawˇ-eu meh.

Dawqdaq 27:4

Nui ma pehˇ-eu jeˬ-aˬ, gʼawˬ shaˬ gaˬ-eu maˬ siˬ nya-ehˇ, yaw cawˆ jeˬ tehꞈ-ehˇ mˇ doˆ laꞈ-eu meh. Ehˇ kʼawꞈ, myaˆ naˆ-eu jeˬ nehˬ-ehˇ shaˇ cehˆ haw ngeh, ehˇ nyaꞈ maˬ nyeuˆ-a.

Dawˬ tsoˆ 4:4

Tsawˇ haˬ zaˬ dehꞈ dzaˬ laˇ ni gaˇ mˇ-eu leh jeh-eu-aˬ, yawˬ ha dawˬ peh dehꞈ-eu deuˬ-ahˇ myaˆ naˆ-eu miˇ neh meh lehˇ ngaˇ haw siˬ-euˬ ma. Ehˇ kʼawꞈ, kʼoeˇ loꞈ-ehˇ mˇ-eu tiˬ jeˬ-iˬ gaˇ dahˇ maˬ tsoeˬ-a. Jaˬ lehˇ mehˬ nah teh-eu loꞈ-ehˇ tehꞈ meh.

Maꞈtehˬ 27:18

Yuˇdaˆ tsawˇ haˬ aˬ yuiꞈ aˬ tsu deuˬ Yeˬsuˇ-ahˇ myaˆ naˆ-eu miˇ neh, aˬ yawꞈ jawˇ gaˇ nyehꞈ ha laˇ-euˬ gaˇ kawˆ sahˬ paˬ Piˇlaˆ siˬ duˬ taˬ-euˬ meh.

Maˬkuˆ 15:11

Ehˇ kʼawꞈ, Baˬlaˬbaˇ-ahˇ bi pyehˬ ni sahˬ paˬ Piˇlaˆ-ahˇ shaˇ-eu gʼaˇ duˬ, tsawˇ haˬ aˇ maꞈ-ahˇ piˇ ma aˬ yuiꞈ deuˬ neh mehˬ gahˇ taˬ-euˬ meh.

Maˬkuˆ 15:9

Aˬ yawꞈ maꞈ-ahˇ aˬ yawꞈ naˇ haˬ-eu, “Yuˇdaˆ tsawˇ haˬ-euˬ sahˬ paˬ-ahˇ bi pyehˬ doˆ mawꞈ miˇ-a loˇ.”

Gʼaˬkʼehˇ 13:45

Tsawˇ haˬ aˇ maꞈ myaˬ dui dui gaˇ Yuˇdaˆ tsawˇ haˬ deuˬ ya mawˇ ngeh, myaˆ naˆ-awˇ, Pawˇluˆ ehˇ gaˇ tsawˇ pyehˇ pyehˇ pyehˇ-ehˇ, Pawˇluˆ-ahˇ yaˬ kʼehˇ yaˬ-euˬ meh.

Tiˇtuˆ 3:3

Aˬ jeˬ miˇ neh ehˇ naˇ, aˬ dui kʼawꞈ dzeuˇ laˇ ngeh aˬ dzawˬ aˇ gah gah-awˇ, ehˇ dawˬ maˬ naˇ haˬ-euˬ uˬ taꞈ, yaw lehˬ yaw ca jeˬ-ahˇ mˇ-euˬ ma. Shiˬ shaˬ jiˇ-euˬ nui noeˬ nui loˆ hawˇ-eu byawˬ gʼa mo gʼa-eu gʼawˬ mya jeˬ-euˬ zaˬ kʼaˆ geuꞈ dzeuˇ yaꞈ-euˬ ma. Aˬ cawˬ-ahˇ myaˆ naˆ-euˬ uˬ taꞈ, coeˬ-eu ciˆ-eu jeˬ mˇ dzeuˇ yaꞈ-euˬ tsawˇ haˬ deuˬ pyeuꞈ-eu ma. Aˬ cawˬ aˬ dui-ahˇ bye-awˇ, aˬ dui kʼawꞈ aˬ cawˬ-ahˇ bye-euˬ ma.

Yaˬkoˆ 4:5

“Miˬyehˇ neh aˬ dui-euˬ laꞈ kʼoeˇ dawˆ ahˇ nehˬ laꞈ-euˬ nui ma-aˬ, guˆ laˇ paˬ-ehˇ gʼeh-eu nui kʼahˇ tiˬ byah ni ahˇ-eu meh” lehˇ ehˇ-eu Jaˇliꞈ dawˬ kawˬ kʼoeˇ, aˬ diˇ aˬ maˇ maˬ ngeuˇ-a lehˇ taˬ noeˬ.

1 Yoˇhaˬ 3:12

Aˬ dui-aˬ, Gaˬiˇnaˆ loꞈ-ehˇ maˬ ya gʼeh-a. Aˬ yawꞈ-aˬ, Haiˬ dui dui-eu Gʼaˬ-ahˇ taꞈ-eu tsawˇ haˬ pyeuꞈ-awˇ, aˬ yawꞈ-euˬ aˬ nyiˇ tsi tsi ni gʼeh-eu Aˬbeˬlaˆ-ahˇ sehꞈ-euˬ meh. Aˬ jeˬ miˇ neh yawˬ ha-euˬ aˬ nyiˇ-ahˇ sehꞈ-euˬ ta. Aˬ yawꞈ neh mˇ-euˬ jeˬ lehˬ-awˇ, aˬ yawꞈ-euˬ aˬ nyiˇ neh mˇ-euˬ jeˬ tsaˬ-eu miˇ neh sehꞈ-euˬ meh.