Maˬkuˆ 14:61 - Akha

⁶¹ Ehˇ kʼawꞈ, Yeˬsuˇ dawˬ maˬ tmˇ-ehˇ ciˬ cuˇ ni jawˇ-euˬ meh. Piˇ ma Yaw huiˬ gʼaˬ Yeˬsuˇ-ahˇ tiˬ poˆ paˇ naˇ haˬ-eu, “Guiˬ lahˬ huiˬ-eu Miˬyehˇ-euˬ Zaˬmaˇ pyeuꞈ-eu Ka li lehˇ ehˇ-eu kʼoeˇ gʼaˬ nawˇ ma loˇ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶¹ Aerkhawf, Yeqsur tiqdawq-iq maq aerkhof-aer ciqcurni jawr-eu mae. Pirma yawhuiq ghaq, aqyawf-anr par narhaq-eu, “Nawr, Guiqlanq huiq-eu ghaq-euq Zaqyo, Kali laer kur-eu ghaq ma lor?”

Maˬkuˆ 14:61 ပူးပေါင်းရင်းမြစ်များ

Jaceuq 119:12

Sahˬpaˬ Miˬyehˇ-oˇ, nawˬ-ahˇ ngaˇ ja ceuˬ ma. Nawˬ-euˬ gaˇ ma ngaˬ-ahˇ mehˬ laꞈ.

Jaceuq 2:7

Dzoeˬdzaˬsahˬpaˬ kʼoeˇgʼaˬehˇ-eu, “SahˬpaˬMiˬyehˇ neh pyehˬ-euˬdawˬ, miˇ kʼahˬ doe ni tsaꞈgaˬ-eu ma. Yawꞈneh ngaˬ-ahˇ ehˇ-euˬdawˬ-aˬ, ‘Nawˇngaˬ-euˬ aˬli pyeuꞈ-eu ma. Iˬnah ngaˇ nawˬ-euˬ aˬda ma.

Jaceuq 39:9

Ngaˬ-euˬshaˬzahˬnaꞈ-eu heu-aˬ, nawˬneh jahˇnehˬlaꞈ-euˬmiˇneh, dawˬmaˬngehˬni ciˬcuˇjawˇma.

Iˇsaˬyaˇ 53:7

“Kʼaˆ dui dui-eu kʼehˬ-eu jeˬ-ahˇ aˬ yawꞈ ya daˬ-euˬ kʼawꞈ, dawˬ gʼoꞈ maˬ doˆ ni daˬ-euˬ meh. Bi diˬ sehꞈ-eu lehˇ tsahˇ taˬ-euˬ yawˇ zaˬ hawˇ-eu, caꞈ hm bi tehˬ geuꞈ-eu lehˇ gʼeh-eu yawˇ loꞈ-ehˇ, aˬ yawꞈ dawˬ gʼoꞈ tiˬ pawꞈ-iˬ maˬ doˆ-a.

Maꞈtehˬ 16:16

Siˇmoˬ Beˬtuˆluˆ ehˇ-eu, “Nawˇ-aˬ, Dehꞈ luꞈ-eu Miˬyehˇ-euˬ Zaˬmaˇ pyeuꞈ-eu Meˬsiˇya meh.”

Maꞈtehˬ 3:17

“Heu-aˬ, ngaˇ gaˬ dui dui-awˇ nui kʼahˇ shiˇ dui dui-eu ngaˬ-euˬ Zaˬmaˇ ma” lehˇ ehˇ-eu teˇ saˇ, mˬ-ahˇ neh gaˬ doˆ le-euˬ meh.

Maꞈtehˬ 8:29

Aˬ yawꞈ nyaꞈ Yeˬsuˇ-ahˇ ya mawˇ-eu nehˬ-ehˇ, “Miˬyehˇ-euˬ Zaˬmaˇ-oˇ, nawˇ nga nyaꞈ-ahˇ a jeˬ taꞈ te. Aˇ yamˬ maˬ keuˆ laˇ mi naˆ-ehˇ nga nyaꞈ-ahˇ kʼehˬ nehˬ kʼaˆ nehˬ le-eu lehˇ oe teˬ loˇ” lehˇ, guˇ guˇ-ehˇ ehˇ-eu meh.

Maˬkuˆ 14:60

Kʼoeˇ ngeh, aˬ yawꞈ maꞈ dawˬ tawˆ luꞈ mehˬ shi Piˇ ma Yaw huiˬ gʼaˬ tuˇ laˇ-awˇ, Yeˬsuˇ-ahˇ ehˇ-eu, “Tsawˇ haˬ heu deuˬ nawˬ-euˬ yaw lehˬ dzawˇ gaˇ nawˇ ehˇ kʼoꞈ nehˬ-eu dawˬ maˬ jaˆ loˇ.”

Maˬkuˆ 15:2

Sahˬ paˬ Piˇlaˆ aˬ yawꞈ-ahˇ naˇ haˬ-eu, “Nawˇ Yuˇdaˆ tsawˇ haˬ-euˬ sahˬ paˬ ngeuˇ ma loˇ.” Yeˬsuˇ ehˇ-eu, “Nawˇ ehˇ ngaˇ tawˇ.”

Yoˇhaˬ 1:34

Kʼoeˇ loꞈ-ehˇ pyeuꞈ laˇ-euˬ gaˇ ngaˇ ya mawˇ gʼaˬ-euˬ miˇ neh, aˬ yawꞈ Miˬyehˇ-euˬ Zaˬmaˇ meh lehˇ saˇ kiˇ kamˬ-eu ma.”

Yoˇhaˬ 10:24

Kʼoeˇ ngeh, Yuˇdaˆ tsawˇ haˬ deuˬ aˬ yawꞈ jawˇ gaˇ uiˬ le-awˇ ehˇ-eu , “Nawˇ nga maꞈ-ahˇ kʼaˇ ngeuˇ-eu loꞈ-ehˇ maˬ ehˇ mehˬ nehˬ laꞈ ni, aˇ myah keuˆ ni nyi naˬ-eu gʼeh te. Nga maꞈ-ahˇ dawˇ coe ni ehˇ nehˬ laꞈ sheˇ. Nawˇ Meˬsiˇya ngeuˇ ma loˇ.”

Yoˇhaˬ 10:36

Ngaˬ-ahˇ maˇ diˇ-aˬ, Aˬda neh tseˇ doˆ-awˇ miˇ tsaˬ kʼoeˇ taˆ kʼehˇ gʼeh leꞈ-euˬ meh. Toˆ-ehˇ ngeuˇ naˇ, ngaˇ-aˬ, Miˬyehˇ-euˬ Zaˬmaˇ ma lehˇ yawˬ haˇ yawˬ ha ehˇ gaˇ, ngaˇ Miˬyehˇ-ahˇ yehˬ bawˬ sehˇ lu-ehˇ ehˇ-eu nga lehˇ naw maꞈ aˬ joˆ-ehˇ ehˇ nya te.

Yoˇhaˬ 18:37

Kʼoeˇ ngeh, sahˬ paˬ Piˇlaˆ aˬ yawꞈ-ahˇ naˇ haˬ-eu, “Nawˇ sahˬ paˬ ngeuˇ ma loˇ.” Yeˬsuˇ ehˇ-eu, “Ngaˇ sahˬ paˬ nga lehˇ ehˇ-euˬ-aˬ, naw maꞈ meh. Ngaˇ miˇ tsaˬ heu kʼoeˇ taˆ zaꞈ le-awˇ dehꞈ le-euˬ-aˬ, yaw tsaˬ yaw dawˇ jeˬ ngehˬ le tmˇ le-euˬ tehꞈ ma. Yaw tsaˬ yaw dawˇ jeˬ-ahˇ kʼaˇ taꞈ-eu tsawˇ haˬ-aˬ, ngaˬ-euˬ dawˬ naˇ haˬ geuꞈ-eu meh.”

Yoˇhaˬ 19:7

Tsawˇ haˬ aˇ maꞈ ehˇ-eu, “Nga maꞈ-euˬ zahˇ dawˬ kʼoꞈ dawˬ tiˬ dawˬ-ahˇ gʼoe-awˇ ya ehˇ naˇ, yawˬ haˇ yawˬ ha Miˬyehˇ-euˬ Zaˬmaˇ ma lehˇ ehˇ-eu baˬ da neh aˬ yawꞈ shiˇ-eu tsaˬ meh.”

Yoˇhaˬ 19:9

Aˬ yawꞈ hawˇ nymˇ laꞈ kʼoeˇ paˇ gʼoꞈ kʼoꞈ-iˇ-awˇ, “Nawˇ aˬ gaˇ neh oe teˬ” lehˇ, Yeˬsuˇ-ahˇ naˇ haˬ-euˬ meh. Ehˇ kʼawꞈ, Yeˬ suˇ dawˬ maˬ tmˇ-a.

Gʼaˬkʼehˇ 8:32

Aˬ yawꞈ gui luꞈ-eu Jaˇliꞈ aˇ deuˆ kʼoeˇ deuˆ-aˬ, heu loꞈ-ehˇ meh. “Diˬ sehꞈ-eu lehˇ bi tsahˇ gʼeh-euˬ, yawˇ-ahˇ aˬ yawꞈ duˇ leˇ-eu meh. Caꞈ hm bi tehˬ luꞈ-eu yawˇ zaˬ, ciˬ cuˇ ni awˆ daˬ-eu loꞈ-ehˇ, aˬ yawꞈ dawˬ maˬ ngehˬ doˆ laˇ-a.

1 Tiˆmoˇseˬ 1:11

Tsaˬ-eu dawˇ-eu jah-eu jeˬ kʼoeˇ-aˬ, ngaˬ neh bi ja mehˬ-eu gʼaˇ duˬ a nehˬ laꞈ-euˬ guiˬ lahˬ dawˬ pyeuꞈ-eu meh. Kʼoeˇ-aˬ, yaw shehꞈ kʼahˬ sehˇ hawˇ-eu guiˬ lahˬ huiˬ-eu Miˬyehˇ neh biꞈ nehˬ laꞈ-euˬ Laˬ kʼaˬ cehˇ-eu Guiˬlahˬ dawˬ laꞈ kʼoeˇ ahˇ-eu meh.

1 Tiˆmoˇseˬ 6:15

Dawˬ tawˆ luꞈ kʼoeˇ taˆ tiˬ gʼaˬ tehꞈ-ehˇ uˆ lahˇ luꞈ-eu guiˬ lahˬ huiˬ-eu Uˆ lahˇ-eu gʼaˬ pyeuꞈ-awˇ, sahˬ paˬ kʼoeˇ taˆ Sahˬpaˬ, sahˬ ma kʼoeˇ taˆ Sahˬma pyeuꞈ-eu Miˬyehˇ-aˬ, aˬ yawꞈ-ahˇ aˇ yamˬ tsaˬ ngeh bi oe tehꞈ-a.

1 Beˬtuˆluˆ 2:23

Aˬ cawˬ aˬ yawꞈ-ahˇ dawˬ doeˇ ngehˬ daˆ nehˬ-euˬ kʼawꞈ, aˬ yawꞈ yaw doeˇ maˬ ehˇ kʼoꞈ nehˬ haw-aˬ. Aˬ cawˬ kʼehˬ nehˬ kʼaˆ nehˬ gaˇ aˬ yawꞈ ya daˬ ngeh, aˬ cawˬ-ahˇ guˆ tsiˬ nyehꞈ-eu dawˬ aˬ yawꞈ maˬ ngehˬ-ehˇ, dawˇ coe ni yaˇ kʼaˬ daˇ-eu gʼaˬ pyeuꞈ-eu Miˬyehˇ-euˬ aˬ laꞈ laꞈ kʼoeˇ aˬ yawꞈ-euˬ gʼawˇ mawˇ a nehˬ-euˬ meh.