Maˬkuˆ 14:54 - Akha

⁵⁴ Beˬtuˆluˆ-aˬ, naˇ kʼah paw ui cuiˆ gaˇ mahˇ kaˬ gaˇ cah-awˇ, Piˇ ma Yaw huiˬ gʼaˬ-euˬ nymˇ-ahˇ gawˬ lahˇ taˬ-euˬ laꞈ kʼoeˇ paw keuˆ ni caw teh keuˆ gʼeh-euˬ meh. Kʼoeˇ gaˇ loꞈ-eu yehˇ deuˬ nehˬ-ehˇ aˬ yawꞈ ga dzuˇ-iˇ-awˇ, miˬ dzaˬ lmˇ lmˇ-ehˇ jawˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵⁴ Khoerngae, Beqtuvluv-aq, pirma yawhuiq ghaq-euq povka-anr keuvni, Yeqsur-euq maeqnan uicuiv garmanr kaq-eu gar cantae luf-eu mae. Khoernar-aq, lofpir-eu kuirlaf deuq naeq-aer nuir-ir-awr miqdzaq-anr yawgav lmrluf-eu mae.

Maˬkuˆ 14:54 ပူးပေါင်းရင်းမြစ်များ

1 Sahˬpaˬ 19:13

Teˇ saˇ kʼoeˇ-ahˇ Eˇliˇyaˆ ya gaˬ ngeh, pehˇ kʼahˬ pehˇ mahˇ neh aˬ yawꞈ-euˬ myaˆ pyawˬ-ahˇ dehˬ kaˬ-awˇ, lo kʼahˬ-euˬ gʼoˆ kʼehˬ-ahˇ iˇ doˆ-awˇ yawꞈ-iˇ-euˬ meh. Kʼoeˇ ngeh, “Eˇliˇyaˆ-oˇ, nawˇ heu gaˇ aˬ jeˬ jahˇ luꞈ te” lehˇ naˇ haˬ-eu dawˬ gaˬ le-euˬ meh.

1 Sahˬpaˬ 19:9

Kʼoeˇ gaˇ uˬ ciꞈ tiˬ miˇ yaꞈ bya-eu gʼaˇ duˬ, lo kʼahˬ tiˬ kʼahˬ laꞈ kʼoeˇ aˬ yawꞈ uˇ leˇ-euˬ meh. Ja pyuˬ ni, Sahˬpaˬ Miˬyehˇ aˬ yawꞈ-ahˇ dawˬ ngehˬ cawˬ le-awˇ, “Eˇliˇyaˆ-oˇ, nawˇ heu gaˇ aˬ jeˬ jahˇ luꞈ te” lehˇ ehˇ-eu meh.

Maꞈtehˬ 26:3

Kʼoeˇ naˇ, piˇ ma aˬ yuiꞈ gʼaˬ hawˇ-eu miˇ kʼahˬ zaˬ-euˬ aˬ yuiꞈ aˬ tsu deuˬ, Piˇ ma Yaw huiˬ gʼaˬ pyeuꞈ-eu Gaˬyaˬpaˇ-euˬ nymˇ-ahˇ uiˬ leˇ-euˬ meh.

Maꞈtehˬ 26:58

Beˬtuˆluˆ-aˬ, naˇ kʼah paw ui cuiˆ gaˇ mahˇ kaˬ gaˇ cah-awˇ, Piˇ ma Yaw huiˬ gʼaˬ-euˬ nymˇ-ahˇ gawˬ lahˇ taˬ-euˬ laꞈ kʼoeˇ paw keuˆ ni caw teh keuˆ gʼeh-euˬ meh. Aˬ yawꞈ lahˇ laꞈ kʼoeˇ uˇ leˇ-awˇ, Yeˬsuˇ-ahˇ aˬ cawˬ aˬ joˆ-ehˇ jahˇ nehˬ-eu tiˬ saˬ tiˬ li haw-eu gʼaˇ duˬ, kʼoeˇ gaˇ loꞈ piˇ-eu yehˇ deuˬ nehˬ-ehˇ ga dzuˇ leˇ-euˬ meh.

Maˬkuˆ 14:38

Kʼoeˇ naˇ, aˬ yawꞈ maꞈ-ahˇ aˬ yawꞈ ehˇ nehˬ-eu, “Muˇ juˇ juˇ-eu mehˬ nah naw maꞈ maˬ ya caw teh-iˇ ni, guiˬ lahˬ shaˇ-awˇ yaw beuˇ beuˇ-ehˇ jawˇ-awˬ. Nui ma keuˆ kʼawꞈ, gʼawˇ mawˇ gʼaˬ baˬ meh.”

Maˬkuˆ 14:66

Piˇ ma Yaw huiˬ gʼaˬ-euˬ zaˬ miˬ zaˬ zaˬ kʼaˆ tiˬ gʼaˬ oe ngeh keuˆ ni, nymˇ-ahˇ gawˬ lahˇ taˬ-euˬ laꞈ kʼoeˇ Beˬtuˆluˆ jawˇ luꞈ-eu meh.

Luˇkaꞈ 22:44

Aˬ yawꞈ nui ma shaˬ zahˬ mˇ dui dui-eu laꞈ kʼoeˇ, yaw beh naˆ maˬ tseˇ guiˬ lahˬ paˇ shaˇ dui dui-euˬ meh. Shiˬ miˇ tsa dzaˆ ka-eu loꞈ-ehˇ, aˬ yawꞈ kuˬ pyuˇ yoeˇ le-euˬ meh.

Luˇkaꞈ 22:54

Kʼoeˇ naˇ, aˬ yawꞈ maꞈ Yeˬ suˇ-ahˇ nyehꞈ-awˇ, Piˇ ma Yaw huiˬ gʼaˬ-euˬ nymˇ-ahˇ sheuˬ gʼeh-euˬ meh. Beˬtuˆluˆ-aˬ, naˇ kʼah paw ui cuiˆ gaˇ mahˇ kaˬ gaˇ cah-awˇ caw teh luꞈ-eu meh.

Yoˇhaˬ 18:18

Yaw gaˆ gaˆ-eu miˇ neh, zaˬ kʼaˆ deuˬ hawˇ-eu loꞈ luꞈ-eu yehˇ deuˬ kʼaˬ gʼeu baw doꞈ-awˇ, tiˬ jawˬ yawꞈ-awˇ yaw gaˆ lmˇ-euˬ meh. Beˬtuˆluˆ gʼeh, kʼoeˇ gaˇ yawꞈ leˇ-awˇ aˬ yawꞈ maꞈ nehˬ-ehˇ yaw gaˆ lmˇ-euˬ meh.

Yoˇhaˬ 18:25

Beˬtuˆluˆ-aˬ, kʼoeˇ gaˇ yawꞈ-awˇ yaw gaˆ lmˇ luꞈ-eu meh. Aˬ cawˬ a yawꞈ-ahˇ naˇ haˬ-eu, “Nawˇ gʼeh tsawˇ haˬ kʼoeˇ gʼaˬ-euˬ zaˬ lahˇ maˬ ngeuˇ loˇ.” Beˬtuˆluˆ tsawˇ pyehˇ pyehˇ-awˇ ehˇ-eu, “Ngaˇ maˬ ngeuˇ.”

1 Saˬmeuˬlaˆ 13:7

Tiˬ paˆ na deuˬ-aˬ, Yawˇdaˬ lawˇ baˬ cehˆ tsehˆ-awˇ, Gaˆ miˇ kʼahˬ hawˇ-eu Giˇlaˆ miˇ kʼahˬ-ahˇ cehˆ uˇ leˇ-euˬ meh. Sawˇluˆ-aˬ, Giˇlaˇgaˬlaˇ meuˬ-ahˇ jawˇ luꞈ-awˇ, aˬ yawꞈ mehˬ nah caw teh-eu deuˬ dawˬ tawˆ luꞈ yaw dzuˬ dzuˬ luꞈ-eu meh.