Maˬkuˆ 14:5 - Akha

⁵ Ahˬ law nmˇ-aˬ, kʼaˇ teˬ-eu pyuˇ mehˇ byaˆ smˬ yaˇ byaˆ za tehꞈ-a tawˇ. Pyuˇ kʼoeˇ yuˇ-awˇ shaˬ zaˬ zahˬ zaˬ-ahˇ biˇ nehˬ law nmˇ-aˬ, aˇ naˆ ni gaˇ dahˇ tsoeˬ nmˇ” lehˇ, aˬ yawꞈ maꞈ yaw kaˬ ja ja-ehˇ zaˬ miˬ zaˬ kʼoeˇ gʼaˬ-ahˇ yaw kʼaˆ-ehˇ ehˇ doeˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Tsir yawsaw teu anq lawnmr-aq, pyur 300 byav dzaeqni anqza-awr, shaqzaq zanqzaq-anr bifnaeq nya-eu beu.” Aqyawfmaf, aqyawf-anr yawkhav-aer ngaeqcoeq naeq-eu mae.

Maˬkuˆ 14:5 ပူးပေါင်းရင်းမြစ်များ

Jaceuq 106:25

Sehˬ gʼawˆ-ahˇ uˇ-awˇ toˇ toˇ-ehˇ jawˇ-eu laꞈ kʼoeˇ, Sahˬpaˬ Miˬyehˇ-euˬ ehˇ dawˬ maˬ naˇ haˬ-a.

Maꞈtehˬ 18:28

“Kʼoeˇ naˇ, zaˬ kʼaˆ kʼoeˇ gʼaˬ gʼoꞈ-iˇ-awˇ, aˬ yawꞈ-ahˇ pyuˇ tiˬ yaˇ byaˆ tehꞈ-ehˇ daˆ-eu aˬ yawꞈ-euˬ cawˬ zaˬ kʼaˆ tiˬ gʼaˬ-ahˇ tahˬ puˬ-euˬ meh. Aˬ yawꞈ-euˬ cawˬ kʼoeˇ gʼaˬ-euˬ kuˬ byahˬ-ahˇ aˬ yawꞈ tsuˆ-awˇ, ‘Ngaˬ-euˬ dziˇ dzoˆ tsoeˬ nehˬ laꞈ’ lehˇ kʼaˬ nehˬ-euˬ meh.

Maꞈtehˬ 20:11

Aˬ yawꞈ maꞈ-ahˇ gʼaˬ gaˇ poeˬ biꞈ nehˬ ngeh, aˬ gaꞈ yaˇ kmˇ yaw sahˇ gʼaˬ-ahˇ aˬ yawꞈ maꞈ gʼawˬ mya jeˬ toˇ-eu meh.

Maꞈtehˬ 26:9

Tsiˇ teu ahˬ law nmˇ-aˬ, pyuˇ gʼawˬ mya ni za tehꞈ-a. Pyuˇ kʼoeˇ yuˇ-awˇ shaˬ zaˬ zahˬ zaˬ deuˬ-ahˇ caw ba nehˬ law nmˇ-aˬ, aˇ naˆ ni gaˇ dahˇ tsoeˬ leˇnmˇ.”

Maˬkuˆ 14:4

Kʼoeˇ gaˇ jawˇ-eu tsawˇ haˬ tiˬ paˆ na deuˬ maˬ jawˇ tehˬ coeˇ-ehˇ ehˇ-eu, “Aˬ jeˬ gʼeh-eu lehˇ tsiˇ yaw saw teu, gaˇ dahˇ maˬ tsoeˬ gaˇ zmˬ dzeh niˇ gʼa-eu nga.

Maˬkuˆ 14:6

Yeˬsuˇ ehˇ-eu, “Zaˬ miˬ zaˬ heu gʼaˬ-ahˇ tiˬ jeˬ-iˬ taˬ paˇ ehˇ. Aˬ jeˬ miˇ neh naw maꞈ aˬ yawꞈ-ahˇ ehˇ doeˇ te. Aˬ yawꞈ-aˬ, ngaˬ-euˬ gʼaˇ duˬ muiˬ dui dui-eu jeˬ mˇ-euˬ meh.

Luˇkaꞈ 15:2

Kʼoeˇ ngeh, Paˬliˬsehˇ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ Yeˬsuˇ-ahˇ iˬ baˇ taˬ-awˇ ehˇ-eu, “Tsawˇhaˬ heu gʼaˬ iˬ baˇ zaˬ lehˇ sawˇ taˬ-euˬ deuˬ-ahˇ ha geuꞈ-eu uˬ taꞈ, tiˬ kawˆ loꞈ-ehˇ dzaˬ taꞈ dawˇ taꞈ-eu nga.”

Yoˇhaˬ 13:29

Yuˇdaˆ-aˬ, pyuˇ pawˬ behˆ tawˬ-eu pyuˇ jeˬ hmˬ-eu gʼaˬ pyeuꞈ-eu miˇ neh, Yeˬsuˇ aˬ yawꞈ-ahˇ kʼehˇ-awˇ, Bawˬ-iˬ gʼeh gaˇ zmˬ-eu jeˬ maˬ ngeuˇ naˇ, shaˬ zaˬ zahˬ zaˬ-ahˇ biꞈ-eu tiˬ jeˬ paˬ bi zeuˇ-iˇ-eu lehˇ ehˇ-eu paˬ lehˇ, zaˬ lahˇ tiˬ paˆ na deuˬ noeˬ-euˬ meh.

Yoˇhaˬ 6:43

Yeˬsuˇ ehˇ-eu, “Naw maꞈ ngaˬ-ahˇ maˬ toˇ ni naˬ leˇ sheˇ.

Yoˇhaˬ 6:7

Piˇliˇpuˆ ehˇ-eu, “Tsawˇ haˬ heu deuˬ-ahˇ tiˬ gʼaˬ ui cuiˆ ui cuiˆ bi dzaˬ-eu kaˬ muˇ zeuˇ kʼawꞈ, pyuˇ maˇ byaˆ nyiˬ yaˇ byaˆ neh maˬ zeuˇ loꞈ nya-aˇ.”

1 Gawˇliˬtu 10:10

Aˬ yawꞈ maꞈ tiˬ paˆ na deuˬ Miˬyehˇ-ahˇ toˇ-euˬ loꞈ-ehˇ aˬ dui maˬ ya toˇ-a.‘ Aˬ yawꞈ maꞈ kʼoeˇ loꞈ-ehˇ toˇ-euˬ miˇ neh, shiˇ-eu jeˬ-euˬ mˬ taˆ gʼaˬ kʼehˇ neh bi laˆ cawˆ-euˬ meh.

Eˇpeˇsu 4:28

Smˇ kʼoeˬ kʼoeˬ-eu tsawˇ haˬ maˬ kʼoeˬ ni byehˇ-awˇ, yawˬ ha dehꞈ nya jawˇ nya-eu uˬ taꞈ shaˬ zaˬ zahˬ zaˬ deuˬ-ahˇ caw ba nya ni, yaw sui yaw dawˇ laꞈ kʼoeˇ pyuˇ poˆ-eu gʼaˇ duˬ gaˇ mˇ-awˬ.

Dawˬmehˬ 1:27

Iˬ baˇ taˬ-eu dawˬ ngehˬ-eu laꞈ kʼoeˇ naw maꞈ ehˇ-eu, ‘Sahˬpaˬ Miˬyehˇ aˬ dui-ahˇ bye-eu miˇ neh, Iˇjiˇtuˆ miˇ kʼahˬ laꞈ kʼoeˇ neh sheuˬ doˆ laꞈ-awˇ, Aˬmoˬ tsawˇ haˬ heu deuˬ neh bi sehꞈ-eu lehˇ, aˬ dui-ahˇ heu gaˇ sheuˬ laꞈ-euˬ ngaˇ.

Piˇliˇpiˆ 2:14

Kʼaˇ mˇ kʼaˇ shaˇ-eu jeˬ laꞈ kʼoeˇ, tiˬ gʼaˬ tiˇ gʼaˬ dawˬ gʼoꞈ maˬ doˆ-ehˇ, tsawˇ pyehˇ maˬ pyehˇ ni mˇ-awˬ.

Yuˇdaˆ 1:16

Tsawˇ haˬ kʼoeˇ deuˬ-aˬ, aˬ myah luꞈ aˬ cawˬ-ahˇ toˇ toˇ-ehˇ iˬ baˇ taˬ-eu meh. Yawˬ ha-euˬ maˬ muiˬ maˬ jaˬ-eu nui kʼahˇ mehˬ nah caw teh-eu meh. Yawˬ ha-euˬ gaˇ kawˆ kʼahˬ sehˇ jehˆ-awˇ, yawˬ ha-ahˇ muiˬ laˇ ni aˬ cawˬ-ahˇ ja poeˬ nehˬ nya-eu meh.