Maˬkuˆ 14:26 - Akha

²⁶ Kʼoeˇ naˇ, ja ceuˬ-eu caˇ dawˬ tiˬ bymˇ aˬ yawꞈ maꞈ caˇ-awˇ, Saˬloˬ gawˬ jawˬ-ahˇ le-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁶ Aqyawfmaf jaceuq-eu dawqcar carghaq-euq nar-aq, dov-ir-awr Saqloq gawqjawq paw le-euq mae.

Maˬkuˆ 14:26 ပူးပေါင်းရင်းမြစ်များ

Maꞈtehˬ 21:1

Yeˬsuˇ hawˇ-eu aˬ yawꞈ-euˬ zaˬ lahˇ deuˬ Yeˬluˇsaˬlehˬ meuˬ dawˬ peh cah keuˆ laꞈ-awˇ, Saˬloˬ gawˬ jawˬ-ahˇ jaˆ-eu Behˬpaˇgeˬ pu-ahˇ laˇ keuˆ luꞈ ngeh, zaˬ lahˇ nyiˬ gʼaˬ-ahˇ Yeˬsuˇ kʼehˇ-awˇ, mehˬ hu paw bi le-euˬ meh.

Maꞈtehˬ 26:30

Kʼoeˇ naˇ, aˬ yawꞈ maꞈ ja ceuˬ-eu caˇ dawˬ tiˬ bymˇ caˇ gʼaˬ-awˇ, Saˬloˬ gawˬ jawˬ-ahˇ le-euˬ meh.

Maˬkuˆ 14:25

Miˬyehˇ Miˇkʼahˬ laꞈ kʼoeˇ aˬ gaꞈ dzaˇ uiˇ yaw shuiꞈ-ahˇ ngaˇ ya dawˇ-eu aˇ nah maˬ keuˆ laˇ kʼoeˇ keuˆ ni, aˬ gaꞈ dzaˇ uiˇ heu ngaˇ maˬ paˇ dawˇ ma lehˇ, naw maꞈ-ahˇ ngaˇ ehˇ-eu ma.”

Luˇkaꞈ 22:39

Yeˬsuˇ-aˬ, aˬ myah myah aˬ yawꞈ kʼaˇ jahˇ-eu loꞈ-ehˇ, meuˬ-ahˇ neh doˆ-iˇ-awˇ, saˬ loˬ gawˬ jawˬ-ahˇ le-euˬ meh. Zaˬ lahˇ deuˬ kʼawꞈ, aˬ yawꞈ nehˬ-ehˇ le-euˬ meh.

Yoˇhaˬ 18:1

Yeˬsuˇ kʼoeˇ loꞈ-ehˇ guiˬ lahˬ shaˇ gʼaˬ ngeh, aˬ yawꞈ-euˬ zaˬ lahˇ deuˬ sheuˬ-awˇ, Giˇdaˬloˬ lawˇ gawˆ nui baˬ paw iˇ-euˬ meh. Kʼoeˇ gaˇ yaˇ kmˇ tiˬ kmˇ jaˆ-awˇ, Yeˬsuˇ hawˇ-eu aˬ yawꞈ-euˬ zaˬ lahˇ deuˬ yaˇ kmˇ kʼoeˇ kmˇ laꞈ kʼoeˇ uˇ leˇ-euˬ meh.

Gʼaˬkʼehˇ 16:25

Sehˇ gʼahˇ ceh laˇ ngeh, Pawˇluˆ hawˇ-eu Siˬlaˆ aˬ nyaꞈ guiˬ lahˬ shaˇ shaˇ-ehˇ Miˬyehˇ-ahˇ ja ceuˬ-eu caˇ dawˬ caˇ luꞈ-awˇ, tawˬ-ahˇ uˇ-eu tsawˇ haˬ deuˬ naˇ haˬ luꞈ-eu meh.

1 Gawˇliˬtu 14:15

Toˆ-ehˇ ngeuˇ naˇ, ngaˇ aˬ joˆ-ehˇ jahˇ paˬ nga. Ngaˬ-euˬ saꞈ laˇ guiˬ lahˬ shaˇ ma. Ngaˬ-euˬ nui ma kʼawꞈ guiˬ lahˬ shaˇ ma. Ngaˬ-euˬ saꞈ laˇ ja ceuˬ-awˇ caˇ ma. Ngaˬ-euˬ nui ma kʼawꞈ ja ceuˬ-awˇ caˇ ma.

Gawˇlawˇsehˇ 3:16

Byah dui dui-eu Ka li-euˬ dawˬ kʼoeˇ, naw maꞈ-euˬ nui ma laꞈ kʼoeˇ bi ahˇ-eu tsaˬ meh. Zaˬ siˬ tsawˇ gahˇ dawˬ tawˆ luꞈ zmˬ-awˇ tiˬ gʼaˬ tiˇ gʼaˬ mehˬ-awˬ tsoˆ-awˬ. Jaˇliꞈ laꞈ kʼoeˇ ahˇ-eu ja ceuˬ-eu caˇ dawˬ deuˬ, Yeˬsuˇ gaˇ kawˆ caˇ-eu caˇ dawˬ deuˬ hawˇ-eu, guiˬ lahˬ saꞈ laˇ paw taꞈ leˇ-eu caˇ dawˬ deuˬ caˇ caˇ-ehˇ, nui ma laꞈ kʼoeˇ Miˬyehˇ-euˬ guiˬ lahˬ-ahˇ ja ceuˬ-awˬ.

Yaˬkoˆ 5:13

Naw maꞈ laꞈ kʼoeˇ, tsawˇ haˬ ti gʼaˬ na shaˬ dui zahˬ dui dui-eu jeˬ-ahˇ ya daˬ luꞈ ta loˇ. Aˬ yawꞈ guiˬ lahˬ shaˇ-eu tsaˬ meh. Tiˬ gʼaˬ na laˬ kʼaˬ cehˇ luꞈ ta loˇ. Aˬ yawꞈ Miˬyehˇ-ahˇ ja ceuˬ-awˇ caˇ-eu tsaˬ meh.

Panmaeq 5:9

Aˬ yawꞈ maꞈ caˇ dawˬ yaw shuiꞈ heu loꞈ-ehˇ caˇ-eu meh. “Sehꞈ-eu jeˬ-ahˇ nawˇ ya daˬ-awˇ, gʼawˇ mawˇ lawˇ dah nehˬ-eu laꞈ kʼoeˇ, miˇ tsaˬ tsawˇ jeuˬ tsawˇ ca dawˬ tawˆ, Miˬyehˇ jawˇ gaˇ gʼoꞈ keuˆ laˇ ni, nawˇ sheuˬ kʼoꞈ ha nehˬ-euˬ miˇ neh, sahˬ boꞈ paˇ yoˆ-ahˇ nawˇ yuˇ-awˇ, jmˬ diˬ taˬ-euˬ ngawˬ paˆ nya ni, nawˇ mˇ geuˇ-eu gʼaˬ pyeuꞈ-eu meh.