Maˬkuˆ 14:12 - Akha

¹² Dehˬ tseˬ maˬ ahˇ-eu Kaˬ muˇ dzaˬ-eu Bawˬ-iˬ gʼeh dahˬ beh ngeh nah pyeuꞈ-eu, Baˬsaˬkaˬ dzaˬ byawˇ gʼaˇ duˬ yawˇ sehꞈ-eu aˇ nah kʼoeˇ nah-ahˇ, zaˬ lahˇ deuˬ Yeˬsuˇ-ahˇ naˇ haˬ-eu, “Nawˇ nga maꞈ-ahˇ Baˬsaˬkaˬ dzaˬ byawˇ aˬ gaˇ bi lehˬ hmˬ mawꞈ-eu nya.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Daeqtseq maqdawv-euq kaqmur yawbui ardanqbae ngae nan-aq, Baqsaqkaq yawrzaq lawrnaeq-eu nan mae. Aqyawf-euq zaqlanr deuq, Yeqsur-anr narhaq-eu, “Baqsaqkaq dzaqbyawr dzaqnya’ni, nawr, nga’maf-anr nawq-euq gharduq aqgeugar bi laeqhmq-ir mawf-eu nya?”

Maˬkuˆ 14:12 ပူးပေါင်းရင်းမြစ်များ

Doˆ-iˇ 12:18

Ba la yaw beh siˬ tseˇ oeˬ nah uˬ ciꞈ uˬ taw paw neh aˇ dahˬ beh-awˇ, nyiˬ tseˇ tiꞈ nah ngeh nah uˬ ciꞈ uˬ taw paw keuˆ ni, dehˬ tseˬ ahˇ-eu kaˬ muˇ maˬ dzaˬ ni naw maꞈ ya jawˇ meh.

Doˆ-iˇ 12:6

Ba la heu siˬ tseˇ oeˬ nah uˬ ciꞈ uˬ taw paw, Iˇsaˬleˬlaˆ tsawˇ haˬ dawˬ tawˆ luꞈ jeˬ zaˬ ya sehꞈ meh.

Doˆ-iˇ 12:8

Kʼoeˇ ngeh miˇ, shaˬ jiˇ kʼoeˇ deuˬ tehˬ ba-awˇ, dehˬ tseˬ maˬ ahˇ-eu kaˬ muˇ hawˇ-eu yaw kʼaˬ kʼaˬ-eu gʼawˬ paꞈ gʼawˬ nyoeˇ nehˬ-ehˇ ya dzaˬ meh.

Doˆ-iˇ 13:3

Iˇsaˬleˬlaˆ tsawˇ haˬ deuˬ-ahˇ Moˇseˬ ehˇ nehˬ-eu, “Naw maꞈ aˬ cawˬ-euˬ zaˬ kʼaˆ ya geuꞈ luꞈ-eu Iˇjiˇtuˆ miˇ kʼahˬ laꞈ kʼoeˇ neh doˆ le-euˬ aˇ nah heu nah-ahˇ noeˬ keuˆ-awˬ. Aˇ nah heu nah laꞈ kʼoeˇ, Sahˬpaˬ Miˬyehˇ-aˬ, huiˬ-eu aˬ yawꞈ-euˬ baoˬ-ahˇ gʼoe-awˇ, naw maꞈ-ahˇ sheuˬ doˆ nehˬ-euˬ meh. Dehˬ tseˬ ahˇ-eu kaˬ muˇ naw maꞈ maˬ ya dzaˬ-a.

Maꞈtehˬ 3:15

Ehˇ kʼawꞈ, Yeˬsuˇ ehˇ-eu, “Miˬyehˇ-euˬ nui kʼahˇ byah laˇ ni, nymˬ-mˇ aˇ nyaꞈ heu loꞈ-ehˇ ya mˇ meh.” Kʼoeˇ ngeh, Yeˬsuˇ-ahˇ iˇ cuꞈ shawˇ nehˬ-eu gʼaˇ duˬ Yoˇhaˬ nui ma tsaˬ-euˬ meh.

Maˬkuˆ 14:1

Baˬ saˬ kaˬ Bawˬ-iˬ hawˇ-eu Dehˬ tseˬ maˬ dawˆ-euˬ Kaˬ muˇ dzaˬ-eu Bawˬ-iˬ gʼeh-eu aˇ yamˬ keuˆ le-eu nyiˬ nah dzeˇ-eu tehꞈ meh. Piˇ ma aˬ yuiꞈ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ-aˬ, Yeˬsuˇ-ahˇ ciˬ cuˇ ni nyehꞈ kʼoeˬ-awˇ sehꞈ-eu gʼaˇ duˬ nawˬ jawˬ luꞈ-eu meh.

Maˬkuˆ 14:11

Aˬ yawꞈ ehˇ gaˇ piˇ ma aˬ yuiꞈ deuˬ laˬ kʼaˬ cehˇ dui dui-awˇ, aˬ yawꞈ-ahˇ pyuˇ biꞈ-eu gʼaˇ duˬ saˇ jaˇ dzaˬ-euˬ meh. Kʼoeˇ naˇ, Yeˬsuˇ-ahˇ aˬ yawꞈ maꞈ-euˬ aˬ laꞈ laꞈ kʼoeˇ a nehˬ-eu gʼaˇ duˬ aˬ myah yehꞈ laˇ nga lehˇ, Yuˇdaˆ jawˬ luꞈ-eu meh.

Maˬkuˆ 14:13

Kʼoeˇ ngeh, zaˬ lahˇ nyiˬ gʼaˬ-ahˇ Yeˬsuˇ heu loꞈ-ehˇ mehˬ nehˬ-awˇ kʼehˇ gʼeh-euˬ meh. “Naw nyaꞈ meuˬ-ahˇ iˇ-awˬ. Iˇ cuꞈ mui deuˇ oeˬ lahˬ baꞈ luꞈ-eu tsawˇ haˬ tiˬ gʼaˬ ya tahˬ puꞈ tehꞈ-a. Aˬ yawꞈ-euˬ mehˬ nah naw nyaꞈ caw teh gʼeh-awˬ.

Gaˬlaˬtiˆ 4:4

Ehˇ kʼawꞈ, aˇ yamˬ tsaˬ laˇ ngeh jawˇ, Miˬyehˇ neh aˬ yawꞈ-euˬ Zaˬmaˇ-ahˇ bi oe-euˬ meh. Zaˬ miˬ zaˬ-euˬ uˬ maˆ laꞈ kʼoeˇ neh dehꞈ doˆ le-awˇ, Yuˇdaˆ tsawˇ haˬ-euˬ Zahˇ dawˬ kʼoꞈ dawˬ uˬ moˆ jawˇ-euˬ meh.

Dawˬmehˬ 16:5

“Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-ahˇ biꞈ taˬ-euˬ meuˬ deuˬ laꞈ kʼoeˇ, Baˬsaˬkaˬ Bawˬ-iˬ-ahˇ taꞈ leˇ-awˇ lawˇ-eu jeˬ nawˇ maˬ ya lawˇ-a.