Maˬkuˆ 14:11 - Akha

¹¹ Aˬ yawꞈ ehˇ gaˇ piˇ ma aˬ yuiꞈ deuˬ laˬ kʼaˬ cehˇ dui dui-awˇ, aˬ yawꞈ-ahˇ pyuˇ biꞈ-eu gʼaˇ duˬ saˇ jaˇ dzaˬ-euˬ meh. Kʼoeˇ naˇ, Yeˬsuˇ-ahˇ aˬ yawꞈ maꞈ-euˬ aˬ laꞈ laꞈ kʼoeˇ a nehˬ-eu gʼaˇ duˬ aˬ myah yehꞈ laˇ nga lehˇ, Yuˇdaˆ jawˬ luꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Aqyawfmaf yagaq ngae laqkhaqcaer duidui-awr, aqyawf-anr pyur bif ma laer aertsaev naeq-euq mae. Khoernar-aq, Yeqsur, aqyawf maf-euq aqlaf-anr a’naeq-eu aqmyan yaeflar-eu nga laer aqyawf jawqluf-eu mae.

Maˬkuˆ 14:11 ပူးပေါင်းရင်းမြစ်များ

1 Sahˬpaˬ 21:20

Eˇliˇyaˆ-ahˇ Aˬhaˆ mawˇ ngeh, “Ngaˬ-ahˇ muiˇ-eu gʼaˬ-oˇ, nawˇ ngaˬ-ahˇ poˆ mawˇ le-euˬ nga laˬ” lehˇ ehˇ nehˬ-euˬ meh. Eˇliˇyaˆ ehˇ-eu, “Ngeuˇ ma. Ngaˇ nawˬ-ahˇ poˆ mawˇ le-euˬ ma. Sahˬpaˬ Miˬyehˇ mehˬ shi yaw lehˬ jeˬ mˇ-eu gʼaˇ duˬ nawˇ maˇ maˇ ni noeˬ tsehˆ taˬ-euˬ meh.

2 Sahˬpaˬ 5:26

Ehˇ kʼawꞈ, Eˇliˇshehˇ heu loꞈ-ehˇ ehˇ-eu meh. “Tsawˇ haˬ kʼoeˇ gʼaˬ mahˬ laˆ lawˬ-ahˇ neh tsawˬ ka-awˇ, nawˬ-ahˇ tahˬ puˬ le ngeh, yaw sahˇ laꞈ kʼoeˇ ngaˇ kʼoeˇ gaˇ jawˇ luꞈ-eu siˬ nya ma loˇ. Aˇ yamˬ heu yamˬ-aˬ, pyuˇ maˬ ehˇ, mehˬ tsoeˬ maˬ ehˇ, saˬ loˬ yaˇ kmˇ maˬ ehˇ, aˬ gaꞈ yaˇ kmˇ maˬ ehˇ, yawˇ maˬ ehˇ, mawˇ neˇ maˬ ehˇ, zaˬ kʼaˆ maˬ ehˇ, ya ha geuꞈ-eu aˇ yamˬ maˬ ngeuˇ-a.

Hawˇseˬ 7:3

Sahˬpaˬ Miˬyehˇ ehˇ-eu dawˬ-aˬ, “Aˬ yawꞈ maꞈ-euˬ nui ma laꞈ gʼoꞈ, sahˬpaˬ laˬ kʼaˬ cehˇ ni mˇ-awˇ, aˬ yawꞈ maꞈ-euˬ jaˬ myawꞈ mehˇ shuiˇ, sahˬ ma nui saˇ bi za-eu meh.

Maꞈtehˬ 26:14

Kʼoeˇ naˇ, zaˬ lahˇ tseˇ nyiꞈ gʼaˬ laꞈ kʼoeˇ, Yuˇdaˆ Iˇsaˬgaˬliˬoˆ lehˇ myahˇ-euˬ gʼaˬ, piˇ ma aˬ yuiꞈ deuˬ jawˇ gaˇ le-euˬ meh.

Maꞈtehˬ 26:15

“Yeˬsuˇ-ahˇ naw maꞈ-euˬ aˬ laꞈ laꞈ kʼoeˇ a nehˬ naˇ, naw maꞈ ngaˬ-ahˇ aˬ jeˬ biꞈ te” lehˇ, piˇ ma aˬ yuiꞈ kʼoeˇ deuˬ-ahˇ aˬ yawꞈ naˇ haˬ ngeh, aˬ yawꞈ maꞈ aˬ yawꞈ-ahˇ pyuˇ maˇ byaˆ smˬ tseˇ byaˆ biꞈ nehˬ-euˬ meh.

Maˬkuˆ 14:10

Kʼoeˇ naˇ, zaˬ lahˇ tseˇ nyiꞈ gʼaˬ laꞈ kʼoeˇ ahˇ-eu Yuˇdaˆ Iˇsaˬgaˬliˬoˆ lehˇ kuˇ-eu gʼaˬ, Yeˬsuˇ-ahˇ ahˬ dzaˬ-eu gʼaˇ duˬ, piˇ ma aˬ yuiꞈ deuˬ jawˇ gaˇ le-euˬ meh.

Maˬkuˆ 14:12

Dehˬ tseˬ maˬ ahˇ-eu Kaˬ muˇ dzaˬ-eu Bawˬ-iˬ gʼeh dahˬ beh ngeh nah pyeuꞈ-eu, Baˬsaˬkaˬ dzaˬ byawˇ gʼaˇ duˬ yawˇ sehꞈ-eu aˇ nah kʼoeˇ nah-ahˇ, zaˬ lahˇ deuˬ Yeˬsuˇ-ahˇ naˇ haˬ-eu, “Nawˇ nga maꞈ-ahˇ Baˬsaˬkaˬ dzaˬ byawˇ aˬ gaˇ bi lehˬ hmˬ mawꞈ-eu nya.”

Luˇkaꞈ 22:3

Kʼoeˇ naˇ, Zaˬ lahˇ tseˇ nyiꞈ gʼaˬ laꞈ kʼoeˇ ahˇ-eu Iˇsaˬgaˬliˬoˆ lehˇ ehˇ-eu Yuˇdaˆ kʼoeˇ gʼaˬ-ahˇ nehꞈ Saˬdaˬ uˇ leˇ-euˬ meh.

1 Tiˆmoˇseˬ 6:10

Aˬ jeˬ miˇ neh ehˇ naˇ, pyuˇ-ahˇ mehˇ juiˇ juiˇ-eu nui ma-aˬ, yaw haiˬ jeˬ dawˬ tawˆ luꞈ-euˬ dawˬ pehˬ duˬ puˇ pyeuꞈ-eu meh. Tiˬ paˆ na deuˬ-aˬ, pyuˇ-ahˇ nui kʼahˇ jaˆ-eu miˇ neh jah-eu jeˬ-ahˇ gaˇ mahˇ kaˬ dui dui-iˇ-awˇ, noeˬ shaˬ-eu gʼawˬ mya jeˬ ciˬ tehˬ-eu baˬ da neh nui ma tsawˬ paˆ gaˇ keuˆ-eu meh.

Yuˇdaˆ 1:11

Aˬ yawꞈ maꞈ aˇ naˆ ni ya noeˬ shaˬ paˬ-ehˇ gʼeh-eu nga. A yawꞈ maꞈ-aˬ, Gaˬiˇnaˆ-euˬ kuiˇ toꞈ mehˬ nah caw teh luꞈ-eu meh. Pyuˇ shuiˇ-ahˇ nui kʼahˇ jaˆ-eu laꞈ kʼoeˇ Baˬlamˬ neh mˇ lehˬ-euˬ jeˬ-ahˇ aˬ yawꞈ maꞈ mˇ-eu meh. Gawˇlaˆ neh Miˬyehˇ-ahˇ puiˬ-euˬ loꞈ-ehˇ aˬ yawꞈ maꞈ kʼawꞈ puiˬ-awˇ, Gawˇlaˆ loꞈ-ehˇ laˆ luˬ laˆ seˇ nehˬ-eu jeˬ-ahˇ ya daˬ-euˬ meh.