Maˬkuˆ 14:1 - Akha

¹ Baˬ saˬ kaˬ Bawˬ-iˬ hawˇ-eu Dehˬ tseˬ maˬ dawˆ-euˬ Kaˬ muˇ dzaˬ-eu Bawˬ-iˬ gʼeh-eu aˇ yamˬ keuˆ le-eu nyiˬ nah dzeˇ-eu tehꞈ meh. Piˇ ma aˬ yuiꞈ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ-aˬ, Yeˬsuˇ-ahˇ ciˬ cuˇ ni nyehꞈ kʼoeˬ-awˇ sehꞈ-eu gʼaˇ duˬ nawˬ jawˬ luꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Baqsaqkaq yawbui bui-eu hawr-eu daeqtseq maqdawv-euq kaqmur yawbui bui-eu aryamq maq keuvlar-euq nyiq nan ca ngae, pirma aqyuif deuq hawr-eu zanr maeq-eu deuq jaqmyawf maershuir-euq lafkhoer aqjox-aer ghae-awr nae, Yeqsur-anr nyaef-awr saefdzae nya-eu paq nga laer jawqluf-eu mae.

Maˬkuˆ 14:1 ပူးပေါင်းရင်းမြစ်များ

Aˇ dahˬ 37:18

Gaˇ mahˇ kaˬ gaˇ aˬ yawꞈ oe luꞈ ngeh neh, aˬ yawꞈ-euˬ aˇ doˆ deuˬ aˬ yawꞈ-ahˇ mawˇ-awˇ, aˬ yawꞈ maˬ oe keuˆ mi naˆ-ehˇ, aˬ yawꞈ-ahˇ sehꞈ-eu lehˇ bawˬ dzaˬ taˬ-euˬ meh.

Jaceuq 52:3

Muiˬ-eu jaˬ-eu jeˬ-ahˇ naˆ maˬ tseˇ yaw haiˬ jeˬ-ahˇ naw maꞈ gaˬ-awˇ, tsaˬ-eu jeˬ-ahˇ naˆ maˬ tseˇ lehˬ-eu jeˬ-ahˇ naw maꞈ gʼoeˇ-eu meh.

Jaceuq 62:4

Aˬ yawꞈ-euˬ myaˆ pyawˬ naˇ mehˇ-ahˇ naw maꞈ laˆ cawˆ-eu lehˇ gʼeh-eu meh. Jaˬ myawꞈ myawꞈ-eu jeˬ-ahˇ naw maꞈ laˬ kʼaˬ cehˇ-eu meh. Naw maꞈ-euˬ mehˬ boeˬ dawˬ ngehˬ gʼeh nehˬ luꞈ kʼawꞈ, nui ma laꞈ kʼoeˇ aˬ yawꞈ-ahˇ yaˬ kʼehˇ yaˬ luꞈ meh.

Jaceuq 62:9

Tsawˇ haˬ zaˬ dawˬ tawˆ luꞈ saꞈ kʼoeˬ loꞈ-ehˇ tehꞈ meh. Huiˬ zaˬ nyiˇ zaˬ dawˬ tawˆ luꞈ yawꞈ ngehꞈ meh. Aˬ yawꞈ maꞈ-ahˇ paˆ yawˬ neh saˆ haw ngeh tiˬ pawꞈ-iˬ maˬ kah-ehˇ, saꞈ kʼoeˬ naˆ maˬ tseˇ pyaˇ-eu meh.

Doˆ-iˇ 12:1

Iˇjiˇtuˆ miˇ kʼahˬ laꞈ kʼoeˇ, Moˇseˬ hawˇ-eu Aˬloˬ-ahˇ, Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

Uˬ duˬ 2:6

Kaˬ muˇ kʼoeˇ lawˇ ngeh, laˆ meuˇ laˆ loeˇ-awˇ, tsiˇ ya shehˆ daˆ meh.

Maꞈtehˬ 12:14

Kʼoeˇ ngeh, Paˬliˬsehˇ deuˬ doˆ-iˇ-awˇ, Yeˬsuˇ-ahˇ sehꞈ-eu gʼaˇ duˬ bawˬ kʼoeˬ-euˬ meh.

Maꞈtehˬ 6:2

“Shaˬ-eu zahˬ-eu tsawˇ haˬ deuˬ-ahˇ gamꞈ nehˬ ngeh, awꞈ-aꞈ tahˬ kʼoˬ-ahˇ duˇ-eu tsawˇ haˬ deuˬ loꞈ-ehˇ, daˇ heh baw baw-ehˇ gamꞈ-eu jeˬ taˬ jahˇ. Aˬ yawꞈ maꞈ-aˬ, aˬ cawˬ bi ciˬ poeˬ-eu gʼaˇ duˬ, uˬ duˬ tahˬ nymˇ laꞈ kʼoeˇ maˬ ehˇ, gaˇ ma doe ni maˬ ehˇ, daˇ heh baw-awˇ gamꞈ nehˬ-eu meh. Ngaˇ dawˇ coe ni ehˇ nehˬ nyaˇ. Aˬ yawꞈ maꞈ-aˬ, yawˬ ha kʼaˇ za paˬ-ehˇ gʼeh-eu guiˬ lahˬ za gʼaˬ jiˇ-euˬ gaˇ duˇ meh.

Maˬkuˆ 14:12

Dehˬ tseˬ maˬ ahˇ-eu Kaˬ muˇ dzaˬ-eu Bawˬ-iˬ gʼeh dahˬ beh ngeh nah pyeuꞈ-eu, Baˬsaˬkaˬ dzaˬ byawˇ gʼaˇ duˬ yawˇ sehꞈ-eu aˇ nah kʼoeˇ nah-ahˇ, zaˬ lahˇ deuˬ Yeˬsuˇ-ahˇ naˇ haˬ-eu, “Nawˇ nga maꞈ-ahˇ Baˬsaˬkaˬ dzaˬ byawˇ aˬ gaˇ bi lehˬ hmˬ mawꞈ-eu nya.”

Maˬkuˆ 14:2

“Bawˬ-iˬ gʼeh luꞈ ngeh aˬ dui maꞈ aˬ yawꞈ-ahˇ maˬ nyehꞈ nya nga siˬ. Kʼoeˇ loꞈ-ehˇ jahˇ naˇ, miˇ kʼahˬ zaˬ luiˬ gʼa laˇ gaˇ ya yahˇ nga” lehˇ, aˬ yawꞈ maꞈ ehˇ-eu meh.

Yoˇhaˬ 11:47

Kʼoeˇ ngeh, Paˬliˬsehˇ deuˬ hawˇ-eu piˇ ma aˬ yuiꞈ deuˬ Baꞈdzah aˇ muˇ-ahˇ tahˬ puˬ-awˇ, heu loꞈ-ehˇ ehˇ-eu meh. “Aˬ dui aˬ joˆ-ehˇ jahˇ nmˇ. Tsawˇ haˬ kʼoeˇ gʼaˬ zahˬ leˇ paˬ-ehˇ gʼeh-eu gʼawˬ mya jeˬ mˇ luꞈ meh.

Yoˇhaˬ 13:1

Baˬsaˬkaˬ Bawˬ-iˬ keuˆ le-eu mehˬ hu ngeh nah, aˬ yawꞈ miˇ tsaˬ heu-ahˇ gʼawˬ-iˇ-awˇ, Aˬda jawˇ gaˇ ya gʼoꞈ leˇ-eu aˇ yamˬ tsaˬ laˇ-euˬ gaˇ kawˆ Yeˬsuˇ siˬ nya-eu meh. Miˇtsaˬ kʼoeˇ taˆ jawˇ-eu aˬ yawꞈ-ahˇ jah-eu tsawˇ haˬ deuˬ-ahˇ aˬ yawꞈ gaˬ-awˇ, aˇ saˬ saˬ ngeh keuˆ ni gaˬ-euˬ meh.

Gʼaˬkʼehˇ 12:4

Beˬtuˆluˆ-ahˇ nyehꞈ gʼaˬ ngeh, paꞈ kuˆ-ahˇ dawˆ-awˇ, tiˬ muˇ-euˬ oeˬ gʼaˬ byah-eu yehˇ oeˬ muˇ neh bi loꞈ-euˬ meh. Baˬsaˬkaˬ Bawˬ-iˬ gʼeh gʼaˬ naˇ, miˇ kʼahˬ zaˬ-euˬ mehˬ shi tsahˇ doˆ-awˇ yaˇ kʼaˬ daˇ-eu gʼaˇ duˬ, Heˬloˆ lehˬ hmˬ taˬ-euˬ meh.