Maˬkuˆ 13:14 - Akha

¹⁴ “‘Guˆ dui dui laˇ paˬ-ehˇ gʼeh-eu yaw jawꞈ jeˬ’ kʼoeˇ, maˬ bi jaˆ kʼmˬ-eu jawˇ duˬ-ahˇ jaˆ laˇ taˬ-euˬ gaˇ naw maꞈ ya mawˇ tehꞈ-a.” (Jaˇliꞈ gui-eu deuˬ dawˬ heu dawˬ-euˬ dawˬ tsuiꞈ gʼoˆ shaw-awˬ.) “Kʼoeˇ ngeh, Yuˇdaˆ miˇ kʼahˬ-ahˇ jawˇ-eu tsawˇ haˬ deuˬ gawˬ jawˬ paw ya cehˆ daˆ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ “Miqyaer gharduq ngaeqdan-eu Daqyeqlar nae aertaq-euq lof-aer, ‘Nawmaf, lavcawvbyov jir-eu ardzaeq-aer jawf-eu jeq’ jav paq-aer maqghae-eu jawrduq-anr javluf-eu gar ya’mawr ngae,” (Yaerbof heu-anr gui-eu tsawrhaq ghovshaw luf-ur) “Yurdav mirkhanq-anr jawr-eu tsawrhaq deuq danrtav caevdav lef-awq.

Maˬkuˆ 13:14 ပူးပေါင်းရင်းမြစ်များ

Ngoeˇ dawˬ 1:10

Yawꞈ-euˬ pyuˇ shuiˇ myawˬ gahˬ kʼoeˇ taˆ, muiˇ-eu deuˬ aˬ laꞈ cawˬ leꞈ-awˇ, lawˇ ciꞈ zaˬ maˬ ya le-a lehˇ, Sahˬpaˬ Miˬyehˇ daˇ tsehˆ taˬ-euˬ, muiˬ-eu shawˇ-eu jawˇ duˬ laꞈ kʼoeˇ, aˬ cawˬ tsawˇ jeuˬ deuˬ le uˇ gaˇ, aˬ yawꞈ myaˆ nuiˆ ya mawˇ-euˬ meh.

Yeˬsaˬgeˬlaˇ 44:9

“Baˆ kʼoˆ mehˬ dzaˬ maˬ yehˬ-euˬ aˬ cawˬ tsawˇ jeuˬ hawˇ-eu, ngaˬ-euˬ ehˇ dawˬ maˬ naˇ haˬ-eu tsawˇ haˬ tiˬ gʼaˬ-iˬ ngaˬ-euˬ Uˬ duˬ tahˬ nymˇ nymˇ ma-ahˇ maˬ ya uˇ laˇ-a. Iˇsaˬleˬlaˆ tsawˇ haˬ deuˬ nehˬ-ehˇ jawˇ luꞈ-eu aˬ cawˬ tsawˇ jeuˬ deuˬ kʼawꞈ, tiˬ gʼaˬ-iˬ maˬ ya uˇ laˇ-a lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Daˬyeˬlaˇ 11:31

Aˬ yawꞈ-euˬ yehˇ tiˬ paˆ na deuˬ, Uˬ duˬ tahˬ nymˇ nymˇ ma-ahˇ laˆ jawꞈ tehꞈ-a. Yawˬ nah na luꞈ lawˇ-eu shehˇ-eu jeˬ maˬ bi mˇ ni, aˬ yawꞈ maꞈ laˆ tsoeˬ-awˇ, doeˇ dui dui-eu nui daˆ daˆ laˇ paˬ-ehˇ gʼeh-eu jeˬ kʼoeˇ gaˇ bi jaˆ tehꞈ-a.

Daˬyeˬlaˇ 12:11

“Aˬ yawꞈ nah yawꞈ mˇ luꞈ-eu lawˇ-eu shehˇ-eu jeˬ maˬ bi mˇ ni laˆ tsoeˬ-awˇ, doeˇ dui dui-eu nui daˆ daˆ laˇ paˬ-ehˇ gʼeh-eu jeˬ bi jaˆ laˇ-euˬ nah-ahˇ neh, tiˬ heˇ gʼoeˬ yaˇ nyiˬ tseˇ nah jaˆ tehꞈ-a.

Daˬyeˬlaˇ 8:13

Mˬ taˆ gʼaˬ kʼehˇ tiˬ gʼaˬ mˬ taˆ gʼaˬ kʼehˇ yawˬ gʼaˬ yawˬ-ahˇ heu loꞈ-ehˇ naˇ haˬ gaˇ ngaˇ ya gaˬ-euˬ ma. “Yaw sahˇ laꞈ kʼoeˇ ya siˬ yaw mawˇ luꞈ-eu gaˇ kawˆ heu deuˬ, aˇ myah keuˆ ni heu loꞈ-ehˇ tehꞈ-ehˇ jaˆ-eu gʼeh ta. Aˬ yawꞈ nah yawꞈ lawˇ-eu shehˇ-eu jeˬ mˇ-eu dah zaˇ, iˬ baˇ mˇ mˇ-ehˇ jawˇ-eu teu aˇ myah keuˆ ni jaˆ-eu gʼeh ta. Mˬ taˆ guiˇ maꞈ hawˇ-eu Uˬ duˬ tahˬ nymˇ nymˇ ma-ahˇ, aˇ myah keuˆ ni bi nawˬ pahˬ-eu gʼeh ta.”

Daˬyeˬlaˇ 9:27

Uˆ lahˇ-eu tsawˇ haˬ kʼoeˇ gʼaˬ, shiꞈ kʼoꞈ keuˆ ni tsawˇ haˬ gʼawˬ mya gʼaˬ nehˬ-ehˇ dawˬ ma saˇ jaˇ dzaˬ taꞈ-awˇ, aˇ yamˬ tiˬ paˆ paˆ-iˇ ngeh, lawˇ-eu shehˇ-eu jeˬ maˬ bi mˇ ni laˆ tsoeˬ tehꞈ-a. Uˬ duˬ tahˬ nymˇ nymˇ ma-euˬ kʼaˬ boeˬ-ahˇ, doeˇ dui dui-eu nui daˆ daˆ laˇ paˬ-ehˇ gʼeh-eu jeˬ bi jaˆ-awˇ, kʼoeˇ loꞈ-ehˇ bi jaˆ-euˬ gʼaˬ-ahˇ yaˇ kʼaˬ daˇ-eu gʼaˇ duˬ, Miˬyehˇ neh lehˬ hmˬ taˬ-eu aˇ yamˬ maˬ keuˆ laˇ kʼoeˇ keuˆ ni, kʼoeˇ gaˇ jaˆ tehꞈ-a.”

Maꞈtehˬ 13:51

“Gaˇ kawˆ heu deuˬ naw maꞈ gʼoˆ shaw-euˬ ma loˇ” lehˇ Yeˬsuˇ naˇ haˬ ngeh, “Gʼoˆ shaw-euˬ ma” lehˇ aˬ yawꞈ maꞈ ehˇ-eu meh.

1 Gawˇliˬtu 14:20

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ shaˇ noeˬ shaˇ sawˇ-eu paw dzeˇ zaˬ yaw nyiˇ loꞈ-ehˇ taˬ bi pyeuꞈ. Yaw haiˬ jeˬ mˇ-eu paw dzeˇ-aˬ, iˬ baˇ mˇ-eu maˬ siˬ nya-eu zaˬ yaw nyiˇ loꞈ-ehˇ bi pyeuꞈ-awˇ, shaˇ noe shaˇ sawˇ-eu paw dzeˇ-aˬ, tsawˇ mawˬ tsawˇ kʼaˆ loꞈ-ehˇ bi pyeuꞈ-awˬ.

Panmaeq 1:3

Sahˬ boꞈ heu taꞈ-ahˇ kʼaˇ gui-eu tsawˇ haˬ guiˬ lahˬ huiˬ-eu meh. Miˬyehˇ gʼaˇ duˬ ngehˬ dah taˬ-euˬ dawˬ heu deuˬ-ahˇ ya gaˬ-eu laꞈ kʼoeˇ, heu gaˇ kʼaˇ boꞈ taˬ-euˬ gaˇ kawˆ deuˬ-ahˇ kʼaˇ naˇ haˬ geuꞈ-eu tsawˇ haˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, heu gaˇ kʼaˇ ehˇ taˬ-euˬ jeˬ dawˬ tawˆ luꞈ keuˆ le-eu aˇ yamˬ dawˬ peh peh laˇ-euˬ meh.

Panmaeq 13:18

Heu-aˬ, zaˬ siˬ tsawˇ gahˇ zmˬ-awˇ shaˇ noeˬ-eu gʼaˇ duˬ ehˇ taˬ-euˬ dawˬ meh. Zaˬ siˬ tsawˇ gahˇ ahˇ-eu tsawˇ haˬ-aˬ, jeˬ zaˬ yaw haiˬ-euˬ naˬ baꞈ kʼoeˇ-euˬ dawˬ tsuiꞈ shaˇ sawˇ doˆ nya-eu meh. Aˬ jeˬ miˇ neh ehˇ naˇ, naˬ baꞈ kʼoeˇ-aˬ, tsawˇ haˬ tiˬ gʼaˬ-euˬ tsawˇ myahˇ pyeuꞈ-eu meh. Kʼoeˇ-aˬ, koꞈ yaˇ koꞈ tseˇ koꞈ meh.