Maˬkuˆ 12:43 - Akha

⁴³ Kʼoeˇ ngeh, aˬ yawꞈ-euˬ zaˬ lahˇ deuˬ-ahˇ aˬ yawꞈ kuˇ uiˬ-awˇ, heu loꞈ-ehˇ ehˇ nehˬ-euˬ meh. “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Shaˬ dui dui-eu miˬ coeˬ miˬ ma heu gʼaˬ-aˬ, pyuˇ daˬ kʼaˇ dawˆ laˇ-euˬ tsawˇ haˬ dawˬ tawˆ luꞈ laꞈ kʼoeˇ, aˬ cawˬ myaˆ maˬ tseˇ damˬ-euˬ gʼaˬ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴³ Yeqsur, aqyawf-euq zaqlanr deuq-anr kurlaf-awr heulof-aer aernaeq-euq mae, “Ngar, nawmaf-anr aqdirma-aer aernaeq nyar, irshaq irtaw miqcoeq miqma heughaq-aq, pyurdamq khar dawvlar-euq tsawrhaq dawqtawv luf-euq myavmaqtser dawv-euq mae.

Maˬkuˆ 12:43 ပူးပေါင်းရင်းမြစ်များ

Maꞈtehˬ 10:42

Ngaˬ-euˬ mehˬ nah caw teh-eu tsawˇ haˬ deuˬ laꞈ kʼoeˇ, aˬ cawˬ naˆ maˬ tseˇ nyiˇ teˬ dzehˬ-eu tiˬ gʼaˬ-ahˇ kʼawꞈ, ngaˬ-euˬ mehˬ nah caw teh-eu tsawˇ haˬ pyeuꞈ-eu miˇ neh bi dawˇ-eu ma lehˇ noeˬ siˬ nya-awˇ, iˇ cuꞈ iˇ tsehꞈ tiˬ kʼmˬ tehꞈ-ehˇ bi dawˇ-euˬ kʼawꞈ, kʼoeˇ loꞈ-ehˇ kʼaˇ bi dawˇ-eu tsawˇ haˬ aˬ geu gʼaˬ maˬ kaˬ, aˬ diˇ aˬ maˇ guiˬ lahˬ za tehꞈ-a lehˇ, ngaˇ naw maꞈ-ahˇ maˇ jawˆ ni ehˇ-eu ma.”

Maˬkuˆ 12:42

Kʼoeˇ naˇ, shaˬ dui dui-eu miˬ coeˬ miˬ ma tiˬ gʼaˬ laˇ-awˇ, tiˬ pehˆ poeˬ-eu guiˬ shuiˇ mehˇ byaˆ nyiˬ byaˆ damˬ-euˬ meh.

Maˬkuˆ 12:44

Aˬ jeˬ miˇ neh ehˇ naˇ, nui deuˬ-aˬ, gʼawˬ mya ni jaˆ-eu laꞈ kʼoeˇ yuˇ doˆ-awˇ damˬ-euˬ meh. Ehˇ kʼawꞈ, aˬ yawꞈ-aˬ, shaˬ dui dui-eu laꞈ kʼoeˇ, aˬ yawꞈ yaw dehꞈ dehꞈ-eu gʼaˇ duˬ maˬ dzeˇ ni, kʼaˇ ahˇ-eu dawˬ tawˆ luꞈ damˬ jiˇ-euˬ meh.”

Yoˇhaˬ 8:20

Yeˬsuˇ-aˬ, Uˬ duˬ tahˬ nymˇ nymˇ ma laꞈ kʼoeˇ jaˆ-eu pyuˇ daˬ bahˬ keuˆ deuˬ baꞈ taˬ-euˬ lawˆ-ahˇ jawˇ-awˇ, gaˇ kawˆ kʼoeˇ deuˬ mehˬ nehˬ tsoˆ nehˬ-euˬ meh. Ehˇ kʼawꞈ, tsawˇ haˬ tiˬ gʼaˬ-iˬ aˬ yawꞈ-ahˇ maˬ nyehꞈ-a. Aˬ jeˬ miˇ neh ehˇ naˇ, aˬ yawꞈ-euˬ aˇ yamˬ maˬ keuˆ laˇ-euˬ miˇ neh meh.

Gʼaˬkʼehˇ 11:29

Zaˬ lahˇ deuˬ yawˬ gʼaˬ na luꞈ, yawˬ ha kʼaˇ gʼeh nya-eu loꞈ-ehˇ, Yuˇdaˆ miˇ kʼahˬ-ahˇ jawˇ-eu jah-eu tsawˇ haˬ deuˬ-ahˇ caw ba-eu gʼaˇ duˬ noeˬ tsehˆ-euˬ meh.

2 Gawˇliˬtu 8:12

Damˬ mawꞈ-eu nui ma ahˇ naˇ, naw maꞈ kʼaˇ gʼeh nya-eu loꞈ-ehˇ damˬ-euˬ gaˇ Miˬyehˇ ha geuꞈ nehˬ laꞈ tehꞈ-a. Maˬ gʼeh nya gaˇ keuˆ ni damˬ-awˬ lehˇ maˬ ehˇ-a.

2 Gawˇliˬtu 8:2

Shaˬ-eu zahˬ-eu gʼawˬ mya jeˬ lawˬ haw gaˇ aˬ yawꞈ maꞈ ya daˬ-euˬ kʼawꞈ, maˬ ehˇ jiˇ coeˇ ni laꞈ kʼaˬ cehˇ-eu meh. Kʼoeˇ miˇ neh aˬ yawꞈ maꞈ yaw shaˬ shaˬ dui dui kʼawꞈ, damˬ nehˬ-eu paw tiˬ pawꞈ-iˬ gʼaˬ byehˆ maˬ byehˆ-a.