Maˬkuˆ 12:24 - Akha

²⁴ Aˬ yawꞈ maꞈ-ahˇ Yeˬsuˇ ehˇ nehˬ-eu, “Naw maꞈ lehˬ dui dui ngaˇ. Aˬ jeˬ miˇ neh lehˬ-eu nga lehˇ siˬ nya ma loˇ. Naw maꞈ Jaˇliꞈ maˬ siˬ nya-eu uˬ taꞈ, Miˬyehˇ-euˬ baoˬ-ahˇ kʼawꞈ maˬ siˬ nya-eu miˇ neh, lehˬ-eu ngaˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Khoerngae, Yeqsur, aqyawf maf-anr heulof-aer aerkhof naeq-euq mae: “Nawmaf Yaerbof-anr khawf, Miqyaer-euq baoq-anr khawf maq siqnya-eu mirnae laeq-ir-euq maqngeur nga lor?

Maˬkuˆ 12:24 ပူးပေါင်းရင်းမြစ်များ

Aˇ dahˬ 18:14

Ngaˬ neh ehˇ gʼaˬ-euˬ loꞈ-ehˇ, ba la gʼoeˬ siˬ kaˇ-iˇ naˇ ngaˇ tiˬ poˆ paˇ oe ma. Kʼoeˇ ngeh jawˇ, Saˬlaˇ aˬ li tiˬ li ciˬ tehꞈ-a” lehˇ ehˇ nehˬ-euˬ meh.

Iˇsaˬyaˇ 25:8

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-aˬ, shiˇ-eu jeˬ-ahˇ mˬ maˬ maˬ byaˆ zaˇ ziˇ laˆ cawˆ nehˬ tehꞈ-a. Tsawˇ haˬ yawˬ gʼaˬ na luꞈ-euˬ myaˆ biˇ aˬ yawꞈ shiˆ shawˇ nehˬ-awˇ, miˇ tsaˬ kʼoeˇ taˆ kʼaˇ jawˇ-eu aˬ yawꞈ-euˬ tsawˇ haˬ deuˬ ya daˬ luꞈ-eu yaw doeˇ dawˬ tawˆ luꞈ-ahˇ, aˬ yawꞈ laˆ byoˆ nehˬ tehꞈ-a lehˇ, Sahˬpaˬ Miˬyehˇ ehˇ taˬ-eu jaˆ-eu meh.

Iˇsaˬyaˇ 26:19

Shiˇ dzeuˇ-euˬ nga maꞈ tsawˇ haˬ deuˬ, paˇ gʼoꞈ doˆ laˇ tehꞈ-a. Aˬ yawꞈ maꞈ-euˬ gʼawˇ mawˇ paˇ gʼoꞈ dehꞈ laˇ tehꞈ-a. Lmˬ bymˇ-ahˇ yuꞈ-eu deuˬ gʼoꞈ dehꞈ doˆ laˇ jiˇ-awˇ, laˬ kʼaˬ cehˇ-eu caˇ dawˬ paˇ caˇ tehꞈ-a. Ceuˬ ga ngeh jawˇ miˇ tsaˬ dehꞈ zoˇ laˇ-eu loꞈ-ehˇ, aˇ hu neh shiˇ dzeuˇ-euˬ tsawˇ haˬ deuˬ-ahˇ, Sahˬpaˬ Miˬyehˇ bi dehꞈ zoˇ laˇ tehꞈ-a.

Iˇsaˬyaˇ 8:20

Aˬ yawꞈ maꞈ-ahˇ naw maꞈ heu loꞈ-ehˇ ehˇ kʼoꞈ nehˬ-awˬ. “Sahˬpaˬ Miˬyehˇ mehˬ nehˬ tsoˆ nehˬ laꞈ-eu jeˬ-ahˇ naˇ haˬ geuꞈ-awˬ. Nyiˇ paˬ shaˆ ma deuˬ ehˇ gaˇ taˬ naˇ haˬ. Aˬ yawꞈ maꞈ neh ehˇ-euˬ jeˬ naw maꞈ gʼaˇ duˬ tiˬ jeˬ-iˬ gaˇ dahˇ maˬ tsoeˬ-a.”

Yeˬlaˬmiˇ 32:17

“Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, huiˬ dui dui-eu nawˬ-euˬ baoˬ-ahˇ gʼoe-eu laꞈ kʼoeˇ nawˇ aˬ laꞈ cawˬ ja-awˇ, mˬ hawˇ-eu miˇ-ahˇ beh taˬ-euˬ meh. Nawˇ maˬ mˇ nya-eu tiˬ jeˬ-iˬ maˬ jaˆ-a.

Daˬyeˬlaˇ 12:2

Shiˇ dzeuˇ-euˬ tsawˇ haˬ gʼawˬ mya ni paˇ gʼoꞈ dehꞈ laˇ tehꞈ-a. Tiˬ paˆ na deuˬ mˬ maˬ maˬ byaˆ zaˇ ziˇ dehꞈ-eu jeˬ za-awˇ, tiˬ paˆ na deuˬ mˬ maˬ maˬ byaˆ zaˇ ziˇ daˬ ga-eu jeˬ za tehꞈ-a.

Hawˇseˬ 13:14

Shiˇ-eu jeˬ-euˬ miˇ kʼahˬ laꞈ kʼoeˇ, aˬ yawꞈ maꞈ-ahˇ ngaˇ maˬ ka kʼoꞈ. Shiˇ-eu baoˬ-euˬ uˬ moˆ shaˬ gaˇ, aˬ yawꞈ maꞈ-ahˇ ngaˇ maˬ ka kʼoꞈ, Shiˇ-eu jeˬ-oˇ nawˬ-euˬ shaˆ shiˇ, yawꞈ maꞈ kʼoeˇ taˆ bi keuˆ le-awˬ. Shiˇ-eu miˇ kʼahˬ-euˬ yaw cawˆ jeˬ, aˬ yawꞈ maꞈ-ahˇ tahˬ daˆ nehˬ-awˬ. Tsawˇ haˬ heu deuˬ-euˬ kʼoeˇ taˆ ngaˇ, gʼawˬ shaˬ gaˬ-eu maˬ paˇ ahˇ ma.

Hawˇseˬ 6:2

Nyiˬ nah laꞈ kʼoeˇ bi beuˇ laˇ-awˇ, smˬ nah -ahˇ bi tuˇ poˆ laˇ-awˇ, aˬ yawꞈ mehˬ shi ya jawˇ tehꞈ-a.

Hawˇseˬ 6:6

Lawˇ-eu shehˇ-eu jeˬ ngaˇ maˬ mawꞈ. Ngaˬ-ahˇ aˬ myah luꞈ gaˬ-eu jeˬ, ngaˇ mawꞈ dui dui-eu tiˬ jeˬ ma. Miˬ dzaˬ dzah-awˇ lawˇ gaˇ maˬ mawꞈ. naw maꞈ ngaˬ-ahˇ siˬ nya-eu jeˬ, ngaˇ mawꞈ dui dui-eu tiˬ jeˬ ma.

Hawˇseˬ 8:12

Zahˇ dawˬ kʼoꞈ dawˬ aˇ muiˇ aˇ seh, aˬ yawꞈ maꞈ-ahˇ boꞈ mehˬ nehˬ kʼawꞈ, maˬ gaˬ maˬ mawˇ haw-euˬ loꞈ-ehˇ, myaˆ haw maˬ cawˬ ni byehˇ tehꞈ-a.

Maꞈtehˬ 22:29

Aˬ yawꞈ maꞈ-ahˇ Yeˬsuˇ ehˇ nehˬ-eu, “Naw maꞈ lehˬ dui dui meh. Aˬ jeˬ miˇ neh ehˇ naˇ, naw maꞈ Jaˇliꞈ maˬ siˬ nya-a.

Maˬkuˆ 10:27

Yeˬsuˇ aˬ yawꞈ maꞈ-ahˇ haw tsoˆ-awˇ ehˇ nehˬ-eu, “Heu-aˬ, tsawˇ haˬ zaˬ jahˇ nya-eu jeˬ maˬ ngeuˇ-a. Ehˇ kʼawꞈ, Miˬyehˇ jahˇ nya meh. Miˬyehˇ maˬ jahˇ nya-eu tiˬ jeˬ-iˬ maˬ baw-a.”

Maˬkuˆ 12:23

Shiˇ-euˬ tsawˇ haˬ deuˬ-ahˇ Miˬyehˇ bi gʼoꞈ dehꞈ laˇ ngeh nah, zaˬ miˬ zaˬ kʼoeˇ gʼaˬ aˬ geu gʼaˬ-euˬ miˬ zaˬ geuꞈ nmˇ. Shiꞈ mehˇ nmˇ luꞈ aˬ yawꞈ-ahˇ sheuˬ-euˬ meh.”

Maˬkuˆ 12:25

Shiˇ-euˬ tsawˇ haˬ deuˬ-ahˇ Miˬyehˇ bi gʼoꞈ dehꞈ laˇ ngeh, mˬ taˆ gʼaˬ kʼehˇ loꞈ-ehˇ pyeuꞈ-awˇ, sheuˬ dahˬ dzaˬ-eu maˬ paˇ baw meh.

Luˇkaꞈ 1:37

Miˬyehˇ maˬ jahˇ nya-eu tiˬ jeˬ-iˬ maˬ jaˆ-a.”

Yoˇhaˬ 20:9

Kʼoeˇ ngeh keuˆ ni, Yeˬsuˇ gʼoꞈ dehꞈ laˇ tehꞈ-a lehˇ Jaˇliꞈ laꞈ kʼoeˇ ehˇ taˬ-euˬ gaˇ kawˆ kʼoeˇ-ahˇ aˬ yawꞈ nyaꞈ yaw muiˬ paˬ-ehˇ maˬ gʼoˆ shaw-aˬ siˬ.

Yoˇhaˬ 5:39

Jaˇ liꞈ laꞈ kʼoeˇ mˬ maˬ maˬ byaˆ zaˇ ziˇ dehꞈ-eu jeˬ-ahˇ poˆ mawˇ nya tehꞈ-a lehˇ naw maꞈ noeˬ-awˇ, Jaˇ liꞈ gui-eu meh. Naw maꞈ gui-eu Jaˇ liꞈ kʼoeˇ-euˬ laꞈ kʼoeˇ, ngaˬ-euˬ gaˇ kawˆ ehˇ taˬ-euˬ meh.

Gʼaˬkʼehˇ 17:11

Kʼoeˇ gaˇ jawˇ-eu tsawˇ haˬ deuˬ-aˬ, Teˇsaˬloˇni meuˬ-ahˇ jawˇ-eu tsawˇ haˬ deuˬ naˆ maˬ tseˇ nui ma laˇ gʼoˆ pah taˬ-awˇ, guiˬ lahˬ dawˬ-ahˇ nui ma keuˆ-eu laꞈ kʼoeˇ naˇ haˬ-awˇ, Pawˇluˆ neh ehˇ-euˬ kʼoeˇ tsaˬ-eu maˬ tsaˬ-eu siˬ duˬ laˇ ni yawˬ nah na luꞈ Jaˇliꞈ-ahˇ gui haw luꞈ-eu meh.

Lormav 15:4

Jaˇliꞈ laꞈ kʼoeˇ kʼaˇ boꞈ taˬ-euˬ yawˬ jeˬ na luꞈ, aˬ dui-ahˇ bi mehˬ bi tsoˆ-eu gʼaˇ duˬ boꞈ taˬ-euˬ meh. Aˬ dui nui ma gʼawˬ mahˇ ni taˬ nya laˇ-eu gʼaˇ duˬ mehˬ nehˬ tsoˆ nehˬ laꞈ-awˇ, aˬ dui-euˬ nui ma-ahˇ gʼaˬ biꞈ lahˬ nehˬ laꞈ-eu laꞈ kʼoeˇ noeˬ tmˬ kʼaˇ za laˇ ni boꞈ taˬ-euˬ jeˬ pyeuꞈ-eu meh.

Eˇpeˇsu 1:19

Jah-eu tsawˇ haˬ pyeuꞈ-eu aˬ dui-euˬ laꞈ kʼoeˇ gaˇ mˇ luꞈ-eu aˬ yawꞈ-euˬ baoˬ aˇ naˆ ni huiˬ-eu gaˇ kawˆ naw maꞈ siˬ nya laˇ ni shaˇ-eu ma. A dui laꞈ kʼoeˇ gaˇ mˇ luꞈ-eu baoˬ kʼoeˇ-aˬ, gʼaˬ kʼaˆ dui dui-eu baoˬ pyeuꞈ-eu meh.

Piˇliˇpiˆ 3:21

Kʼaˇ jawˇ kʼaˇ jaˆ-eu jeˬ dawˬ tawˆ luꞈ, aˬ yawꞈ uˆ lahˇ-eu uˬ moˆ bi jawˇ ni jahˇ nya-eu aˬ yawꞈ-euˬ baoˬ kʼoeˇ-ahˇ gʼoe-awˇ, buꞈ-iˇ cehˇ-iˇ nya-eu aˬ dui-euˬ gʼawˇ mawˇ heu-ahˇ, yaw shehꞈ kʼahˬ sehˇ byah-eu aˬ yawꞈ-euˬ gʼawˇ mawˇ-ahˇ duˇ leˇ ni beˬ paˇ nehˬ laꞈ tehꞈ-a.