Maˬkuˆ 11:20 - Akha

²⁰ Yawˬ nah yawˬ uˬ shawˬ yaw naꞈ-ehˇ, gaˇ ma kʼoeˇ kahˇ-ahˇ aˬ yawꞈ maꞈ paˇ oe ngeh, siˬ guˬ aˇ bawˇ kʼoeˇ bawˇ duˬ ciˇ-ahˇ keuˆ ni baw guˇ guˇ-iˇ taˬ-euˬ gaˇ ya mawˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Nishawq ngae nan, uqshawq paw, aqyawfmaf garma khoerkanr-anr nae par cantsaev ngae, siqguq arbawr khoerbawr duqcir-anr nae bawrgur gur-ir taq-euq gar ya’mawr-euq mae.

Maˬkuˆ 11:20 ပူးပေါင်းရင်းမြစ်များ

Yawˇbaˆ 8:17

Aˬ yawꞈ maꞈ-euˬ duˬ ciˇ kʼaˬ lo-ahˇ cah jawˬ-awˇ, kʼaˬ lo aˬ yawꞈ siˬ yawꞈ-ahˇ tsuˆ tehˬ ziꞈ taˬ-euˬ meh.

Iˇsaˬyaˇ 40:24

Aˬ yawꞈ maꞈ-aˬ ka-euˬ tiˬ dehˬ pyeuꞈ-awˇ, duˬ ciˇ maˬ toeˬ ziꞈ-euˬ sahˬ lahˬ-ahˇ duˇ-eu meh. Sahˬpaˬ Miˬyehˇ jaˬ lehˇ bi baw laꞈ ngeh, aˬ yawꞈ maꞈ koˆ-iˇ-awˇ gʼoˆ yoeˬ loꞈ-ehˇ bi baw byoˆ gʼeh-eu meh.

Iˇsaˬyaˇ 5:4

Aˬ gaꞈ yaˇ kmˇ laꞈ kʼoeˇ mˇ paˬ-ehˇ gʼeh-eu jeˬ, ngaˇ maˬ mˇ ni byehˇ-euˬ aˬ jeˬ jaˆ ta. Aˬ gaꞈ aˇ siˬ yaw muiˬ bi siˬ le-eu lehˇ bo saˆ ngeh, aˬ jeˬ miˇ neh yaw cehˇ tehꞈ-ehˇ siˬ le ta.

Maꞈtehˬ 13:6

Ehˇ kʼawꞈ, nahˇ tsaˇ kʼaˆ laˇ-awˇ, aˇ ji kʼoeˇ deuˬ-ahˇ lawꞈ zaw ngeh, ciˇ ka maˬ naꞈ-eu miˇ neh, nyoeˬ-iˇ koˆ-iˇ-eu meh.

Maꞈtehˬ 15:13

Yeˬsuˇ ehˇ-eu, “Mˬ kʼoeˇ taˆ jawˇ-eu ngaˬ Da neh maˬ ka taˬ-euˬ aˇ bawˇ yawˬ bawˇ na luꞈ, gʼawˇ lehˆ dzeh gaˇ ya daˬ tehꞈ-a.

Maꞈtehˬ 21:18

Yawˬ nah yawˬ uˬ shawˬ yaw naꞈ-ehˇ, Yeˬluˇsaˬlehˬ meuˬ-ahˇ Yeˬsuˇ gʼoꞈ leˇ ngeh, hawˬ mehꞈ mehꞈ laˇ-euˬ meh.

Maˬkuˆ 11:12

Yawˬ nah yawˬ, Beˬtaˬniˇpu-ahˇ neh aˬ yawꞈ maꞈ gʼoꞈ laˇ luꞈ ngeh, Yeˬsuˇ hawˬ mehꞈ mehꞈ laˇ-euˬ meh.

Maˬkuˆ 11:14

“Tsawˇ haˬ tiˬ gʼaˬ-iˬ nawˬ-euˬ aˇ siˬ maˬ paˇ ya dzaˬ haw-aˇ” lehˇ, siˬ guˬ kʼoeˇ bawˇ-ahˇ Yeˬsuˇ ehˇ nehˬ-euˬ meh. Aˬ yawꞈ kʼoeˇ loꞈ-ehˇ ehˇ gaˇ aˬ yawꞈ-euˬ zaˬ lahˇ deuˬ gaˬ-euˬ meh.

Yoˇhaˬ 15:6

Ngaˬ-ahˇ maˬ kʼaˇ tsoꞈ tsaꞈ-eu tsawˇ haˬ-aˬ, uˬ laꞈ bi deuˆ tsehˆ dzeh-awˇ koˆ-iˇ gaˇ duˇ tehꞈ-a. Kʼoeˇ loꞈ-ehˇ gʼeh-eu uˬ laꞈ deuˬ-ahˇ gʼoˆ uiˬ-awˇ, miˬ dzaˬ jehˆ bymˇ-ahˇ baꞈ ahˇ-awˇ bi puiˆ dzaˬ jiˇ tehꞈ-a.

HeˬByehˇ 6:8

Ehˇ kawꞈ, aˬ gah baw duˆ hawˇ-eu yaˇ moꞈ tehꞈ-ehˇ bi dehꞈ laˇ naˇ, tiˬ jeˬ-iˬ gaˇ dahˇ maˬ tsoeˬ-a. Kʼoeˇ-aˬ, Miˬyehˇ neh yaˬ kʼehˇ bi yaˬ-awˇ, miˬ dzaˬ bi puiˆ byoˆ mawꞈ laˇ-euˬ miˇ tsaˬ pyeuꞈ-eu meh.

Yuˇdaˆ 1:12

Aˬ yawꞈ maꞈ yawˬ ha uˬ maˆ dehˆ ni tehꞈ-ehˇ shaˇ sawˇ-awˇ, shaꞈ dawˇ-eu maˬ baw ni dzaˬ-eu dawˇ-eu aˇ dzehˬ-ehˇ gʼeh-eu kʼoeˇ-aˬ, naw maꞈ gʼoeˇ-eu gaˬ-eu laꞈ kʼoeˇ dzaˬ taꞈ dawˇ taꞈ-eu hawˬ byawˇ-ahˇ laˆ jawꞈ gaˇ duˇ-eu meh. Aˬ yawꞈ maꞈ-aˬ, jaˬ lehˇ neh bi baw ha gʼeh-euˬ uˬ yehˇ maˬ ahˇ-eu mˬ dmˇ-ahˇ duˇ-eu meh. Aˇ siˬ siˬ yamˬ-ahˇ maˬ siˬ le-eu miˇ neh puˇ ngawˬ ciˇ lehˆ-ehˇ bi gʼawˇ dzeh-awˇ nyiˬ poˆ shiˇ-euˬ aˇ siˬ aˇ bawˇ-ahˇ duˇ-eu meh.