Maˬkuˆ 11:11 - Akha

¹¹ Yeˬluˇsaˬlehˬ meuˬ-ahˇ Yeˬsuˇ uˇ leˇ-awˇ, Uˬ duˬ tahˬ nymˇ nymˇ ma-ahˇ le-awˇ, yawˬ jeˬ na luꞈ-ahˇ haw doe-euˬ meh. Ehˇ kʼawꞈ, uˬ ciꞈ ciꞈ le-euˬ miˇ neh, zaˬ lahˇ tseˇ nyiꞈ gʼaˬ sheuˬ-awˇ Beˬtaˬniˇ pu-ahˇ iˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Yeqsur, Yeqlursaqlaeq-anr lekeuv-awr, uqduq tanqnymr nymrma-euq lafkhoer urler-awr nae, yawqjeq navluf-anr hawdoe-euq mae. Khoerngae, uqcif cifle-euq mirnae, ghaqkhaer 12 ghaq naeq-aer Beqtaqnir pu-anr ir-euq mae.

Maˬkuˆ 11:11 ပူးပေါင်းရင်းမြစ်များ

Yeˬsaˬgeˬlaˇ 8:9

“Laꞈ kʼoeˇ uˇ-iˇ-awˇ, aˬ yawꞈ maꞈ neh mˇ taˬ-euˬ haiˬ dui jawꞈ dui dui-eu jeˬ-ahˇ haw-iˇ-awˬ” lehˇ, ngaˬ-ahˇ ehˇ-eu meh.

Zeˬpaˬniˇ 1:12

“Kʼoeˇ ngeh jawˇ ngaˇ tsiˇ kʼmˬ keuˬ-awˇ, Yeˬluˇsaˬlehˬ meuˬ poˆ doe ma. Yawˬ haˇ yawˬ ha nui kʼaˬ tsmˬ-awˇ, yaw muiˬ maˬ ehˇ, yaw doeˇ maˬ ehˇ, Sahˬpaˬ Miˬyehˇ maˬ mˇ-aˇ lehˇ, yawˬ haˇ yawˬ ha ehˇ-eu tsawˇ haˬ, ngaˇ kʼehˬ nehˬ gaˇ ya daˬ tehꞈ-a.

Maˬlaˬkiˇ 3:1

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Ngaˇ oe-eu gaˇ ma bi laˆ saˆ-eu gʼaˇ duˬ ngaˬ-euˬ dawˬ tsaꞈ dawˬ dzawˇ mˇ-eu gʼaˬ pyehˬ gʼeh leꞈ ma. Kʼoeˇ naˇ, naw maꞈ loꞈ luꞈ-eu Sahˬpaˬ Miˬyehˇ-aˬ, aˬ yawꞈ-euˬ Uˬ duˬ tahˬ nymˇ nymˇ ma-ahˇ ja pyuˬ ni oe keuˆ tehꞈ-a. Naw maꞈ mawˇ mawꞈ-euˬ ngaˬ-euˬ dawˬ tsaꞈ dawˬ dzawˇ mˇ-eu gʼaˬ oe-awˇ, ngaˬ-euˬ dawˬ ma saˇ jaˇ dzawˇ nehˬ le tehꞈ-a.”

Maˬkuˆ 11:19

Uˬ ciꞈ ciꞈ le ngeh, Yeˬsuˇ hawˇ-eu aˬ yawꞈ-euˬ zaˬ lahˇ deuˬ meuˬ-ahˇ neh doˆ-iˇ-euˬ meh.