Maˬkuˆ 11:1 - Akha

¹ Yeˬluˇsaˬlehˬ meuˬ-ahˇ le keuˆ-eu dawˬ peh peh laˇ-awˇ, Behˬpaˇgeˬ pu hawˇ-eu Beˬtaˬniˇ pu dawˬ peh jaˆ-eu Saˬloˬ gawˬ jawˬ-ahˇ le keuˆ ngeh, Yeˬsuˇ aˬ yawꞈ-euˬ zaˬ lahˇ nyiˬ gʼaˬ-ahˇ mehˬ hu paw kʼehˇ gʼeh-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Yeqsur hawr-eu zaqlanr deuq, Yeqlursaqlaeq-euq dawqpae cankeuv laf-awr, Saqloq gawqjawq-anr jav-eu Baerpaqjeq pu hawr-eu Beqtaqnir pu-anr larkeuv ngae, Yeqsur, zaqlanr nyiq ghaq-anr khaer-awr,

Maˬkuˆ 11:1 ပူးပေါင်းရင်းမြစ်များ

2 Saˬmeuˬlaˆ 15:30

Daˬbiˇ ngoeˇ ngoeˇ-ehˇ, Saˬloˬ gawˬ jawˬ-ahˇ daˆ leˇ leꞈ-euˬ meh. Aˬ yawꞈ noeˬ shaˬ dui dui-eu miˇ neh, sehˬ nawˆ maˬ nawˆ-eu uˬ taꞈ, uˬ duˬ dehˬ kaˬ taˬ-awˇ cah-euˬ meh. Aˬ yawꞈ-euˬ mehˬ nah cah-eu tsawˇ haˬ dawˬ tawˆ luꞈ kʼawꞈ, uˬ duˬ dehˬ kaˬ-awˇ ngoeˇ luꞈ-eu meh.

Zaˬkaˬliˇ 14:4

Kʼoeˇ ngeh jawˇ, Yeˬluˇsaˬlehˬ meuˬ-euˬ nahˇ ma doˆ kʼehˬ paw jaˆ-eu Saˬloˬ gawˬ jawˬ-ahˇ aˬ yawꞈ yawꞈ tehꞈ-a. Kʼoeˇ naˇ, Saˬloˬ gawˬ jawˬ kʼoeˇ nahˇ ma doˆ kʼehˬ ga kʼehˬ-ehˇ nyiˬ paˆ paˆ-iˇ-awˇ, yaw kaˬ-ahˇ gʼaˬ lawˬ lawˬ ma jaˆ le tehꞈ-a. Gawˬ jawˬ tiˬ paˆ laꞈ taˆ paw pyawˬ-ahˇ jiˆ daˆ leˇ-awˇ, tiˬ paˆ laꞈ oˆ paw pyawˬ-ahˇ jiˆ ka-iˇ tehꞈ-a.

Maꞈtehˬ 21:17

Kʼoeˇ naˇ, aˬ yawꞈ maꞈ jawˇ gaˇ neh Yeˬsuˇ doˆ-iˇ-awˇ, Yeˬluˇsaˬlehˬ meuˬ-ahˇ neh Beˬtaˬniˇ pu-ahˇ iˇ-awˇ, kʼoeˇ gaˇ uˬ ciꞈ yaꞈ-euˬ meh.

Maꞈtehˬ 24:3

Saˬloˬ gawˬ jawˬ-ahˇ Yeˬsuˇ nuiˇ luꞈ ngeh, zaˬ lahˇ deuˬ tehꞈ-ehˇ aˬ yawꞈ jawˇ gaˇ laˇ-awˇ ehˇ-eu, “Uˬ duˬ tahˬ nymˇ nymˇ ma cawˆ-iˇ-eu aˇ yamˬ kʼoeˇ aˬ myah keuˆ le ta lehˇ ehˇ nehˬ laꞈ sheˇ. Miˇ tsaˬ heu aˇ saˬ saˬ-eu dawˬ peh peh laˇ-awˇ, nawˇ zaꞈ le-eu aˇ yamˬ keuˆ le-euˬ nga lehˇ, aˬ jeˬ-ahˇ haw-awˇ ya siˬ nmˇ.”

Maꞈtehˬ 26:30

Kʼoeˇ naˇ, aˬ yawꞈ maꞈ ja ceuˬ-eu caˇ dawˬ tiˬ bymˇ caˇ gʼaˬ-awˇ, Saˬloˬ gawˬ jawˬ-ahˇ le-euˬ meh.

Maˬkuˆ 11:2

Zaˬ lahˇ kʼoeˇ nyiˬ gʼaˬ-ahˇ aˬ yawꞈ ehˇ nehˬ-eu, “Naw nyaꞈ-euˬ mehˬ hu paw jaˆ-eu pu-ahˇ le-awˬ. Naw nyaꞈ pu-ahˇ le uˇ-eu nehˬ-ehˇ, tsawˇ haˬ tiˬ gʼaˬ-iˬ maˬ dziˬ haw-euˬ mahˬ tahˬ laˆ zaˬ tiˬ mawˇ paꞈ tawꞈ taˬ-awˇ jawˇ gaˇ ya mawˇ tehꞈ-a. Aˇ caˆ tseuˆ puiˇ-awˇ heu gaˇ tsahˇ kʼoꞈ leꞈ-awˬ.

Maˬkuˆ 13:3

Uˬ duˬ tahˬ nymˇ nymˇ ma-euˬ nui baˬ paw jaˆ-eu Saˬloˬ gawˬ jawˬ-ahˇ Yeˬsuˇ nuiˇ luꞈ ngeh, Beˬtuˆluˆ, Yaˬkoˆ, Yoˇhaˬ, Aˬdehˬleh aˬ ha maꞈ tehꞈ-ehˇ ciˬ cuˇ ni laˇ-awˇ naˇ haˬ-eu,

Maˬkuˆ 14:13

Kʼoeˇ ngeh, zaˬ lahˇ nyiˬ gʼaˬ-ahˇ Yeˬsuˇ heu loꞈ-ehˇ mehˬ nehˬ-awˇ kʼehˇ gʼeh-euˬ meh. “Naw nyaꞈ meuˬ-ahˇ iˇ-awˬ. Iˇ cuꞈ mui deuˇ oeˬ lahˬ baꞈ luꞈ-eu tsawˇ haˬ tiˬ gʼaˬ ya tahˬ puꞈ tehꞈ-a. Aˬ yawꞈ-euˬ mehˬ nah naw nyaꞈ caw teh gʼeh-awˬ.

Maˬkuˆ 6:7

Gʼaˬ kʼehˇ tseˇ nyiꞈ gʼa-ahˇ aˬ yawꞈ kuˇ uiˬ-awˇ, nyiˬ gʼaˬ-euˬ tiˬ muˇ muˇ muˇ-ehˇ bi iˇ-euˬ meh. Nehꞈ yaw jawꞈ-ahˇ teh doˆ nya-eu baoˬ aˬ yawꞈ maꞈ-ahˇ biꞈ nehˬ-euˬ meh.

Yoˇhaˬ 8:1

Yeˬsuˇ-aˬ, Saˬloˬ gawˬ jawˬ-ahˇ le-euˬ meh.

Gʼaˬkʼehˇ 1:12

Kʼoeˇ naˇ, gʼaˬ kʼehˇ kʼoeˇ deuˬ Saˬloˬ Gawˬ jawˬ-ahˇ neh Yeˬluˇsaˬlehˬ meuˬ-ahˇ gʼoꞈ-iˇ-euˬ meh. Gawˬ jawˬ kʼoeˇ jawˬ-aˬ, Yeˬluˇsaˬlehˬ meuˬ-ahˇ neh oeˬ yaˇ oeˬ tseˇ lmˇ kaˬ-eu tehꞈ meh.