Maˬkuˆ 10:52 - Akha

⁵² Yeˬsuˇ ehˇ-eu, “Gʼoꞈ-iˇ-awˬ. Nawˬ-euˬ jah-eu nui ma neh nawˬ-ahˇ bi taˬ leˇ-euˬ meh.” Tsawˇ haˬ kʼoeˇ gʼaˬ tiˬ poˆ tehꞈ-ehˇ myaˆ nuiˆ mawˇ laˇ-awˇ, Yeˬsuˇ-euˬ mehˬ nah caw teh gʼeh-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵² Khoerngae, Yeqsur, aqyawf-anr aernaeq-eu, “Nawr ghof-ir-awq, nawr jan-eu jeq, nawq-anr bi taqler-euq mae.” Myavbaef khoerghaq tiqpov taef-aer mawrnya lar-awr, garma tiqcawq Yeqsur-euq maeqnan cantae ghae-euq mae.

Maˬkuˆ 10:52 ပူးပေါင်းရင်းမြစ်များ

Jaceuq 146:8

myaˆ behꞈ-ahˇ bi dahˇ laˇ-eu meh. Coˬ-iˇ-euˬ tsawˇ haˬ deuˬ-ahˇ aˬ yawꞈ ciˬ tuˇ nehˬ-awˇ, tsaˬ-eu dawˇ-eu aˬ yawꞈ-euˬ tsawˇ haˬ deuˬ-ahˇ, aˬ yawꞈ gʼawˬ shaˬ gaˬ-eu meh.

Jaceuq 33:9

Yawꞈneh kʼaˇehˇkʼaˇpyeuꞈpyeuꞈ-awˇ, dawˬkʼaˇbiꞈ-euˬkeuˆle-eu meh.

Iˇsaˬyaˇ 35:5

Myaˆ behꞈ mawˇ nya laˇ-awˇ, naˬ bawˬ gaˬ nya laˇ tehꞈ-a.

Maꞈtehˬ 11:5

Myaˆ behꞈ mawˇ nya laˇ-euˬ, kuiˇ kuˆ cah nya laˇ-euˬ, coiˬ doi shawˇ laˇ-euˬ naˬ bawˬ gaˬ nya laˇ-euˬ, tsawˇ shiˇ gʼoꞈ dehꞈ laˇ-euˬ, shaˬ zaˬ zahˬ zaˬ deuˬ Laˬ kʼaˬ cehˇ-eu Guiˬ lahˬ dawˬ ya gaˬ-euˬ, gaˇ kawˆ heu deuˬ dzawˇ nehˬ-iˇ-awˬ.

Maꞈtehˬ 12:22

Kʼoeˇ naˇ, nehꞈ uˇ-eu miˇ neh dawˬ maˬ ngehˬ doˆ nya-eu myaˆ behꞈ tiˬ gʼaˬ-ahˇ, Yeˬsuˇ jawˇ gaˇ sheuˬ laꞈ-euˬ meh. Yeˬsuˇ aˬ yawꞈ-ahˇ laˆ taˬ nehˬ ngeh, myaˆ nuiˆ mawˇ laˇ-awˇ, dawˬ kʼawꞈ ngehˬ doˆ nya laˇ-euˬ meh.

Maꞈtehˬ 15:28

Kʼoeˇ ngeh jawˇ, zaˬ miˬ zaˬ kʼoeˇ gʼaˬ-ahˇ Yeˬsuˇ ehˇ nehˬ-eu, “Nawˇ-aˬ, jah-eu gʼaˬ kʼaˆ dui dui-eu zaˬ miˬ zaˬ tiˬ gʼaˬ law hawˇ nga. Nawˇ kʼaˇ bi pyeuꞈ mawꞈ-eu loꞈ-ehˇ nawˬ-euˬ gʼaˇ duˬ pyeuꞈ laˇ luꞈ-uˇ.” Kʼoeˇ loꞈ-ehˇ ehˇ gʼaˬ ngeh, aˬ yawꞈ-euˬ aˬ buˇ kʼoeˇ gʼaˬ tiˬ poˆ tehꞈ-ehˇ taˬ leˇ-euˬ meh.

Maꞈtehˬ 21:14

Myaˆ behꞈ hawˇ-eu kuiˇ shiˇ laꞈ shiˇ deuˬ Uˬ duˬ tahˬ nymˇ nymˇ ma-ahˇ Yeˬsuˇ jawˇ gaˇ laˇ-awˇ bi laˆ taˬ-euˬ meh.

Maꞈtehˬ 8:3

Yeˬsuˇ aˬ laꞈ cawˬ ja-awˇ, tsawˇ haˬ kʼoeˇ gʼaˬ-ahˇ toeˬ ciˆ-awˇ, “Ngaˇ mˇ mawꞈ ma. Muiˬ laˇ shawˇ laˇ-awˬ” lehˇ ehˇ ngeh, tsawˇ haˬ kʼoeˇ gʼaˬ-euˬ coiˬ doi naˇ gawˇ tiˬ poˆ tehꞈ-ehˇ taˬ tsehˆ leˇ-euˬ meh.

Maꞈtehˬ 9:22

Yeˬsuˇ nahˇ gʼoꞈ gʼoꞈ haw ngeh, aˬ yawꞈ-ahˇ mawˇ-awˇ, “Aˬ buˇ-oˇ, tiˬ jeˬ-iˬ taˬ noeˬ shaˬ. Nawˬ-euˬ jah-eu nui ma neh nawˬ-ahˇ bi taˬ leˇ-euˬ meh” lehˇ ehˇ nehˬ-euˬ meh. Kʼoeˇ loꞈ-ehˇ ehˇ gʼaˬ-eu maˬ dah ni, zaˬ miˬ zaˬ kʼoeˇ gʼaˬ-euˬ naˇ gawˇ taˬ tsehˆ leˇ-euˬ meh.

Maˬkuˆ 1:31

Yeˬsuˇ aˬ yawꞈ jawˇ gaˇ iˇ-awˇ, aˬ laꞈ-ahˇ nyehꞈ tehˬ-awˇ gʼeu tuˇ nehˬ-euˬ meh. Kʼoeˇ ngeh, aˬ yawꞈ pyaˬ-eu taˬ leˇ-awˇ, aˬ yawꞈ maꞈ-ahˇ dzaˬ dzaˬ dawˇ dawˇ lehˬ hmˬ laˆ saˆ nehˬ-euˬ meh.

Maˬkuˆ 5:34

Yeˬsuˇ aˬ yawꞈ-ahˇ ehˇnehˬ-eu, “Ngaˬ buˇ-oˇ. Nawˬ-euˬ jah-eu nui ma nawˬ-ahˇ bi taˬ leˇ-euˬ meh. Nui ma saˇ lehˆ ni gʼoꞈ-iˇ-awˬ. Nawˬ-euˬ naˇ gawˇ teu tiˬ jawˇ-iˬ maˬ paˇ naˇ poˆ laˇ-aˇ.”

Maˬkuˆ 8:25

Tsawˇ haˬ kʼoeˇ gʼaˬ-euˬ myaˆ nuiˆ-ahˇ Yeˬsuˇ tiˬ poˆ paˇ toeˬ ciˆ-euˬ meh. Kʼoeˇ ngeh poˆ jawˇ, tsawˇ haˬ kʼoeˇ gʼaˬ yaw duˬ duˬ-ehˇ paˇ haw ngeh, myaˆ nuiˆ muiˬ laˇ-awˇ, yawˬ jeˬ na luꞈ mawˇ shawˇ laˇ-euˬ meh.

Luˇkaꞈ 7:50

Kʼoeˇ naˇ, zaˬ miˬ zaˬ kʼoeˇ gʼaˬ-ahˇ Yeˬsuˇ ehˇ nehˬ-eu, “Nawˇ jah-eu jeˬ neh nawˬ-ahˇ ka kʼoꞈ nehˬ-euˬ meh. Nui saˇ oꞈ-eu laꞈ kʼoeˇ gʼoꞈ-iˇ-awˬ.”

Luˇkaꞈ 9:48

aˬ yawꞈ maꞈ-ahˇ heu loꞈ-ehˇ ehˇ nehˬ-euˬ meh. “Ngaˬ-euˬ tsawˇ myahˇ uˬ moˆ zaˬ yaw nyiˇ heu gʼaˬ-ahˇ kʼaˇ ha geuꞈ-eu tsawˇ haˬ-aˬ, ngaˬ-ahˇ ha geuꞈ gaˇ duˇ-eu meh. Ngaˬ-ahˇ kʼaˇ ha geuꞈ-eu tsawˇ haˬ-aˬ, ngaˬ-ahˇ kʼehˇ gʼeh leꞈ-euꞈ gʼaˬ-ahˇ kʼawꞈ ha geuꞈ gaˇ duˇ-eu meh. Aˬ jeˬ miˇ neh ehˇ naˇ, naw maꞈ laꞈ kʼoeˇ aˬ cawˬ naˆ maˬ tseˇ nyiˇ dzehˬ-eu gʼaˬ-aˬ, aˬ cawˬ naˆ maˬ tseˇ huiˬ dzehˬ-eu gʼaˬ pyeuꞈ-eu meh.”

Yoˇhaˬ 9:32

Mˬ beh miˇ beh ngeh neh iˬ nah keuˆ ni, myaˆ behꞈ behꞈ-eu tsawˇ haˬ-ahˇ myaˆ nuiˆ mawˇ laˇ ni jahˇ nehˬ nya-eu tsawˇ haˬ tiˬ gʼaˬ-iˬ maˬ gaˬ haw-aˬ siˬ.

Yoˇhaˬ 9:39

Yeˬsuˇ ehˇ-eu, “Myaˆ behꞈ deuˬ-ahˇ myaˆ nuiˆ bi mawˇ laˇ-awˇ, myaˆ nuiˆ mawˇ luꞈ-eu deuˬ myaˆ behꞈ bi behꞈ-iˇ ni yaˇ kʼaˬ daˇ-eu gʼaˇ duˬ, miˇ tsaˬ heu kʼoeˇ taˆ ngaˇ oe-euˬ ma.”

Gʼaˬkʼehˇ 26:18

Aˬ yawꞈ maꞈ jah-eu laꞈ kʼoeˇ iˬ baˇ pyehˬ nehˬ-euˬ jeˬ-ahˇ za-awˇ, Miˬyehˇ neh tseˇ doˆ-euˬ tsawˇ haˬ deuˬ nehˬ-ehˇ jawˇ duˬ za nya ni aˬ yawꞈ maꞈ-euˬ myaˆ nuiˆ nawˇ pah nehˬ-awˇ, yaw zahˇ laꞈ kʼoeˇ neh yaw shehꞈ-ahˇ ya sheuˬ kʼoꞈ laꞈ nehˬ-awˇ, Saˬdaˬ-euˬ baoˬ uˬ moˆ jawˇ luꞈ-eu deuˬ-ahˇ Miˬyehˇ jawˇ paw ya sheuˬ kʼoꞈ laꞈ nehˬ meh’ lehˇ ehˇ-eu meh.