Maˬkuˆ 10:51 - Akha

⁵¹ Yeˬsuˇ aˬ yawꞈ-ahˇ ehˇ nehˬ-eu, “Nawˬ-euˬ gʼaˇ duˬ ngaˇ aˬ jeˬ bi jahˇ nehˬ mawꞈ-eu nya.” Myaˆ behꞈ kʼoeˇ gʼaˬ ehˇ-eu, “Saˬ laˬ-oˇ, ngaˬ-euˬ myaˆ nuiˆ mawˇ laˇ ni bi jahˇ nehˬ mawꞈ miˇ-a.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵¹ Yeqsur, aqyawf-anr narhaq-eu, “Ngaq nae nawq-anr aqjeq bi janrnaeq mawf-eu nya?” Khoerngae, myavbaef khoerghaq, aqyawf-anr aernaeq-eu, “Ngaq-euq Laqbornir-or! Ngar mawrnyalar mawf mir-a.”

Maˬkuˆ 10:51 ပူးပေါင်းရင်းမြစ်များ

2 Laˬsaˬbaˬ 1:7

Kʼoeˇ ngeh miˇ, Sawˇlaˬmoˬ jawˇ gaˇ Miˬyehˇ doˆ le-awˇ, “Nawˇ ngaˬ-ahˇ aˬ geu jeˬ shaˇ mawꞈ te” lehˇ naˇ haˬ-euˬ meh.

Maꞈtehˬ 23:7

Lehˆ lehˆ kawˆ doe ni cah ngeh, aˬ cawˬ yaw zeu baw-eu laꞈ kʼoeˇ dawˬ ngehˬ cawˬ nehˬ gaˇ geuꞈ mawꞈ-awˇ, ‘saˬ laˬ’ lehˇ bi kuˇ mawꞈ-eu meh.

Maꞈtehˬ 23:8

Naw maꞈ-ahˇ ‘saˬ laˬ’ lehˇ taˬ bi kuˇ. Aˬ jeˬ miˇ neh ehˇ naˇ, naw maꞈ dawˬ tawˆ luꞈ mehˇ nmˇ loꞈ-ehˇ gʼeh-awˇ, sa laˬ tiˬ gʼaˬ jawˇ-eu tehꞈ meh.

Maꞈtehˬ 6:8

Aˬ yawꞈ maꞈ loꞈ-ehˇ taˬ gʼeh. Aˬ jeˬ miˇ neh ehˇ naˇ, naw maꞈ maˬ shaˇ mi naˆ-ehˇ, kʼaˇ loˬ-eu jeˬ naw maꞈ-euˬ Aˬda siˬ nya luꞈ meh.

Maꞈtehˬ 7:7

“Shaˇ-awˬ. Shaˇ naˇ za tehꞈ-a. Poˆ-awˬ. Poˆ naˇ mawˇ tehꞈ-a. Laˇ gʼoˆ-ahˇ kʼoˆ-awˬ. Kʼoˆ naˇ pah nehˬ laꞈ tehꞈ-a.

Maˬkuˆ 10:36

Yeˬsuˇ aˬ nyaꞈ nmˇ-ahˇ ehˇ nehˬ-eu, “Naw nyaꞈ nmˇ gʼaˇ duˬ aˬ jeˬ bi jahˇ nehˬ mawꞈ-eu nya.”

Maˬkuˆ 10:50

Tsawˇ haˬ kʼoeˇ gʼaˬ pehˇ kʼahˬ biˬ dzeh-awˇ, tsawˬ tuˇ-awˇ Yeˬsuˇ jawˇ gaˇ laˇ-euˬ meh.

Yoˇhaˬ 20:16

Yeˬsuˇ aˬ yawꞈ-ahˇ “Maˬliˇ-oˇ” lehˇ kuˇ nehˬ ngeh, aˬ yawꞈ ciˬ pyawˇ-awˇ, “Laˬboˇniˇ-oˇ” lehˇ oˬ toˬ kʼoꞈ nehˬ-euˬ meh. “Laˬboˇniˇ” lehˇ ehˇ-eu-aˬ, Heˬbyehˇ dawˬ pyeuꞈ-awˇ, “saˬlaˬ” lehˇ ehˇ mawꞈ-euˬ meh.

Gʼaˬkʼehˇ 23:19

Yaw huiˬ yaw mahˇ kʼoeˇ gʼaˬ aˬ li kʼoeˇ li-euˬ aˬ laꞈ-ahˇ tsahˇ-awˇ, baˇ zaꞈ-ahˇ iˇ-awˇ ehˇ-eu, “Nawˇ ngaˬ-ahˇ aˬ jeˬ dzawˇ nehˬ mawꞈ-eu jaˆ te.”

Piˇliˇpiˆ 4:6

Tiˬ jeˬ-ahˇ-iˬ kʼahˬ taˬ lahˇ. Ehˇ kʼawꞈ, naw maꞈ guiˬ lahˬ kʼaˇ shaˇ ngeh, naw maꞈ loˬ-eu jeˬ Miˬyehˇ-ahˇ shaˇ-awˬ. Aˬ myah luꞈ aˬ yawꞈ-ahˇ guiˬ lahˬ huiˬ-eu nui ma ahˇ-eu laꞈ kʼoeˇ shaˇ-awˬ.