Maˬkuˆ 10:48 - Akha

⁴⁸ Aˬ cawˬ gʼawˬ mya ni aˬ yawꞈ-ahˇ dehˬ-awˇ, ciˬ cuˇ ni jawˇ-awˬ lehˇ ehˇ nehˬ-euˬ meh. Ehˇ kʼawꞈ, aˬ yawꞈ maˬ naˇ haˬ ni, yaw beh naˆ maˬ tseˇ paˇ guˇ kʼaˆ laˇ-awˇ ehˇ-eu, “Daˬbiˇ-euˬ Zaˬmaˇ-oˇ, ngaˬ-ahˇ gʼawˬ shaˬ gaˬ nehˬ laꞈ-awˬ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁸ Khoerngae, tsawrhaq ghawqmya ghaq, aqyawf-anr ciqcurni jawr-awq laer daeq-euq mae. Aerkhawf, aqyawf-anr ngaeq-aer aernaeq nar-aq ngaeq-aer gurkhav dzaeqlar-eu, “Daqbir-euq Zaqyo-or! Ngaq-anr ghawqshaq gaqnaeq laf-awq!”

Maˬkuˆ 10:48 ပူးပေါင်းရင်းမြစ်များ

Jaceuq 62:12

Aˬ yawꞈ-euˬ gʼoeˇ-eu gaˬ-eu jeˬ maˬ tsehˆ leˇ lehˇ ehˇ gaˇ, ngaˇ ya gaˬ haw-euˬ ma. Sahˬpaˬ Miˬyehˇ-oˇ, tsawˇ haˬ yawˬ gʼaˬ na luꞈ yawˬ ha neh kʼaˇ mˇ kʼaˇ shaˇ taˬ-euˬ loꞈ-ehˇ, nawˇ laꞈ sawˬ biꞈ nehˬ-awˬ.

Yeˬlaˬmiˇ 29:13

Naw maꞈ ngaˬ-ahˇ poˆ-awˇ, poˆ mawˇ tehꞈ-a. Aˬ jeˬ miˇ neh ehˇ naˇ, naw maꞈ-euˬ nui ma gʼawˇ mawˇ dawˬ tawˆ luꞈ ngaˬ-ahˇ poˆ tehꞈ-a.

Maꞈtehˬ 19:13

Kʼoeˇ naˇ, Yeˬsuˇ neh aˬ laꞈ baꞈ daˆ-awˇ guiˬ lahˬ bi biꞈ-eu gʼaˇ duˬ, zaˬ yaw nyiˇ tiˬ deuˬ-ahˇ Yeˬsuˇ jawˇ gaˇ sheuˬ laꞈ-euˬ meh. Zaˬ sheuˬ ha laˇ-euˬ tsawˇ haˬ kʼoeˇ deuˬ-ahˇ zaˬ lahˇ deuˬ neh dehˬ-euˬ meh.

Maꞈtehˬ 20:31

Tsawˇ haˬ aˇ maꞈ maꞈ ma kʼoeˇ deuˬ aˬ yawꞈ nyaꞈ-ahˇ dehˬ-awˇ, ciˬ cuˇ ni jawˇ-awˬ lehˇ ehˇ nehˬ-euˬ meh. Ehˇ kʼawꞈ, aˬ yawꞈ nyaꞈ maˬ naˇ haˬ-ehˇ, “Daˬbiˇ-euˬ Zaˬmaˇ-oˇ, nga nyaꞈ-ahˇ gʼawˬ shaˬ gaˬ nehˬ laꞈ-awˬ” lehˇ, yaw beh poˆ naˇ maˬ tseˇ guˇ kʼaˆ laˇ-euˬ meh.

Maꞈtehˬ 9:27

Jawˇ duˬ kʼoeˇ tsahˇ-ahˇ neh Yeˬsuˇ luˆ-iˇ-awˇ, mehˬ hu paw iˇ luꞈ ngeh, myaˆ behꞈ nyiˬ gʼaˬ aˬ yawꞈ-euˬ mehˬ nah caw teh gʼeh-awˇ, “Daˬbiˇ-euˬ Zaˬmaˇ-oˇ, nga nyaꞈ-ahˇ gʼawˬ shaˬ gaˬ nehˬ laꞈ-awˬ” lehˇ guˇ-eu meh.

Maˬkuˆ 10:13

Tsawˇ haˬ tiˬ paˆ na deuˬ, Yeˬsuˇ neh aˬ laꞈ bi baꞈ daˆ-eu gʼaˇ duˬ zaˬ yaw nyiˇ deuˬ sheuˬ-awˇ Yeˬsuˇ jawˇ gaˇ laˇ-euˬ meh. Ehˇ kʼawꞈ, zaˬ sheuˬ ha laˇ-euˬ tsawˇ haˬ kʼoeˇ deuˬ-ahˇ zaˬ lahˇ deuˬ neh dehˬ-euˬ meh.

Maˬkuˆ 5:35

Yeˬsuˇ kʼoeˇ loꞈ-ehˇ ehˇ luꞈ ngeh, Yaˬiˇluˆ-euˬ nymˇ-ahˇ neh tsawˇ haˬ tiˬ deuˬ laˇ-awˇ, “Nawˬ buˇ shiˇ tsehˆ gʼaˬ-euˬ meh. Saˬ laˬ-ahˇ taˬ paˇ laˆ bahˬ hawˇ-awˬ” lehˇ, Yaˬiˇluˆ-ahˇ ehˇ gaˬ laˇ-euˬ meh.

Luˇkaꞈ 18:39

Mehˬ hu paw cah luꞈ-eu deuˬ aˬ yawꞈ-ahˇ, “Ciˬ cuˇ ni jawˇ-awˬ” lehˇ dehˬ kʼawꞈ, aˬ yawꞈ maˬ naˇ haˬ ni, “Daˬbiˇ-euˬ Zaˬmaˇ-oˇ, ngaˬ-ahˇ gʼawˬ shaˬ gaˬ nehˬ laꞈ-awˬ” lehˇ, yaw beh poˆ naˆ maˬ tseˇ paˇ guˇ kʼaˆ laˇ-euˬ meh.

Eˇpeˇsu 6:18

Miˬyehˇ caw ba laꞈ ni guiˬ lahˬ shaˇ-awˇ, kʼoeˇ deuˬ dawˬ tawˆ luꞈ-ahˇ mˇ gʼeh-awˬ. Yaw sahˇ Miˬyehˇ sheuˬ gʼeh-eu laꞈ kʼoeˇ aˬ myah luꞈ guiˬ lahˬ shaˇ-awˬ. Maˬ ya smˬ-iˇ ni aˬ myah luꞈ yaw beuˇ beuˇ-ehˇ jawˇ-awˬ. Miˬyehˇ-euˬ tsawˇ haˬ dawˬ tawˆ luꞈ gʼaˇ duˬ aˬ myah luꞈ guiˬ lahˬ shaˇ-awˬ.

HeˬByehˇ 5:7

Yeˬsuˇ miˇ tsaˬ kʼoeˇ taˆ dehꞈ ngeh, shiˇ-eu jeˬ laꞈ kʼoeˇ aˬ yawꞈ-ahˇ bi buˬ-iˇ nya-eu Miˬyehˇ-ahˇ, teˇ saˇ yaw kʼaˆ-ehˇ guˇ guˇ-ehˇ myaˆ biˇ doˆ-eu laꞈ kʼoeˇ guiˬ lahˬ shaˇ dui dui-euˬ meh. Aˬ yawꞈ Miˬyehˇ-ahˇ yaw zeu baw-awˇ Miˬyehˇ-euˬ nui noeˬ geuꞈ-euˬ miˇ neh, aˬ yawꞈ-euˬ shaˇ dawˬ-ahˇ Miˬyehˇ naˇ haˬ nehˬ-euˬ meh.